رواية حنين الاحبه
الفصل الرابع4
بقلم رحمه ايمن
بتبريق وتوتر : انت مجنون! ، انت ازاي تقف قدام الكل كده!
احمد: والله لو قدام العالم كلو ما هممني، انتي كويسه قلت؟
وقتها منكرش انه كان نفسي استخبي جواه وانهار واطلع كل الي
عندي، اقلو قد اي تعبت.
لاني ببساطه مشفتش عيون قلقانه وخايفه عليا كده من زمان.
من زمان اوي الحقيقه.
لكن طبعا بصيت في الارض في ثانيه وبدات أهدي قلبي الي بزمر جوه ده وقولت بتوتر باين في صوتي وانا بتحرك
رحمه: انا اسفه، لازم امشي حالا، اتاخرت، عن اذنك
احمد بتنهيد : رحمممه!
اتحركت لبره وبعدها وقفت، وقفت وبصيت عليه لقيت عينه في عيني، ولمس شعره بإيديه ، وحرفيا وشه بطق نرفزه
بس صدقني كده احسن، كده احسن وبس.
في المنزل.
"تجلس رحمه ببرود بالبجامه الحمراء وطبق البوشار الكبير علي قدمها وتشاهد التلفاز وايه جنبها تشتعل غضبا"
ايه: يا بنتي الود يولع في نفسه عشانك ول يعمل اي
رحمه والبوشار في فمها: كده احسن
ايه: يادي ام الكلمه دي! يا بنتي هتجلطيني؟
رحمه: يووه حلي عن نفوخي بقي.
ترن ترن ترن
ايه: التلفون ده نجدك مني، الو
-..........
ايه: تمام، ايوا اكيد، احجزي اتنين
-......
ايه: شكرا جدا.
رحمه: امم مين
ايه: رحله
رحمه: لاء مش هروح
ايه: اسكندريه
رحمه: جهزتي الشنط ول لسه، انا اجهزت يلا !
البلد دي اسمها لوحده بخلي قلبي يرقص كده
ما بالك بطُرقها
هواها
بحرها، الي بتنفسه وبنسي اسمي بعدها
واهم ده كلو الراحه النفسيه
ااه هو مش ينفع نروح 4 الفجر دلوقتي عادي؟!
بعد ثلاث ايام...
في الاتوبيس
ايه بتحدث بالقرب من اذنها: احم القمرز بتاعك منور في الاتوبيس التاني، اول مره يطلع معانه، ههه شكله واقع
رحمه بردها لها: وجو منور برضه ها، الي ملوش دعوه بالكليه ده وبيجي يقعد فيها ول كأنها كليه ابوه وكل يوم عندنا ، منور اوي هو كمان
ايه: رحمه!
رحمه: ايه!
ايه: مش هتكلم معاكي تاني اصلا
رحمه بضحك: قموصه
ايه: رخمه
~~~~~~~~~
ترن ترن ترن
ايه: استني جو برن
رحمه بتريقه: جو برن.. نينيني
ايه: الو يا جو
احمد: احم ممكن تديها التلفون عايز اكلمها دقيقه لو سمحتي
ايه بمد يدها بالهاتف : اه اه اتفضل، خدي
رحمه بستغراب: اخد مين؟
ايه: خدي بس بسرعه
رحمه: هيشتكي منك تاني ويقرفنا صح ، الو
احمد.: شكلك حلو اوي انهارده علفكره
برقت لايه كده فضحكت ولزقت ودنها في التلفون من الجنب
وانا فصلت شحن وكهرباء ، انا مكدبتش لما قلت عليك مجنون فعلا.
ايه بكلام بخفوت: ههه جامد
رحمه: ششش افصلي
احم ممكن اعرف حضرتك عايز اي
احمد: فكي الخاصيه الي انتي عملها عشان اعرف اتواصل معاكي
رحمه: وتتواصل معايا لي
احمد: والله! ، امم عشان يوسف مش طايقني وانا بكلمك من رقم ايه ونفسه يصقف علي وشي دلوقتي فانجزي
وقتها الصراحه ضحكت، لانه جو بتعصب من اي حاجه فعلا ليها علاقه بايه
انا مش عارفه ساكت ازاي عليه اصلا، لكن البومه بتاعتي الي لزقه ودنها معايا تسكت لاء ازاي تكبر الموضوع عشانها اي، عشانها بووومه.
ايه: قوليله براحتك ويكلمك من عندي في اي وقت يحبه وملوش دعوه بحد
يوسف: لاء ونبي يا روح امك
ايه: ايوا انت مالك، اديله رقمي لو عايزه
يوسف: هه عذرا ياحمد لازم نقفل دلوقتي عشان مفتحش راسها بحاجه او اقملها دلوقتي معلش
احمد بضحك: خد راحتك
ايه: تقوم لمين يلا!
يوسف: اقفلي يا بت، واصبري بس عليا اما نوصل، سلام
ايه بعصبيه: ييي! بارد
كنت بستمع ليهم وايه عماله تتشال وتتحط وهطق من جنبها
وانا حرفيا في عالم تاني
حطيت السماعه وغمضت عيني وكنت يعني والله اعلم هموت من الفرحه، صوته حلو، صوته حلو اوي
اقسم بالله يا قلبي انت مشفتش بربع جنيه تربيه .
ايه بعصبيه: انتي يا به! متسرحيش في عالم سمسم بتاعك ده
اومال هتعصب علي مين دلوقتي، عايزه اشتمه لحد ، قومي عشان تسمعي الشتايم دي
رحمه: يويو
ايه: خير
رحمه: انبطي! انتي بوء بس وخايفه يعلم عليكي لما ننزل اساسا ومبسوطه من جواكي وبتنكري، فسكتي ها
ايه: عشانك مصره بس هسكت، رغم اني مديقه منه جدا وكنت هشتمه ليكي دلوقتي والله
رحمه: والله
ايه: اومال
رحمه: اصيل ياابو رحاب
ايه: ميرسي
"يضحكون"
امام النزول من الباص وارتداء النظارات ....
ايه: هنخربها
رحمه: هنخربها
ايه: وووووه يلا بينا
نزلنا مع الابله مروه مشرفه الرحله
والاتوبيس بتاع الشباب كمان نزل
ووقتها بقي خربنها فعلا
رحمه: اوووه مكتبه اسكندريه، جامد!
ايه: احنا ناقصين ثقافه، مكتبه اي دي، هنهزر!
فين هنخربها
فين الجمدان و اوه ياااه وكده؟
رحمه: اييه، امشي وانتي ساكته لزعلك
ايه: رحمه مكتبه اي، انا هقوم اروح، اي ده ان شاء الله!
طبعا كتمتها ودخلنا عادي جدا وحقيقي كان المكان تحفه
لكن طبعا بنسبلها احنا مش اطفال واي جو المدارس ده وشتمتنا كلنا وطلعت، خدي يا مثقفه، خدي يا ملاك الرحمه وثقافه تعالي هنا، ايه .
رحمه: الله قلعه قايتباي! ايوا بقي
ايه: لاء كده انتو بتهزرو فعلا!
رحمه: ايه بطلي هبل، عملين يضحكوا علينا بسبب جنانك ده
رحلة في الجامعه، طبيعي فيها اثار يعني
ايه: لاء مش ده الي كان في دماغي، انا عايزه اروح، روحوني
رحمه: صبرني يا رب، بت ادخلي، ادخلي وانتي ساكته
حقيقي كان يوم تحفه وكل شويه يتفصل مودي بسبب البوز الي جنبي دي
لكن الابله مروه مست علينا بعد كده
وروحنا شارع الكافيهات بقي ولانه كلنا مجموعات سبتنا مع بعض وحددت مكان نتقابل فيه وخلعت وروقت علينا فطبعا ايه الهبله تعمل اي.....
ايه: ايوا كده يا ست هو ده الكلام! هنشرب اي بقي
انا عايزه ice coffee
رحمه: ههه مجنونه!
يوسف: عنيه يا قمر، بس ده هتشربي معايا بقي، بعد اذنك يا رحمه يعني
رحمه: لاء عادي يا يوسف براحتك، مش كده يا ايه
بصيت ليها كده انه لاء اوعي تروحي بالله!
ايه: احم انا مش موافقه، وكمان انا مبكلمكش
يوسف: السان ونص، تعالي عشان حرفيا وحشاني ومن الصبح مش كلمتك، ف يلا
ايه: اي ده اثبت يا جماعه مش ممكن، هتعزمني علي وافل طيب
يوسف : هعزمك علي الي انتي عايزه، احمد هنتمشي هنا شويه
وهنرجع
احمد: زي الفل كده اوي معايا، خد راحتك انت.
يوسف: سلام.
طبعا يوسف مشي وخد البوء بتاعتي معاه الي قلتلي رحمه ده هيجبلي وافل ف طيري انتي واختارت كرشها عني النادله
مش مسمحها، ماشي يا ايه.
وطبعا لان كل واحد في مجموعته
ومتبقاش غيري انا وهو بس قصاد بعض مكنش في كلام يتقال. وقتها، عملت نفسي من بنها وقلت اخلع
لكن وقفني نبره صوته، الي ثبتت كل جزء مني ومقدرتش اتحرك بعد كده.
احمد: رايحه فين؟
رحمه:.....
احمد: ممكن تقعدي، هنشرب حاجه ونتعرف علي بعض شويه
رحمه: ......
احمد: رحمه لو سمحتي، مفيش غيرنا دلوقتي، ثم انه انهارده عيد ميلادي هتكسفيني يعني، اعتقد دي احسن هديه هتكون جتلي انهارده لو وفقتي
رحمه: كل سنه وانت طيب
احمد.: وانتي في حياتي يا رب
رحمه: احم لو قعدت انا هدفع حق المشروب الي هخده خلصانه؟
رفعلي حجبه كده بديق وقال برخامه
احمد: لاء انا بفكر نتمشي احسن بدال وصلت لكده، الدخله من اليمين هنا، اتفضلي
ضحكت وهو قاعد بيكلم نفسه وبيشتمني في سره "قال هدفع حق المشروب بتاعي قال، لما اكون سوسن تبقي تقولي كده"
فسبته بيهري في نفسه كده وموت ضحك، طلع جنتل مان
ودي مش حاجه اكرها ابدا الحقيقه
ومن الدقيقه دي حرفيا وانا شوفت جمال.
جايز عشانه معايا، ونسيت كل الحواجز الي عملتها
وقررت اسيب نفسي كده، هو يوم، يوم واحد بس.
احمد: بتحبي السفر ؟
رحمه: مين فينا مبحبش السفر، لكن مبحطش امال كبيره اني اسافر في يوم، فبكبر دماغي
احمد: اي اكتر بلد نفسك تزوريها
رحمه: تركيا، نفسي اشوف باريش اوي
احمد: تشوفي مين؟
رحمه: لاء متاخدش في بالك
...............
رحمه: اوووه الهوااااء تحفففه بجد هههه
احمد: بتحبي البحر اوي كده
رحمه: بدمنه، هو الي بيحتويني، بحس لما اقف قصاده بالحنان الي مشفتوش من امي، جايز عشان كده بحبه
احمد:....
رحمه: وياه بقي لو كوبايه قهوه
احمد: يسلام، احلي كوبايه قهوه
بعد فتره...
رحمه: امم جمدان شكرا
احمد: العفو
رحمه: بكام بقي
احمد: الله ما طولك يا روح!
رحمه بجديه : لاء بجد مبهزرش ، متمشيش كده من غير ما تقول لازم اردها ليك، مش هشربها كده والله، احمد لو سمحت
احمد: رحمه
رحمه: امم
احمد: اول مره تنطقي اسمي بشكل ده، ابقي قولي كتير ها
هتكوني كده ردتيها ليا
رحمه: .....
احمد: يلا بينا، الجو برد جدا
"يلتقط احمد صوره لها دون ان تشعر فتسمع صوت الكاميرا وتنظر له بتزتر"
رحمه: احمد انت اخدت صوره ليا؟
احمد: اه، مش هكدب عليكي وزي القمر
رحمه: لو سمحت احذفها، انا كنت بتكلم معاك وبهزر وعادي
لكن عند دي وقف، مستحيل اوافق
احمد: مش هتطلع من الكاميرا ابدا، بوعدك، مستحيل حد يشوفها
وقتها وقفت فوقف لوقفتي وبصتله بديق لاحظه فيا فسكت ومرضيش يكلم، فتكلمت انا وعيوني كلها ترجي
رحمه: احمد لو سمحت متخلنيش اندم وامسحها
احمد: خلاص والله همسحها، رغم اني كنت عايز صوره واحده احتفظ بيها، لكن بوعدك مش هاخدها غير باذنك بعد كده خلاص.
رحمه: شكرا
احمد: طيب في حاجه تانيه اكيد ، لي مصره امسحها اوي كده
رحمه: هو...
عندي فوبيه من التصوير لاني شكلي بكون وحش في الصور وصحابي بتريقه عليا
مش حوار كده، انا فعلا بكون غريبه في الصور ومنخيري كبيره فبتوتر لما حد يصورني
ضحك وهو ببصلي وبعدها قرب مني شويه
احمد: علفكره انتي مجنونه!
رحمه بديق: قولت اي؟ علفكره مسمحلكش و...
احمد: الصوره تجنن، مش مجمله والله، بس انا عايزك يكون عندك ثقه في نفسك شويه، انتي لازم تحبي صورتك عشان الناس تحبها
وتعرفي انك تتقبلي كل حاجه ومتخليش حاجه ديقك
يعني انا مثلا كان عندي صوره فاتح عيني فيها جااامد جدا ومطلع لساني، شكلها بشع منكرش لكن طريفه حبتين
فسبتها وخلتها ذكره عندي ولو مثلا فتحت الاستديو الصور وشوفتها بضحك عليها وبفتكر وقتها كنت متصورها فين
مش مهم الصوره حلو ول لاء
المهم انتي شايفه نفسك اي.
text message
"جو: يلا احنا اتجمعنا هنمشي، تعالو يلا"
احمد: يلا نمشي عشان اتجمعوا
رحمه بنظر لساعه: ينهار ابيض! اتاخرنا!
احمد: ههه اهدي اهدي، امشي براحه
رحمه: يلا بسرعه
احمد: احم مقلتليش امسحها ول اي
رحمه: طبعا، بدون نقاش كمان
احمد: هه طيب يا رخمه.
منكرش اني استلطفته حبتين، لاء ونعمه انا وقعت خلاص
كان خيال!
او يمكن احلي منه.
نسيم البحر علي شعره الي نازل علي عيونه
عيونه الي دوختني زي البحر بظبط، في جمالهم ودفاهم
تشرته الابيض علي بنطلونه الجنز الديق مع الساعه والكاميرا الي في ايديه زيده حلوه وفخامه مش قادر اوصفها بكلام.
"عن ماذا اتحدث بك، عن قواك لسَحري
ام بعد وقوع هذا السحر علي، ماذا حل بي وقتها ؟!"
رجعنا لقيتهم بتخانقوا بدأنا....
ايه: قلتلك لو عملت كده تاني هنخسر بعض
يوسف: وقلتلك اني تعبت، ايه مسمحلكيش تبصي لحد تاني غيري واحنا قاعدين سمعه مش طرطور انا
ايه: يخي انت احول انت مش شوفت انه هو الي جيه واتكلم معايا وبعدين انت مالك، انت بتتحكم فيا لي انت صحبي مش اكتر
يوسف: مالي يا ايه ونص ومش من حقك تتكلمي مع حد وانا قاعد وكنتي تزفتي تسكتي، انا هرد لي بقي "بتقليد ساخر" اهمم ازيك عامل اي ليك واحشه، اخبار تمرين الباسكت، والله الجروب وحشني، اكيد هبقي اجي، ونبقي نشوف هتروحي ازاي يا ست ايه عشان يكون يوم اسود عليكي وعلي الي جابك
ايه: انت صحبي زيك زيه علفكره فتعملش فرق كتير ما بينكوا
يوسف بضرب الطاوله : يا بت ه......
ابله مروه: اي يا بنت انتي وهو ، فضحتونا، هو انا مش قادره عليكو ول اي
رحمه بدخول ونظر للموقف : يلهووي عليا انا! ، احمد قصي مش هنا يهدي
انت خد يوسف من هنا وانا هتعامل مع ايه، بسرعه
احمد: طيب طيب يلا
"تتدخل الابله مروه بينهم ويقف الجميع يشاهد وتدخل رحمه بسرعه لكافيه وتتجه لايه"
رحمه: ايه اي الي حصل
ايه بدموع وعناقها: رحمه! كنتي فين
رحمه: انا هنا يا قلبي اهو، مفيش حاجه
"تنظر ليوسف بغضب:" چوو!
يوسف: رحمممه متبصليش كده، بلا چو، بلا بتنجان، شوفي صحبتك عملت اي
احمد: اهداء يا يوسف كده، يلا، يلا علي الاتوبيس
كلو علي التربيزه بتاعته، فركش يلا
وكلو يستعد هنتحرك ول اي يا ابله مروه
ابله مروه: لاء يا... مش مهم اسمك، يلا بينا، كلو يتحرك علي الاتوبيس يلا وليا كلام مع لتنين دول لما نوصل
اتفضلو.
مشينا كل واحد في اتجاه واختفت نظرتنا لما كل واحد ركب في الاتوبيس بتاعه، وركبت مع ايه الي مغرقه نفسها دموع دي وبهديها
لكن هنعمل اي في دمغها الناشفه دي
نظرا اني اتعودت في كل خروجه لازم تخلص بنكد كده بينهم بذات.
رحمه: عملتي اي يا بومه ها
ايه: رحمه لو هطلعيني غلطانه من دلوقتي يبقي اقفلي الموضوع احسن انا مش طايقه نفسي والله ا....
رحمه: ايي! مكنش سوال، انتي بتعيطي ول بتزعقي، افصلي عبال ما انروح لينا كلام سوي
ايه: علفكره انتي معندكيش دم ومستفزه
رحمه: وانتي تلاجه ودبش وبتعصبي ديما
بصتلي كده ومدت شفتها لقدام بعياط تاني وحضنتني، طيب امسكها اعجنها ول ابوسها ول اعيط جنبها دي دلوقتي، ول اعمل اي؟
ايه بعياااط: رحمممه
رحمه: ااامم
ايه: مش هيسبني صح
رحمه: والله علي حسب مصيبه المره دي.
ايه: رحمه بقي!
رحمه: هنتكلم في البيت، اهدي دلوقتي ممكن
ايه: حاضر، انتي جنبي صح
رحمه: جنبك
ايه: عشان خاطري متسبنيش
رحمه: لو بموت كده، مش هسيبك خلاص، اهدي
ايه: ......
بوست راسها وهي هديت شويه ونامت فبعدها ظهرلي رقم برن تاني والبرنامج حظره وظهرلي علامه حمره فعرفت انه رقم احمد
احم فرديت عليه عشان اشوف يوسف عامل اي
"يعني مش عشان حجه وهتسجلي رقمه عندك عشان تبقي تتوصلي معاه، تؤ تؤ عشان چو حبيب ايه قلبي"
رحمه: يوسف احسن دلوقتي
احمد: الواتس منور
رحمه: رد عليا
احمد: امم جنبي اهو، شرب اربع سجاير لعند دلوقتي
رحمه: ينهار ابيض! ايه لو عرفت هتقتله
احمد: اسكتي ده هيفرقع زي المكوك انا خايف اكلمه ليضربني او حاجه.
رحمه: ههه المهم خد بالك منه
احمد: وانتي
رحمه: اه ايه، هاخد بالي منها حاضر
احمد: ايه مين، خدي بالك من نفسك
رحمه: سلام يا عسل
احمد: علفكره انا مش مسامحك علي القهوه الي دفعتيها دي، بس صدقيني هردهالك ووقتها مش هتقدري تكلمي، بوعدك
رحمه: تصبح علي خير يا احمد.
قفلت معاه وحطيت التلفون جنبي وسندت علي ايه وانا مش عرفه ريحه بمشاعري فين؟
انا منكرش انه انهارده من احلي الايام في حياتي
منكرش انه الطف حد اتعملت معاه وكلمته من وقت طويل
بس يا تري بغلط، انا بغلط فعلا بس اعمل اي؟ اعمل اي بجد.
في المنزل...
ايه: انا دخله انام
رحمه: لاء وانا وصدقتك، لو اتحركتي من مكانك هنزعل
ايه: رحمه نتكلم بكره بجد مش قادره
رحمه: قادره بس تاذي مشاعره وتعذبي معاكي عشان حتت واحد خزلك قبل كده ومن وقتها وانتي قافله بابك، قادره تعيشي وانتي بتحبي وبتنكري عشان كبرياء حضرتك وعنادك
ايه: يووه يا رحمه اسكتي
رحمه: لاء. مش هسكت وترزعي نتكلم
ايه: رحمه سيبك مني تمام
رحمه بديق : اقعدي بقلك ؟