رواية احببت مجنونة الجزءالرابع4
الفصل الثامن والتاسع
بقلم نجمه براقه
جميله
يوم كامل مفتحتش حساب ملاك لكن في النهاية مقدرتش اكمل وفتحته، وبمجرد ما فتحت وصلتني رساله منه
لوسيفر _ مقدرتش اقفل يومين كاملين،، اتصرفت علشان اعرف اكلمك
جميله _ عاوز ايه يا لوسيفر
لوسيفر _ عاوزك انتي
جميله _ وانا منفعكش
لوسيفر _ ليه ناقص ايه عن الضيف كلنا عيونا خضره
جميله _ هو صريح انما انت الله اعلم بيك بقا
لوسيفر _ وانا صريح وبقولك اهو انا بحبك وعاوزك..
اضايقت منه اوي لانه بيشتغل علي الحبلين، واستغربت تصرفه، ايه يخليه يحاول يشغل مريم بلوسيفر بعد ما بدأت تحب « علي».. عملتله بلوك وحسيت اني بحتقره وندمت اني ساعدته من الاول انه يوصل لمريم الظاهر اني معرفتش احكم عليه صح
علي
دي كانت الطريقه الوحيدة لتواصل معاها، الباقي كله بيوصلني بمريم ،، قعدت افكر اعمل ايه وملقتش غير اني استنا يومين واروح عندهم باي حجه وادبر مقابلة بينهم وبين ايمي، وبكده يكون في تواصل بينا تاني
سيف
خدت اسم الراجل من مسك وسألت عليه ملقتش ليه اثر ولا حتى جه امريكا قبل كده، ومحبتش اقول لمسك خوف من انها تمشي...
اتصلت بيها وطلبت منها تقابلني بره الفندق وفعلا جت
مسك_ عملت ايه
سيف_ لسه بدور عليه مش عاوزك تقلقي
مسك بتنهيده_ ان شاءلله
سيف _ فاضيه تيجي معايا
مسك_ اجاي معاك فين
سيف_ لما نروح هتعرفي
مسك بإبتسامة_ يلا بينا
سيف _ ايه مش خايفه اخطفك
مسك_ لو هتخطفني هتعمل كده من غير تعمل عليه فيلم
سيف بإبتسامة_ عندك حق.. يلا بينا
ركبنا العربيه ومشينا وتبادلنا الحديث في الطريق
مسك_ من امتا وانت شغال الشغل ده
سيف _ دي اسرار شغل
مسك_ اوك براحتك، طيب سؤال تاني
سيف_ اسألي
مسك_ مرتاح في الشغل ده
سيف_ مش عارف بس معنديش رفهية اني اختار اني اكمل او لا
مسك_ امال مين اللي بأيده الاختيار
سيف بشرود_ شغلتنا دي اخرتها الموت يعني لو تنازلت عن مركزي ومكانتي وسطهم، الف مين هيعوذ ينتقم وطبعا طالما مفيش حمايه يبقا سهل يعملو اللي عاوزينه
مسك _ هما مين دول
سيف_ اتنين ومن اكبر العصابات يعنى لو سلمت من دول مش هسلم من دول،
مسك_ طيب ومفيش حل لنجاه
سيف_ الحل اني اكمل، كده خساره بعيدة احسن من خساره قريبه ولا ايه
مسك _ يعنى فى النهاية هتقابل خساره
سيف بإبتسامة_ الظاهر كده الامل فيكى انتى بقا
فجاه لقيت مسك سكتت وبتتنصط لحاجه وبعدين بتبص للكرسي اللي وراه وترفع نفسها وتبص للاسفل وبعدين تبصلي بصدمه وتقولي اطلع بسرعه
سيف_ في ايه
مسك _ اطلع بسرعه في قنبله،
بصيت لورا ولقيت فعلاً قنبله في العربيه،
فتحت الباب من الجانب بتاعي وهي كذالك، وبعدنا بسرعة وفجاه القنبله تضرب والدوي بتاعها يرمينا لبعيد
قومت من مكاني وانا بتالم من شدة الوقعه، وروحت عند مسك اللي واقعه وفاقده الوعي
شيلتها علي دراعي انا وقاعد علي ركبتي وفوقتها. فتحت عينيها وبصت حواليها وهي جسمها بيرتجف من الخضه
سيف بقلق_ مسك انتي كويسه
مسك برجفه ودموع_ كنا هنموت
سيف_ انتي كويسه متخافيش
مسك تبعد عنه وتبكي _ لا بس احنا كنا هنموت لو مركزناش في الصوت كان زمانا متفحمين
سيف محاول تهدائتها_ اهدي، مفيش حآجه خلاص
مسك ببكاء_ عاوزة ارجع الاوتيل
سيف _ حاضر
ولسه هنمشي، الا ولقيت كام واحد جايين نحيتنا وفي ايدهم اسلحه، مسكت ايدها وجرينا لبعيد واحنا بنتفادا طلقات الرصاص، لمسافه كبيره لغيت ما وصلنا فندق الاقصر، موجود في لاس فيجاس، احدا اهم الفنادق الموجودة هنا، ودا المكان اللي كنت واخد مسك فيه، لانه معمول علي الطراز الفرعوني، الاهرامات وابو الهول،
دخلنا الاوتيل وهما وقفو بره واستنونا نكون خرجنا
مسك تنهج بتعب _ الله يخربيتك هموت بسببك
سيف ينهج هو الاخر_ سوري مكنتش عامل حسابي، تعالي خلينا ندخل جوه بدل ما يجو
مسك بتعب_ شكلهم مش هيمشو غير لما نطلع
سيف_ هما مستنين فعلا
مسك _ وبعدين هنعمل ايه
سيف_ تعالي معايا
خدتها وحجزت غرفه واحده
مسك بانفعال_ ليه اوضه واحده ما تحجز اتنين
سيف_ احنا مش هنبات، وكمان عشان تكوني قريبه مني
مسك بخنقه_ انا ايه خلاني اجي معاك
سيف_ نصيبك كده، يلا بينا
دخلنا الغرفه وكانت كبيرة اوي وبمجرد ما دخلنا فضلت تزعق معايا
مسك_ بقولك ايه اقطع علاقاتك بيه، نطلع من هنا ومش عاوزة اشوف وشك تاني
سيف_ طيب بس قولي يارب نطلع الاول مش شيفاهم كام واحد
مسك بخنقه_ طيب ما تكلم حد من رجالتك يجي
سيف_ تصدقي فكرة استني... يادي الحظ التليفون وقع
مسك _ لاااا حرام والله.. طيب خد تليفوني
سيف_ مش حافظ ارقامهم
مسك بانفعال_ ياشيخ منك لله
سيف _ خلاص بقا اعتبريها فسحه وبالمناسبه هو ده المكان اللي كنت جايبك فيه بس
مسك بزهق_ مالو المكان ده ان شاءلله
سيف_ بصي من الشباك
مسك بزهق _ ماشي
بتروح عند الشباك وتفتح الستاير وتبص للخارج بابنهار وترجع تبصلي
مسك_ ايه المكان ده
سيف بإبتسامة_ ده فندق الاقصر
مسك بذهول_ اهرامات وابو الهول الفكره دي متاخده من عندنا صح
سيف_ صح
مسك بإبتسامة_ انا حبيت المطاردات اوى
سيف _ ههههه ليه
مسك_ المره الفاتت روحنا سد هوفر ودلوقتي جينا هنا، ياحظي مكناش روحنا الهند كنت شوفت تاج محل بالمره ههههه
سيف بإبتسامة _ المرة الجاية بقا
مسك _ انا مش عارفه اشكرك ولا ادعي عليك
سيف بإبتسامة شارده_ انا اللي بشكرك لولاكي كانت القنبله ضربت فيه
مسك _ ربنا ستر
سيف _ انا دلوقتي زاد يقيني بانك فعلاً طوق النجاه بنسبالي
مسك بإبتسامة _ كله بايد ربنا. هو مسبب الاسباب
سيف _ ممكن
مسك بإبتسامة _ لما بنذكر ربنا بفضل دائماً الشخص التاني يقول ونعم بالله
سيف _ ههههه ماشي ونعم بالله
مسك_ شاطر بتتعلم بسرعه اهو
سيف_ ميرسي يامس
مسك _ العفو يا تلميذ
سيف _ استلطاف المصريين هيبداء، جوعتي؟
مسك_ مالو استلطاف المصريين، انت هتنسا اصلك
سيف _ جووعتي؟
مسك_ خلاص سكت
سيف _ شطوره، انا هطلب اكل
مسك_ اوكي بس مش هدفع حآجه
سيف بإبتسامة _ هدفع أنا وهو كله بثوابه
مسك _ ماشي ثواب مقبول
طلبت الاكل ودخلت الحمام وقفلت تليفوني بعد ما كدبت عليها وقولتلها وقع منى وبعدين طلعت ولقيتها لسه واقفه علي الشباك
سيف_ لسه مشبعتيش فرجه
مسك بتأمل_اصل المنظر تحفه
سيف_ ابقي خلي البوي فريند يجيبك هنا بعد الجواز
مسك_ ههههه بووي فريند، دا منظر واحده ليها بوي فريند في نظرك
سيف _ مالو منظرك
مسك_يعنى شكلي يدي على ولد ف تلاقيهم مش بيقربو مني
سيف بإبتسامة_ يعني عمرك ما كان ليكي علاقه مع حد
مسك_ لا مليش في الجو دة او تقدر تقول مش فاضيه
سيف_ هي دي فيها فاضيه بردو
مسك_ اه طبعا ورايا شغلي وحلم عاوزة احققه لو عملت علاقات مش هيكون عندى وقت ولا طاقه اعمل حآجه
سيف بإبتسامة_ نفس تفكيري كله مضيعه للوقت
مسك_ افهم من كده ان عمرك ما كان ليك علاقة بواحده قبل كده
سيف_ انتي رايك ايه
مسك_ حاسه ان ليك كلام مع البنات
سيف_ ههههه كلام ههههههههههههههه
مسك _ بتضحك ليه
سيف_ ولا حآجه ههههه
مسك بإبتسامة_ انت بتضحك عادى اهو
سيف _ اه بضحك واهزر مش بني آدم
مسك_ طيب كنت بتضحك ليه
سيف _ علي برأتك، دا منظر واحد كل علاقته بالبنات كلام وبس
مسك _ امال ايه
سيف _ مش هقولك
مسك_ احسن،.. هو الاكل اتاخر ليه
سيف_ مش عارف. هستعجلهم
عبقرينو
روحت عند مياده اسأل عليها وانا متردد اروح ولا هتعاملني بطريقة مش كويسه لكن سيبت كل الافكار دي ورحتلها وخبطت علي الباب وفتحتلي وزي ما توقعت قابلتني بقلت ذوق
مياده_ عاوز ايه
عبقرينو_ جيت اطمن عليكي، عامله اية دلوقتي
مياده بحده_ كويسه متشغلش بالك بيه
عبقرينو_ ع فكره انا اللي من حقي ازعل مش انتي
ميادة_ ليه بقا
عبقرينو_ عشان روحتي تهزري تاني مع زين ومقدرتيش البهيم اللي قالك متهزريش
ميادة بانفعال_ هو البهيم لما كان بيهزر ويضحك مع جوليااا انا سالته بتهزر ليه... ولا البهيم فكر في كلامه قبل ما يقولو،.. لدرجة دي شايفني ساذجه عشان حد يكون معايا في الاوضه
عبقرينو_ انا مقصدتش اهينك، انا خايف عليكي دا بنسبه للكلام اللي قولته،.. وبنسبه لجوليا انا راجل ومفيش حآجه تعيبني
ميادة _ والله، طيب يا معتز، زي ما مدي لنفسك الحريه، لانك راجل وبتحسبها عليه.. انا بقولك انت ملكش دعوة بيه، لا انت اخويا ولا ابويا ولا خطيبي خليك في حالك مااشي
بتيجي تقفل الباب وهو بيوقفه بأيده _ يعني مليش دعوة
ميادة_ ايوه وخليك في حالك
عبقرينو_ اوك يا مياده، هخليني في حالي بس اللي ميزعلش،
مشيت وسيبتها وانا مقهور منها، وقررت اندمها علي كلامها معايا وروحت عند جوليا ومن غير تفكير قولتلها موافق علي اننا نكون مع بعض مع اني عمري ما عملتها، بس مفيش حآجه هتوجع ميادة قد الموضوع ده
ميادة
بعد ما مشي دخلت الاوضه وفضلت أبكى ساعة كاملة، وبعدين حسيت اني زودتها ولازم اعتذرله انا مقدرش ان يكون زعلان منى بشكل ده.. طلعت من اوضتي وروحت ادور عليه في الاوتيل ملقتهوش، ف سألت زميل لينا في الشغل وقالي بخبث انه مع جوليا في اوضتها.. قلبي وجعني اوي ومن غير ما افكر روحت اوضتها وخبطت عليها، فتحتلي وهي حاطه فوطه علي جسمها بعدتها عن طريقي ودخلت لقيته هناك واقف جنب السرير ومش لابس غير شورت.. قربت منه بقهر ومحستش بنفسي غير وانا بضربه بالقلم بكل قوتي ومقدرتش امنع نفسي اني ابكي
ميادة ببكاء_وجاي تقولي غلط وعيب اخص .. ومشيت وسيبتهم وانا بتقطع من جوايا وروحت علي اوضتي وقفلت علي نفسي، بعد دقايق الباب خبط فكرت مسك رجعت، روحت فتحت لقيته عبقرينو . زقني لجوه وقفل الباب بعصبيه وبعدين زقني علي الحيطة بقوه وراسي اتخبطت حسيت نفسي هقع من الدوخة، وبعدين قربلي وبصلي بغيظ
عبقرينو بانفعال_ انتي ايه اللي عملتيه ده، فهميني،تكوني مين انتي عشان تتصرفي معايا كده.. ليكون فاكره اني بحبك وخلاص من حقك تعملي معايا كده. فوقي يا مياده انتي مهما تغيري في نفسك هتفضلي في نظري رجل الغراب وبس
فضلت بصالوه وحاسه الكلام زي السكا.كين بتقطع فيه
عبقرينو بعصبيه_ مش بكلمك ما تردي عليه
مياده بوجع_ ومين قالك انك تفرق معايا انا بس اضايقت عشان كنت لسه مديني درس في الاخلاق، انما انا ميهمنيش امرك
عبقرينو _ ياريت يكون كده فعلا عشان عمري ما هبصلك وبيسيبني ويمشي
مسك
قعدنا في الاوضه لغيت الغروب واحنا بنلعب ونقول الغاز ونقول نكت.. محستش بالوقت نهائي وبعدين قومت اشرب وبصيت من الشباك لقيت الضلمه داخله شهقت بصوت عالي
مسك بصدمه _ الليل دخل يا سيف
سيف يقوم ويبص من الشباك _ آه فعلا، بس الرجاله لسه موجودين
مسك _ اتصرف لازم نمشي
سيف _ طيب سيبيني شويه افكر
مسك _ بسرعه طيب
سيف بحيرة_ مش عارف افكر
مسك بانفعال_ لا اتصرف ماهو انا لازم امشي من هنا دلوقتي حالا
سيف _ طيب استني شويه وراجعلك
مسك_ رايح فين
سيف_ مش هتاخر
مشي وبعد شويه رجع وفي ايده كيس كبير فيه هدوم
مسك_ ايه ده
سيف_ دي هدوم، هنغير علشان ميعرفوناش
طلعت الهدوم من الكيس لقيت البس النسائي مكشوف بشكل كبير وعليه برنيطه نسائيه كبيره،، بصتله بغيظ _ انا البس العك ده
سيف _ مفيش حل تانى
مسك _ علي.جستي
سيف
بعد جدال طويل لبسته، وطلعت من الحمام وهي بتداري في نفسها بلبسها اللي غيرته
كان شكلها حلو اوي.. هو فستان ابيض بحملات رفيعه و مفتوح من الجوانب علي الخصر، ليظهر تناسق جسدها بشكل مثير مع شعر طويل مموج مايل للاصفر كان شكلها انثي بجد وقفت وانا ببصلها باعجاب واول ما شافتني هبت في وشي
مسك_ بتبص علي ايه ما تتلم
سيف بإبتسامة_ ايوه كده احلي
مسك_ بقولك ايه اتلم احسنلك، انا حاسه نفسي عريانه
سيف _ ده البس الطبيعي لستات انما ده بيلبسوه في المعتقالات وشديت منها الهدوم الغبية بتاعتها
مسك بانفعال_ انت متخلف ايه اللي عملته ده
مسكتها من ايدها وهي بصت لايدي بفزع
مسك _ عاوز ايه
سيف_ تعالي بس،.. بصي
وقفت قدام المرايا وبصت لنفسها بذهول ولفت مرتين وبعدين رجعت تبص لنفسها تانى، وفجاه تصرخ في وشي
مسك_ لااا يمكن انا هغير الزفت ده هات هدومي
سيف بإبتسامة _ لأ مش هتغيري
مسك بانفعال _ انت هتجيب ولا اقتـ.لك دلوقتي
سيف_ لا
جزت علي سنانها وبقت تلف حولية يمين وشمال وانا اخبيهم منها ورا ضهري وفجاه تمسك ايدي وتعضها، وانا بحوشها عني اتعرقلت و كانت هتوقع، سندتها على دراعي وقربتها مني وكان ما يفصلنا مسافه صغيره جداً.. وهي فتحت عنيها للاخر وبصتلي واكنها متخدره ومش قادره تعمل اي رد فعل
سيف بإبتسامة _ اااهدي انتي شكلك حلو كده
مسك _ هه
سيف _ هه ايه بقولك شكلك حلو وشعرك كمان حلو
مسك _ اه
سيف يتامل وجهها بإبتسامة _ وعيونك حلوين اوي اوي
مسك _ اه
ينظر لشفاها ثم ينظر لعيناها ويركز النظر اليهم _ و شفافيك حلوين ثم يقترب منهم ليقبلهم وفجاه تذقه بعيد وتطلع جري على الباب
سيف يجري وراها ويمسكها_ اناا اسف
مسك ببكاء _ لو مسبتنيش هصوت والم عليك الناس
سيف _ صدقيني مش هتتكرر انا معرفش عملت كده ازاى، ممكن تهدي
مسك ببكاء _ حرام عليك والله
سيف _ خلاص هلبس الطقيه والنضاره ونمشي وانتي كمان البسي البرنيطه
مسك ببكاء _ ماشي، بس هات هدومي في الكيس هغير قبل ما اروح الاوتيل
سيف _ اوك حاضر، اهو اتفضلي
مسك
طلعنا قبال بعض بالخطوه السريعه ف مسك ايدي .. شديتها منه وهو تمسك بيها اكتر وبهمس_ خلينا نعدي متودناش في داهيه
مسك بهمس_ كله هيخلص منك بعدين
وفجاه يحط ايده في وسطي
مسك بغيظ _ انت اتجننت يا سيف
سيف بإبتسامة _ هيشكو فينا بسببك امشي وانتي ساكته
سكت ومشينا وايده في وسطي.. حسيت اني هقع من طولي والي زاد وغطا انه كل شويه يقرب من ودني ويقولي بهمس_ لزوم التمويه
مسك بهمس _ بعد ما نخلص من الورطة دي مش عاوزة اشوف وشك تانى، اتفاقنا اتلغا
سيف بإبتسامة _ بطلي تخلف العرب دا
مسك بهمس _ هوريك تخلف العرب بس اصبر
عدينا من جمبهم ومعرفوناش، .. بعدنا عنهم مسافه كافية وفجاه بيطلع تليفونه، انا في الاول مخدتش بالي، وفجاه افتكرت انه قالي تليفونه ضاع
مسك _ سيف
سيف _ ايه
مسك _ مش هو ده تليفونك اللي وقع
سيف _ ههههه اه
مسك بتدورحوليها علي حجر تضربه بيه، ومبتلقيش وبعدين بتمسك مكنسه من عامل النضافه وتاخدها منه وتجري وراه
سيف يجري ويضحك_ ههههه خلي بالك هتروحي السجن بتهمت سرقة مكنسه
مسك تجري وراه بغيظ _ مش هسيبك ياعرة المافيا
كملنا جري ورا بعض لغيت ما وصلنا كافية وقفت ورميت المكنسه وبغيظ_ فكرك هعدهالك، ماشى ياسيف، استني بس اغير في الحمام واجيلك
سيف _ ههههه لا بس سريعه تصدقي،.. بس اوعي تفتكري اني كنت بجري خوف منك
مسك بقرف _ امال ايه
سيف _ كنت خايف من المكنسه ههههه
اول مره اشوفه يهزر فضلت بصالوه هو وبيضحك وبدون إدراك ضحكت عليه وبعدين سبته ودخلت اغير ورجعتله لقيته مستنيني
سيف بإبتسامة _ ازيك يا احمد
مسك _ احمد احسن من البس اللي يعر بتاعك
سيف بإبتسامة _ بجد كان شكلك حلو اوي
مسك _ مش عاوزة اكون حلوه، يلا بقا
روحنا الاوتيل وهو وقف جمب باب اوضته لغيت ما وصلت
سيف _ بسبس
مسك _ عاوز ايه
سيف بإبتسامة _ هابي دريم
مسك بغيظ _ زفت دريم علي دماغك
سيف _ ههههه معايا المصحف
مسك بإبتسامة _ ماشي، يلا غور تصبح على خير
سيف بإبتسامة _ وانتي من اهله
دخلت اوضتي لقيت ميادة نايمه ومحستش بيه، روحت غيرت ورجعت انام، لكن النوم جافاني، مقدرتش انام خالص الليله دي ومنكرش انه هو السبب
الفصل التاسع
مسك
الليله اللي فاتت مقدرتش انام نهائي، ولما طلع النهارده مرضتش انام علشان ورانا، تصوير، قومت اصحي مياده اللي متحركتش من امبارح
فضلت اصحي فيها ولما صحيت بصتلي بتعب وقالتلي صباح الخير وقامت دخلت الحمام وبعد شويه طلعت سرحت شعرها وجهزت نفسها من غير ولا كلمه ولا ايه تعابير علي وشها، حسيت ان فيها حآجه مش طبيعية،.. مياده مبتحبش الصمت وبتتكلم في اي حآجه مهما كانت تافهة المهم تتكلم
قربت منها و حطيت ايدي على كتفها
مسك _ مالك يا ميادة
مياده بتهرب _ مفيش حآجه، انا جهزت يلا بينا؟
مسك_ افهم الاول مالك
ميادة بإبتسامة _ مفيش حبيبتي انا بس متحمسه لشغل شويه
مسك _ اكيد
ميادة بإبتسامة باهته _ اكيد، يلا انا هروح قدامك يكون جهزتي
مسك _ ماشي
ميادة
حسيت نفسي بموت بالبطئ.. قلبي وجعني لدرجة ان دموعي رفضت تنزل.. صحيت وغيرت وحطيت مكياج، وطلعت على طول وانا مبتسمه في وش زمايلي، حتي عبقرينو ابتسمتله زيهم وكان مفيش اي حآجه حصلت
زين _ Good morning
ميادة بإبتسامة _ صباح الورد، ها جهزت ولا لسه
زين _ جاهز من بدري
مياده _ البدله مش متظبطه ليه، وريني كده، وبتعدله الكرافته وتظبطله البدله بابتسامة
زين _ ميرسي مياده
مياده _ ايوه كده بقت احلي، يلا بينا نتدرب عشان منتعبش مسك
زين بابتسامة _ اوكى يلا
عبقرينو
طلعت الصبح وهي مبتسمه ومفهاش اي حآجه باين عليها، انا كنت فاكر انها مش هتيجي النهارده، لكن حصل العكس.. جت وعدلت بدلت زين وكانت متحمسه لشغل، بقيت اراقبها بعنيا عشان اشوف شوية حزن علي وشها لكن محصلش، فضلت طول اليوم مزاجها مظبوط، وبرغم كده انا كنت حاسس ان فيها حآجه مستحيل بعد اللي حصل امبارح تكون بشكل ده، حسيت للحظه انها موجوعه بس بتظهر غير كده.. ودا مخلنيش اتعاطف معاها لانها غلطت معايا
مسك_ واقف كده ليه
عبقرينو بخنقه _ مفيش كنت مستنيكي تيجي
مسك _ جيت اهو، يلا بينا
عبقرينو _ اوك
مسك _ عبقرينو صحيح في حآجه حصلت مع ميادة انا معرفهاش
عبقرينو _ معرفش، بتسألي لية
مسك_ مش طبيعية النهارده، فيها حآجه انا مش فهماها
عبقرينو _ معرفش... يلا خلينا نخلص
سيف
طلعت من اوضتي وروحت مكان التصوير و وقفت بعيد وبقيت ابص علي مسك الي بتشتغل بجد وتدي الاوامر للفريق بتاعها وهما بينفذو بدون نقاش، عجبني قوة شخصيتها اللي بتفرضها علي الكل .. سرحت لفتره وانا ببص عليها لغيت ما لقيتها واقفه وبتتكلم مع حد من الفريق وبتبصلي من وقت لتاني من غير ما تكلمني
شاورتلها وهي كملت كلام مع الشاب الي معاه وبعد ماخلصت معاه جت ليه وهي مبتسمه
مسك _ ليك عين توريني وشك تانى
سيف بإبتسامة _ وانتي مكنتيش عاوزة تشوفي وشي تاني ولا ايه
مسك بإبتسامة _ لأ امشي يلا
سيف _ اهاا امال ليه مش مصدقك
مسك _ انت حر
سيف بإبتسامة _ مش همشي، هستناكي لغيت ما تخلصي
مسك _ ليه بقا
سيف _ هاخدك مشوار
مسك _ مشوار تانى لا يمكن
سيف _ هتيجي
مسك _ مش جايه
سيف _ هتيجي يامسك
مسك _ هي عافيه
سيف بإبتسامه _ ايوه لو مجتيش بذوق هاخدك بالعافية
مسك بإبتسامة _ مش هتقدر، ويلا من هنا وريا شغل
سيف يقرب من ودنها ويهمس لها _ هتييجي
مسك بهمس _ مش هاااجي
مسك
بعد ما خلصت الشغل روحت معاه ههههه وركبنا العربيه و رجالته في باقي العربيات
مسك _ رايحين فين بقا
سيف _ مكان هيعجبك اوي
مسك _ اما نشوف بس ربنا يستر ميحصلش زي امبارح
سيف _ عامل حسابي
مسك _ حياتك وحشه اوي
سيف _ كانت وحشه
مسك _ وايه اللي اتغير
سيف بإبتسامة _ لما تكبري هقولك
مسك _ وهشوفك فين لما أكبر، هي كلها تسع أيام وهمشي
سيف _ بس تسعه
مسك _ ايوه
سيف _ مش هتستني يكون لقينا اخوكي
مسك _ تفتكر هنلاقيه
سيف _ هنلاقيه ودا وعد منى
مسك بشرود _ ياريت يا سيف، دا لو حصل بابا هيفرح اوي وهيكون عوضه عن رجله اللي اتقطعت
سيف _ باباكي رجله مقطوعه؟
مسك بحزن _ ايوة
سيف _ انا اسف
مسك_ بتتاسف ليه.. انا اللي مفروض اتاسف ليهم
سيف _ ليه
مسك _ ههههه وشي وحش عليهم
سيف _ مش معقول طبعا مين فهمك كده
مسك بتنهيده _ في اليوم اللي اتولدت فيه اخويا اتخطف وبابا عمل حادثة ورجله اتبترت وبعدها جدودي ماتو واحد ورا التاني،
سيف _ بس وشك حلو عليه انا ودا المهم عندي
مسك بضحكة غلب _ وهيفيد بايه مسيري همشي ومش هتشوفني تاني
سيف _ احنا ممكن نكون صحاب ونتواصل مع بعض
مسك بإبتسامة _ ممكن...اوك هنتواصل
سيف _ متشكر .. يلا بقا وصلنا
مسك _ احنا فين
سيف يطلع قماشه سوده من جيبه _ هغميلك عيونك لغيت ما ندخل
مسك بإبتسامة _ هو انا مخطوفه ولا ايه
سيف بإبتسامة _ حاجه زي كده
مسك_ ههههه اوك يلا
سيف _ شطوره مبتتعبنيش انا وبخطفك
مسك _ هههههه طيب خلص
قرب منى وغمالي عنيه وبعدين نزل وفتحلي الباب، ومسك ايدي عشان يساعدني انزل، حسيت بالارتباك بسبب لمسة ايده، وبقيت امشي اتعرقل وهو يسندني لغيت ما دخلنا
سيف _ جاهزة
مسك _ اشيلها؟
سيف انا هشيلها بس خليكي مغمضه لغيت ما اقولك فتحي
مسك _ ماشى
شال القماشه من علي عينيه وبعدين قالي فتحي .. فتحت عيني شوفت اجمل منظره ممكن اشوفه ، كنا في كبينه ازاز تحت الميه، وحواليه سمك كتير وشكله حلو جدا، بقيت ابص حولية بابنهار من كتر الجمال والروعه اللي في المكان ده
سيف _ ايه رأيك
مسك بذهول _ تحفه، ايه الجمال دة ياسيف
سيف _ كنت متأكد انه هيعجبك
مسك بإبتسامة _ شكرا بجد
سيف بإبتسامة_ مسك انا...
كان هيقولي حآجه لكن بيدخل راجل يظهر عليه الثراء والهيبه و جاين وراه خمس حراس وبمجرد ما بيشوفهم بيشد ايدي ويرجعني ورا ضهره، ورجالته بيطلعو مسدساتهم وبيصوبوهم علي الراجل دا
سيف بالغه الانجليزي _ انا المقصود بزيارة دي
باولو بنفس الغه _ نعم.. انا مش ناوي الشر خلينا نتكلم
سيف يأشر لرجالته ينزلو اسلحتهم وكذالك باولو
سيف_ قول اللي عندك
باولو_ انت عارف ان صفقة السلاح كانت المفروض هتكون ليه انا ورغم كده تحديتني وهتاخدها
سيف بهيبه_ وبعدين
باولو_ وانت عارف ان ميشيل كارثر عمل كتير علشان ياخدها مننا احنا الاتنين
سيف_ وبعدين
باولو _ هتتنازلي عن الصفقه دي مقابل اني اديك صفقة تانيه بس متاخره شويه بالإضافة لحمايتك من كارثر واعوانه
سيف _ ههههه ومن امتي سيف محتاج حماية من حد، انا احميكم واحمي نفسي وبردو هاخد الصفقه
باولو _ مش هتقدر تعمل حآجه،الكل مترقب لموتك، صدقني انت الخسران لو خدتها مش هتلحق تفرح بيها
سيف _ خلي اللي يلعب يلعب، محدش هيقدر يوقف قصادي لا انت ولا ميشيل كارثر،والي هيوقف قصادي هصفيه مين ما كان
باولو _ هسيبك تفكر وبعدين ترد عليه. يوجه نظر لمسك ويقرب منها _ اقنعيه ده لمصلحته
سيف يطلع المسدس ويصوبه على جبينه ويبصله بحده_ هنا خط احمر
باولو _ ههههه اوكي اوكي. انا ماشي، ومستني مكالمة منك قبل معاد الاستلام
وبياخد رجالته ويمشو
سيف يبصله بغضب لغيت ما بيمشي خالص،وبعدين يرجع يبص لمسك
سيف_ انا اسف علي اللي حصل
مسك بحده _ عاوزة امشي
سيف _ خلاص مفيش حآجه انسي
مسك بخنقه_ عاوزة امشي ياسيف
سيف_ يابنتي خلاص مشيو خلينا نرجع لكلامنا
مسك بجدية_ لو سمحت عاوزة امشى.. عااااوزة امشي
سيف يزفر بخنقه_ اوك يلا بينا
مشيت قدامه بسرعه وهو ماشي يقولي استني انتي كده في خطر،ولكني مردتش عليه ومشيت بسرعه لغيت العربيه...
مكنتش حابه اتكلم معاه،.. قلبي اتقبض من كلام الراجل، معقول ممكن يقتلوه بجد، والي ضايقني اكتر اصراره علي الصفقه دي رغم تعرضه للخطر بسببها
سيف_ ممكن تقوليلي في ايه
مسك بانفعال_ ايه العيشة دي انا مكنتش بصدق ان في كدا غير في الافلام.. معقول مش خايف علي نفسك بعد اللي قالهولك
سيف_ سيف ميخفش من حد، محدش يقدر يعمل حآجه
مسك بانفعال_ ولو قدرو
سيف_ يبقي كده مشواري انتها
مسك _ انا مش مصدقاك بجد
سيف_ انتي ايه مزعلك،
مسك بانفعال_ يعني ايه.. ايه اللي مزعلني، انا سمعت تهديد الراجل بودني،
سيف بإبتسامة_ كله كلام وبس
مسك_ والي حصل امبارح كان ايه
سيف بإبتسامة_ طول مانتي معايا انا بأمان
مسك _ لو اعتبرنا ان كلامك صح وانا هنقذك من الحاجات الوحشه، طيب وبعد تسع ايام هيحصل ايه
سيف _ انا بقالي سنين عايش في الجو ده وبعدي كل مصيبة لوحدي، وبعد ما تمشي هكمل بنفس الطريقه، لكن انا مش محتاجك عشان تنقذيني من الموت
مسك_ امال ايه
سيف يمسك ايدها وينظر لها بتأمل _ حاسس انك هتنقذيني من نفسي ومن الضلمة اللي عايش فيها
مسك تشد ايدها بارتباك _ الضلمة دي سببها شغلك، وهتفضل فيها طول مانت لسه مكمل
سيف_ اي ان كان، انا متأكد ان حياتي هتتغير بسببك
مسك _ ازاي
سيف_ معرفش
مسك بشرود_ مستحيل حياتك هتتغير في تسع أيام
سيف بإبتسامة_ يبقا نصيبي كده
مسك _ دماغك ناشفه وانا مش هقدر عليك، دي هتكون اخر مره اطلع معاك، مش هقدر اواجه كارثه جديده بسببك
سيف _ طيب نتكلم مع بعض او نقعد في الكافيه داخل الاوتيل ممكن
مسك _ ممكن
سيف بإبتسامة_ متشكر
مسك_ يلا بينا طيب ولا هنقعد كده كتير
سيف_ اوك يلا بينا
جميله
كنت لوحدي في البيت، والباب خبط روحت افتح لقيته رحيم ومعاه حد
رحيم_ اتفضل ياعلي
حسيت قلبي وقع في رجليه وانتفضت جيت امشي قبل ما يشوفني ولكنه دخل ولحقني
علي_ ازيك يا جميله
استدرت وبصتله وهزيت راسي بمعني كويسه
رحيم_ اتفضل تعاله هنقعد في الصالون،
علي بإبتسامة_ شكرا يا رحيم،
رحيم_ استني يا جميله، خليكي مع علي يكون رجعت، اتفضل ياعلي البيت بيتك
دخل اوضته واسابني معاه،
بصيت عليه لقيته بيبصلي بارتباك معرفش سببه ايه
علي بإبتسامة_ عامله ايه يا جميله
شاورتله باني هجيب الوحه وارجع وجبتها ورجعتله
جميله_ حمدالله على السلامة
علي _ الله يسلمك، عرفتي منين اني كنت مسافر
جميله بإبتسامة باهته_ مريم قالتلي
على_ اااه مريم.. تعرفي انتي ومريم شبه بعض اوي في الشكل الا الشخصية.. مختلفين اوي
جميله بلخبطه_ وانت تعرف شخصيتي منين عشان تقول كده
علي بإبتسامة_ بفهم في الناس بسرعه من بصه واحده
جميله _ وانت كمان شكلك غير شخصيتك.. شكك بيدي انطباع غلط لناس عنك
علي بإبتسامة_ ازاي
جميله_ معرفش بقا، انا معرفكش عشان اقولك ازاي
علي بابتسامه_ امال بتقولي شكلي بيدي انطباع غلط علي اساس ايه طالما متعرفنيش
جميله باحتقار_ عندي حاسه سادسه تجاه الأشخاص
على بإبتسامة_ احساسك قالك ايه عني طيب
جميله_ قالي انك منافق وبوشين ...
على _ ههههه انا، طيب ايه السبب
جميله_ مش عارفه الحقيقة
على_ الظاهر ان مريم بتحكيلك عني كل حآجه بتفصيل
جميله_ صح
على_ مينفعش تحكمي عليه من غير ما تعرفيني كويس، طالما محصلش بينا اي تعامل تبقا حاستك السادسة كدبت عليكي المره دي
جميله _ مبتكدبش.. عن اذنك
على بإبتسامة_ هتفتحي نت طبعا
جميله بارتباك_ ايوه
على_ حلو النت واجمل حآجه فيه اننا ممكن نغير شخصيتنا بسهوله
جميله بارتباك_ ايوه
كلامه لخبطتني وحسيت انه عرفني وقفت قدامه وانا مرتبكه ومش عارفه اقول ايه، لغيت ما رحيم جه، ولسه همشي الا و وقفني
على_ جميله
جميله بارتباك_ نعم
على_ بنت خالي حابه تتعرف عليكي انتي ومريم
جميله بارتباك وهي تعرفنا منين
علي بإبتسامة_ تعرف مريم ولما قولتلها عندها توم تحمست وحبت تتعرف عليكم
رحيم محدث نفسه_ ياااه أخيرا هتجيلي الفرصة علشان اخلص منها اللي عملته معايا..... خليها تيجي هنا ياعلي وتتعرف عليهم
على بإبتسامة_ طيب ايه رايكم نطلع مع بعض نروح النادي بكره ونتلم كلنا
جميله _ انا مش هقدر
رحيم_ متهزريش يا جميله، هتقدري، خلاص اعتبرها وافقت
جميله_ رحيم
رحيم_ خلص الكلام، خلاص ياعلي هنيجي كلنا
رحيم ورطني ورطه سوده وانا متلخبطه ومش عارفه اذا علي عرفني ولا كلامه اللي قاله مجرد دردشه، نظراته مكنتش مريحاني خالص،
كان واقف ورا رحيم وبيبصلي بتركيز وهو مبتسم وانا بحاول اهرب من نظراته ولكن كان غصب عني ابصله وتلتقي نظراتنا لثواني بسيطه، كنت اشوف فيهم كلام كتير عاوز يقولو
جميله_ موافقه، عن اذنكم هروح ارتاح،
دخلت الاوضه وفتحت محادثه لوسيفر، وانا عاوزة الغي الحظر عشان اتاكد من شكي، بس خايفه يطلع شكي في محله تبقا كارثه
لانه لو عرفني وطلع قال بحبك لجميله مش مريم.. هتبقا عكت بجد
فكرت كتير افك الحظر ولا لاء وفي النهايه وصلت لفكره اني اعمل حساب تاني واكلمه على انى واحده تانيه يمكن يقولي حكايته وبالفعل عملت حساب وبعد ساعات بعتله
جميله _ ازيك يا لوسيفر
لوسيفر _ تمام، مين
جميله _ شمس
علي
اول ما وصلني طلب منها عرفتها وفرحت جداً انها عملت كده وقررت اسايرها للاخر
لوسيفر _ اهلا بيكي، انتي تعرفيني
جميله _ نتعرف
لوسيفر _ انا اسمي علي
جميله _ اه.. تشرفنا
لوسيفر _ الشرف ليه
اتمنا مكونش هزعجك بكلامي او اعملك مشكله
لوسيفر _ لا خالص يااا قولتيلي اسمك ايه
جميله _ اسمي منه
لوسيفر _ ههههه شمس ولا منه
جميله بارتباك _ اه اسمي منه بس الحساب اسمه شمس زي مانتا شايف
لوسيفر _ جميله
جميله بارتباك _ بقولك اسمي منه جميله مين
لوسيفر _ ايوه ما انا فاهم قصدي انتي جميله، روحك حلوه ياستي كويس التعبير ده
جميله _ اه.. متشكره.طيب هسيبك
لوسيفر _ هتكلميني تاني؟
جميله _ ايوه
يادي المصيبه عرفني انا مش عارفه هقابله ازاي ولا هيفهم تصرفي ده ازاي... بس قررت اني هستهبل واعمل اني مش فاهمه حاجه لغيت ما اجيب اخره.. انا دلوقتي مش زعلانه علي حاجه غير علي عبطي وسذاجتي لما فكرته غلبان طلعت انا الغلبانه
سيف
وصلت مسك وروحت عند بابا اطمن عليه
عاصم _ هتفضل لامتي سايب بيتك وقاعد في اوتيل
سيف _ بعد كام يوم هرجع هنا
عاصم _ اشمعنا كام يوم يعني
سيف بإبتسامة " عارف البنت اللي قولتلك عليها
عاصم _ اللي شالتلك الرصاصه
سيف _ اه هي
عاصم _ مالها
سيف _ عارف الحلم اللي بقولك عليه دايما بتاع الغرق
عاصم _ ايه وبعدين
سيف بإبتسامة _ صاحبه الايد اللي بتتمدلي طلعت هي،
عاصم _ وانت عرفت ازاي بقا
سيف _ أخيرا شوفتها في الحلم، دا غير اني بفضلها قدرت انام من غير قلق وكوابيس
عاصم بتريقه _ ودا ازاي بقا، الشيخه خديجه المغربيه اظن
سيف _ ههههههه دا الي حصل
عاصم _ اسمها ايه
سيف _ اسمها مسك
عاصم _ مسك مين يعني
سيف _ معرفش مسالتهاش
عاصم _ شايفك مبسوط، ايه ياسيف
سيف بإبتسامة _ مبسوط يا بابا، عمري ما كنت مبسوط زي الأيام دي
عاصم محدث نفسه _ لا ياسيف، مينفعش تكون مبسوط ولا ينفع حد يقربلك، والبنت دي شكلها كده عرفت تشغلك بيها وياعالم ممكن يحصل ايه تاني، يبقا تعبك ضاع يا حمزه، البنت دي لازم تختفي
سيف _ مالك يا بابا سرحت ف ايه
عاصم_ خايف عليك ياسيف
سيف _ ليه
عاصم _ قولتلك قبل كده متخليش لنفسك نقطة ضعف وبلي حاسه مع البنت دي هو الضعف بعينه
سيف _ بالعكس انا كده مرتاح وحاسس اني بقيت احسن من الاول،
عاصم _ اسمع مني المشاعر والكلام الفاضي ده مينفعش للي زيك.. قدامك حل من الاتنين لا تاخد منها اللي عاوزة وتسيبها وبكده تعيش طول عمرك قوي، لأما تنسا نفسك وتمشي ورا احساسك لغيت ما كل اللي عملته يضيع
سيف _ هو انا مينفعش احب طالما انا شغال الشغل ده، مين قالك اني معنديش قلب،.. لا يا بابا انا هكمل شغلي ومش هبعد عن مسك حتي لو اطريت اتجوزها
عاصم _ كمااان
سيف _ ايوه يا بابا
عاصم بإبتسامة _ كده مش هقدر عليك، ماشي ياحبيبي .. اتجوزها انت من حقك تعيش حياتك بردو... بس هي بتحبك ولا لأ
سيف بإبتسامة _ معرفش
عاصم _ ومسالتهاش ليه
سيف _ دلوقتي مشغوله بانها تلاقي اخوها هستنا يكون لقيناه الاول
عاصم _ وهو راح فين اخوها ده
سيف _ واحد خطفه هو وصغير
عاصم بارتباك _ طيب وهي هتلاقيه ازاي
سيف بحيرة _ مش عارف، انا وعدتها اني القيه، ادعيلي القيهولها عشان اقدر اطلب ايدها
عاصم _ اسمه ايه اخوها
سيف _ معرفش
عاصم _ امال انت هتلاقيه ازاى وانت متعرفش لا اسمه ولا اسمها
سيف _ ههههه تصدق صح، بس متقلقش انا معايا اسم الخاطف
عاصم _ اسمه ايه
سيف يفكر شويه _ لحظه كده نسيت اسمه، ثانيه هجيبه من الشات. بيقلب في الشات شويه
سيف بإبتسامة _ اه اسمه حمزة بهاء الدين
عاصم بارتباك _ اه قولتلي.. طيب وانت وصلت لحاجه
سيف _ لا خالص ملهوش اي اثر في امريكا كلها
عاصم _طيب ما تقولها كده
سيف_ لسه هدور تاني وهي لسه قدامها تسع أيام علشان تمشي، يمكن اقدر اوصل لحاجه فيهم
عاصم _ اه طيب .. قولي انت حكتلها حكايتك
سيف بتنهيده _ ولا هحكيلها انا بصدق انسا اللي حصل، .. موت بابا واخويا اللي مشفتهوش.. مش هرجع اقلب في الي بيتعبني
عاصم_ جدع خليك كده، وعيش حياتك معاها متسبهاش
سيف بإبتسامة _ لو وافقت هتجوزها
عاصم _ وتستنا ليه الجواز، لو بتحبو بعض مش محتاجين الجواز في حآجه
سيف_ لا يابابا دي مش زي اللي هنا خالص مش هيمشي معاها الصحبيه والعلاقه من غير جواز
عاصم _ تبقا مبتحبكش وانت زي الاهبل حبيتها، .. اللي بتحب واحد بتعمل اي حآجه المهم تكون جمبه، ولو مسلمتش نفسها ليك تبقا مش هتحبك
سيف _ هما عداتهم كده حتي لو بتحبني مش هتسبلي نفسها
عاصم _ وسيف الوسيم اللي كل البنات بتحبه من غير ما يتكلم، قاعد يعمل ايه... والله شكلك خيبت
سيف _ ههههه بقا انا خيبت يا عصوم
عاصم _ اااه بامارة انك مش عارف توصلها من غير جواز لانك عارف انها هتصدك
سيف _ يعني انت عاوزني اعمل ايه
عاصم _ تاخد منها اللي عاوزة وبعدين تجوزها
سيف _ طيب وليه، هي مش هتحب كده
عاصم _ مش بقولك خيبت ومبقتش سيف بتاع زمان
سيف بإبتسامة _ بصراحه اه... لا يابابا انا مش هعمل معاها حآجه قبل ما اتجوزها حتي لو هى طلبت كده.. بس يارب هي توافق علي الجواز الاول،
عاصم محدث نفسه _ بقا باعتلي بنتك توقع سيف يا مراد، طيب لو مخلتكش تندم وتخسرهم هما الاتنين مبقاش انا حمزه،.. والاخ هيعمل علاقه مع اخته عشان تعجز تاني لغيت ما تموت مقهور