رواية اميره في بيتنا
الفصل الخامس 5
بقلم زهرة الجبل
سمعت اميرة خبط علي الباب
اشتد خوفها والنبي ما تفتح دا اكيد هما والنبي بلاش
يوسف بطلي صويتي اكيد مش هما حتي لو هما اكيد مش هيعلوا حاجه وانا موجود
فتح يوسف الباب وجد إخوته البنات
كلهم بصوت واحد صباااااح الخير يا عريس
لم يرد يوسف عليهم وذهب الي غرفته دون اي كلمه
دخلوا البنات في الشقه
منال. اظاهر كانت ليلي زي الفل العريس في اوضه والعروسه في اوضه
ودخلوا عند اميرة وجودها تجلس علي السرير ضامه ارجلها الي صدرها
وواضح عليها الحزن
منال. صباح الخير يا عروسه
انا منال اخت يوسف الكبيرة
امل. وانا امل. اجدع واحده في العيله واحلي واحده زي ما انتي شايفه
نسمه. وانا نسمه وفعلا اسم علي مسمه
امل انتي اعصار مش نسمه
لم ترد اميرة علي كلامهم واكتفت بالصمت
امل. احم. هو جو زعلك ولا اي. وبتريقه.
دا حتي نسمه
نسمه. لا لا.
اكيد رايا واسكينه اللي مزعلنها انا شوفتهم خارجين من هنا
خافت اكتر عند تعليق نسمه علي امها ومرات عمها
لاحظت منال خوف اميرة الذائد
منال. بنات روحوا شوفوا جو. يمكن يكون محتاج حاجه
امل. جو مش بيحب حد يساعده
نسمه. هي بتوزعينا يا ناصحه
امل. انا عايزه اعرف هتقولوا اي
نسمه. وانا كمااان عايزه اعرف
منال نظرت لهم نظرات كلها غضب
نسمه. احم. يلا. يا امل نشوف جو.
امل. لا انا عايزه اعرف هيقولوا اي
منال. بشخط. امل
امل. اوف. حاضر. يلا. يا اختي
خرجت نسمه وامل الي غرفه أخيهم
جلست منال بجوار اميرة
ممكن تعتبريني اختك الكبيره ولا. لا
لم ترد اميرة علي كلامها والتزمت الصمت
منال. طيب يوسف زعلك في اي
هو قرب منك
يوسف طيب جدا بس الحادث غيرة
لم ترد علي كلامها
منال. طيب ماما. وامرات عمي. عملوا حاجه زعلوكي في حاجه
وعندما تذكرت ما حدث انهارت بالبكاء
منال. ضمتها اليها. طيب اهدي قوليلي اي حصل
حكت اميرة ما حدث معها
منال. بحزن. لا حوله ولا قوه الا بالله
اميرة. انا خايفه
منال. بتأثر.
لا. متخفيش محدش هيقرب ليكي تاني
ولو. حاولوا. انا. هشتمي لباب
لاحظت منال أن اميرة لا تدرك ما اراده من فعله كل ما تعلمه انهم ارادوا لها السوء
فهي لا تزال طفله
خرجت منال من غرفه اميرة وكلها حزن علي حال اميرة فهي اذاقت من نفس الكاس
ذهبت الي غرفه يوسف وكلها اسف
منال ازيك يا جو
يوسف علي حالي
منال. بنات. روحو عند اميرة
اتسلوا شويه
امل. وبعدين بقا.
اي الحكايه روحوا تعالوا. هي مصاريف سفر وخلاص
منال. بشخط. امل بطلي. خفت دم ويلا من هنا
نسمه. احم. انا خارجه لوحدي من غير شتيمه ولا تهزيق
يلا يلا يا امل
شكل الموضوع كبير
خرجوا البنات من الغرفه
يوسف. قولي اللي عندك من غير مقدمات
منال. اميرة بنت ناس ومتستهلش المعمله دي
هي مش ذنبها حاجه
يوسف. والذنب ذنبي يعني
وبعدين انا عملت اي
منال. انت في اوضه وهي في اوضه
واللي حصل من امك ومرات عمك ميسكتش عليه
يوسف بصوت عالي. انا معرفش هما عملوا اي ولا عايز اعرف
منال. اللي حصل
يوسف. مش عايز. اعرف وسيرة اللي اسمها اميرة مش عايزه تتفتح تاني كلها كام يوم وترجع لبيت ابوها خلاص
خافت منال من صوته العالي
منال. بخوف طيب خلاص انا اسفه
عن اذنك
وخرجت وكلها اسف
(في غرفه اميرة)
امل. هو انتي هتقدمي في مدرستي وانا وانتي هروح مع بعض
اميرة. ببرأة. بأذن الله هروح مع بعض
امل. سمعت انك شاطرة اوي
اميرة. بفرح. انا الاولي كل سنه ومعاي شهايد تقدير كتير
استني هورهملك
وهنا. كانت الصدمه الكبرى
وجدت اميرة ورقها. كله ممزق
صدم الجميع مما راووا
اميرة. لا لا. ورقي مستقبلي حرام. مين عمل كدا
جليله. انا. وكريمه اللي عملنا كدا
اميرة. ببكاء. ليه ليه انا عملت ليكي اي حرام عليكي
امل. مين اداكي الحق تعملي كدا
جليله. اسكتي. انتي ومتدخليش في امور الكبار
وبعدين اي جابك هنا
امل هو انتي ولية امري تقولي اكون فين ومكنش فين
انا مش زيهم هخاف منك
كريمه. امل عيب تكلمي مرات عمك كدا
يلا امشي علي اوضتك
امل. انتوا اساس حرام الواحد بتكلم معاكم
سلااام
حليله. شوفي بقا يا بت حسين
من النهارده مفيش تعليم
مفيش خروج من البيت
مفيش هروح عند اهلي
مفيش تليفونات ولا اهلك حد فيهم يزورك
اميرة بصدمه. ليه كل دا. انا عملت اي حرام عليكي
جليله. اهو هو كدا
انتي هنا لحد ما عمك يبان
وبعدين لينا كلام تاني
يلا يا كريمه. وباليل نكمل اللي اتفقنا عليه
خافت اميرة من نظرات جليله
(في بيت حسين)
تجلس فاطمه وكلها هم وغم وكانت تبكي بحرقه
رحاب. اهدي بقا يا ماما وبأذن الله خير
فاطمه. وهو فين الخير. ومعرفش حاجه عن اختك ولا اعرف عملوا فيها اي
بابا. هيرحلها. وبأذن الله هيطمنا
فاطمه. انا لازم اروح معاه
ولاء. وانا. كمان هروح معاه
رحمه. مشفتوش اخر مرة قالوا اي
مش عايزين حد يزرنا
ولاء. هو احنا رايحين نزرهم احنا هروح لاختنا غصب عنهم
(في منزل يوسف)
دخلت منال علي اميرة
منال ازيك يا ميرو
اميرة اهو عايشه
منال. ياااارب ديما
يلا عشان تتغدي
اميرة. مليش نفس
منال. حرام عليكي نفسك انتي لا اتعشبتي ولا فطرتي
وبعد. الحاح طويل من منال خرجت اميرة معاها الي الصاله
منال. احم. اسيبكم بقا. علي رحتكم واروح اشوف العيال
يوسف استني هنا
انا مش قولت مش عايز اكل مع حد
منال. اهدي يا جو دي مراتك
يوسف. منال. اطلعي من المواضيع دي احسن
وبلاش كلام ملوش لازمه لا هيقدم ولا يأخر
اميرة. والله وانا مش بتلزق في حضرتك
ويكون احسن لما تاكل لواحدك
وانا غلطانه عشان قعدت معاك
وزي ما انت مش طايقني انا كمان مش طيقاك
منال. بزهول. اهدي يا اميرة هو مش قصده حاجه جو
اميرة ولا قصده. عن اذنك
يوسف. بعصبيه
انا قولت باين عليه مرار
اهو ابتدا من دلوقتي
منال. اهدي بس هي مش قصده
يوسف. منال نبهي عليها دي اخر مرة تكلمني كدا
بدل والله
منال خلاص خلاص حاضر مش هيحصل تاني اللي حصل
دخلت منال خلف اميرة
منال. ميرو يا قمر
جلست بجانبها
يوسف مش قصده يزعلك
اصبري عليه
هو عصبي من يوم الحادثه
ضاعت اخلامه وطموحاته وبنت عمه سابته في اشد الحاجه ليها بعد ما كانت رسمه عليه الحب والغرام سابته من اول الطريق كمان الحادث بسبب واحده ست برضو
اعزريه واصبري عليه
بلاش تعندي معاه عشان خاطري
اميرة ما انا صابرة اهو
وبقول الحمد الله
مستقبلي ضاع وبقول الحمد الله
اجوزت واحد معرفوش وبقول الحمد الله
رحت عند ناس معرفهمش وبقول الحمد الله
منال. بحزن والله كل حاجه هتصلح بس الصبر
اميرة بعد ما ورقي. اتقطع. مفيش حاجه هتصلح
احلامي ادمرت ومستقبلي ضاع
سمع يوسف كلامعا صدفه فتأثر بكلامها
ولكن رجع لنفسه
ماهي مصعبتش علي اهلها هتصعب عليا
وانا اصعب علي مين ودخل غرفته
اميرة ممكن طلب
منال. طلب واحد. انتي تؤمري
اميرة عايزه تليفون اطمن اهلي عني
منال بس كدا حاضر
انا هروح اجبلك التليفون بس اوعديني تاكلي
اميرة. ماشي هحاول
منال. ثواتي والتليفون يكون عندك
(في غرفه بنات صالح)
امل. حرام عليهم اي الجبروت دا
نسمه دول زودوها لازم حد يوقفهم عند حدهم
امل مفيش غير. روقه هو اللي بيقدرهم
نسمه. جدك فاروق
ومين هيقوله
امل سيبلي انا الطالعه دي دا انا مغلوله منها ومن بناتها التعابين
احم احم ادخل ولا مدخلش
وكان هذا صوت عاصم
نسمه. تعالي يا اخويا. بيتك ومطرحك
عاصم. ها. اي اخر اخبار ريا وسكينه
امل اسكت اسكت تعال اخكيلك
وفي اقل من دقيقه سردت امل كل الي حصل بسرعه فائقه
نسمه. اي دا عشر كلمات في الثانيه
ازاي بتعمليها دي
امل. الله مش دا اللي حوصل
عاصم اي دا وهما عملوا كدا ليه
والبت الغلبانه عملت اي
امل تصعب عليك والله
عاصم ربنا يكون في عونه مش كفايه اخوكم
دا زمانه ساقبها المر كاسات
ودخلت منال بنات محدش شاف فوني رااح فين
نسمه ارن عليه
وسمعت رنات للتليفون وكان المتصل حسن جوز منال
امل بدات المعركه بين حسن ومنال
نسمه واكيد الرابح هو حسن