Ads by Google X

القائمة الرئيسية

الصفحات

رواية حب مستحيل الفصل السادس والعشرون26بقلم سارة اللومي

              


رواية حب مستحيل

 الفصل السادس والعشرون26

بقلم سارة اللومي 






قفلت السماعه معاها وانا بالي مشغول بكلامها : معقوله المجن'ون دا فعلا عملها وفض الجوازه ؟!  أقول ايه لـ امي طيب ؟ وبعدين الخبر  كده كده هينتشر  وهـيوصل لعندنا ! لو ابويا حس بحاجه هـيبقى آخر يوم في عمري ..وأخيرا قررت أقول لـ امي 
-- على فكرة انا النهارده كلمت سلوى وسألتها عن اخبارهم وهيا تسلم عليكي 
أمي بشك : هاه ! وبعدين ؟ 
- وقالتلي انه محمد اخوها فعلا طلق مراته والوضع متلخبط عـالاخر وعم حسن وطنط مخاصمينه 
ردت امي بعصبيه : ان شاء الله بس ما يفكرش يجي يتقدملك !
كلامها كان قاسي جدا جاوبتها بانكسار وقهر
- مش عارفه بس هو أكيد هيتقدملي وساعتها يبقى كلمة ابويا هيا اللي تمشي مش هـقدر اعارضه يعني 💔😣
- لا مش بس كلمة ابوكي ، حتى لو ابوكي وافق عليه انا مستحيل اوافق على واحد زي دا ...
ما كملتش مناقشه معاها لاني عارفه انه كلمه زياده مني وهاخذلي كمان قلمين سيبتها وطلعت على اوضتي وبقيت نادرا ما بطلع منها وبعد ثلاثة ايام لقيت سلوى بتتصل !
- الو ايوه يا بسمه انا حياه أبقي اقطعي واتصلي انتي سلوى ما عندهاش رصيد
- الووووو معاكي يا بسمه اخباركم ايه يا حبيبتي بالي مشغول عليكي  طمنيني هو محمد عملك حاجه ليلتها ؟؟ 
- ليه بتقولي كده يا حياه ؟ 
- أصلْ أمي قالتلي انك صحيتي وشك أصفر وتعبانه وعينيكي مورَمِين وانا عارفه انك كنتي نايمه لوحدك ؟ اوعي يكون جه عندك ولا حصل حاجه ؟! 
- لا ما حصلش حاجه وما عمليش حاجه ، انا اللي عملته كل حاجه 😭 انا اللي جننته وانا اللي ضيعتله مستقبله وطربقت الدنيا فوق دماغه وبسببي ابوكي وامك مخاصمينه كمان ، انا السبب يا حياه اناااا السبب 😭😭 
حياه : بس يا حبيبتي بلاش عياط انتي ملكيش ذنب هو اللي عينه زايغه واي واحده يشوفها يقول هيا دي ، وبعدين انتي كنتي هـتعرفي منين إنه كل دا هيحصل ؟ اهو قدر ربنا بقى ومحدش بيهرب من المكتوب ، انتي عملتي اللي عليكي بس هو اخويا المجنون والكل عارف دا .
- طيب مفيش جديد ؟ ؟
- جديد ايه بس يا بسمه الاوضاع لا تُسر عدو ولا حبيب 😣💔  حالته بقت تصعب عـالكـ'افر ، مش بيكلم حد ونادراً ما بيجي البيت ، مقضيها سجاير وبس ...وربنا يستر بقي
- طيب أبقي طمنيني عليكم  يا حبيبتي 😭 .
- أكيد يا بسومه ويلا سلام ،
انا : عاجبك كده يا بسمه ؟ اديكي خربتي'ها و قعدتي على تلها  وانتي كنتي عارفه ومتاكده أنه في حياته ما هـيكون ليكي ولا انتي هـتبقي ليه استريحتي دلوقتي يا هبله ؟! هيجراله ايه بعد دا كله يعني ؟ أكيد مسيره يجي لـ ابويا وساعتها هـتنكشف الحكايه كلها ويق'تلنا انا وهو كمان !! ياااارب ارحمني يااارب تاخدني و تريحني يارب قبل ما يحصل كل دا  ؟ فضلت مقضيه ايام الإجازة كلها في العياط على حظي الهباب ولا بـاكل ولا بـاقعد مع حد ، ساعات نايمه وساعات باكتب خواطري ومذكرات تهون عليا ألم الفرا'ق والشوق لـحبيبي اللي يا عالم هـشوفه تاني ولا خلاص إتكتبلي اتحرم منه للابد .. أمي بقيت قلقانه على وضعي خصوصا إن الأجازه قربت تخلص وانا داخله على تعيين ووظيفه ويا عالم فين كمان .  
مره وانا قاعده بـاكتب شعر تليفوني رن لقيته رقم غريب !
الوو !؟؟
- بسمه حبيبة قلبي انا محمد يا بسمه .
رديت بلهفه وبارتباك : محمددد !! انت لقيت الرقم دا فين ؟ 
محمد : سمعت البنات يحكو عنك وعرفت انك بتكلميهم في التليفون غافلت سلوى واخدته  سيبينا من الرقم دلوقتي وخلينا في المهم : وحشتييييي'ييني بجن'ون ونفسي اشوفك 
 انا بدهشة :  تشوفني ؟؟! تشوفني فين بعد اللي حصل انا بيتكم مستحيل اعتبه تاني ده كفاية  كل الفضا'يح اللي حصلت بسببي !! 
محمد بحب : مين قالك بس تيجي بيتنا ؟ هنتقابل هنا يا حياتي 🥰 .
رديت وانا بارت'عش : هنا ؟؟! هنا فين يا محمد  مش فاهمه !؟ 
رد بضحكه خفيفه : مش الشباك اللي طالعه جنبه شجره ياسمين ده شباك اوضتك ؟ بُصي منه وانتي تعرفي 😁
انا من الخضه رميت الفون عـالارض وجريت جري عـالشباك ! 😱😲 
لقيت المجن'ون قاعد تحت الشجره  الي قصاد بيتنا وبيرميلي بو'سه في الهوا ! 
رجعت للتلفون مسكته وانا ايديا بتخبط في بعضها : انت بتعمل ايه عندك يا عبي'ط هو انت اتجن'نت ؟ 
ضحك بأعلى صوته : مش اتجن'نت وبس دا انا عديت مرحلة الجنان بمراحل ، بس والله ما انا قادر اصبر على بعدك دقيقه واحده بعد كده ارجوكي لازم نتقابل ضروري يا عمري عندي كلام كتير عاوز أقولهولك وما ينفعش يتقال فـالتليفون  .
انا كنت خايفه مو'ت لـ امي تسمعني او حد يشوفه قدام بيتنا : مش طالعه وامشي احسنلك بلاش فضاي'ح !
- طب ايه رأيك  اني لو اعرف نفسي اقعد  هنا جنب بيتكم  ثلاثة ايام  بلياليها ما هأروح  ولا أتزحزح من هنا غير لما اشوفك واكلمك و والله العظيم لاعملها وابقي وريني هتخليني امشي ازاي !
يا دي الكارث'ة؟  اعمل ايه في المص'يبه دي الراجل اتجن'ن رسمي وما دام حلف يبقى مش هيبعد من هنا ابدا 😱  طيب هـطلع ازاي دلوقتي وهَـ اقول لـ امي ايه  بس؟!
حاولت اتحجج باي حجه ، خصوصا اني بقالي مده يجي اكتر من 20 يوم ما طلعتش من اوضتي : يـ امي انا عايزه اطلع اتمشى شويه وبالمره اشتري شوية شمبوهات وبرفان وكده لان اللي معاي خلصو 
سابتني اطلع بس بشرط اني ما اتأخرش ، اتصلت بيه قولتله يستناني في كافتيريا بعيده شويه عننا واديته الاسم والعنوان واتفقنا نتقابل هناك بعد ساعه ..

  


تعليقات