رواية طفلة هزت كيان فرعون )الفصل التاسع9بقلم مروة موسي
فرعون : علاج والدتك وسفرها علي حسابي
نور باستغراب: دا مقابل اي تاني
فرعون : مقابل ليلة مع واحد معرفه هتجيبي منه معلومات ليا وانتي اكتر حد هيكون مناسب له
نور واقفه مصدومه عاجزة عن الكلام بقت سلعه تباع لأي شخص ومتقدرش تعمل حاجة عشان حياتها وحياة امها تحت ايد الفرعون
نور : وانا مش موافقة ولو امي ماتت تموت ولو انا كمان هموت عادي بس مستحيل حد يلمسني ودا علي جثتي هقتل نفسي مش مهم اكون ميته بس اكون حاولت اني ادافع عن نفسي كفاية االي انت عملته
فرعون ركب العربية وهي ركبت وطلعوا علي القصر
طلعت جناحه لقت جوري نايمة ولابسه لانجري مبين مفاتن جسمها قفلت الباب ودخلت الاوضة التانيه
عادل لفرعون : ازاي تطلب منها كدا
فرعون: كان مجرد اختبار اشوف ممكن توافق علي أي حاجة مقابل علاج امها ولا لاء
عادل : انت كدا بتخليها تكره نفسها وتلعن حياتها
فرعون وهو بيشر كأس بيه خمر: دا المطلوب من وجودها
عادل : كفاية عليها وسبها ي عز
فرعون : كام مرة اقولك إن عز مات خلاص بقي فرعون
عادل : لاء عز ممتش وفرعون لازم يعرف دا
وجوري متجاهلها المرة دي ليه لما كانت مراتك أم عيالك موجودة مكنتش بتعاملها كدا اي السبب
فرعون : مشاغل مش فاضي ليها بس
عادل: مشاغل اي ي عز وانت مش عارف نهاية جبروتك علي نور اي
هقولك كلمه كنت الأول بتكره نفسك وحياتك عشان مكنش ليك نفوذ ولا سلطة ومكنتش بتعرف تجيب حقك وكان حقك هيضيع وحق ابوك وكنت لا حول ولا قوة منك ي فرعون باشا فافتكر نفسك كنت زي نور وفي موقفها اشترتها بفلوسك ودمرتها بنفسك
********** استغفروا الله
صفاء كانت بتكلم حد في التليفون ونور كانت نازلة من الاوضة تجيب ماية
لفت انتباها صوت صفاء : متقلقش المرة دي هيكون في أمل مش زي مراته الاولي كانت بدل ما تساعدنا نخلص منه او ناخد فلوسه كانت محافظة عليه وكنت بحاول اخرب بينهم وكنت ببذل مجهود بس خلصت منها ومن عيالها في مرة واحدة
نور حاولت تطلع من غير اي صوت تاني الاوضة ودخلت وقفلت وفضلت رايحة جاية: ازاي أم تقتل مرات ابنها ومش بس كدا كمان لاء دا قتلت احفادها دا كله مقابل الفلوس يالله اي البيت االي كله عدم رحمة دا
فرعون وجد جوري في جناحه ونور مش موجوده قفل الباب ودخل لنور
فرعون كان سكران شوية الوقت دا : انتي لسه متخمدتيش
نور : لاء لسه هو مين اللي عند ماما
فرعون : انا بعت ليها حد يبقي معاها وهتسافر خلال يومين تتعالج
نور: تمام وان شاء الله احاول أرد ليك جزء من علاجها بس مش اني ابيع نفسي
فرعون : مش هعالجها عشان مقابل علي فكرة عشان شوفت خوفك عليها وخوفها عليكي اتمنيت يكون حد يخاف عليا كدا حتي امي مش كدا معايا
نور لاحظت انه محتاج اهتمام ورعاية من شخص يقدم له كل حاجة كويسة
بقلمي مروة موسي
نور : ممكن سؤال
فرعون وهو بيخلع جزمته وبيترمي علي السرير ومازال شبه سكران
فرعون: قولي اسألي
نور بذكاء: كنت متجوز قبل كدا اكيد مراتك فين
فرعون: ماتت
نور وهي بتقرب من حافة السرير : محاولتش تدور علي سبب موتها
فرعون : لاء عشان عملت حادثة هي والطفل اللي معاها واللي في بطنها
نور: طب مزعلتش عليها ليه
فرعون : معرفش بس مكنتش لفترة قريبة بحبها كانت شخص عادي مش زوجة تقدم كل رغبات جوزها من راحة وحنان واهتمام كان وجودها في القصر هنا أزمه لأمي كانت ممكن تقولها كلام وهي بحسن نيه تنفذوا كانت واثقة في امي لدرجة انها ممكن تخرب بيت ابنها وهي مش فاهمه دا عشان طيبة
وبدأ ينام مكانه
بعد فترة نور كانت نعسانه وعاوزة تنام بس شاغل بالها وتفكيرها ازاي أم تعمل كدا والغريب ان فرعون عارف ان أمه ممكن تعمل اي حاجة عشان تدمر حياته وساكت
اتنهدت ونامت علي الكرسي اللي في الاوضة
في الصباح
جوري صحيت ملقتش فرعون موجود
نور صحيت دخلت تغسل وشها وملقتش حاجة تغيرها وهدومها اتبهدلت بقالها يومين عليها واتوسخت
صفاء صحيت وهي بتلعن في نفسها انها هتبقي زي الخدامة طول النهار بسبب فرعون وبتتمني الشهر يخلص عشان ترجع هانم تاني
فرعون مكانه لسه مغمض عيونه بس بيحاول يفوق من مكانه لقي نور واقفه قدام الدولاب بتشوف حاجة تلبسها خاصة أن الدولاب دا كله هدوم فرعون اتنهد وقام وقف
فرعون : هجيب ليكي حاجة تلبسيها ومتقربيش من حاجة تخصني
نور : طيب ماشي بس انا معرفش أن الدولاب دا في حاجات مهمه
فرعون: مفهوش زفت حاجة مهمه بس كل الحكاية انك تقولي حاضر وتخرسي
جوري دخلت عليهم الاوضة من غير ما تخبط : وانت هنا وسايب جناحك طول الليل
فرعون وهو بيحط الفوطة علي كتفه عشان يغسل وشه : عادي البيت كله بتاعي مفرقتش جناحي من اوضتي
جوري : ماشي ي فرعون يلا عاوزة اروح مشوار
فرعون: لاء هطلع علي المول اعمل شوبينج وبعدين اشوف مشوارك
جوري : منا المشوار دا شوبينج
فرعون : تمام يلا ونور كانت ساكتة
فرعون : شوفي حاجة لنور من عندك تلبسها عشان هتيجي معانا
جوري بغيره : ليه تيجي معانا .
فرعون : عشان هروح المول مخصوص ليها لأنها محتاجة هدوم
جوري : وفين هدومها ان شاء الله
فرعون : انتي هتحققي معايا يلا شوفي انا قولتلك اي
جوري جابت لنور بنطلون وبلوزة ولبستهم وهما ذهبوا للمول
فرعون ونور وجوري دخلوا المول كان كبير وضخم جدا نور كانت بتبص حوليها من كتر جماله
فرعون دخل محل ملابس وجاب كام قطعه منه ونور واقفه مكانها وجوري بتشتري لنفسها
جوري : أي رأيك في دا ي فرعون
فرعون : تمام
جوري : يعني اي
فرعون: نور انا اختارت دول لو عاوزة تشوفيهم او تغيري منهم انجزي
نور : لا حلوين تسلم .
وبعدين دخلوا محل شوزات وشنط وفرعون حاول يوفق بين الألوان
ونور واقفه لكن عجبها شوز عالي طالع من عنيها وكان عنيها عليه
فرعون : هاتيه
نور : هو أي
فرعون : اللي عينك عليه دا
نور : لا كفاية شكرا كفاية دول
جوري : انا هجيبه ليا لانه جميل بصراحة وراحت جبته لكن فرعون خده من ايديها لنور وجوري اضايقت جدا من دا
خلصوا وفرعون دفع واتجهوا للبيت .
عفاف كانت اطمنت لما شافت بنتها لكن لسه جواها قلق
عفاف وهي نايمة مكانها في المستشفي: ربنا يريح قلبك وعقلك ي نور ي بنتي من يومك وانتي شايلة همنا
علي الجانب التاني عصام كل يوم يقضي كل ليلة في مكان شكل يسهر فيه
فرعون ركن عربيته ودخل البيت ووراه نور وجوري
نور كانت متجه للاوضة لكن فرعون قالها تدخل الجناح بدل الاوضه
جوري : لما هي تقعد في الجناح انا هقعد فين ي فرعون .
فرعون : انتي هتسافري النهاردة لان انا مسافر النهاردة بردوا
جوري بعصبية : مش تعرفني ولا انت بتتعامل مع شخص مبيفهمش مثلا
فرعون بصوت عالي وغضب: صوتك ميعلاش وانتي هنا اللي اقوله يتنفذ وزقها من قدامه وطلع
جوري اتعصبت وبدأت تجهز شنطتها وخرجت بعد شوية ركبت العربية وفرعون وصلها للمطار ورجع تاني بسرعه
فرعون بعصبية : اخفي انتي كمان جهزي شنطتك عشان هتسافري مع والدتك
نور : حاضر
وفعلا جهزت شنطتها وعفاف خرجت من المستشفى للطيارة بعربية إسعاف وركبوا التلاته الطيارة
ونزلوا علي مستشفي عالمية في ألمانيا لعلاج القلب
قبل دخول عفاف العمليات طلبت نور لوحدها وفرعون لوحده
عفاف لنور : نعم ي ماما
عفاف : انا بحبك اوي ي بنتي ومتقلقيش عليا انا هبقي احسن من الاول بكتير فرعون شكله طيب ميجبنيش هنا ويعالجني غير لما يكون جواه طيبة ويبنتي من خلال حياتي عاوزة اقولك إن فرعون دا وراه سر عشان يبقي كدا اكيد كان شخص كويس اوعديني انك ترجعيه تاني للشخص دا والأفضل كمان
نور : بس انا مليش علاقة بيه انا مجرد وقت وهنفصل عنه هو اكيد كارهني وأنا كذلك
عفاف: اوعديني ي نور
نور باستغراب من كلام امها : اشمعنا ي ماما دا انا بخاف حتي اكلمه عوزاني اغيره دا انا لو ادخلت في حاجة تخصه يقتل*ني فيها
عفاف : الايام علاج لكل جرح ووجع ي نور العين
نور: وحشني الاسم دا منك ي ست الكل اوعدك هحاول اغيره للأفضل
فرعون دخل وعفاف نايمة علي السرير
فرعون بهدوء: انتي طلبتيني في حاجة عوزاها
عفاف بتعب: ايوا ي ابني انا مضمنش ظروفي اني اطلع عايشة من العملية دي بس عاوزة منك طلب
فرعون : اتفضلي
عفاف: انا عارفه انك بتعاقب بنتي علي حاجة هي عملتها بس الحاجة دي متستهلش دمارك ليها دا
فرعون : بس ....
عفاف بمقاطعه: كل اللي طلباه منك انك تخالي بالك منها حتي لو طلقتها علي اساس انك متجوزها حتي وانت بعيد عنها من وقت للتاني راقب حركتها شوفها محتاجة اي وخليك كويس معاها عارفه انها هتبقي مش متقبلة وجودك بسبب اللي عملته معاها بس هي هتعيش من غير اب وأخ وأم كمان هتبقي وحيدة الدنيا هتخبط فيها اوي كل اللي طلبته من كلامي خليك رحيم وكويس معاها ي ابني
فرعون سمع كلامها وحاول يسكت : حاضر
دخلت العمليات وفرعون بيفكر في كلامها واتوتر للحظة انها تتوفي هيكون موقف نور أي وحياتها من غير امها ازاي
الدكاترة دخلت وفضلت يجي اكتر من ٤ ساعات جوا ونور قلقانه وفرعون صامد مكانه
الدكتور طلع وعلي وشه حاله من ...