CMP: AIE: رواية حنين الاحبه الفصل التاسع9بقلم رحمه ايمن
أخر الاخبار

رواية حنين الاحبه الفصل التاسع9بقلم رحمه ايمن

رواية حنين الاحبه 
الفصل التاسع9
بقلم رحمه ايمن


رحمه: اخاف؟ من اي
احمد بسرحان بها:  تخافي اني انسي كل الوعود الي بينا واحضنك وميهمنيش رائيك حتي،  تخافي اخدك وامشي من هنا واهرب بيكي لاي مكان وتراجع عن القرار ده ،  تخافي مني لاني خايف من نفسي دلوقتي بجد. 
رحمه:... 

وبعد مرحله سكوت وصمت،  نزل عينه ورفعها ليا تاني وقال بصوت رقيق يشبه. 

احمد:  مبترديش لي 






رحمه:  لو رديت هعيط،  يرضيك؟ 
احمد:  لاء ميرضنيش 
رحمه:  بس انا يرضيني،  تعرف لي،  عشان مفيش اغلي منك الواحد يعيط عليه 

وقتها ضحك بخفه ورفع عينه فيه تاني ، قلبي وجعني،  كل كلمه بقلها بترجعني لنقطه الصفر، هو لي حسي انك هتوحشني اوي كده. 

احمد:  تعالي اقعدي عايز اقلك حاجه مهمه 
رحمه:  اقعد قصادك وكده 
احمد:  والله لو جنبي معنيش مشاكل 
رحمه:  هاها خفه اوي 

قعدت قصاده وكان اول مره اشوفه عن قرب اوي كده 
عينه بحر،  بحر غريق اوي 
كرحمه بحب العيون الملونه لكن الازرق بحسه يليق علي ناس وناس لاء او بمعني اصح بحس انه دمهم تقيل اوي. 
لكن هو مش لايق عليه بس ،  هو اصلا عنين طالع منها احمد تقريبا 
يخربيت حلاوتك يجدع،  احم نتلم بقي ول اي. 

احمد:  اتفضلي 
رحمه:  اي دي 
احمد:  فيكي تقولي ذكره مني 
رحمه:  مستحيييل.  ،  انسي 
احمد بضحك:  اسمعي بس هقلك 
رحمه:  ول اسمع ول اي حاجه،  انا قايمه امشي اصلا،  انا غلطانه اني جيت و..... 
احمد:  ششش،  اهدي والا اقسم بالله هحضنك دلوقتي وميهمنيش هتعملي اي 
رحمه:  انت بتحلف عليا و...  انت قلت اي؟  
احمد:  ههه ممكن تسمعيني طيب،  لو سمحتي 
رحمه :  خير 
احمد:  افتحيها،  افتحيها بس،  ممكن. 

صراحه بإلحاحه ده فتحتها،  جايز مقدرتش اكسف عيونه الحلوين دول،  احم لاء والله خايفه يتهبل ويعمل حاجه بجد وساعتها مش هيسافر عايش اصلا. 

رحمه:  ساعه!  اووه ساعه شبه بتاعتك؟؟ 
احمد:  تؤتؤ،  دي مش اي ساعه،  دي لغز كبير اوي 
رحمه:  ازاي 
احمد:  البسيها كده 
رحمه:  لاء مش هخدها اصلا 
احمد:  بقلك البسيها،  اسمعي الكلام. 

لبستها،  لقيتها بتتلف لوحدها علي ايدي، وظهر منها زرار 
حقيقي اتخضيت،  قعد يضحك شويه برخامه،  وبعدها قال بخفوت. 

احمد:  دي يا ستي ساعتك انتي بس،  يعني مفيش حد يقدر يلبسها بعدك لانها اتحددت بشكل ايدك بس،  امكانيات،  تكنولوجيا،  ومميزات مقدرش اوصفهالك واهم حاجه موقعك 







الي لازم اجي من السفر القيكي لبسه الساعه دي عشان القيكي. 
فهمتي حاجه 
رحمه:  اي الكلام الكبير الي انت بتقولو ده يسطا 
دي مش ساعه مغنطيس من ب 25 جنيه من عمه علاء بتاع المكتبه صح، خلاص متكبرش الموضوع يعني. 
احمد:  هتشل!  لاء بجد قفلتيني 

صراحه فطست ضحك علي شكله،  مسك راسه وكان شويه وهيلطشني بالقلم،  بس كبر الموضوع يعني دي ساعه الله!. 

احمد:  المهم انا عذرك،  مفيش مشكله بكره تعرفي قيمتها وقصدي اي بيها، دلوقتي لازم تخليها معاكي،  بتتفك من الزرار وكل مره بتلبسيها بيتغير لونها وكل سنه يوم ١-٤ بتنور لكن لازم تلقي الثنائي بتاعها عشان تعمل عرض ال. fire فلما ارجع هنبقي نعمله وهتفرحي جدا بجد. 

كان بكلم وانا في دنيا تانيه،  اي يا عم في اي ساعه علاء الدين دي ول اي،  بعدها فتحتها لقيت محتاجه بصمه وعملت صبعي ففتحت دخلت لقيت تلفوني جواها،  بسم الله الرحمن الرحيم!  انتي ملبوسه. 

رحمه:  احمد اي ده،  دي نسخه مصغره من تلفوني!  لاء يا عم "تقوم بخلعها"  خد ساعتك وطير من هنا،  انا بخاف 
انت مصاص دماء صح؟ 
احمد بضحك:  هههه روحي منك لله! 
رحمه:  انت بتضحك! 
احمد بتنهيد:  هتوحشيني والله 
رحمه:  المهم،  هترجع امتي 
احمد:  هرجع بعد ٥ سنين بظبط،  في شهر ٥ 
حوالي ١_٥.
رحمه:  لي ١ يعني! 
احمد بغمزه:  سر 
رحمه:  لاء بجد لي؟  وما شاء الله عارف هترجع امتي كمان،  جايز تموت بكره الصبح ده انت غريب والله 
احمد:  بتفولي عليا 
رحمه:  يا عم اتنيل. 

حسيت وانا بكلم معاه انه عشرت سنين، وغير الموضوع عشان برضه معرفش لي حدد اول شهر خمسه وانا مشيت معاه في الخط ومضغطش عليه عشان يقلي. 
كان غريب،  ولاه انت جسوس ول اي؟! 

احمد:  ممكن طلب
رحمه:  لاء 
احمد:  هو انا اتكلمت! 
رحمه:  عرفه هتطلب اي 
احمد:  اطمن عليكي كل شهر،  كل شهر والله ومش هتعدي حدودي ابدا 
رحمه:  لاء 
احمد:  كل سنه طيب 
رحمه:  لاااااء تمام،  اسكت بقي 
احمد بتهيد:  يخربيت دماغك النشفه دي،  بس يا ستي موافق لكن بشرط
رحمه:  امم 
احمد:  ارجع القيكي بعربيه حمره،  بتشتغلي،  قويه،  نجحه 
مش ده حلمك،  انا عايز اشوفك محققه حلمك 

ابتسمت عشان عارف الحاجات البسيطه دي عني. 
وبعدها قلت بنفس الطريقه 

رحمه:  وانا عايزك تخلص الطب بتقدير كويس  لانك ما شاء الله بتشوف الكليه صدفه وبتنجح الله اكبر 
احمد:  ههه 
رحمه:  عايزك تشتغل وتاخد خبره وتنجح وتثقف ويكون دماغك كبيره عشان تستحمل العقليه الزباله الي بتكلمك دي  ويكون معاك وظيفه محترمه وفلوس خاصه بيك تقدر تقول لبابا بيها انا جي لبنتك وعايزها بشنطه هدومها،  اتفقنا 
احمد:  خلاص يا ستي بوعدك 
لكن اي عقليه زباله دي،  هو في زيك يا قمر 
رحمه:  تثبيت وكده،  لاء خد عندك بقي انا مبثبتش 
احمد:  طب وكده "بغمزه" 
رحمه:  لاء كده اثبت خلاص. 

ضحكنا وبعدها حل الصمت من جديد، طلبت قهوه ودفعت برضه وكان هيقتلني 
لكن هديته باني هاخد الساعه بدلها 
معرفش لي عملت كده،  لكن علي الاقل ذكره افتكره بيها في اي وقت،  عرفه اني بغلط بحاجه زي دي 
لكن ده املي الوحيد لوجود علي الاقل ذكره لي،  السنين هتنسي 





المشاغل وصحاب والضغوطات هتنسي 
وعشان كده قررت اسيب ريحته،  او حاجه منها تفكرني انه في واحد جايز يوفي بوعده ليا ويجي 
شعور صعب اوي انك تشوف الي قدامك مش موجود وهو قدامك دلوقتي وممكن تمسكه من ايده وتقولو لاء. 
لكن بعدها مش هتعرف،  بعدها مفيش غير زكرياته 
زكريات ماديه تقويني علي البعد وزكريات معنويه تخليني احبك العمر كله. 

يا غاوي الترحال،  الا تريد الالغاء. 

احمد:  ساكته لي 
رحمه:  عادي يعني هقول اي 
احمد:  مش واثقه اني هرجع 
رحمه بشرب القهوه:  انا مبثقش في اي ادم خلقه ربنا متحاولش 
احمد ببتسامه:  بكره نشوف حواء هتعمل اي. 

وفي نظرتنا المثيره لجدل بنسبالي وقتها،  دخل علينا هندسه الي معرفش اسمه ده وخضني خضه!  ابو شكلك 

هندسه:  ايوا بقي مقضيها وسيبني برن علي اهلك وبقول الطياره هتفوتنا وحضرتك قاعد هنا 
رحمه:  عفوا اي مقضيها دي يا استاذ متنقي الفاظك
هندسه بقلق:  انا اسف يا استاذه رحمه مش انته بتقولوا كده برضه؟ 

كان عسول اوي الحقيقه،  هندسه ده بقي طويل،  شعره بني غامق وعينه عسلي،  جَدي اوي وهادي في نفسه،  عكس الي يشوفوا الناس لكن هو انطوائي اوي ومبحبش حد غير احمد ابن عمه 
ولي اخت اصغر منه وولدين اكبر منه متجوزين ومسافرين بره. 
وهو  مهندس عشان كده هندسه يعني،  وكيوته حبتين. 
احم احمد قلي كده والله،  عيلته دي غريبه جدا. 

احمد:  خلاص متخدش وتدي معاها في الكلام،  الطياره هتمشي امتي
هندسه: مخدش ودي؟
احمد: هيسال بقي ومواله طويل، هندسه الطياره امتي يا حبيبي  
هندسه:  بعد ربع ساعه وانا مسمحلكش علفكره و... 
احمد:  هندسه هش 
هندسه بحزن مصتنع:  حاضر 
احمد:  ههه،  ه... هتيجي تودعيني.
رحمه ببتسامه عليهم وتحريك راسها :  اكيد،  اومال فين عائلتك؟ 
احمد:  مخلتش حد يجي عشان متتوتريش، جيبي كيسه الساعه معاكي ول هاتي انا هشلها، يلا بينا 

لبس النظاره والجاكت بشياكه وخرج هو وهندسه. 
وانا وقفت وراه،  كنت برقبه من بعيد،  كنت بتمني اجري عليه واقولو انت هتسافر اوي يعني ول ده مقلم الخميس وكده 
يا رب يكون مقلب الخميس!. 

في المطار. 

احمد:  خدي هديتك 
رحمه:  شكرا،  بس اعمل حسابك مش هلبسها غير لما تيجي 
احمد:  خلاص دن 
رحمه:  دن، هقفل الايميل وهغير الخط عشان متحولش توصلي يعني وتتعب نفسك
احمد:  رحممه! 
رحمه:  نعم! 
احمد بضحك:  ابو رزلتك عصبح 
رحمه:  توصل بسلامه 
احمد:  بحبك. 

قال كده واخدت الكيسه وطلعت اجري لبره،  لي الكلمه دي دلوقتي 






الكلمه الي قادره تخليني انهار رغم كل الثبات الي جوايا من اشتياقي ليك،  وقفت علي مسافه بعيده لكن لف ليا وعيونا اتقبلت و ما ادرك ما لقي العيون. 
اول واحد ارفع عيني فيه،  اول واحد يديلي حاجه واخدها من غير مطلب لي الشرطه مثلا وافرج عليه الناس . 
واول واحد يوقعني في حبه كده، واول واحد يجرحني ويخربش علي قلبي الي متفتحش بقالو سنين. 

الطياره اقلعت،  والمحب بفارق والوجوه بتختفي واللحظات مبتتنسيش. 
كانه كان حلم،  حلم كبير وجميل،  يعيشك في سعاده، شغف للحياه،  ، نبض قلب ودفه ابتسامه وجنيه وقت 
انت كنت كل ده. 
ولقيت دمعه بتنزل من عيوني تحولت بركان 
بركان أتهد مع اختفائها من قدامي، بركان هدفع تمنه خمس سنين.
،  وسوالي الاخير ليا 
تقدري تتحمل كل ده بجد يحوم!. 

عند الخروج. 
ايه: كنت عرفه اني هلقيكي بتسحي دموع
رحمه:..... 
ايه:  ده الي انتي مبحبهوش يا ايه سمعه مبحبهوش 
رحمه:  بقلك اي لو جايه تتريقي عليا روحي ، ولو جايه توسيني فتعالي احضنيني لو سمحتي عشان بجد مش قادره. 
ايه بتنهيد:  م هو للاسف جايه اوسيكي،  تعالي يا كلب البحر 
رحمه بدموع:  ايييه،  سبني ومشي يا ايه 
ايه:  عشانك حلوفه وقطاعت ارزاق،  ابعتيله رقمك وتكلمه الخمس سنين دول عبال ما يجي،  لي المسلسل التركي ده 
رحمه بالخروج من حضنها :  اتفو عليكي وعلي الي يقلك حاجه تاني ، هروح المكتبه شويه وبعدين اروح،  سلام. 
ايه:  بهزر يا بت خلاص،  حوم متقفشيش والله بهزر 
هعزمك علي اكله حلوه طيب،  بت. 

في امريكا. 

"كان يجلس احمد وهندسه بجانبه علي مقعد جشبي طويل بجانب الطريق" 
احمد:  كل حاجه انتهت يا هندسه،  مش هشوفها تاني خلاص 
هندسه:  احمد انت حاولت اتكلمها هي رفضت يبقي تستحمل بقي  ولو ليك نصيب فيها يا صحبي ربنا هيخليك ديما في بالها ويكتبها ليك في الاخر صدقني 
احمد:  تفتكر هتقدر،  رحمه بنت وفي مصر يا هندسه وهتكبر في السن واحتمال كبير اوي تتعرض لضغوط وتتخطب او تجوز ساعتها انا اروح فين،  انا مقدرش اعيش من غيرها مقدرش يا هندسه 
هندسه:  احمد انت بتعيط بجد! لاء لاء اهدا بالله "يقوم بجلوس امامه"  بص يا شق هي وعدتك وفي مليون بنت غيرها يعني.
 بكره افكرك انك هتنساها مع اول واحد تشوفها هنا،  هوديك اماكن واعرفك حاجات عمرك ما شوفتها ويا سيدي لو مش متقبل كلامي 
سيبها لزمن وهو يقدملك الي فيه الخير 
احمد:  بكره تشوف اني مش هنساها،  هثبتلك واثبتلها اني قد كلامي معاها 






واذا كان علي الوقت فالوقت كبير عشان اثبت نفسي ونحقق وعودنا لبعض واخليها تعرف اني وفيت بوعدي ،  قوم يلا عشان اتاخرنا وجو تلج. 
هندسه:  ربنا يهديك يسطى والله. 

~~~~~~~~~~ بعد اسبوع 
ايه: ممكن تخرجي من حاله الاكتئاب دي بقي 
رحمه:  وحشني يا ايه،  تعرفي عمري ما كنت اتخيل انه يوحشني كده 
ايه:  اااه يني وبعدين يعني،  ده عدا اسبوع واحد،  عرفه يعني اي اسبوع،  رحمه دول سنين 
رحمه بدموع :  بتفكريني يعني طب والله لعيط بجد بقي هه
ايه:  يحزني عليا انا! 






............... 
رحمه:  چو متاكد دي كل الصور 
يوسف:  اه والله دي كل الصور الي حطها جديد وصور علي ايميله القديم كمان 
رحمه:  تمام،  تعرف تجبلي خط جديد بقي؟ 
يوسف:  انتي واثقه انك عايزه تقفلي كل حاجه 
رحمه:  اه يا چو واثقه،  ولو ليا نصيب فيه ربنا هيكتبه ليا. 
واعتقد كفايه انه عرف اني كويسه منك وعندي صور كتير لي وطمنت عليه،  خلاص كده كفايه. 
يوسف:  تمام يا حوم الي يريحك. 

بعد سنه. 
ايه:  اي مرفوض دي،  بت انتي هتستعبطي ده ثري عربي 
رحمه: اجوزي انتي يختي اهو تبدلي چو يوم وهو يوم عشان متزهقيش وكده
ايه:  وحيات امي هقملك بشبشب،  ده قريبه من الدرجه التانيه وتهوس عليكي،  غير انه هيسفرك بره وغني غنى فاحش غير انه قمر وربنا فكري بس. 
رحمه:  ها هتلبسي انهي فستان اخلصي،  عشان لسه هنشوف القاعه عايزين نحجزها،  عدي يومك 
ايه:  بومه والله. 

بعد سنه اخري. 
رحمه: اي رئيك اجرب 
ايه: معرفش والله، مجال صعب وطويل يا حوم لكن بجد حلو اوي ليكي وانتي موهوبه، غير انه الي جيبلك الوظيفه حتت قمر 
رحمه: ملناش دعوه، انا بقلك دلوقتي علي الشغل يا حيوانه 
ايه: الله بدردش معاكي يعني، علي العموم الشغل تحفه، فكري كده وشوفي وانا معاكي ديما في اي حاجه 
رحمه: احبكي وايد 
ايه: ميرسي 

بعد سنتين.
رحمه: بنوتي يختي بنوتي، حالا راحت الحضانه بقي وصعنا صعنا 
تلا:  بحبك اوي يخالتو رحمه 
رحمه:  يختي عسكر يناس. 
ايه: بنوتك مين معلش! 
رحمه: اي اعترضي كده والله اجبلك ريان من عند جدو وخليكي تشدي في شعرك   





ايه:  لاء وعلي اي بنوتك بنوتك يختي 
رحمه:  ايوا كده اظبط. 

ابريل 2022
رحمه:  ايه،  باقي شهر ويجي 
ايه بغسل الموعين:  مين؟ 
رحمه:  احمد يا بت 
ايه:  ينهارك اسود!  انتي لسه بتفكري فيه 
رحمه:  ول شلته من دماغي ثانيه واحده 
ايه:  رحمه انتي مجنونه!  وانا بقول بترفض العرسان دي كلها لي 
ومفهمش عيب اتريكي لسه بتفكري في الود الي زمانه نسيكي اصلا من قرون ده 
رحمه:  وعدني هيستناني،  انا واثقه انه هيرجع 
ايه:  رحمه ازاي متقليش حاجه زي كده،  إزاي تضحكي علي نفسك بطريقة دي 
رحمه:  ايه هيرجع متخوفنيش ونبي،  ان شاء الله هيرجع 
ايه:  لسه بتحبي؟ 





رحمه:  .......
 ايه:  ردي! 
رحمه:  انا هروح اعمل قهوه. 

مايو... 2022

تتحرك رحمه بسياره وترفع صوت الموسيقي الي اعلي حد 
تذهب لعمو صالح،  أحب قهوه لديها وتُصبح عليه كالعاده 
ثم تحدث ايه هاتفيا وتخبرها بذهابها للمطار. 

ايه:  لسه برضه مصره انك تروحي،  يابن الجزمه اقعد،  اقعد هبلتني!  يلهووي 
رحمه:  هههه اه هروح تاني،  براحه يا بت الله،  زي ابنك برضه 
ايه:  ابني مين بس ده مطلع عين اهلي،  طلع شقي زي ابوه يحب المشاكل والتخريب قد راسه. 
رحمه:  هقول لچو حاضر اصبري عليا 
ايه:  طول عمرك مهديه النفوس والله هه حبيبت قلبي 
رحمه: يلا اي خدعه، ربنا يخليني ليكي 
ايه:  ربنا يخدك! ههه غوري يختي ،  وابقي قوليلي الي هيحصل 
خلينا نشوف اخرتها معاكي،  ولااااه التلفزون سيب التلفزون في حاله لقتلك،  اااه يغلبي يني! 
رحمه:  ههه حبيب خالتو ده جايلو انا جايلو 
ايه:  تعالي يختي تكون الهانم الي مدلعها حضرتك جيه من الحضانه وتقعد فوقك بقي عشان خالتو حبيبتي وانا بحبها اكتر منك 
يختي غوري انت وخالتك
رحمه:  اعيش وصيعها،  ثم انتي مالك يا تنحه،  اصبري بس عليا اما جيلك،  صقر كلمك ول حاجه 
ايه:  اه قلي خليها تعدي عليا عشان عايزك ضروري 
رحمه:  اشطا هبقي عدي عليه،  سلام. 

اليوم التالي. 
ايه:  دي اخر فرصه لو مجاش مش هتروحي تاني ،  انهرده ٢_٥ فهمه. 
رحمه:  حاضر فهمه 
ايه:  رحمه لو مجاش،  فكري في موضوع صقر الي هيموت عليكي ده حرام عليكي كده 
رحمه:  طيب س س سلام 
ايه:  والله ما انتي نفعه ودنك مخلله جنبي كده يا عانس هانم 
رحمه:  غوري بقي يصداع،  الطياره قربت تيجي. 
ايه:  هنشوف يختي هتوصلي لحد فين،  غوري. 

Back. 
قفلت معاها التلفون 
وكتبت رسالتي الصباحيه 
ولمحت طيفه وخرجت من العربيه وانا بعمل احلي "بسسس" فعلا 




ووصلنا لنقطه الصفر من جديد.

طالت نظرتنا وزهولنا من التغير الكبير الي حصلنا، وزكريات الي تعادت،  فبعدها فوقت علي صوت هندسه وهو بقول..... 
تعليقات



حجم الخط
+
16
-
تباعد السطور
+
2
-