رواية حنين الاحبه
الفصل الخامس عشر15
بقلم رحمه ايمن
ياسين: منال انتي تهبلتي، ازاي تضربيها وانا واقف ؟!
منال بديق : اه اتهبلت كل ده حصل من تحت راسك اصلا
كان اي حاجه تقول عليها توافق عليها وتخليتها تعلي صوتها وترفع راسها في راسنا اتفرج بقي عملت اي، افرح ببنتك
يا ياسين افرح بيها.
ياسين: فرحان بيها يا منال ولو زوتي في الكلام هنخسر كل العيش
والملح الي ما بينا وهرفع عليكي يمين الطلاق واحنا في العمر ده
منال:!!!
علي: بابا انت بتقول اي، رحمه هي ال...
ياسين: علي اخرس انت كمان، مررريم
مريم بخوف: نعم يا بابا
ياسين: دخلي رحمه اوضتها وجبيلها شويه مايه كده، يلا يا بابا
مريم: حاضر
خدتني من ايدي وانا مستوعبتش لدلوقتي في اي؟
اي الي حصل ده؟
دخلت الاوضه وضحكت بسخريه وصدمه غريبه أخدتها يمكن لان عمر ما وصل بيها الامر انها تضربني، كانت بديقني وبتأذيني بكل حاجه تقدر عليها الا مد الايد.
هو انا لدرجادي عملت حاجه غلط في نظرها
"رحمه باخذ الهاتف وفتحه"
مريم: رحمه هترني علي احمد، رحمه متتهوريش مينفعش يعرف حاجه زي كده دلوقتي و...
رحمه بدموع: صقر!
صقر: اه علي الصوت ده، انا ركبت العربيه خلاص تمام
ساعتين واكون عندك
رحمه بدموع: لاء متجيش دلوقتي متجيش مينفعش تيجي
صقر: في اي قلتلك كلام وحش صح
امك يا رحمه متعودين عليها يعني، عارف انها كانت هترفضه بس متقلقيش انا جنبك وباباكي واحمد كمان ها، رحمه
رحمه: صقر انا لازم امشي من هنا ، تعالي خدني بكره ماشي
صقر: حاضر، هاجي بكره ممكن تهدي طيب ممكن
رحمه بدموع: اول مره تعمل كده معايا يا صقر، اول مره تأذيني كده انا.... اووف
صقر: حوم
رحمه:....
صقر: انا معرفش اي الي حصل، وانك اول مره تعيطي بحرقه كده وانتي بتكلميني من زمان، لكن اعرفي انك صح ، و انك عملتي كل الي تقدري عليه والباقي مش بتاعك الباقي عند ربنا ، عارف انك مديقه دلوقتي وزعلانه ومكسور خطرك من الي حصل
اي ان كان هو اي لكن هتندم لو قالت كلام وحش هتندم عليه بجد وبوعدك بده
هجيلك بكره تمام وكل حاجه هتكون بخير صح، مش احنا متعودين انه احنا انعديها ول اي.
سمعاني
رحمه بمسح دموعها: سمعاك
صقر: هجيلك ماشي، بكره الصبح هكون عندك
رحمه: ماشي
صقر: متعيطيش فهمه ، والله ما هقدر استني لبكره لو فضلتي كده
رحمه: متقلقش يا صقر انا تمام
صقر: نامي كويس
رحمه: سلام.
text message
"انتي كويسه؟ حصل حاجه معاكي"
"اه كويسه وصلت"
"اه، هنام تعبنا اوي انهرده، وانتي"
"هنام برضه"
" تمام تصبحي علي خير يا حبيبي، سلام "
قفلت التلفون ومسكت راسي بإيدي وودفنتها جوه رجلي وانا بعيط وقلبي مكسور، مكنتش اتوقع النهايه دى في اليوم ده ابدا
مكنتش اتوقع انها تجرحني كده، معقول انا تشك فيا كده
انا بنتها وهي عرفني علي ايه ، معقول هان علي قلبها يطلع منه الكلام ده.
بعدها صليت ونمت وانا علي السجاده من التعب.
اليوم التالي صباحا.
"تستعد رحمه وتجهز ملابسها لرحيل"
مريم: يعني هتمشي خلاص، انتي مقعتيش حاجه
رحمه: يدوب يا مريوم ورايه شغل، انا جيت بس عشان احمد وكنت همشي دلوقتي اصلا
مريم: لسه زعلانه
رحمه ببتسامه : عادي يا مريم متعودين، هي كده عملت كل حاجه تقدر عليها بنسبالي، هتفقد الامل خلاص
"تنظر لها مريم ببتسامه ممحرجه دون تحدث"
طق طق طق .
رحمه: ادخل
ياسين: بنتي الجميله، صب... اي ده ريحه فين؟
رحمه: هرجع القاهره يا بابا انا اخدت اجازه يومين بس وانت قابلت احمد وهنتظر بقي موافقتك الاخيره ونحدد معاد تاني، لازم ارجع دلوقتي
ياسين: ماشي يا بنتي ربنا يعينك واشوفك ديما ناجحه يا رب.
ابتسمت ليه وبعدها قرب عليا.
ياسين بتقبيل راسها: حقك عليا يا بنتي، انتي عرفه انها لما بتتعصب مبتشفش قدامها وقلتلها كمان انها تيجي
وطيب خطرك، اعرفي اني واثق فيكي ومهمنيش اي كلمه قلتها واتكلمت معاها وفهمتها كل حاجه تمام
رحمه بتقبيل يده: شكرا يا بابا، شكرا علي كل حاجه
ياسين: ربنا يتمملك علي خير يا رب وزي ما قلتلك لو ليكي خير فيه يا بنتي هيكون ليكي وانا معاكي وبدعمك لاخر يوم
دخلت جواه وانا كلي امتنان ورضي انه ربنا رزقني بأب زي ده في حياتي يهون عليا ويراضيني لما ازعل.
احيانا بهون علينا التعب، تعب الشغل، تعب المذاكره، تعب الحياه لما نلقي حد في ضهرنا وسندنا بكل قوته، بتحس بالعجز وانك وقعت واستسلمت لكن لما تفكر فيه وانك لازم ترد حقه في يوم من الايام بتقوم من جديد وتتحرك كانك لسه بادئ من جديد
وتحس بتقصير وانك كاره نفسك لو معملتش الي عليك او اتحركت
لانك ببساطه نفسك تسعده، نفسك تسعد اكتر شخص حبك وحط امله وثقته فيك وللمره المليون هتكون الشخص
الي بتحمل واصبر عشانه كل ده من يوم ما طلت رجلي علي الكليه لاخر يوم في عمري وده دين، دين ليك.
في الصالون.
لبست نظاره وجنبي هدومي وانا مستنيه صقر يجي
ماما مكنتش موجوده، وطبعا مقدرتش تصحيني، لكن اليوم يكمل ويسبوني في حالي، ازاي؟!
علي: اهلا بالي خدت كف محترم امبارح ههه زعلان اوي عليكي والله
رحمه:......
علي: عشان لما تفكري تعملي نفسك حاجه علينا تفتكري القلم ده وتعرفي انك ول حاجه، وانك بنت وبس يا عسل فهمه
اخدت نفسي بعمق وقمت وانا حرفيا مش قادره اتحمل كلمه منه اكتر من كده وقلت وانا كلي ديق
رحمه: عايز اي يا علي، حبها واخدته، اخدت حاجه انا وهدير اختك مخدنهاش، اخدت حنيتها وخوفها ورضاها، حساك اكبر حاجه عملتها في حياتها لانك ابنها، لانها ضانها بس
مستكتر عليا اي، مستكتر عليا اني مهربش من هنا لي، عايزني اجوز واحد شبهك ول بلاش شبهك واحد يضربي
صبح وليل ويهني وياذني وميحترمنيش، هتكون مبسوط فيا، لو انت
اخويا بجد مش هتحس بكده، هتخاف عليا، قولي عايز اي فهمني
في اي اخدته منك عشان تكرهني كده؟ قول؟
علي بسكوت:....
رحمه: شكرا علي سكوتك
صقر: رحمه! اووف انتي كويسه
رحمه: اهلا يا صقر ي...
"كنت هاخد الشنطه لقيت ماما جيه، بصتلي وسكتت ومتكلمتش"
بعدها صقر اتكلم بفكاهه كعادته
صقر: ازيك يا حماتي عمله اي؟
منال: حمه تجيب اجلك يبعيد، قال حماتي قال
صقر: طيب ممكن نتكلم شويه علي جنب
منال: لاء، انت لو اخر واحد في الدنيا مش هتكلم معاك
صقر بغمزه وضرب صدره بخفه : طيب عشان قلب منوله
"مشكله صقر، انه عمره ما فشل انه يضحكني، عيل بارد زي الكتاب ما قال فعلا هه"
منال بديق : ييي عليك وعلي تلزيقك
صقر: هه حبيبي، حبيبي وفقي ونبي
منال: تعالي، تعالي وبطل قرف
صقر بهمس: دقيقه وجي نمشي علطول
رحمه بهمس: هتعمل اي؟
صقر: هقلك بعدين، اطلعي وانا جي وراكي .
"في الجنينه"
صقر: عارف انك مش موافقه علي الجوازه دي ول انا موافق كمان
عارف انك مش عايزه احمد ده ليها ، وانا كمان مش عايز رحمه ليه
انتي عرفه اني بحبها صح وعشان كده
لو مكنتش ليا مش هتكون لغيري وهخليها معاكي هنا بدل ما تروح لاي حد، بس توعديني انك متجوزهاش حد من هنا غير لما توافق
منال: وهتعمل اي يعني
صقر: انا بس عايزك توفقي علي المقابله دي وفي فتره الخطوبه انا هعمل مشاكل كتير بينهم وهخليها تكرهه
هي متعرفش انه مأذي وانه بيخدعها، انا واثق انه كداب
وهكشوفه علي حقيقته قدامها وهخليها تيجي تعتذرلك كمان
منال: اتفقنا
صقر: اتفقنا.
في السياره.
رحمه: خلاص يا ايه تمام
ايه: حوم مبهزرش، لازم تعدي عليا، اقسم بالله لو كانت قدامي مكنش حد رحمها من ايدي
رحمه بضحك: شرسه اوي لعلمك
ايه: انتي بتهزري دلوقتي، طب والله اعملها
رحمه: بحبك برو
ايه: وانا لاء، هستناكي تمام
رحمه: امم
"يدخل صقر عند انتهاء المكالمه"
صقر: بتكلمي مين؟
رحمه: ايه، المهم عملت اي
صقر: ول حاجه يا ستي، امك طلعت دمفها انشف منك عادي
رحمه: صقرر
صقر: ها ناكل اي بقي؟
حرفيا كان كل همي ارجع القاهره ، بحس اني عصفور وبدأ يحلق، بدأ يرجع لمكانه الي بحبه وبرتاح فيه.
كان تفكيري كلو في احمد، يا رب ما شوفه انهارده بجد يا رب.
text message
احمد: منتظرك في الكافيه الي خرجنا لي قبل كده، ضروري.
ابغي اعيط، اي النحس ده!
صقر: احمد
رحمه: امم، عايز يقابلني
صقر: متروحيش
رحمه: افندم
صقر: ورانا شغل كتير، وكمان شكلك مرهق ارتاحي شويه
رحمه: ممكن تركن عند عمو فوزي، الكافيه ها، لو سمحت
صقر: مصره
رحمه: اكتر مما تتصور
صقر: ماشي يا حوم، بس خليكي عرفه انتي الي قولتي.
في الكافيه.
رحمه: اهلا يا احمد
احمد: لسه راجعه مش كده
رحمه: اه، اول ما رجعت جيت علي هنا، حتي لسه مروحتش هدومي
احمد: رحمه ممكن سوال
رحمه: نعم
احمد بعصبيه : لي طلبتي من صقر بتاعك ده يجي يوصلك ومقلتليش انا
وانتي معاكي عربيه كمان، لي طلبتي منه فهميني
رحمه بإرهاق: يعني انت جي تتخانق معايا دلوقتي صح؟
احمد: رحمه انا مبتخنقش، انا بحاول افهم، ها لي، اديني مبرر واحد ل ده
رحمه: لانه صقر ديما بياخدني من هناك، ولان مروان جامعته قريبه من هنا خدها وقلي هيركنها قدام البيت وهيبقي يرجع بالقطر لانه قام متاخر الصبح، ارتحت كده، فرحان، انا هروح بقي لاني بجد تعبانه
احمد: اي طريقه الكلام دي! انتي فهمه انك صح يعني واني بعمل مشكله وخلاص من غير مبرر.
انتي غلطانه عشان خليتي واحد زي ده يوصلك، زمان كان بيجي ياخدك عادي انما انا موجود وده وجبي انا، ده حقي انا، رحمه انا رجعت استوعبي دي ممكن
كنت مرهقه لدرجه الانفجار، كنت تعبانه من كل حاجه، وقتها مكنتش عايزه منه خناق لكن كلام هادي ينسيني الي حصل
بس غضبي اتحكم فيا وقلعت النظاره وظهرت ملامح وشي الي خبتها عنه وبدات اصرخ فيه.
رحمه: احمد انا متعودش، الي كان جنبي السنين دي كان صقر، الي كان بيرجعني ديما صقر والي كان بيسمعني ديما صقر
متعودتش، محدش برجع في يوم وليله وكان شيئا لم يكن
واحنا كنا مبسوطين امبارح وقفلنا عادي، بعدها حصلت مشكله عايزني اقلك اي ماما ضربتني، تعالي الحقني
عايزني اقلك اي يعني، انت غريب بجد.
حصل بينا سكوت فتره وبعدها قام وقبض ايده جامد ومسك الجاكت بايده التانيه، كان بعاتبني باسلوبه الي مهما عدا عليه سنين استحاله انساهم.
اسلوب الصمت والعيون الي بطق شرار
هو... كل حاجه باظت مش كده.
احمد: هنتكلم في وقت تاني يا رحمه، اعتقد سمعت كتير انهرده ومش قادر لمناقشه زياده بينا، انا غلطان اني غيران
غلطان اني خايف عليكي وغلطانه اني كنت منتظر منك تبرري بطريقه واقناع عن كده ومكنش قاعد زي الغبي وواحد صحبك يوصلك عادي، انا غلطان اني فهمت اني راجع القي رحمه مختلفه اه لكن بتاعتي الي حبتها بجد.
انا غلطان يا رحمه تمام.
اتحرك وبعدها رجع تاني لبسني النظاره وقلي هبعتلك مرهم حلو ابقي استعملي وحرفيا قلها بعدم نفس نهائي.
قعدت وانا بعيط من كل حاجه، وخنقه رهيبه جوايا.
هو لي كل حاجه بدات تتعقد انا بجد تعبت.
بعدها روحت خدت دوش وكلمت ايه فديو كول وانا بشحتف زي العيال الصغيره.
رحمه: ايييه سااعدينييي!
ايه: لاء يا بيبي عيطي، عيطي كتير لانك تستهلي الحقيقه
رحمه: انتي يا بت صحبتي ول عدوتي بتشتغلي في داش من ورايه ها اعترفي
ايه: رحمه كوني جديه بقي، احنا مبنهزرش، انتي فهمه انتي عملتي في اي انهارده، انتي جرحتي وقللتي منه فوق ما تتصوري
رحمه بتهند: ايه فهمه، انا غلطانه، انا اسفه، ببعتله رسايل مبردش، بقولو يقابلني بكره نتفاهم بيعمل سين ومبردش برضه
ايه مكنتش عايزه يحصل كده
ثانيه بس! اي الي عرفه اني كنت في البيت وصقر وصلنى؟
ايه بستعباط: اه صح اي الي عرفه
رحمه بخبث: ام ريان مثلا قلتله، تفتكري جرتنا الي هقكع علاقتي بيها حالا دي
ايه: اااه ام ريان انا مكنتش بحب البنت دي اصلا اقطعي علاقتك بيها فعلا
رحمه: وحيات امك صح
ايه: اعمل اي سالني رجعه امتي فقلتله اكدب عليه يعني
رحمه: اه قلتله دي في وراها، اه رجعه انهرده والساعه ١٢ وبعربيه صقر لانه هو الي هيجبها و مش رجعه وخلاص حصل
ايه: احم حصل
رحمه: تنشلي يا ايه
ايه: طيب بجد بدون مبالغه، هو معاه حق، رحمه لو عنده بسيت فرند كده بنت قموره و...
رحمه: عنده اي يختي؟ ونعمه لدبحه هنهيص
ايه: قولي لنفسك يا سنديرلا ، قولي
رحمه: انتي عرفه اني بحب صقر زي اخويا بظبط وانا لما كلمته بطبيعتي وعادتي من زمان، غير كده مكنتش عايزه اقول لاحمد عشان كان مبسوط لما خرج من هنا فيزعل يرضيكي يزعل
ايه: يحنينه انتي
رحمه: شوفتي، عشان تعرفي اني قلبي بريئ والله.
ايه: رحمه غوري من قدامي ها غوري.
قفلت معاها وتقلبت علي السرير بضهري ، غمضت عيني وانا بقول، غبيه، وانا بتخيل نظرته وبشتم نفسي بجد.
انا كنت بعد الدقايق والايام والشهور وسنين عشانه، كنت بعيط اول سنتين بحرقه بعد كده الدموع جفت وقلبت زكريات
او ممكن اقول رويات في عشقه.
ساعته مفرقتنيش، ايامه الحلوه الي بتنفس عشانها
هو اغلي من اي حد، هو اصلا كل حد بنسبالي
معقول قريب مني دلوقتي، رقمه معايا، صوته جوايا ، نظرته قدامي ومبتخيلهاش زي زمان ومش عرفه اوصله.
طب حتي نتخانق اما نتخطب طيب
احمد باليز سمحني.
بعدها فتحت الاب بتاعي وكتبت
"في معظم الاحيان يجب الاعتذار، فالكبرياء يسقط عند الشعور بذنب، لا تكابر يا صديقي وانت تعلم بخطأك ، فاذا زاد الكبرياء زاد الجفاف ثم زاد البعد ثم يحدث الندم الي الابد
ابدأ انت بالاعتذار حاول مجددا لكي يفصح عنك، فاذا لا تريد فقدان شخص ما يهمك
تتيقن ندمك عليه وتتيقن انك ضائع من غيره فانت لا تفعل ذلك فقط من اجله بل
تفعل ذلك من اجلك ايضا لانك بخسارته ستنفقد الكثير ومن بينهم سعادتك ، فلا يوجد وقت ول عمر ول طاقه لهذا الشعور، اذا كان في يدك فنطلق..." 🖤
الطاووس.
text message
احمد: انا تحت انزلي.
شوفت الرساله وجريت زي المجنونه وبعدها رجعت تاني زي المجنونه برضه عشان مفروض البس حاجه محترمه عن كده
وبعدها اخدت السلم خطوه ونص تقريبا من لهفتي
ولاه وحشتني اقسم بالله.
نزلت لقيته بلبس الصبح، قميص اسود هبلني وجاكت مسكه في ايده نفس المسكه لكن بإرهاق باين عليه ، ساند علي
العربيه وببصلي بنص إبتسامه برده، هو عادي اقتل نفسي دلوقتي عشان متبصليش كده ول اصبر دقيقه عشان مش قادره اقاوم جمالك بجد
رحمه: احمد انت موجود صح
احمد: للاسف
رحمه: بص يا احمد انا...
احمد: انا اسف
رحمه:؟!