رواية غرام الاسد كامله جميع الفصول بقلم شروق محمد

رواية الشيطان البرئ 

 الفصل الخامس عشر15

بقلم يارا عبد السلام

بتول صحيت الصبح ملقتش يوسف جنبها افتكرت أنه خرج برا ..

قامت وهى مبتسمه وهى بتفتكر يوسف قد اي كان لطيف معاها امبارح وافتكرت لما قالها بحبك وبعدين ابتسمت اكتر انها خلاص بقت مراته ...

قامت بنشاط وفرحه غامره قلبها ولبست وخرجت تشوفه...

كانت ام حسن واقفه في المطبخ يتجهز الفطار..

بتول:صباح الخير

ام حسن:صباح الفل حماتك بتحبك يلا علشان نفطر ...

بتول:امال فين يوسف وعمى سعيد

ام حسن بصتلها باستغراب:هوا يوسف جه أنا مشوفتهوش وعمك سعيد هيفطر تحت في الورشه..

بتول قلبها وجعها:يعنى انتى مشوفتيش يوسف ..

ام حسن:لا يبنتى استنى انادي عمك سعيد يمكن شافه...

ام حسن راحت ناحية البلكونه ونادت لسعيد وبتول كانت واقفه رجليها مش شايلاها...وحاسه أن كل اللي كانت فيه امبارح كان حلم ...

*بس اللي حصل اكيد مش حلم يا تري رحت فين يا يوسف...

عم سعيد طلع وبتول قابلته بلهفه..

_عم سعيد أنا شوفت يوسف صح هوا جه امبارح وكان معايا بس صحيت ملقتهوش...

عم سعيد بتوتر:ايوا يا بنتى شوفته وانا نازل اصلى الفجر وكان عاوز يمشي بسرعه علشان في حاجه مهمه بس مرضيش يقولى بس قالي اخد بالى منك واطمنك واقولك أنه راجع ...

وكمان سابلك الورقه دي...

واداها الورقه وهى مسكتها بدموع ودخلت الأوضه تقرأها...

قعدت والدموع في عينيها..

"من اول يوم شوفتك فيه وانا بحبك ومش عاوز غيرك كنت بحبك من صغري وكنت دائما براقبك من بعيد وانتى بتلعبى كنتى اجمل بنت في الشارع ...ولما شوفتك تاني كنت عاوز بدل ما اكون بارد اقولك بحبك كان نفسي يكون جوازنا في ظروف احسن من كدا امبارح كان اجمل يوم في حياتي لانك خلاص بقيتى بتاعتى وملكى وهرجعلك يا بتول لما اكون انسان تاني واتخلص من كل الماضى واجى ابدا معاكى من جديد....بس طول منا معاكى وانا لسه متخلصتش من كل دا هفضل خايف عليكي وقلبي مش هيطاوعنى انى اخاطر بيكي...أنا مش عاوز اشوف دموعك تاني مش انتى كان نفسك اتغير أنا قررت اتغير ومش هرجع الا لما اتغير وارجع يوسف بتاع زمان وانتى هتكونى مصدر القوة ليا...

سلام يا اجمل بنت شافتها عينيا..."

يوسف 

كانت بتقرا كل كلمه وعينيها بتدمع قلبها كان بيدق من الخوف ...

*هستناك يا يوسف هستناك يا حبيبي...

عند يوسف..

كان قاعد على البحر ونسمات الهوا بتلامس وشه كان بيتنهد بخنقه...حاسس ان دا احسن قرار خده بس مش عاوز يسيبها مش هيستحمل يكون بعيد عنها الفتره دي كلها....

بص للسما ..

*أنا عارف انك معايا ومبسوطه دلوقتي وحشتيني اووي يا ماما...

يارب ادينى القوة انى اكمل ...

نزلت دمعه على خده غصب عنه مسحها وقام ومشي...

راح المحطه ونزل مصر ...

اتصل على زياد 

_الو يا زياد عاوز اقابلك ضروري في*****

قرر أنه ينهى اللعبه دي في اقرب وقت ..

بعد شويه زياد وصل...

زياد:في اي يا يوسف واي رجعك

يوسف:أنا عاوز اتواصل مع اللي معاك في بيت الزيات..

زياد:لي ..

يوسف:مفيش هصبح عليه بس...

زياد:ناوي على اي يا يوسف

_على كل خير ان شاء الله....

عند عبد الرحمن...

كان قاعد بياكل وندى واقفه قدامه ...

_تاخدي حته فرخه..

ندى:تؤ كل انت..

عبد الرحمن:ما عنك يا مسلوعه انتى

ندى:بتقول اي

_بقول مسلوعه عملالى نفسك سبايدر مان وانتى خلة سنان ...

ندى بصتله بغيظ وسكتت وبعدين جالها تليفون...

_الو 

ايوا تمام 

هظبط كل حاجه واكلمك 

سلام...

عبد الرحمن بفضول:مين دا

ندى:ملكش دعوة وخلص اكل بقى علشان تاخد العلاج خلينا نخلص..

عبده يصلها:يعنى علشان انا عاجز ومش قادر اقوم تعامليني كدا صحيح الحوجه مرة وياما بهدلت ابطال...

ندى:صدق صعبت عليا وسابته وخرجت..

عبده نده عليها مردتش..

*خلاص بقى يا عبود لازم تجاهد وتقوم لوحدك...

مر اسبوع وكانت بتول تعبانه جدا وكل يوم صحتها بتدهور عن اللي قبله...

ام حسن:قومى يا بنتى كوليلك لقمه وشك بقى قد اللقمه حرام عليكي نفسك..

بتول:مليش نفس يا ام حسن لما هجوع هاكل

عم سعيد دخل وقال:وضعك دا ميعجبش يوسف ابدا انتى كدا مش عوزا تخليه مبسوط..هوا مشي علشان خايف عليكي من الناس اللي بتطارده لو مش خايف عليكي كان خدك معاه لو رجع دلوقتي وشافك كدا ممكن يطلقك....

ام حسن بصت لسعيد بخبث وشافوا ملامح بتول اللي اتغيرت...

بتول:اي هوا ممكن يسيبنى بجد وممكن يطلقنى..

ام حسن:لو شافك وحشه كدا ورفيعه ومش بتاكلى هيسيبك الراجل مش بيحب الست الضعيفه صح يا حاج

عم سعيد ابتسم:دي حقيقه .

بتول قامت بسرعه وبصت لنفسها ولقت شكلها فعلا اتغير والهالات السودا تحت عينيها ووشها باين عليه الارهاق...

بتول في نفسها:أنا فعلا شكلى اتغير اووي وممكن يسيبنى...

قربت من ام حسن وخدت منها الاكل وبدأت تاكل ...

عم سعيد ابتسم وكمان ام حسن...

سعيد:ربنا عوضه عن كل اللى شافه بيها ربنا يسعدهم...

وخرج ووراه ام حسن اللي كان مبسوطه أن بتول بتاكل...

عند يوسف...

كان قاعد مع زياد بيخططوا ازاى هيمسكوا الزيات واللى معاه متلبسين...

زياد:كدا تبقى الخطه تمام

يوسف:هي العمليه امتى

_المصادر بتقول بعد اسبوع..

يوسف:على خير 

زياد:ربنا معانا أنا مش عارف من غيرك كنت هعمل اي ...

بالمناسبه بابا عاوز يشوفك يا يوسف..

يوسف بصله وافتكر أبوه وغمض عينيه بتعب وشريط الذكريات وكل اللي حصله جه قدامه...

زياد:أنا عارف ان مش وقته بس هوا تعبان اووي يا يوسف ونفسه يشوفك صدقنى بابا ملهوش اي ذنب امى السبب في كل دا ...

يوسف:مش دلوقتي يا زياد لما العمليه دي تخلص واروح وانا رافع راسي واعرفهم أنى قدرت اعيش من غيرهم ...

زياد:اللي تشوفه يا يوسف...

في بيت زياد..

كانت سميره قاعده مع اخوها..

_الواد زياد مبقاش طايقنى ولا بقى يتكلم معايا ومبقاش ييجى البيت اصلا من بعد اللي سمعه انا خايفه يقول لابوه حاجه...

حامد اخوها بخبث:قولتلك من زمان خلى جوزك يكتبلك البيت باسمك مكنش كل دا حصل 

سميره:كنت كل لما اقوله يتهرب كأنه كان حاسس ان يوسف هيرجع..

سمعت صوت من وراها:ايوا عليكي نور...

سميره بصدمه....

              الفصل السادس عشر من هنا

لقراة باقي الفصول من هنا

تعديل المقال