رواية حنين الاحبه
الفصل الثالث عشر13
بقلم رحمه ايمن
يوسف بمرح وعناقه: احمدد! مصدقتش اقسم بالله لما رحمه قلتلي
عامل اي يا غالي
احمد: اهو كويس الحمد لله، فرحان اني شوفتك والله
يوسف: ايوا بقي علي الفورما الجامده هههه ، ، شوفت رحمه صح
كان نفسي اشوف شكلها لما شافتك قدامها
احمد: هي الي جت تستقبلني اصلا.
يوسف: بتهزر! ، ازاي؟
واه ده ابن عمك الي جيه مصر قبل كده صح
هندسه: حلو انك فكرني والله، اه انا
يوسف: والله يا شباب نورته، اقعدو هجيب شاي وكراسي اقعدو.
~~~~~~~
"عند وصول رحمه للمنزل لم تجد احد غير" علي" امامها ويمسك الهاتف بيده ، فتأفف بضيق وتدخل "
علي: اهلا بعانس العيله، مكنتش تقولي الاول نرش ملح
رحمه: فين بابا انجز
علي: اي ده اي ده! ، دي طريقه كلام بنت مع اخوها الكبير برضه، اه البنات المحترمه قصدي
رحمه: علي مش فضيالك انا، فين بابا
علي: معرفش وادخلي عمليلي اكل عشان جعان
تجز رحمه بديق علي فكيها وتقول له بنفذ صبر
رحمه: وفين مامي يا حبيب مامي متخليها تعملك هي اكل، واعرف انها مش طريقه كلام دي يا استاذ سامع
علي: عمر لسانك ده ما هيتغير ومتنسيش اننا لوحدنا وممكن اقملك واعرفك مين الراجل ومين الست علي حق بدل حطه راسك ب راسنا وعمله نفسك شغاله وبتصرفي علي البيت مع بابا
"بتريقه" معكيش ١٠٠ جنيه يا ماما رحمه عشان خاطري سلفهملي انا غلبان، هه قال وظيفه وشغل قال.
رحمه: طيب اسمع يا راجل، لاء ول بلاش الكلمه دي اكبر منك
علي: رحممه!
رحمه: اخرس يلا! ، بدل ما انت عامل فيها عسل كده ما تقوم تشتغل
انت بدل الست الي بتولد كده قاعد في البيت واعرف انه لو في زوق وادب في الكلام كنت عملتلك اكل بعنيه لكن الناس قليله الزوق والاصل ميفعش معاها غير البجاحه لانك بجح.
انا ماشيه وقول لبابا لو شفته اني جيت.
طلعت وهو كان بطق شرار وكان قايم يتهجم عليا فعلا، فجريت يمكن خوف، او يمكن عشان مسببش مشكله في يوم زي ده.
لكن حرفيا بكره نوعه، بكره الريف .
نوع بيفكر اننا اتولدنا عشان نكون خادمين تحت رجليهم مش اكتر، اننا مينفعش نحلم ومينفعش نشتغل ومينفعش كمان اننا نقول لاء.
عرفه انه التمرد مش حلو، وانه واجب علينا اننا نعمل كده لاننا في الاول والاخر ستات او بنات او آمراه تحب تلقي كل حاجه جميله
تحب الاكل والطبخ ورصه الصواني وضحك في البلكونه مع كوبايه شاي ، احنا بنحب السلام والاهتمام بطبعنا، و ربنا مزود ده عندنا ودي من اجمل الحاجات الي زودها.
لكن في فرق بين انك تعملهم بحريتك
وبين انك تعملهم عشان انت مرغم عليهم عشان انت في مجتمع زكوري متعفن مش اكتر.
هو معقول اخ يكره اخته لدرجه دي بجد! .
ترن ترن ترن
مروان: مزه قلبي
رحمه ببتسامه: عامل اي يا مارو وحشني
مروان: راجع اهو من الكليه في القطر
رحمه: خريج الا سنه يمعلم بقي
مروان: ههه فينك
رحمه: في البيت هستناك علي الرصيف ونروح نجيب ايس كريم من طنط عبير، وحشني اللفه بتاعتنا هنا في البلد ، تعالي يلا
مروان: اشطا متبقاش كتير
رحمه: بابا فين
مروان: في الشغل، ابوكي بريح روحه قلنا يا حج خلاص تقاعدت بقي اقعد انت لكن ازاي لازم اروح اشرف واعمل وامر وتعبنا كلنا.
رحمه: ههه الحج ديما مبيعملش غير الي في دماغه
وماما ومريم
مروان: راحه لطنط سوزي جرتنا عشان ينمه عليكي ويجوزوكي عريس من هنا عشان تقعدي جنب امي بقي وتطلع عليكي الي عملتي فيها ال١٠ سنين الي فاته دول
رحمه: مش عارف لي شمه ريحه استهذاء كده وفرحه مريبه وهتاخد علقه محترمه مني لما ترجع.
مروان: صراحه هههه الموضوع يموت من الضحك
رحمه: طب تعالي يا خويا لينا حساب سوي
مروان: تمام يا حومه يلا باي.
المريب في الموضوع انها اسمها سوزي فعلا.
~~~~~~~~~~~
في المطار.
زهره: روحي الي وحشني
احمد بعناقها: سلطاتنتي
صفوت: الباشا
ينظر احمد له ببتسامه و ينحني له كالعاده ويضربه علي كتفه برفق
ثم يعانقه بخفه.
ايمان: احماااا
احمد: قمري الي نور مصر، ههه تعالي في حضني
ايمان: اخبار مصر برو، وها اخبار القمر الي عندي فضول اشوفها
احمد: اشش هتشوفها، استني اقول لبابا الاول
زهره: يلا نمشي لاني بجد مرهقه وهموت وانام، احمد ساعدنا في الشنط
احمد: حاضر
بعد النزول...
احمد: احم بابا محتاجك في كلمتين علي جنب
صفوت: تمام تعالي نتكلم في الشركه وناكل هناك عشان جعان جدا
احمد: تمام هجي وراك
"يركب صفوت السياره ويبدا احمد بلاحق به فتوقفه ايمان وتمسك بكتفه وتقول بفضول"
ايمان: احمد فين محمود؟
احمد: كان بدور علي شغل وراه interview مهم دلوقتي فمعرفش يجي معايا، دقيقه هديكي الرقم المصري وكلمي
ايمان: ممعيش خط مصري
احمد: خدي يا ستي كنت جايب خطين عشان رحمه، عدي الجمايل
ايمان: ههه بنكسب كتير من وراها اهو، عايزه اشوفها بسرعه يا احمد بجد استعجل جامد بالله
احمد: ههه حاضر خلاص، يلا العشاء هيبرد ولازم الحق بابا قبل ما يغطس في الشغل ومش هعرف اجيبه
ايمان: okay باي، احمد جبلي شوكلاته معاك
احمد: حااااضر.
~~~~~~~~
رحمه بدخول المنزل: كان يوم جميل بجد ههه
مروان: لو تشوفي طنط عبير وهي بتنكش فيكي موتتني
رحمه: اسكت وانت بتخلع من بنتها وعمال تجري، يلهوي عضحك
مروان: بتتريقي علي اخوكي، شكرا يا غاليه
رحمه: ههه مقدرش يسطى والله انت حبيبي
وانا ومروان بنهزر كالعاده، لازم يحصل حاجه تقفلنا عشان ازاي ننسبط واحنا داخلين البيت، وبقي البيت هو المكان الوحيد الي الواحد ميضحكش ول يحس بالامان فيه، برافو بجد.
منال: اهلا يا ست رحمه، دخله بخناقك لي علي اخوكي، انتي مش عرفه انه اخوكي الكبير ول اي
رحمه: وانتي شايفه انه يقل ادبه ده عادي
منال: يعمل الي هو عايزه ويكسر دماغك كمان لو عايز بدل بتردي عليه بطريقه دي، بقي الكبير يتزعقله الايام دي والله حلوه
رحمه: كبير اه، حوالي بسنه كده اكبر مني ب سنه بحالها ياااه
منال: انتي بتتريقي يا بنت! ما هو ده الي انتي بتعرفي فيه هو وتطفيش العرسان ومصغره رقبتي قدام الناس عشان مفيش حد بنته وصلت ٢٥ سنه ولسه في خلقه اهلها
رحمه بعصبيه: انا حره! انا مش عايزه اجوز الناس ملها، وانتي بتمشي ورا كلام الناس لي، هل جيتي سالتيني لي، سمعتيني وفهمتي بعمل كده لي وقفتي جنبي ودفعتي عني قدمهم؟
قولي دفعتي عني؟
منال:....
مروان: احم يجماعه مش كده، في اي، رحمه ادخلي اوضتك وانا هناديلك مريم تقعد معاكي
رحمه: ماشي بدل النكد والقرف الي الواحد بشوفه ده.
دخلت وسبتهم وانا حرفيا بغلي من جوايا
بلعت ريقي بديق وانا باخد نفس، بقالي كتير مدمعتش
بقالي كتير مديقتش كده
بعدها جالي رساله وكانه حاسس بيه، كانه معايا وجنبي رغم انه ميعرفش كل الي انا بمر بيه ده
text message
"وحشتيني، اهلي وصلو، خلاص فاضل تكه ومخليش حد يقدر ياخدك مني ابدا، حوم استنيني بكره، هاجي وعد هاجي وكل حاجه هتكون كويسه"
ابتسمت وانا بقول هانت يا حوم، هيجي وكل حاجه هتتغير وتخلصي من كل الزن ده، هانت.
مريم: جميلي زعلان لي
رحمه: والله يا مريم تعبت
مريم: حسي بيكي، انتي عرفه انا اهو ٢٠ سنه واصغر منك وشايفه نفسي اكبر منك بكتير من الجواز والهم الي اخوكي عمله فيا
رحمه انا حرفيا بدعمك ول انه اهلي لتنين كانو منعني اكمل دراسه كنت كملت وكنت عملت زيك وزياده وفرحانه انه عمو عمل كده واثبت ليهم كلهم انك احسن واحده فيهم
رحمه متزعليش مصيرها بكره تندم علي كل الي بتعمله فيكي ده
رحمه بعناقها: بحبك يا مريوم بجد، متقلقيش انا تعودت اصلا
مريم: احكيلي عن اميرك الساحر بقي
رحمه: اه صقر، ههه لاء في امير تاني رجع، مم
مريم: امير تاني؟ ، رحمه احمد الي حكتيلي عنه! والله بجد هههه حبيبتي مبروك فرحتلك من كل قلبي
رحمه: يا روحي يديمك ليا، واخيرا يا مريم واخيرا رجع وهيجي يكلم بابا بكره عشان كده عايزه اقلو وهموت من التوتر
مروان بالتخبيط وفتح الباب: حوم بابا عايز يسلم عليكي
رحمه: اشطا يا مارو جايه
مريم: وانا هقوم اعمل كوبايه شاي عشان تقوليلوا برواق
رحمه: اشطاا ، هقوم البس الجاكت واخرج يلا
كلمه اخيره، اخويا الحسنه الوحيده الي عملها في حياته انه اتجوز مريم ودخلها في حياتنا، النسمه والطيابه كلها فيها
مشفتش حقد ول هي شافت عمته الحربايه وربنا يديم قبولنا لبعض يا رب حقيقي .
~~~~~~~~~~~~~~~
صفوت: امم قول الي عندك
احمد: رحمه
صفوت: ايوا عرفها قرفتنا بقالك ٥ سنين، رحمه رحمه وهجوزها هجوزها حتي امك عملتلك صوره لهوسك بيها، مالها رحمه
ملقتهاش ها
احمد: اهدا يا حج الله!
صفوت: اهدا اي بس صرعت ادمغنا بيها يبني، عايزني ادورلك عليها، حاضر يا سيدي هدور
احمد: بابا لقيتها، لاء ملقتهاش هي الي جت استقبلتني في المطار كمان و لسه مرتبطتش ومستنياني
صفوت:.......
احمد: سكت لي
صفوت باكل: مستغرب شويه، هو في حب ممكن يستمر بشكل ده وتسافر ٥ سنين وترجع تلقيها، صراحه الموضوع غريب
احمد: موصفلكش سعاتي بجد، انا مبسوط اوي
صفوت ببتسامه: خلاص بدال صحبي مبسوط يبقي نقول مبروك
احمد: ده الموضوع الي عايزك فيه بقي
صفوت: امم قول
احمد: هنروح لباباها بكره، عائلتها بسيطه وهي قاعده في شقه مستقله بعيده عنهم في القاهره عشان شغلها، فيعني بقلك عشان تعمل حسابك
صفوت: احمد انا
ميهمنيش الماديات، اهم حاجه بس تكون البنت حلوه وقد الثقه وكأني كسبت اخت جديده لايمان مش أكتر من كده.
احمد: مش هتعمل فيلم هندي يعني وكده
صفوت: لاء مشغول انا لكلام الفاضي ده، ول اي رئيك اعمل حمي شرير وكده
احمد بضحك: لاء بالله كفايه علينا خمس سنين عذاب والله
ارحمونا
صفوت: ههه خلاص يا سيدي ابعتلي العنوان بكره ونروح نشوفها
احمد: تعرف اني بحبك
صفوت: عارف، عشان انا اب مفيش منه اتنين
احمد: ههه ماشي يسيدي حقك تتغر هتروح امتي
صفوت: دلوقتي، مش قادر افتح عيني
احمد: تمام يلا بينا
~~~~~~~~~
رحمه بعناقه: بابااا! وحشتني
ياسين: بنتي الغاليه، بقي كده اكتر من ٤ شهور متشوفيش ابوكي
رحمه: والله غصب عني شغل وانت عارف انك متهنش عليا، ليا مين بس غيرك انا "بتقبيل يده" ربنا يخليك ليا
ياسين: بارك الله فيكي يا بنتي، ربنا يحفظك يا رب، خير كنتي عايزني في موضوع اي
رحمه: امم عريس ههه
ياسين: يا ما شاء الله، ورحمه كمان الي بتقول! غريبه دي وانا الي فتكرتك هتخللي جنبي
رحمه: اي ده يا حج الله!
ياسين: ههه ومين بقي صحبك الي بيجي ديما معاكي ده
رحمه: لاء مش صقر واحد تاني، كان معايا في الكليه لكن
هو تخصص طب وكان مسافر ورجع وشافني صدفه وقلي حددي
معاد مع ابوكي وكده وانا وفقت
ياسين بفهم: شافك صدفه برضه يا بكاشه
رحمه ببتسامه: احم قصدك اي يا حج
ياسين بمسك ازنها: فكراني عيل صغير يا بنت، و مش عارف انك مستنيه
حد اخر مزهقت منك ومن تطفيشك للعرسان
اعترفي!
رحمه: ههه خلاص يا حج معاك حج بالله ودني
ياسين: هيجي امتي؟
رحمه: بكره
ياسين: رغم انه حسابي معاكي بعدين لكن بدال ضحيتي من عمرك
بسنين دي كلها نشوفه وماله، لعله خير يا رب
رحمه بعناقه: بحبك اوي يا بابا والله
ياسين: بس اوعي تقولي لامك كده عشان متعملش مشكله
واحنا مش ناقصين خناقها ونكدها وانا هقلها انه تبعي انا اتفقنا
رحمه: تمام اتفقنا ههه.
روحت نمت وانا فرحانه بجد، بكره هيجي، بكره هشوفه في بيتنا
وهقدر اعترف بوجوده قدام كل الناس
احساس غريب لكن جميل بجد.
احمد: قلتله ووافق
رحمه: قلتله ومستنيك
احمد: ههه بحبك
رحمه:....
احمد،: حوم ردي مره بالله!
رحمه: وانا كمان اوي ههه
اليوم التالي.