الفصل السابع7
بقلم رحمة عبد الرؤوف
بعد مرور اسبوعين في قصر الدمنهوري
بغرفه الجده نهال حيث
كان جالس جاسر مع جدته بعدما اخبرها انه يريد التحدث معها بشئ مهم
الجده: يابني حولتني عاوز ايه بقالك ساعه عمال تلف حوالين نفسك كده ليه بتقيس الأوضه يعني؟
جاسر بتوتر: جدتي لو سمحتِ استني عليا شويه متوترنيش اكتر
الجده بخبث: والله وعشت للزمن اللي جه فيه اللي يوترك يا حفيدي، نظر لها جاسر بصمت ولم يتكلم
الجده بلؤم: امم الموضوع يخص جميله صح؟
جاسر بكذب: لا لا موضوع ايه اللي هيخصها يعني؟
الجده: طب قولتلي انا عاوزه اكلمك في حاجه تخصها بردو
جاسر: ايه؟
الجده بترقب: في عريس شافها ومتقدملها
جاسر والشرر يتطاير من عينيه وبصوت عالٍ امام جدته لأول مره: مين ده، وازاي يتجرأ اصلا؟ وشافها فين؟
الجده بخبث: وانت مالك مايتجرأش ليه؟
جاسر بعصبيه: لا طبعا جميله بتاعتي انا وبس ومش لحد غيري
الجده: ليه لا تكونش بتحبها ولا حاجه
جاسر بتسرع: ايوه
بحبها ومش هتبقى لغيري
الجده: وقعت يا جاسر خلاص مفيش عريس ولا حاجه انا كنت بوقعك مش اكتر
جاسر بتنهيده: بحبها يا تيتا ومش عارف هي بتحبني ولا لأ والمشكله معرفش حاجه عنها
الجده: انت خايف
لا يطلع حاجه في عيلتها او ماضيها يكون فيه حاجه ولا ايه؟
جاسر بصدق: لا طبعا انا بس خايف لا تكون كانت متجوزه او مخطوبه وخايف اكتر لما ترجعلها الذاكره ياترى
ايه موقفها ساعتها مش عارف اعمل ايه انا بين نارين كبار لو اعترفتلها وافتكرت كل حاجه
وطلع في حد في حياتها ساعتها هتكسر جامد والله اعلم هترجعلها بعد قد ايه؟ ولو معترفتلهاش
وفضلت كاتم مشعاري جوايا هموت وفي الحالتين انا اللي هتحرق بنار الحب في الآخر
الجده: للدراجادي بتحبها يابني؟
جاسر اوي يا تيتا
الجده بحكمه: انت فاكر كل ده حصل صدفه؟ ده كله مكانش صدفه
ده تدابير من ربك ياجاسر كان ممكن تطنشها لما
لقيتها وكان ممكن تموت في حكمه من ورا ده كله يا جاسر صدقني ده كله مش صدفه ده قدر
ومكتوب يابني وافترض لو فعلا كان في حد في حياتها هو فين معقوله سابها كده ومسألش
فيها لا عيله ولا أي حاجه لو بيحبها كان قلب الدنيا عليها يا جاسر خد الخطوه وتوكل على الله يابني
جاسر: انتي شايفه كده ياتيتا؟
الجده: مش شايفه غير كده يا حبيبي ربنا معاك يابني
جاسر بارتياح: يارب ياتيتا
____________استغفروا_____________
بالمساء كانت جميله تغط في نوم عميق حين دخلت عليها ندى
ندى: جميله جميله جميله واخذت تهزها بشده
*ملحوظه: محدش يعمل الحركه دي مع النايم ابدا ممكن تجيله
سكته قلبيه من الخضه او للناس اللي بتحب تهزر مع صحابها او اخواتها بأنهم يعملوا اشكال عفاريت وكده لأن حرفيا بيبقي في خطر جامد
انه يتعرض لجلطه او سكته قلبيه من الخوف نكمل بقى
جميله صحيت بخضه: ايه في اييه؟
ندى: قومي بسرعه معايا يلا وسحبتها من
عالسرير واخذت تركض بها الي خارج الغرفه
جميله: طب في ايه طيب مجرياني كده ليه؟
ندى: يلا بسرعه مفيش وقت للتفسير
____________سبحوا________________
في الجنينه:-كان المكان مظلم للغايه
ندى: استني هنا وتركتها
جميله: ندي يابنتي واخذت تنادي عليها
وفجأه نورت الأنوار بالمكان لتجد الجنينه اصبحت كقطعه من الجنه فكانت الأنوار تزينها وحمام السباحه
بالمنتصف مضاء والاشجار مزينه بأنوار دهبيه صغير كان منظر خلاب بمعنى الكلمه
جميله انبهرت من هذا المنظر وفجأه ظهر جاسر من ورائها ونادى عليها وقال: جميلتي
التفتت جميله ورائها بصدمه: ايه ده ياجاسر حيث كان جاسر مرتديا بدله بيضاء وبيده بوكيه ورد من الياسمين
جاسر: انا عارف انك مصدومه بس انا كنت حابب اعترفلك بحاجه
جميله: ايه؟
جاسر: أنني بحبك يا جميله بحد اسف عاللي عملته قبل كده
جميله بصدمه: بس يا جاسر انت متعرفنيش ولا انا حتى عارفاني
جاسر: انا اللي يهمني جميله دي اللي واقفه قدامي
جميله: حتي الاسم نفسه انت اللي طلعتهولي انا معرفش حاجه عني يا جاسر هتقبل تعيش مع واحده متعرفهاش ازاي بس؟
جاسر: انا قابلك بكل حالاتك صدقيني واكمل بتوتر: الا اذا كنتِ مش قبلاني فانا مقدرش اضغط عليكِ وكان هيمشي ولكن اوقفته جميله وقالت: جاسر انا كمان بحبك
جاسر بفرحه: بجد يا جميلتي؟
جميله بكسوف: ايوه
وظهر الجميع وفرقعت المفرقعات وكانوا الجده وندى وجميع الخدم
الجده: الف مبروك يا حبايبي احنا نعمل خطوبه ونعلن عنها الاسبوع الجاي ان شاء الله
جميله: ان شاء الله
الجده: انتِ من النهارده من العيله انتِ صحيح كده كده كنتِ من العيله بس بقى ليكِ مكانه مميزه خلاص لو حصل حاجه كده او كده من الواد ده تعاليلي علطول
جميله بحب: حاضر يا تيتا
وحضنت الجده جاسر وجميله وقالت: ربنا يحفظكوا ويسعدكوا يا حبايبي
جاسر وجميله: ويديمك لينا يا تيتا
الجده: ياحبايبي
ندى بمرح: شاهد قبل الحذف عروسه تحضر ببجامه وكانت تنظر لجميله
جميله بكسوف: انتِ اللي جبتيني علي ملا وشي
جاسر: انا قولتلك
تجيبيها مش تسرعيها ياهبله
ندى: اهو اللي حصل بقى
وضحكوا الجميع وقضوا اليوم بسعاده وسلام وعالفجر صلوا وناموا