رواية اميره في بيتنا
الفصل الثاني عشر 12
بقلم زهرة الجبل
داليا هو في اي
عمر : هيكون فى اى عادى
امل : اصل أميرة بطول فى الحمام
داليا : اه قولتيلى
وخلتهم مشغولين ف الكلام وفتحت غرفة أميرة
أميرة : انتى هبلة حد يدخل على حد كدا ممكن تخرجى عشان اكمل لبسى اظن مينفعش تشوفينى وانا كدا
داليا : انا غلطانه عشان جيت وجبتلك مهلبيه خسارة فيكى ومفيش اهبل منك وهمست ف اذنها كفايا واخده واحد مش محسسك انك واحده ست
أميرة : اتفضلى بقا وكفايا كدا
خرجت داليا وهى ف قمة غضبها
داليا : يرضيك مراتك تطردنى و
امل : وانتى ليه تدخلى عليها بالطريقة دى
عمر : عيب ياداليا ال عملتيه دا
داليا : انا ليا راجل يرد عليكم
وخرجت وهى شايطه
امل : يالهوى ع ال حصل اكيد هتجيبهم كلهم هنا دلوقتي هنعمل اى
عمر : نادى ولاء خليها تنزل بسرعة
دخلت امل على ولاء بسرعة يلا انزلى ف ثوانى كلهم هيكونوا هنا
ولاء : هما هيعملوا اى ف أميرة انا هفضل هنا دا ممكن يموتوها ودى هبله
عمر : ع اساس عايشه مع دراكولا ولا آكلين لحوم البشر
أميرة : مش وقت حوارات يلا ياولاء بلاش عناد انا كويسه لو فضلتى الموضوع هيكبر
ولاء : بس انا خايفه عليكى
أميرة : متخافيش يلا بقى عشان خاطري
عمر : ثوانى هأمن الطريق
نظر عمر على السلم لم يجد أحد
يلا يلا بسرعة
وخرجوا
وعلى الباب حضن الاختان بعضهم
ولاء : خدى بالك من نفسك
أميرة : حاضر
وسمع عمر باب شقتهم يفتح
اخذ بيد ولاء وخرج بها إلى السطح
ولاء : براحه يخرب بيت اهلك ال هيموتونا من الرعب
عمر: بعد ركوبهم للسطح
اخرسى يابت هتودينا ف داهيه
ولاء : حرام عليكم ال انتو عملينوا دا
عمر : اختك بنفسها راضية بنصيبها انتى ليه مش زيها
ولاء : اختى هبله وعبيطه
عمر : ياريتك زيها
ولاء : وانت مال اهلك
عمر : اخرسى يابت والله اجبلك ريا وسكينة
ولاء : والله ما يقدروا يعملوا حاجه
عمر : في دى عندك حق
ولاء : أميرة صعبانه عليا وهى عامله نفسها قويه بس هى ضعيفه وكتومه ومش بتبين
عمر : عكسك خالص دا انتى قطر قشاش
ولاء : ساعات بحب اطمن عليها بس هى منعنا نطمن عليها فون وبنستنا تكلمنا
افتكرت انها غلطت وقالت إنها بتكلمنا لاحظ عمر غلطها
عمر : انا عارف بموضوع التليفون وعارف انها بتكلمكم وكذا مره أدى لامل كروت شحن ليها عشان تكلمكم
ولاء : دا طلع عندك قلب أهو
عمر : اقترب منها عندى قلب ومعده وشوية كبد لوووووز
ولاء : زقته بيدها بشدة خفيف قوى حضرتك
عمر : معاكى فون
ولاء : لا
عمر : ع راحتك دا لمصلحة اختك كنت هطمنك عليها كل ليلة
ولاء : وهتخلينى اكلمها
عمر : اكيد
ولاء : طيب سجل عندك
سجل عمر رقم ولاء
يانهار أسود منقط بأسود يا دى الفضايح انتو بتعملوا اى هنا
عمر : اى جابك هنا
عاصم : انتوا اى جابكم هنا
عمر : ولاء كانت عند أميرة والباب كان هيفتح وجينا هنا انت اى جابك هنا
عاصم : بقا الحكاية كدا
حسن قالب الدنيا عليك عايز الورق ال ادهولك تخلصه وقال لأبنه اطلع شوفه ع السطح امل اشتغلت تشاور ليا بلهفه فهمت أن ف مصيبه ع السطح قولتلوا انا طالع ع السطح هناديه معايا والحمدلله لحقت المصيبة قبل ما تحصل
ولاء : تقصد اى
عاصم : ولا حاجه
إلحق اخوك شغال ينادى عليك
عمر : خليك هنا هفضى الطريق وهصفر تنزلوا ع طول
ولد تنزلوا ع طول وبص لأخوه بصات ليها معنى
عاصم : متخفش أمان
نزل عمر تحت وساب عاصم وولاء مع بعض
عاصم : ازيك
ولاء : بعد ال حصلى عندكم ولا قبل
عاصم : هههههههه والمصحف عسل
ولاء : طيب حاسب العسل بيلزق
ورن جرس تليفونها
عاصم : مين بيرن عليكى يابت
ولاء : وانت مالك
عاصم : بطمن عليكى
ولاء : وبعدين بقا كدا هيمشوا
عاصم : هما مين
ولاء : فكرت شويه ، صحابى تحت عمارتكم وبيرنوا عشان نمشى
عاصم : هو انتى جايه مع اصحابك
ولاء: امال لوحدى كنا بنخلص ورق للكلية
عاصم: آه انتى اول سنة كلية علوم
ولاء؛ دا انت عارف كل حاجه اهو
عاصم : انا قارى تاريخك كله
ولاء: صحابى بيرنوا تانى
عاصم : ردى عليهم بس بصوت واطى
ردت عليهم
عاصم : معاكى فون
ولاء: لا
عاصم : ع راحتك انا كنت
وكملت ولاء كلامه
كنت عايز تطمنى ع أميرة من وقت للتانى
عاصم : اى دا لماحه قوى
ولاء : لا بقرأ الطالع
اقترب عاصم منها
ضربته ولاء ع عيونه
عاصم : انتى ياهبله انتى عيزانى اتعمى
ولاء : لو ملمتش نفسك ايوا هعميك وهكسر عضمك كمان
عاصم : ياواد ياشرس
وسمعوا صوت صفير
ولاء : يلا بسرعة اهو صفر
عاصم : هاتى الرقم الاول
خد الرقم ونزلوا ع السلم بكل هدوء وعند وصولهم لشقة أميرة سمعوا صوت زعيق وكلام عالى كانت ولاء هتدخل ولكن عاصم شدها الى تحت
عاصم : هتودينا ف داهيه انزلى بسرعة
وطلعوا من باب العمارة
خارج العمارة
عاصم : متخافيش على أميرة هنعمل كل ال نقدر عليه عشان تهدى الأمور
ولاء : ابقى طمنى عليها وعيونها كلها دموع
عاصم : حاضر
ركبت العربية مع اصحابها ورحلت
فى شقة يوسف
حسن : مش عايز ال حصل دا يتكرر تانى احترمى داليا وبلاش طولت لسان وملكيش حق تطرديها من هنا
أميرة : هى ال غلطانه انا معملتش حاجه
حسن : انتى تسمعى الكلام وتقولى حاضر ونعم ومترديش الكلمه بكلمه لو متعلمتيش الادب عند أهلك احنا نعلمهولك هنا
يوسف : حسن كفايا لحد كدا
حسن : انت راضى بال بتعمله مراتك وطولت لسانها
جليله : انا قولت لسانها طويل ولازم قصه
بسمة : دى مش عاجبها كبير ولا صغير
داليا : مش كفايا ساكتين على
مشيوا كلهم وفضلت منال وامل ونسمة
جليلة دخلت تانى انتوا قاعدين ليه
منال : جاين وراكى
حسن : يلا يازفته منك ليها مفيش واحده هتاجى هنا تانى
امل : بس انا
حسن : قولت يلا
مشيوا كلهم وفضلوا أميرة ويوسف
دخلت أميرة الحمام توضأت وصلت العشاء وقرأت ف المصحف وجلست ع السرير وبكت بحرقه على ما حدث
ونامت.