رواية أعمي ولكن احبه
الفصل الثالث 3
بقلم رودي عبد الحميد
قالت بتوتر : مستنياه إزاي يا عمي مفيش حاجة من دي
شاهين بإبتسامة : ربنا يلين قلبه عليكي يا مني
طلع حازم وفطر ومني أخدتو ونزلو إتمشو
مني : إيه أول حاجة هتعملها لما تفتح
حازم : أشوف ياسمين.. وحشني شكلها أوي
بصتله بدموع وسكتت ، قال حازم : وأشوفك
إبتسمت وقالت : مسيرك تشوفني وإن شاء الله هتعمل العملية وترجع تشوف من تاني
حازم : فعلاً فيه عريس إنتي رافضاه!
مني : أه
حازم : ليه ؟
مني : مش عاوزه أتجوز دلوقتي
حازم : بسببي!
مني بتوتر : ب..بسببك إزاي يعني
حازم رفع أكتافه وقال : يعني بسبب إنك مهتمه بيا وكدة وعلشان محدش غيرك قاعد معايا
أخدت نفسها براحة وقالت : أه وقت ما تفتح وترجع تشوف الدنيا من تاني ساعتها هبقا أفكر في الجواز
حازم : أي عريس يجيلك هتوافقي عليه؟
مني وهي بصاله : تؤتؤ اللي هيحافظ عليا ويصوني ويحبني بجد هو دا اللي هوافق عليه
كان حاسس بضيق من كلامها وغيره وكان مستغرب نفسه جداً بس إبتسم وسكت
▪︎ بعد ساعة روحو البيت..
دخلت مني لعمها وقالت : عمي أنا فكرت وخلي العريس ييجي
شاهين : تمام يابنتي هييجي علي 7
دخلت لحازم وقعدت معاه وبيضحكو وبيهزرو علشان تنسيه الأزمة اللي هو فيها
▪︎ السابعه مساء ▪︎
كان العريس قاعد هو وشاهين وحازم اللي باين علي ملامحه الغضب..
حازم ببرود : أه وإنت بتشتغل إيه !
العريس : مهندس معماري
حازم : معاك شقه!
العريس : معايا فيلتين مش شقة ، واحده في شرم وواحدة هنا في القاهرة
حازم وقف وقال ببرود : معندناش بنات للجواز
شاهين وقف وقال : بتقول إيه يا حازم
حازم وجه كلامه للعريس وقال : سمعتني! بقول معندناش بنات للجواز إنت شاب مثالي والكل يتمناك بس معندناش اللي تتمناك هنا
قام العريس وقف وقال : عن إذنكم
شاهين بزعيق : إيه اللي عملتو دا بترفض العريس من مزاجك!
طلعت مني علي صوت شاهين العالي ووقفت
حازم بعصبيه : مش هتتجوز وأنا حر
سابهم ودخل الأوضة ، قال شاهين بصوت عالي : وإنت بصفتك إيه ترفض العريس أنا موجود وأنا الأولي اللي أقول مش إنت
طلع حازم م الأوضة وقال : وأعمل اللي عايزه وكمان مش هتتجوز قولت لما أبقي أفتح وأشوف النور من تاني ساعتها هختارلها أنا العريس
مسح شاهين علي وشه وقال : حضر نفسك لإن العملية كمان تلت أيام يا سي ز*فت
دخلت مني ورا حازم لاقته قاعد ومتضايق جداً قعدت جمبو
مني : متضايق ليه؟
حازم إتنهد وقال : إنتي زعلانة علشان رفضت العريس ؟
مني : وأنا أزعل من كدة! لأ طبعاً مش زعلانه وبعدين اللي إنتم شايفينو ليا حلو أنا راضيه بيه ، بابا سافر وسابني أمانة ليكم
إبتسم حازم وقال : تفتكري العملية هتنجح؟
مني حطت إيديها علي إيده وقالت : واثقه من ربنا وعندي أمل كبير فيه وإن شاء الله هتنجح
▪︎ بعد تلت أيام في المستشفي ▪︎
مسكت مني إيد حازم وقالت : ربنا كبير يا حازم مش عايزاك تخاف وأنا واثقه إن العملية هتنجح متقلقش ماشي؟
حازم بإبتسامة : متمشيش عايز لما أفتح أشوفك
مني ضحكت بوجع : كنت حابب تشوف ياسمين أول حاجة
حازم : لأ ياسمين عارف شكلها أنا عاوز أشوفها علشان وحشاني لكن إنتي عاوز أشوفك لإن مشوفتكيش ولا مره
إبتسمت وقالت : هتشوفني وهستناك
دخلو بيه الأوضة وإيده سابت إيديها..
فضلت مني تصلي وتدعي ربنا كتير إن العملية تنجح وكانت متوترة وخايفه جداً
وشاهين ميقلش عنها شئ..
▪︎ بعد مرور عدة ساعات ▪︎
شاهين ومني والدكتور واقفين في أوضة حازم ..
الدكتور : طبعاً إنت مؤمن بربنا جداً ولازم تحمد ربنا علي كل شئ ولو محصلش نصيب وشوفت دا قضاء ربنا ولازم ترضي بيه
حازم إبتسم والشاش مازال علي عيونه : الحمدلله أنا راضي بقضاء ربنا أياً كان إيه اللي مكتوب ليا
بدأ الدكتور يشيل الشاش ببطئ شديد ومني وشاهين واقفين متوترين وخايفين جداً
شال الدكتور الشاش و.....