رواية غرام الاسد كامله جميع الفصول بقلم شروق محمد

رواية مرمي 

الفصل الاول 

بقلم اية هاني

_ الشقة جالها مشتري وهبيعها.. 

ميريام ببكاء " ازاي دا يا مجدي عايز ترمينا انا و بنت أخوك ف الشارع ".. 

مجدي بقسوة" اه يا ميريام هرميكوا ف الشارع علشان انتوا متستاهلوش تعيشوا ثانيه ف البيت دا "

_ ليه عملنالك ايه يا مجدي دا كله علشان بنتي موافقتش على ابنك الحق*ر.. 

-اخرسيي ابني أشرف منك و من بنتك..

_ عمي!! اي اللي انت بتقوله داا..

- مرام ادخلي انتي اوضتك يا حبيبتي اكيد تعبانه م الشغل..

_ لا يا ماما انا لازم افهم فيه ايه مش كل يوم يسمعنا كلمتين من دول و بصت لعمها بغضب..كمل كلامك يا عمي..

- خلي أمك تقولك انا دلوقتي همشي علشان مش فاضيلكم و خرج..

ميريام قعدت ع الكرسي وفضلت تعيط

مرام قعدت جمبها وحضنتها "بالله عليكي ما تعيطي يا ماما قوليلي بس قالك ايه"

_ قالي إن الشقة جالها مشتري وهيبيعها..

- اييه!! هيبيع شقتنا ازاي داا..

_ منه لله هو اللي خدع ابوكي ومضاه ع العقد..

- ماشي يا عمي مجدي..ماما عن اذنك هخرج برا شوية وجايه..

_رايحه فين يا بنتي انتي لسه جايه م الشغل..

مرام افتكرت اللي حصل ف الشغل والقلق بان على وشها..

- مش هتأخر بس لازم اخرج ضروري..

ميريام مسحت دموعها "ماشي يا حبيبتي متتأخريش برا"..

مرام خرجت ونزلت لعمها وقابلت وليد ابن عمها..

_ على فين إن شاء الله..

مرام بغضب" فين عمي يا وليد"..

- ااه علشان موضوع الشقة..

_ اه يا وليد فين عمي علشان مش فاضيه لعيل زيك..

وليد ضربها بالقلم " دا علشان تعرفي انتي بتكلمي مين وبالنسبة لموضوع الشقة ف أمره منتهي ومفيش كلام مع بابا تاني و على آخر الأسبوع تاخدوا حاجتكم وتخرجوا براا "..

مرام علت صوتها علشان عمها يسمع..

_ هتشوفوا انا هعمل فيكوا ايه انت و ولادك يا عمي و خروجنا م البيت مش معناه إننا اتهزمنا وهنسكت وبصت ل وليد ووجهتله الكلام" اما انت بقى يا بتاع بابا وماما حسابك معايا لوحده ع القلم دا "..

وطلعت شقتهم..

_ برضوا نزلتي لعمك يا مرام مش انا قولتلك قبل كدا يا حبيبتي متتكلميش معاه ربنا هو اللي هياخد حقنا منه..

- كان لازم ارد على كلامه يا ماما و دلوقتي مفيش وقت للكلام لازم نلم هدومنا وحاجتنا ونمشي..

_ طب وهنحطهم فين يا بنتي هو فيه مكان..

مرام بصت لها وعيطت"متقلقيش يا ماما انا من بكرا هنزل واشوف اي مكان نأجره ونقعد فيه لحد ما يبقى معانا فلوس نشتري بس مش عايزاكي تشيلي هم أي حاجه"..

ميريام حضنتها"واثقة فيكي يا حبيبتي"

في أحد العائلات المهمه ف البلد..

_ مروان انت بتعمل ايه!!

- ولا حاجه يا ماما بتمرن زي ما انتي شايفة..

_ وانت عاجبك قاعدتك ف البيت كدا مش شايف صحابك و ولاد عمك شغالين وواقفين مع ابوهم ازاي..

- كل يوم نفس الكلام يا ماما انا هحتاج الشغل ف ايه..

_ افرض أبوك حصله حاجه ف يوم م الأيام نعمل ايه وقتها..

- انا خارج أحسن يا ماما مش هسلك من كلامك..

وخرج راح النادي..

نرجع تاني ل مرام..

_ ماما انا عايزة اقولك حاجه..

- قولي يا حبيبتي فيه ايه..

مرام بصت ف الأرض بحزن " انا اترفدت م الشغل "..

                              الفصل الثانى من هنا

لقراة باقي الفصول اضغط هنا

تعديل المقال