رواية شطرنج الحب
الفصل الاول1
بقلم جني غنيم
- ألحقوني .. أنتم ماسكين فيا كده ليه يعني ترضوها على اخواتكم ... سلمتني يا خالي
اتنين رجالة ماسكين بنت لم تتعدى الاثنين و العشرين و لابسين نضارة شمسية رغم ان الوقت تعدى نص ليل
نزل شاب من العربية و قال بصرامة : مالك يا بت عاملة صداع ليه ؟
نورا بعصبية : متقولش بت انا اسمي نورا يا خفيف
الشاب قرب منها و ماسكها من عند فكها و قال : شكلك لم"ضة و هتتعبينا
نورا بعصبية : ابعد ايدك القذرة دي و بعدين ده انا موظفة في فندق قد الدنيا
الشاب ضغط على عرق في رقبتها اغمى عليها فقال للرجلين : حطوها في العربية يلا بسرعة
-أوامرك يا عزيز باشا
بعد وقت
نورا بتفوق و بتلاقي عزيز قاعد قدامها فقالت بتعب : أنتَ تاني أنا فين ...بقولك ايه يا باشا انا مليش دعوة بالمخدر"ات خالي عوض هو الريس
عزيز قام و قال بصدمة : انتِ بيعتي خالك قبل حتى اول قل"م
نورا : ده رجل خس"يس يا باشا و بعدين انا مش حمل بهدلة و بعدين هو مش انتم حكومة
عزيز ابتسم و مسك ملف و قال : نورا السيد محمد عطا الله عندك 22 سنة
نورا قطعاته: و نسيت تقول اني بكر"ه صنف الرجالة كله ... انتَ مين بقا يا باشا
عزيز قرب منها و قال : عزيز الضبع امن دولة
نورا بخضة : سلامًا قولًا من رب رحيم ربنا يجعل كلامنا خفيف عليكم
عزيز : هو احنا كفا"ر و لا ايه ؟ خلينا في المهم عشان عندنا شغل كتير
نورا : و انا مطلوب مني ايه ان شاء الله ده انا موظفة في فندق لا راحت و لا جات
عزيز حاط ايده في جيبه و قال : أقل"عي الأول
نورا حاطت ايدها على هدومها بصدمة و قالت : نعممم !!