رواية احببت مجنونة الجزءالثالث3احببتك رغما عني
الفصل الثالث3
بقلم نجمه براقه
في المستشفي
مراد ورودينا قاعدين جمب جودي
مراد يمسك ايدها وبترجي _ انتي طول عمرك قويه وهتعديها علشان خاطر سفيان يا جودي وافقي
جودي ببكاء _ لا يامراد مش هقدر استحمل الكيماوي
مراد بترجي_ عشان خاطري حاولي علشاني انا لو بتحبيني خليكي متمسكه بالدنيا
جودي ببكاء_ مش هيجيب نتيجة غير اني اتعذب وبس
رودينا بدموع وترجي _ حبيبتي علشان خاطرنا كلنا متيأسيش انتي لسه صغيرة واحتمال كبير تقدري تعديها
مراد يبصلها باحتقا.ر..لنفسه_ مفيش حد فرحان بتعبك غيرها يا جودي، وانتي مصدقاها
فلاش باك
مراد _ جبتلكم مانجه انا عارف انكم بتحبوها وخصوصآ انتي يا رودينا
رودينا _ الللله انت بتفهم امال ليه مش باين عليك ليه
جودي_ ههههه دي مبيتمرش فيها حآجه مكنتش عملت حسابها
رودينا_ اسكوتي انتي، ممكن تدخل جوه انت دلوقتي عشان انا باكول المانجه بشكل افتر،اسي
مراد بإبتسامة _ حاضر خدي راحتك، جودي انا هاخد تليفونك العب بيه اللعبه بتاعتي
جودي_ ماهي موجوده عندك
مراد_ اصل انا وصلت لليفل عالي عندك ف عاوز اكمل
جودي_ ماشي يا حبيبي خده
رودينا_ اخلص بقا خيلتيني
مراد بلطف_ حاضر اتفضلو انتو وبيمشي
رودينا ترفع كمها وتتربع وتبتدي تاكول المانجه بشراهه _ امممم الله يبارك للي زرع المانجه
جودي_ ههههه يهدك ايه الطريقه دي ما تاكلي كويس
رودينا_ اسكوتي انتي وخليني اركز وياريت متخديش منهم
مراد واقف علي جمب وبيصورها فيديو من غير ما تاخد بالها وبيضحك عليها، لنفسه_ دي عشان تضر.بيني بالمغرفه تاني، حلفتلك هخلص منك، ومصدقتنيش
بيخلص وبيرفع الفيديو علي الفيسبوك عند جودي ويعملها منشن لتظهر لجميع الاصدقاء
بعد ربع ساعه بيرن تليفون رودينا
رودينا بزهق_ دا مين البا.رد ده ودا وقته
جودي_ ردي يمكن في حآجه مهم وسيبي المانجه مش هتخلص
رودينا تسيب المانجه من ايدها_ دا سي ز،فت شهاب... نعم في ايه
شهاب_ ايه القرف اللي نشراه جودي ليكى ده
رودينا باستغراب_ قرف ايه،
شهاب_ طبعا ما انتي تعملي اي حآجه طالما في مانجه، اتفضلي احذفي القرف ده وبيقفل في وشها
رودينا باستغراب_ انتي ناشره ايه علي الفيسبوك
جودي باستغراب_ انا منشرتش حآجه بقالي كتير
رودينا بتفتح الفيس ف تلاقي اشعارات، تم التعليق علي فيديو تمت الإشارة اليك فيه من جودي وبتدخل تلاقي تفاعل وضحك عليه وبتفتح ، الفيديو تلاقي نفسها بتاكول مانجه بشكل غريب ومضحك
جودي_ مالك يابت في ايه
رودينا تبرق عنيها وتديلها التليفون تشوف
جودي تحاول تكتم ضحكتها بس مبتقدرش _ ههههههههههههههه انا معملتش كده والله ههههه
رودينا تفهم اللي حصل وبغيظ _ امسحي بسرعه بسرعه، يا حقييييـ.ر وبتجري علي اوضتهم تلاقي الباب مقفول من جوه
رودينا_ وربنا ما هسيبك يا مراد وربنااا
مراد من ورا الباب _ دي علشان المغرفه فكراها
جودي بضحك_ كده يا مراد؟!
مراد_ تستاهل عشان تقل اد.بها عليه تاني
رودينا_ طيب لو عندك الجرائه اطلع دلوقتي
مراد _ مش حابب اتشابك مع بنات
رودينا_ عشان خايف اطـ.حنك
جودي_ متلعبيش على الوتر الحساس ههههه
مراد _ وربنا انا خايف عليكي مش خايف منك، دا لمصلحتك
رودينا بتحدي_ خليك فاكرها علشان هتوقع تحت ايدي ف مره وساعاتها هذ.لك وهخليك تتمنا اسامحك وانا هقول لا
مراد_ ههههههههههههههه مستنيكي متتاخريش عليه بس
باك
رودينا تحاول تتجنب النظر اليه
مراد بغيظ _ اطلعي بره عاوز اقعد معاها شويه
جودي بتعب _ مراد
مراد _ استني يا جودي، يلا اتفضلي
رودينا تحاول متخلهوش يحس انه نجح في استفزازها وتطلع من سكات وبدون اي تعبير تدل علي الحزن بسبب كلماته
جودي بتعب_ في ايه يا مراد حرام عليك
مراد _ سيبك منها المهم انتي لازم تعملي جلسة الكيماوي النهارده
جودي بتعب_ مراد انا مش هعيش حتي لو عملتها، خلاص متقوليش تاني الله يخليك
مراد _ لدرجة دي ملناش قيمة عندك، منستاهلش تحاولي علشانا مره واحده
جودي ببكاء _ انا افديكم بعمري كله بس والله ما هتنجح صدقني
مراد _ مش انتي اللي تحكمي وبعدين حتي لو منفعش تبقي حاولتي علي الاقل
جودي بتنهيده _ مش عاوزه ادي لنفسي امل في حآجه مش هتحصل
مراد يحضنها وبوجع_ انتي عارفه انك لو روحتي مني انا مش هقدر اعيش حياتي ولا هقدر اخد بالي من سفيان،
جودي _ رودينا هتاخد بالها من كل حآجه
مراد بزهق _ جووودي قولتلك بلاش السيره دي، خلينا في موضوعنا هتعملي الجلسات وهتخفي
جودي بقلة حيله_ ماشي بس انا عارفه انها مش هتنجح معايا
مراد _ مش مهم المهم تكوني حاولتي
جودي _ ماشي يا مراد
مراد بإبتسامة _ هروح اكلم الدكتور واقوله انك جاهزة
جودي تهز رأسها بالايجاب
يطلع مراد ويلاقي رودينا قاعده وشارده يقرب منها وعلي وشه نظرة شما.ته _ مش جودي وافقت تعمل جلسات الكيماوي وهتخف وترجع لبيتها وجوزها يقول كده ومستنيها تضايق لكن علي عكس توقعه هي فرحت
رودينا_ بجد طيب الحمدلله اخيرا
مراد بخنقه _ اللي يشوفك كده يقول انك نفسك تعيش وترجع بيتها، وكانك محاولتيش تفرقي بينا في يوم ولادتها
رودينا بخنقه _ مراد يا بابا انت دماغك قااااد كده، وانا مش هضايق نفسى في التبرير للمره المليون في حاجه انا معملتهاش، ف شايف الحيطان دي كلها، اخبط را.سك في واحده منهم
مراد بتحدي _ ماشي اكدبي براحتك لما تخف جودي وتشوفيها معايا مبسوطه وسعداء مع بعض هنشوف مين اللي هيخبط راسه في الحيط
رودينا بزهق_ هممم ماشي يا مسهل ان شاءلله ربنا يحققلك امنيتك دي
عن اذنك اشوف جودي وبتمشي
مراد_ المفروض اني اصدقها طيب ازاي دا انا شفت بعيني
في شركة ياسين
ياسين _ اهو المكتب اللي هتشتغلي فيه ايه رأيك
جني بفرحه _ حلو اوي يا ياسين، حبيبي تسلملي
ياسين _ حبيبك؟ احنا اتفقنا اننا منعرفش بعض
جني _ اه صح نسيت ماشي يا فندم
ياسين _ خلاص شوفي شغلك ولو في مشكله تعاليلي
جني بإبتسامة _ ماشي يا فندم
بيمشي ياسين وجني بتلف حولين نفسها بفرحه ياااه أخيرا هرجع لشغل وفجاه تصتدم في مروان موظف جديدة زيها
جني بارتباك _ اسفة اوي
مروان بإبتسامة _ ولا يهمك، هو انتي جاية جديد هنا
جني_ ايوه
مروان _ وانا كمان دا اول يوم ليه ودا المكتب اللي هشتغل فيه
جني _ وانا كمان
مروان بإبتسامة _ مبسوط اننا هنكون فريق واحد
جني ب_ شكراً، وبتسيبه وتقعد علي مكتبها وهو بيقعد علي مكتبه ومن حين لاخر يبصلها
في بيت يوسف
شذا بتكون لابسة فستان قصير يظهر انوثتها وعامله تسريحه جديده وحاطه مكياج خفيف،
ويوسف قاعد قدام التلفزيون بيسمع فيلم رعب ومش مهتم بوجودها
شذا _ يوسف، عاوزه اخرج
يوسف بعدم اهتمام _ الباب معلهوش قفل تقدري تخرجي
شذا _ طيب تسمحلي اخرج مع ابن عمي
يوسف يعرف انها بتحاول تخليه يغير_ خروج مع ابن عمك لا
شذا تبتسم ليقطع ابتسامتها _ هاتيه هنا وانا الي هخرج
شذا بقرف _ في كلمه واحده بتتقال في المواقف دي بس عيب اقولها
يوسف ببرود_ قوليلها عشان تكون اخر كلمه في حيا.تك
شذا بخنقه _ حد قالك انك بارد قبل كده
يوسف ببرود _ ايوه انتي، امشي يلا عاوز اكمل الفيلم
شذا بزهق _ انا هسمعه كمان
يوسف بهدوء _ لو صحيتي تصر.خي من الخوف مش هقولك مالك
شذا بتمتمه _ دا انت ر.زل
يوسف _ الرزل هو اللي بيفرض نفسه على حد مش عاوزة ، تخرج منه تلك الجمله لتصبح مثل خنـ.جر في صدر.ها
شذا بدموعي _ اكيد الي وصلتك لكده كانت بتذ.لك زي ما انت بتعمل معايا
يوسف يقوم مثل الطوفان ويشد.ها من شعرها بعنـ.ف _ يمكن يكون كلامك صح بس رغم كده هي عندها كرامة وحافظت عليها مش زيك
شذا بوجع _ طيب سيب شعري
يوسف يشد.ها منه تاني _ يااريت تثبتيلي ان عندك كرامة وتطلبي الطلاق وبيز.قها على الارض ويمشي ويدخل اوضته
يوسف يكسـ.ر في الحاجات اللي قدامه بانفعال
فلاش باك
يوسف بيتكلم علي التليفون _ فجاه كده طيب فهميني انا غلطت في ايه
رودينا _ مغلطتش في حآجه، انت هتلاقي احسن مني كتير بس انا لا
يوسف _ رودينا انتي دلوقتي مش عارفه بتقولي ايه خلينا نتكلم بعدين
رودينا _ يوسف افهمني انا بقالي شهرين بفكر في القرار ده وخدته بعد تفكير كتير
يوسف _ طيب ليه ايه اللي حصل
رودينا _ اللي حصل اني هظلمك معايا
يوسف _ تظلمـ.يني، لا في سبب تاني انتي مش عارفه تقوليه
رودينا بارتباك _ هيكون ايه يعنى
يوسف _ في حد تاني غيري
رودينا بتنهيده _ في اني لو اتجوزتك مش هقدر احبك
يوسف بدموع_ ما انتي كنتي بتحبيني ايه اللي جد
رودينا _ يوسف انا عمرى ما قولتلك بحبك، ايوة كنت معجبه بيك وقربنا من بعض شويه بس موصلتش لدرجة
الحب سامحني
يوسف بوجع _ وبعد سنتين جايه تكتشفي الاكتشاف ده، استنيتي ليه
رودينا بوجع _ قلوبنا ملناش سلطه عليها يا يوسف، مش كل حآجه هنحبها هنطولها
يوسف بانفعال _ الكلام ده تقصدي بيه نفسك، ما تتكلمي بصراحه وتقولي هو مين اللي قدر يخليكي تحبيه وانتي مخطوبه لواحد تاني، وعلاقتكم وصلت لفين
رودينا بتنهيده _ انا مش هعاتبك عشان مقدره احساسك واقدر افهم انت حاسس بأيه، بس كده كفاية كل شئ قسمه ونصيب، شبكتك هتكون عندك
باك
يوسف يمسك فاظه ويخبطـ.ها علي الحيط_ حبت وهي معايا مقدرتش تحبني انا وحبت حد تانى، بس انا مبسوط انها متجوزتش يعني اكيد جر.حها زي ما جر.حتني والا كانت وافقت على اي عريس كويس يتقدملها
في المستشفى
جودي داخل الغرفه بتعمل الجلسة وبتصر.خ من الوجع
مراد قاعد بره وبيلف حولين نفسه بقهر _ كل ده هما بيعملو ايه
هشام بحزن_ ، انا هبعد يكون خلصت مش قادر استحمل
رودينا واقفه على جمب وبتبص من حين لاخر على مراد وبحزن _ يارب اشفيها وعافيها، لو لازم حد يتعب ف هو انا وبس
فلاش باك
بيت هشام_
رودينا_ خالي بالله عليك اشتغل معاك انا خلصت جامعه وقعدت كده زي قرد قطع وجودي راحت اسكندريه وانا لوحدي ومضايقه
هشام_ يابنتي مش هينفع امشي حد واقعدك مكانه
رودينا_ بتتلكك انت يا خالي معقول شركة كبيره مفهاش وظيفه فاضيه،،
فجاه التليفون بيرن
هشام_ ايوه يا مراد
مراد بقلق_ عمي جودي بتنزف خلي طنط ياسمين تجيلها هي عاوزاها جمبها
هشام_ يا ساتر نزيف ايه ده
مراد بقلق_ طلعت حامل والدكتور بيقول ان الجنين ممكن ينزل،
هشامبقلق_ طيب طيب متقلقش هجيب ياسمين وهجيلك
رودينا_ مالك يا خالي
هشام بقلق_ جودي طلعت حامل وبتنزف ياسمين تعالي لازم نروحلها
باك
مراد يلف حولين نفسه بقلق وخوف وبصدفه عينه تيجي علي
رودينا اللي شارده وفي دنيه تانيه، بيروحلها وهي منفعل_ صوت صراخها عاجبك صح
رودينا بزهق_ عاوز ايه يا مراد
مراد بانفعال_ مش عاوز اشوفك ولا تقربيلنا عاوزه مننا ايه ما تمشي وتسيبينا
رودينا بدموع و وجع_ احلفلك بأيه اني عمري ما فكرت افرق بينكم حتي بيني وبين نفسي، حلفتلك كتير ان مش انا اللي عملت كده وانت مش راضي تصدق اعمل ايه تانى
مراد_ ولا هصدقك، واحده خاينه زيك اصدقها ليه، متنسيش انك دماغك انشغلت بيه انتي ومخطوبه، ياسين ربنا بيحبه عشان سبتيه
رودينا بوجع_ بس انا عمري ما قولتلك اني حبيتك ولا لمحتلك حتي
مراد_ مكنتيش محتاجه تقولي كنتي مكشوفة حتي صحبتك لاحظت كده، وعلشان كده قالتلك تجوزيني طلعت احسن منك
رودينا تسمع الكلام وتحس روحها بتت.سحب منها ودموع تنزل بغزاره_ لغيت ما نطمن على جودي ياريت تختصرني ومتتكلمش معايا نهائي، ياريت ممكن
مراد يمشي بعيد عنها ويسند علي الحيط ويبصلها باستحقا.ر
فلاش باك
مستشفى في اسكندريه
هشام_ طمني عامله ايه دلوقتي
مراد _ وقفو النزيف
ياسمين_ طيب والبيبي
مراد_ مش عارف بس بيقول انه هيديها مثبتات واحتمال يعيش
رودينا بحزن_ حبيبتي ملحقتش تفرح بالخبر
في بيت مراد في الاسكندرية
مراد شايل جودي علي ايديه بحرص وبينيمها على السرير
جودي ببكاء_ خايفه ينزل يا ماما
ياسمين_ متخافيش ان شاءلله خير مش هيحصل حآجه
مراد يقعد جمبها_ ممكن متعيطيش عشان كده غلط وحتي لو نزل المهم انتي
جودي ببكاء_ اه بس انا عاوزه بيبي
هشام_ ان شاءلله هيجي علي خير المهم تسمعي كلام الدكتور ومتتحركيش من مكانك لغيت ما يثبت كويس
جودي_ مش هينفع والبيت ومراد مين ياخد باله منهم
مراد_ ملكيش دعوه انتي خليكي في نفسك
رودينا _ انا هقعد معاكي الفتره دى
مراد يشرد_ تقعد معانا ازاي دي
ياسمين_ صح رودينا تقعد معاها يكون عدا اول كام شهر
جودي بإبتسامة_ ياريت
مراد بخنقه،، لنفسه_ ازاي؟! لا هي ولا انا هناخد راحتنا
جودي _ مالك يا حبيبي
مراد_ مفيش حبيبتي، ماشي رودينا تقعد معانا لغيت ما تعدي الفتره دي
باك
مراد لنفسه _ ياريتني كنت قولت لا ساعتها
في بيت ياسين
نيفين _ بس هو بيحب مراته يا خالتي
ساميه_ نكر.هو فيها
نيفين_ ازاي يعني هنقوله اكر.ها علشان تجوزني ف هيقولنا اوك
ساميه بخبث_ هقولك هنعمل ايه، بس فتحيلي مخك
في شركة ياسين
ياسين بيدخل المكتب اللي فيه جني بيلاقيها مشغوله في الشغل
، وبيبص الجهه التانيه يلاقي مروان قاعد وبيبصلها بإبتسامة من غير ما تاخد بالها،
ياسين بغيظ_ انسه جني بتعملي اية
جني_ بشتغل يا فندم
ياسين_ تعالي علي مكتبي، ويبص لمروان، وانت ركز في شغلك
مروان_ امرك يا فندم
مكتب ياسين
جني_ مالك يا ياسين
ياسين بنرفزه_ الاخ الي معاكي في المكتب كان بيبصلك كده ليه
جني_ اي واحد فيهم
ياسين_ هما كتير لدرجة متعرفيش بقصد مين
جني_ معرفش بجد مخدتش بالي كنت مشغوله
ياسين بتنهيده_ ياريت
تعملي حدود قا.سيه بينك وبينهم وفهميهم انك متجوزه علشان ميتمادوش معاكي
جني بإبتسامة_ بتغير عليه
ياسين _ من الهوا اللي حواليكي
جني بإبتسامة_ حاضر متزعلش نفسك انا هصدرلهم الوش الخشب، علشان مفيش حد يشغلني غيرك انت
ياسين برومانسيه يحط ايده على خدها ويتأمل ملامحها الجميلة وبشرود_ حاسس اني عاوز اخبيكي ومحدش
يشوفك غيري انا وبس
جني برومانسيه_ ينفع احضنك في المكتب ولا عيب ههههه
ياسين يضمها لحضنه بشغف_ ينفع في اي مكان وفجاه الباب بيتفتح