الفصل الخامس5
بقلم رنا احمد عماد
امام عماره وعد وعيون .
في الشارع ..
كانوا يقفون الاهل والجيران بسعاده وزغريط هزت الأركان وهم يباركون ل عيون
التي كانت تقف بصدمه مما حدث فماذا فعل ذلك المجنون جعلها تنظر أرضا بخجل من ذلك المشهد
الذي جعلها مراهقه يعترف حبيبها بعشقه إليها أمام الجميع كانت تنظر إلي ابتسامته الساحره بابتسامه علي وجهها أما وعد كانت تنظر إليهم بغضب شديد
ورغبه في الانتقام تكفي حرق العالم بأكمله كانت تقف ثنيه في البلكونه بابتسامخ لتاذن الي ايان بالصعود الي الشقه .
في الشقه ...
ايان بابتسامه وسعاده/مدام ثنيه انا طالب منك ايد انسه عيون علي سنه الله ورسوله.
ثنيه بابتسامه وسعاده/انا يمكن ي ابني معرفكش بس الي يقف في وش الناس ويعلن جوازه من بنتي بالرجوله والشهامه دي يبقا مستحيل ارفض انت الوحيد ي ابني الي كنت أتمناه لبنتي عيون لأنها تستهل كل السعاده الي في الدنيا .
ايان بابتسامه هادئه/وان انشاء الله هعيشها السعاده الي تستهلها ي مدام ثنيه .
وعد بغيظ وغضب /والله قصدك هتاخدها متعه ليك وبعدين ترميها لما تزهق مش كده اصل متقنعيش ي عني انك حبتها لأن الفرق بينكم شاسع كفايه المستوي الاجتماعي وفرق السن كمان ده حوالي 9سنين.
عيون بدمع وهي تبلع تلك الإهانات بمراره وكسره ليتحدث ايان بحده .
/الموضوع ميخصكيش علي فكره الي انتي شيفاه ده انا مش شايفه انا عايز عيون وبس وكفايه اوي الي عملتيه تحت علشان ده حسابه معايا انا .
عيون بقلق ورجاء /ايان من فضلك دي مهما كانت اختي .
ايان بغيظ شديد/اختك الي كانت عايزه تشوه سمعتك ي عيون انتي بتقويلي ايه مش ممكن يكون حد بالطيبه دي .
وعد بغيظ شديد/دي مش طيبه ده كهن نسوان بعيد عنك ولا واي طلعتي مش سهله ي عيون .
ثنيه بحده /اسكتي خالص ايان ي ابني متزعلش منها هي بس لسانها ده دايما كده ي ريت تعتبرها زي اختك .
ايان بتنهيده /طبعا ي طنط اختي وان شاء الله لما تيجي تتجوز هتكون مسؤوله مني أنا .
وعد بغضب شديد/ليه أن شاء الله فاكرني هتجوز واحد شحات ولا ايه أن شاء الله هتجوز الي اغنا منك .
ايان بتنهيده وضيق /أتمنا أن ربنا يرزقك بالي احسن مني كمان ويستحملك .
ثنيه بابتسامه/ايان ي ابني طبعا الفرح مش هيكون بكره زي ماقولت مش كده .
ايان بابتسامه/لا ي طنط هيكون كده فعلا وكل حاجه بكره هتكون جاهزه وانا مش عايز حاجه غير عيون وبس مش عايز حاجه تاني.
عيون بقلق وارتباك /ايان بيه ي ريت حضرتك تساعدني زي ماقولت وتشيل موضوع الجواز ده من دماغك لو سمحت .
وعد وهي تنظر إليه بانتصار /اختي مش عيزاك يبقا مش بالعافيه .
ثنيه بغيظ شديد/اسكتي انتي ي بت خالص ايه الي بتقويله ده ي عيون ي بنتي ده كلام .
عيون بدموع ووجع/ارجوكم متتضغطوش عليا انا شايله حمل كبير اوي من فضلكم كفايه .
ايان بابتسامه حنونه /عيون انا عايز اتكلم معاكي لوحدنا لو سمحتي .
وعد بغيظ شديد/انت عايز منها ايه بتهددها بايه علشان توافق سيبها بقا .
ايان وهو يمسك يد عيون /من فضلك ي طنط هنتكلم شويه في البلكونه .
ثنيه بابتسامه/اتفضل ي ابني البيت بيتك .
وعد بغيظ وهمس /ماشي ي عيون وديني لخلي حياتكم جحيم .
في البلكونه ...
كانت تقف عيون وهي تنظر أرضا بوجع ومراره.
ايان بابتسامه/طب ارفعي عينك في عيني حتي .
عيون بدمع ومراره /ارجوك ي ايان بيه كفايه كده انت هتفتح جرح في قلبي مش هيتقفل جوازنا هيدمر حاجات كتير صدقني.
ايان بابتسامه/قصدك ي عني علشان وعد بتحبني .
عيون بصدمه /انت كنت عارف.
ايان بابتسامه/طبعا كنت عارف وحاسس بكده من زمان بس صدقيني هي بتحبني علشان مستوايا الاجتماعي ي عني انا لو حالي علي القد كانت مستحيل تفكر فيا .
عيون باستغراب شديد /هي اختي وعد اه بتحب الفلوس وكده بس مستحيل ده يكون السبب دي من زمان من ساعه مشتغلت عندك وهي مشغوله بيك .
ايان بابتسامه/علشان اي مغروره عايزه تعيش دور الملكه وشايفه أننا الفارس الي هيطلعها من الفقر للغنا صدقيني ي عيون انتي مش بتظلميها انتي يمكن بتخليها تشوف الي بيحبها بجد وهيموت عليها وعلي فكره سواء اتجوزنا انا وانتي اولا انا عمري مهكون ل وعد ارجوكي ي عيون توافقي انا مش عايز احس اني بفرض نفسي عليكي انا عمري مكنت كده ابدا .
عيون بابتسامه /انا اسفه اني وصلتلك الاحساس طب وآسيا هانم مراتك .
ايان بغيظ شديد/متقوليش عليها هانم مفيش هوانم غيرك انتي ي عيون فاهمه .
عيون بسعاده كبيره/حاضر هسكت انا خلاص ماما وافقت وسعادتك فضحتني في الشارع كله خلاص مبقاش ينفع ارفض اصلا .
ايان بابتسامه وهمس /ايوه كده سلمي نفسك ليا وبس وجهزي نفسك علشان بكره فرحنا ي عروسه سلام ي عيون .
عيون بابتسامه وهمس/مع الف سلامه.
في سياره ايان ...
كان يقود بسعاده كبيره وهو يستمع إلي تلك الموسيقي الرومانسيه ليمسك هاتفه لياتيه رد شريف سريعا .
/انت فين ي معلم .
شريف بابتسامه/صوتك مبسوط وفرحان علي غير العاده .
ايان بسعاده /جداااا قابلني حالا في الكافيه عايز اتكلم معاك ضروري .
شريف بابتسامه/حمامه وهكون عندك ي كبير .
في شقه عيون ووعد ...
كانت تقف وعد بكره شديد لها .
/عمري مكنت أتخيل انك تكوني كده ابدا انتي خاينه محدش كان بيعجبك من كل الي كانوا بيتقدمولك زمان اشمعنا ايان الي وافقتي عليه مع انك عارفه أن روحي فيه ولا كاني اختك .
عيون بضحكه مراره /هههههه لا ي شيخه بجد اختك وانا مكنتش اختك لما عملتي الي عملتيه تحت قدام الناس ولا كانك اختي
وشرفي من شرفك وقولتهالك
قبل كده أنك ملكيش خير في امك واختك الي زيك مبعرفش يحب غير
نفسه ي وعد انا كان لازم اوافق علشان انقذ امي كده كده ايان مكنش هيكون ليكي انتي قدامه من زمان انسي ي وعد انسي .
وعد بكره وتوعد بالانتقام /مش هيحصل ي عيون واعرفي انك قطعتي كل الي بينا .
عيون بوجع وكسره/الي انقطع انقطع خلاص ي وعد من ساعه كلامك الجارح الي عماله تقوليه من غير ماتفكري هو قد ايه بيوجعني ي اختي الصغيره .
وعد بغضب وتوعد /ماشي ي عيون ماشي انتي الي خلتينا بدل مكونا اخوات بقينا أعداء ..
في أحدا الكافيهات الفاخمه.....
شريف بابتسامه وغمزه/ي جامد انت تصدق بالله انا كنت حاسس ان البنت دي مش هتعدي معاك كده .
ايان بابتسامه وسعاده/مش عارف ايه الي حصلي ي شريف كان ربنا بعتهالي طوق نجاه حاجه حلوه في حياتي الممله دي مش كفايه جلال وسما وقرفهم بس عيون هي هتكون البلسم الي هيداوي اي وجع جوايا .
شريف بمرح وغمزه /سيدي ي سيدي ايان الحديدي بقا شاعر بركاتك ي ست عيون .
ايان بابتسامه وسعاده/المهم بقا جهزلي كل حاجه.
شريف بابتسامه/خدامك ي سيدي من عنيا .
ايان بابتسامه/ربنا يخليك ليا ي صاحبي عقبالك ي شريف انت ووعد انت الوحيد الي هتعرف تربيها.
شريف بوجع وحزن /لا ي ايان انا ووعد خلاص مستحيل نكون لبعض ابدا المهم انت خليك في فرحك وحياتك ربنا يسعدك ي صاحبي ..
في فيلا ايان ...
كانوا يجلسون جلال وسما وهم يشاهدون التلفزيون ليسير ايان ليتحدث ببرود جعل علامات الصدمه تحتل وجوهم .
/اناهتجوز بكره .
جلال بصدمه /انت بتتكلم جد ولا بتهزر.
ايان ببرود /وانا من امتا بهزر .
سما بصراخ وجنون /انت بتقول ايه عايز تتجوز عليا ي ايان علي سما الحديدي .
ايان ببرود واستفزاز /لو عايزه تتطلقي انا معنديش مانع .
جلال بحده/مكفيالك الغاز وترد علينا كويس مين البنت دي وعايز تتجوز ليه .
ايان ببرود /اولا انا مش مجبر اجاوبك اصلا علي اي حاجه بس عموما البنت الي هتجوزها هي عيون وعايز اتجوزها لاني اول مره احس بإحساس الاطمئنان والارتياح معاها وعايز ابن يشيل اسمي ويورثني .
جلال بحده وغضب /عايز تعيد الموضوع من تاني ي ابن عامر عايز تجيب ريم تانيه حفيد تاني لعائله الحديدي من واحده من الشارع عايز تعيد تجربه ابوك لما جاب امك .
ايان بغضب شديد/اوعا تجيب سيره امي علي لسانك وقسما بالله لو حد حاول يتعرضلها همحيه من علي وش الأرض الفرح بكره
عايزين تحضروا احضروا مش عايزين يبقا احسن تصبحوا علي خير.
سما بغيظ شديد/شوفت حته الشحاته دي عملت ايه ي بابا شوفت هنعمل ايه دلوقتي.
جلال بحده/هقولك .
في اليوم التالي ....
في شركه ايان ..
في مكتب شريف ...
كان يجلس وهو يدون بعض الملفات الهامه سريعا لعدم وجود ايان في الشركه كان من الواجب تسليم ذلك الملفات لتسير اليه وعد بخبث ومكر وهي تقترب منه بدلع مصتنع.
/وحشتني علي فكره .
شريف بسخرية /وده من امتا إن شاء الله.
وعد بخبث ومكر/اسفه علي الي قولته انبارح متزعلش مني ده انا وعد حبيبتك .
شريف بغيظ شديد/كل ده علشان ايان هيتجوز عيون حاسه للبديل بتاعه مش كده امشي من وشي ي وعد بدل ماحتقرقك اكتر من كده امشي .
وعد بغيظ شديد/ماشي ي شريف انا هخليكم كلكم تبوسوا جزمتي .
صقر وهو يقتحم المكتب بغضب شديد/المدير بتاعك فين وليه مماضاش الصفقه لحد دلوقتي .
شريف بغيظ/الصفقه مش هتتمضي ي صقر بيه احنا مبنشتغلش الشغل ده اتفضل من هنا.
صقر بغضب شديد وتوعد /ماشي بلغ ايان باشا اني بقيت عدو ليه وهيشوف
مني اسؤء معامله وهنشوف مين فينا الي هيضحك في الاخر .
ليسرع الي الخارج بغضب جحيمي لتسرع وراءه وعد وهي تبتسم بخبث ومكر ف صقر سيكون هو الورقه الرابحه بها في الانتقام ...
في شقه عيون ووعد ....
كانت تجلس عيون بارتباك فهي لا تصدق ماذا يحدث حولها هل من
المعقول أن اليوم هو زفافها علي ذلك الشخص الذي مهما
تخيلت لن يكون بذلك الشكل لتخرج من شرودها علي
طرقات الباب لتفتح ليتوقف الكلام في حلقها لتتحدث بارتباك وقلق .
/سما هانم