رواية عشقت صعيديه
الفصل الثامن عشر18
بقلم رنا احمد
في فيلا الجوهري ...
في مكتب صلاح ...
كان يضع اركان يديه علي وجه بصدمه عارمه فذلك اول مره يفعلها جده ويمد يديه علي اي حد من أحفاده .
اركان بصدمه وحده /انت بتمد ايدك عليا ي جدي .
صلاح بغضب جحيمي/واكسر رقبتك كمان انت فاكر انك هتكبر عليا ي سي اركان لا فوق انت طول عمرك بتعمل الي علي كيفك لكن المره دي لا انا الي هقفلك ي اركان مش هسيبك تكسر قلب حفيدتي ولا تحزنها هي والي ف بطنها .
اركان بحده وسخرية/وانت فاهم أن الي فبطنها هو الي هيخليني ارجع عن قراري فاكر أنه هسيبه يذليني ويحط كرامتي تحت رجليها ده انا أموته في بطنها قبل مايجي الدنيا ويعمل فيا كده .
صلاح بغضب/ساعتها هرميك انت وهي بره لأن هو عندي بيكم انتوا الاتنين اركان انا عارف كويس أن هند غلطت بس برضه طول عمري عارف أن الراجل لازم دماغه تبقا كبيره لازم هو الي يحتوي الست هو الي يقدر أنها ممكن في وقت من الأوقات تكون محتاجه لحضن حنين تكون بتقول الكلام وهي مش قصداه فمينفعش نحكم عليها بالاعدام.
اركان بغضب ووجع /اه بس هند كانت قصده كل كلمه هي قالتها كانت قصده توصلني أنها كرهتني لمجرد خيال مريض في دماغها ان سيف هو وراء الي حصل ل زينه كانت بتنتقم مني ي جدي لو كنت أنا وهي الي مكان زينه وسيف كانت اتمنتلي الموت كل لحظه الي موجوع بجد هو انا ي جدي أن الست الي سلمت قلبي ليها برغم أن مفيش واحده مهما كانت قدرت تهز مني شعره واحده كانوا كلهم يتمنوا الرضا بس الست هند استقوت عليا لما حاسيت بضعفي وحبي ليها هي كانت غلطتي انا من الاول ودلوقتي انا الي بقول ل حضرتك اني مش عايزها تاني في حياتي ده أمن ليها صدقني لانك عارف عصبيتي ممكن توصل لفين داده عاليه داده عاليه.
عاليه بحزن شديد فهي قد استمعت الي كل شي /فيه ايه بس ي اركان ي ابني استهدا بالله كده .
اركان بحده وصراخ /داده عاليه من فضلك هاتيلي كل حاجتي من الجناح للاوضه الي فوق لو سمحتي.
ادهم بفزع /فيه ايه ي اركان صوتك عالي كده ليه .
كينان باستغراب /مالك ي اركان فيه ايه.
اركان بغضب جحيمي/هو فيه ايه مالكم اول مره تشوفوا حد صوته عالي .
صلاح بغضب جحيمي/اررررركان كفايه اوي لحد كده .
سيف وهو يمسك يد زينه الحزينه بشده لما يحدث /مالك ي اركان فيه ايه.
اركان بسخرية وغيظ /اهلا ي سيف باشا مشاء الله شايفك انت والمدام مشاء الله تمام مش هي دي برضه الي كانت مش طيقاك وبتتهمك بموت ابنها كأنه مش ابنك مفكرتش فيك وانت بين الحياه والموت سامحتها بسرعه كده ي دلدول .
ادهم بغضب شديد/كفايه بقا انت زودتها اوي علي فكره مش عامل احترام ل حد ولا ايه.
سيف بجديه /انا مش هرد عليك لانك اخويا الكبير بس افهم حاجه انك تسامح حد غلط في حقك لانك بتحبه دي من اجمل معاني الحياه ي اركان يريت تسامح هند .
اركان بحده وغيظ وهو يتجه الي الاعلي/داده عاليه هاتيلي حاجتي علي الاوضه الي فوق زي مقولتلك.
صلاح بزفر وضيق/اعملي الي قلك عليه ي عاليه هو حر .
ادهم بابتسامه هادئه/متزعلش منه ي جدي انت عارفه دلوقتي يهدأ ولا انت ي سيف.
سيف بابتسامه/انت بتقول ايه ي ادهم ده اخويا الي معنديش اغلا منه في الدنيا .
كينان بابتسامه ساحره/علي فكره انا مش عايز نكد علشان فيه حفيد تالت هيشرف هنيه حامل.
صلاح بابتسامه حنونه/الف مبروك ي كينان ايوه كده فرحوني عقبالك ي زينه ي بنتي .
زينه بابتسامه/انا عندي سيف بالدنيا كلها ي جدي وان شاء الله ربنا هيرزقنا قريب بالزريه الصالحه .
ادهم بابتسامه/امين يارب أن شاء الله.
ليث بابتسامه/الف مبروك ي كينان جدي معلش كنت محتاج حضرتك في حاجه ضروري .
صلاح بابتسامه/تعال ي ليث نتكلم جوه .
في جناح هند وأركان....
كانت تجلس هند بدموع ووجع شديد فهي قد سمعت حديثه بالكامل فبالفعل هو له الحق في كل الي م قال فهي تعلم جيدا أنها أخطأت في حقه بشده لتسير عاليه الي الداخل بحزن شديد .
/اهدي ي ضنايا أن شاء الله كل حاجه هتتعدل .
هند بدموع ووجع/مش بالساهل ي داده انا سمعت كل الي قاله اركان طبعه صعب ومش هيسامح بالسهوله .
عاليه بابتسامه/والله انتوا كلكم فاهمين اركان غلط .
هند بدموع ووجع/كنت فاكره أن الي فبطني ممكن يشفعلي بس من الواضح اني هتعب اوي لحد مارجعه لحضني من تاني .
عاليه بابتسامه/طب قومي روحيله حاولي وان شاء الله خير .
في مكتب صلاح الجوهري....
كان يجلس صلاح بصدمه من حديث ليث .
صلاح بحده /ايه الكلام الفارغ ده ي ليث تتجوز البنت دي ازي.
ليث بابتسامه/جدي حضرتك اكيد لاحظت التغير الي فيروز بقيت فيه وأنها انسانه كويسه ومعدنها كويس بس هي للاسف مرت بصعوبات كتير في حياتنا هي اللي وصلتها للهيي فيه دلوقتي بس انا الحمد لله قدرت ارجعها لنفسها ارجوك ي جدي انا بحبها وواثق فيها من فضلك توافق ي جدي .
فيروز بدموع واحراج وهي تحمل حقائبها/اشوف وشكم بخير صلاح بيه انا بجد اسفه اسفه علي كل الي حصل ومهما اعتزرت مش كفايه شكرا جدا أن حضرتك قبلت بيا الفتره دي في فيلتك برغم كل الي عملته محولتش تهنئ بجد انا اسفه على كل الي حصل عن اذنكم .
ليث برعب لفقدانها /انتي رايحه فين.
فيروز بابتسامه /رايحه عند سليم اخويا اظن كده مبقاش ينفع افضل هنا خصوصا أن اركان حكالي علي كل حاجه وعرفت اني طلقني من ساعتها فكده كده لازم امشي.
صلاح بابتسامه وذكاء فقد شعر بصدق حديثها /بس احنا معندناش حريم تسبب بيتها وتمشي انت خلاص هتكوني مرات واحد من احفادي ليث زيه زيهم بالظبط وانت زيك زي الحريم الي هنه فيروز ي بنتي انت توبتي ل ربنا لازم كلنا نقف جنبك ونساعدك في حياتك الجديده الف مبروك ي بنتي .
فيروز بدموع وسعاده /ربنا يخليك ي عمي .
صلاح بابتسامه حنونه/جدي مش عمي .
ليث بابتسامه وسعاده /خلاص ي فيروز روحي عند سليم لحد العده ماتخلص ونتجوز علطول.
صلاح بجديه/عده ايه ي اهبل شكلك قعدتك في بلد الخواجات نستك حاجات كتير ي دكتور ليث فيروز ملهاش عده لأن اركان ملمسهاش ابدا ي عني هي لسه بنت وتقدر تتجوزوا في أي وقت.
ليث بغيظ شديد/ايوه صح انا ازي نسيت الحكايه دي انا هتجوزك دلوقتي حالا .
فيروز بابتسامه وعشق/اعقل ي مجنون بعد اذنك ي جدي لازم اروح لاخويا في الاول والاخر هو راجلي الي لازم يتولا كل حاجه.
صلاح بجديه/ماشي ي بنتي حقك بس برضه سليم اخوكي يتخاف منه .
فيروز بابتسامه /متقلقش ي جدي انا بعرف اخد قراراتي لوحدي وانا خلاص عرفت طريقي واخترت ليث سليم براحته عايز يفضل جنبي ماشي مش عايز يبقا خلاص هو في طريق وانا ف طريق تاني المهم اني عرفت طريقي واخترت حبيبي ومش هتنازل عنهم ابدا ..
في غرفه اركان ....
كان يجلس وهو يضع رأسه بين يديه بالم شديد لاول مره يشعر بكل ذلك الضغط لتسير هند بقلق وارتباك ليقترب منها بغضب شديد.
/انتي ايه الي دخلك هنا انا طلبت الحاجه من داده عاليه .
هند بدموع ووجع واشتياق /وحشتني ي اركان وحشتني وجيت علشان اشوافك لانك النفس الي بتنفسه وانت عارف .
اركان بغيظ شديد/بس بس كفاياكي تمثيل وكدب علشان انا قرفت من كل الكدب ده من القناع الي كنت لابساه ووقع وظهر حقيقتك في أشد موقف كان المفروض نكون فيه جنب بعض بس للاسف اتحولتي لواحده تانيه معرفهاش واحده قاسيه .
هند بدموع وصراخ/قسما بالله كان غصبن عني ي اركان انا قلبي كان محروق علي اختي ازي تفكر أن ممكن اكون بالقسوه دي واقسا علي مين علي روحي اركان انت اغلا عندي من الدنيا بحالها ارجوك كفايه كده .
اركان بغيظ وزفر/للاسف مش قادر اصدقك لاني الي شوفته منك كان كفيل يخليني شايفك واحده تانيه خالص كاني معرفكيش خلينا بعيد عن بعض احسن علشان منخسرش بعض اكتر من كده وبعدين زي مانتي كنتي محروقه علي اختك انا كنت محروق علي اخويا الصغير الي شايف حياته بتتدمر من قبل ماتبتدي سبيني ي هند سبيني لان بجد حاسس اني مش هنسا الي حصل بسهوله .
هند بدموع ووجع/انت بتموتني بالبطي ي اركان انت عارف انك اغلا مافي حياتي بس براحتك انا مش هذل نفسي اكتر منك لان ليك حب كبير في قلبي يشفعلك العمر كله وابنك الي فبطني الي للاسف شكله مش فارق معاك خالص .
اركان بتنهيده الم /ده ابني حته مني بس للاسف أمه ربنا يسامحها هي الي كسرت حاجات كتير مش مخلياني عارف افرح بيه .
هند بدموع ووجع/يارب اموت علشان ترتاح ي اركان .
لتسرع الي الخارج بدموع وقهره جعلت قلبه ينبض الما لكن لن يسامحها بتلك السهولة .
في فيلا سليم ...
كانت تجلس شمس بابتسامه علي مائده الطعام كان سليم ينظر إليها بكل الحب فقد أصبحت هي اغلا مافي حياته .
سليم بابتسامه وسعاده/تعرفي انك مليتي عليا حياتي .
شمس بترقب وقلق/ازي ي عني .
سليم بابتسامه وعشق/حاسي أن حياتي ليها معني بوجودك كنت دائما كل تفكيري في الشغل وبس لكن انتي خلتيني افكر في حاجات تانيه كنت نسيتها من زمان .
فيروز وهي تسير باستغراب من تلك الفتاه /مساء الخير.
سليم بابتسامه/فيروز وحشتيني ي حبيبتي اعرفك شمس سكرتيرتي .
فيروز بحده /وسكرتيرتك بتعمل ايه معاك هنا هي وصلت ل كده ي سليم .
شمس بغضب /لا من فضلك احترمي نفسك وكلامك انا مش واحده من الشارع .
سليم بغضب /فيروز انتي مش فاهمه حاجه اسكتي شمس اطلعي انتي فوق لو سمحتي .
فيروز بعصبية /مين دي ي سليم .
سليم وهو يمسك ذراعيها بحده /تعالي معايا وانا هفهمك علي كل حاجه.
في فيلا الجوهري .....
في جناح هند وأركان....
كانوا الجميع يجلسون حولها لكي يخففوا عنها .
زينه بدموع ووجع/انا السبب في كل الي حصل ده سمحيني ي هند .
هند وهي تحتضنها بحنان/متقوليش كده ي عبيطه السبب هو انا لساني ده الي عايز قطعه .
نور بغيظ /كويس انك عارفه ي اختي أن لسانك عايز قطعه .
هنيه بضحك /دي حاجه الكل عارفها ي نور .
هند بحزن شديد ودموع /بس برضه كنت فاكره أن اركان مش هيقسا عليا كده وحشني اوي اني انام في حضنه اتمتع بملامحه الي بعشقها بعدي عن اركان زي الموت بالظبط .
عاليه بابتسامه حنونه/بعد الشر عليكي ي ضنايا .
صلاح بابتسامه حنونه/فيه ايه مالكم كده ي بنات .
هند بدموع ووجع/شوفت ي جدي شوفت اركان بيعمل فيا ايه خلاص عايز يطلقني ويسبني شوفت .
صلاح وهو يحتضنها بحنان/هو يقدر ي بت افهمي ده بيموت فيكي شغلي مخك وبعدين انا عندي الخطه الي هتجبهولك راكع لحد عندك .
هند باستغراب /مين ده اركان .
صلاح بخبث ومكر/ايوه اركان اسمعي مني علشان الكلام الي هقوله تنفيذه بالحرف.
في جناح اركان ....
كانوا يجلسون الشباب وهم ينظرون إليه بغيظ شديد.
اركان بغضب جحيمي/نعم ي اخويا انت وهو طبعا كلكم هتعملولي فيها مصلحه اجتماعيه وتتدوني نصائح في العلاقه الزوجيه فاحسالك انت وهو كده تسبوني أنام وتشوفوا وراكم ايه .
ادهم بغيظ /ي بجحتك ي شيخ ولا كانك سايب مرائتك زعلانه ومقهوره ي شيخ ده ربنا هيغضب عليك من عمايلك دي .
ليث بغيظ /ي ابني افهم انت مريض نفسي قسما بالله محتاج تتعالج لما
يبقا فيه واحده بتحبك بالشكل ده وتخليها حزينه كده يبقا لازم تتعالج .
كينان بغيظ /اركان بجد هند تعبانه اوي وتعبت اكتر وانت مش موجود وانت عارف انها حاولت تنتحر.
سيف بغيظ /افرض لقدر الله فكرت في كده تاني الوضع يبقا ايه ساعتها .
اركان بحده تخفي الما وحزنا يكفي العالم من اجل معشوقته لكنه
ليس بالضعيف لمشاعره مش من السهل أن تظهر .
/بقولكم ايه سبوني أنام انا عندي بكره شغل كتير يلا بالسلامه .
ادهم بغيظ /ربنا يهديك ي شيخ ربنا يهديك .
في فيلا سليم ...
فيروز بسعاده كبيره /ي عني احنا الاتنين اخيرا لقينا الحب والعشق ي سليم .
سليم وهو يقبل يدها بحنان/الحمد لله ي فيروز انا وانتي تعبنا اوي في حياتنا وكنا ماشين في سكه الضياع .
فيروز بسعاده وراحه/والحمد لله ربنا بعتلنا شمس وليث علشان يبعدونا عن الطريق ده ونمشي معاهم في طريق الصح .
سليم بسعاده وحماس/انا خلاص شغلي الي جاي كله هيبقى بالحلال هبعد عن كل حاجه غلط هبقي سليم جديد
شمس حببتني في الحياه وانا خلاص مبقتش عايز غيرها ومستعد اعمل علشانها اي حاجه.
فيروز وهي تتحتضنه بسعاده وراحه /الحمد لله ي حبيبي الحمد لله ربنا بعتلنا الي يمشينا في الطريق الصحيح..
لما يعايروا بمن تستمع لكل ذلك بدموع ووجع فماذا تفعل الان ياالله ماهذا الاختبار الصعب ....
في فيلا الجوهري....
في منتصف الليل...
في غرفه اركان ....
كان يحاول أن يغفا لكن حديث سيف بأنها من الممكن أن تحاول
تكرار مافعلته مره اخري جعل قلبه يخفق الما من
أجلها ليذهب الي غرفتها بترقب ليفتح باب الغرفه ليسير ببطئ ليقترب من تلك النائمه ليقبل
رأسها بحنان شديد وهو يضع يده على بطنها برفق وهو يحدثه بهمس .
/قلب ابوك انت انا عارف اني منكد عليك اليومين بس غصبن عني
والله امك لازم تتادب شويه ربنا يخليك ليا ي حبيبي انت وامك .
ليضع تلك الغطاء عليها بحنان ليغلق الباب برفق لتنزل دماعتها فهي
قد استمعت كل شي كانت تود أن تأخذه بين احضانها لكنها فضلت أن يبقي بالقرب منها اطول
وقت فهي حقا تشتاق اليه كثيرا لتتحدث بعشق كبير ..
/بحبك ي اركان بحبك اوي وعارفه انك زعلان مني بس انا لازم اقلل
مده بعدك عني باي طريقه لازم ترجعي لحضني
من تاني حتي لو اضطريت انفذ خططه جدي الي هتكون صعبه عليا اوي .