رواية عريس يابوي
_فاااااهد لااااا إستناااا هرب إبن ال.... عادي اللي بااعدووو
قالتها فرح بضحك وقعدت ف الصالون وهي بتضحك
أبوها/ طفشتيه؟
فرح/ والله يا بابتي هو اللي طفش لوحدة دانا حتى كنت هقولك نجيب المأزون
ضحك باباها وهي قالت
فرح/أنا هنزل أتمشى شوية أنا والبت رحمة يا بابتي
أبوها/ماشي بس متتأخريش
أمها/بت يا فرح إستني خدي هاتيلي شوية الطلبات دي
فرح/ألو مين معايا مش سامعة أنا إطرشت اي ده مش شايفة انا إفتكرت حاجة مهمة مش عارفة إسمها هروح أعملها
هوووب الشبشب الخارق علم على وشها
امها/امشي يا بنت ال....
فرح/ لأ وعلى إيه أنا ماشية بكرامتي
نزلت فرح هي ورحمة يتمشوا ويجيبو الطلبات ورجعوا البيت وفرح دخلت تستحمى عشان تنام
فرح/إيه اليوم المُرهق ده
قالتها وهي بتقعد على السرير بإرهاق
بعد إسبوع
عبد العزيز"أبوها"/فرح يا حبيبتي جايلك عريس مش عايزين تطفشيه زي اللي قبلهم
فرح/عيب عليك يا بابتي إنت تعرف كدة عني؟ ينورنا طبعاً
عبد العزيز:هو شغال معايا ف الشركة، هيجي بليل إجهزي
فرح/خلصانة يا عبدو
منال "امها"/أفندم؟
فرح/ولا حاجة هخش أجهز
دخلت فرح تجهز عشان العريس اللي جاي وقاعدة في الصالون لما دخل بعد ما قدمت العصير وهي عاملة فيها البنت الرقيقة الخجولة وأول ما أبوها خرج
فرح/يلا يا عسول نبدأ
العريس/أفندم؟
فرح/إسمك إيه يابا؟
العريس/سامح
فرح بضحك/ايدا سامح عبد الشكور بتاع كلية العلوم؟
سامح/أفندم؟ مين سامح عبد الشكور ده؟ أنا سامح محمود السيد
فرح/وكمان مبتتفرجش على مسرحيات؟، على العموم ماشي، تقدر تقولي بقى شغال إيه مع بابا؟
سامح بفخر/أنا مدير الحسابات
فرح/ومالك فخور كدة ليه؟ على العموم ماشي، أنا هشتغل بعد الجواز
سامح/وماله الشغل مش عيب
بصتله بغيظ/لأ مهو أنا هشتغل رقاصة وده طموحي من وأنا صغيرة
سامح بإنفعال/أفندم؟ ومين بقى اللي هيتجوز واحدة ويوافق إنها تشتغل رقاصة؟
فرح/والله ده طموحي مش عاجبك الباب يفوت جمل
فضل باصص بغضب وقام يمشي ندهتله
فرح/الا قولي الجاتوه اللي انت جايبة شوكلت ولا فانيليا أصلي بحب الفانيليا أوي
بصلها بغيظ ومشي
عبد العزيز/على فين يا سامح يابني؟
سامح/مفيش يا عمي بس صاحبي ف المستشفى وهروح أشوفه
عبد العزيز/طب إيه رأيك؟
سامح/بعدين يا عمي
قالها ومشي وعبد العزيز دخل لفرح
عبد العزيز/عملتيها تاني يا بنت منال؟
منال/بتجيب ف سيرتي ليه يا عبد العزيز؟
عبد العزيز/أبداً يا حبيبتي بس بنتك كل ما يجيلها عريس تطفشة عايزة تبور
فرح/منا لو متجسدش قدامي بطل رواياتي وجالي مش هتجوز أنا بقولكم أهو
قالتها بهُيام بعدين طلعت اوضتها عشان تنام
بعد يومين
كانت فرح نايمة على السرير الساعة 2 بعد نص الليل وسمعت صوت خروشة ف البلكونة وبعدين حد دخل رفعت راسها بشويش
من تحت الغطا لقيت حد واقف
فرح جوا نفسها/اوبااا ايه المز ده طول بعرض وشعر إسود وعيون سود ولابس إسود ونظرة عيونة حادة الله شبه أبطال الروايات
لأ وكمان داخل من البلكو... أحيية يا فرح ايه اللي بتقوليه ده دا حرامي
قالتها وهوووب عملت
فيها شجيع السيما