خرجت نور من السياره بخوف كان شاب يافع ملقى عالأرض والدماء من حوله
نور وهي بتخبط على وشه: يا استاذ يا استاذ ياربي مبيفوقش وقد اتجمع الناس من حولهم
احد الواقفين: لا حول ولا قوة الا بالله هو انتوا علشان اغنيه تخبطوا الناس بعربياتكوا كده حسبي الله ونعم الوكيل
نور ببكاء: والله ما كان قصدي والله
الرجل: لسه هتعيطي خديه عالمستشفى يا بنتي الراجل شكله بيموت
نور: حاضر حاضر شيلوه بس حطوه في العربيه وانا هاخده عالمستشفى
وحملوه إلى سيارتها واخذته الى المستشفى
---------استغفر الله العظيم واتوب اليه------------
في احدى المستشفيات بالأسكندريه:-
نور: دكتور دكتور حد يلحقه لو سمحتوا
الدكتور بعصبيه: ايه ده؟ لازم نعمل محضر دي حادثه
نور بخوف: مش دلوقتي مش دلوقتي الحقه بس الأول
الدكتور: تمام يلا على اوضه العمليات
بعد قليل:-رن هاتف نور بإسم والدها
مالك: انتِ فين يابنتِ بقالي ساعه برن عليكِ
نور ببكاء: بابا
مالك بخوف: مالك يا بنتِ؟ طمنيني
نور ببكاء: بابا انا خبطت واحد
مالك: ايه طب انتِ في مستشفى ايه؟
نور: انا في مستشفى........
مالك: تمام انا جايلك.
وصل مالك بعد شويه
مالك: حصله ايه؟
نور ببكاء: معرفش هم لسه جوه معاه
مالك بعصبيه: ازاي تعملِ كده يانور ده انا كنت لسه بقول انك مسئوله
نور: والله كنت واخده بالي ساعة ماحضرتك رنيت وكنت مركزه ان الطريق فاضي بس لقيت ده طالع عليا فجأه اكنه كان قاصد
مالك بغموض: متأكده من اللي بتقوليه؟
نور: اه والله حضرتك عارفني باخد بالي كويس وانا سايقه
مالك: تمام خلينا نستنى ونشوف هيحصل ايه ان شاء الله خير
نور: يارب وخرج الدكتور.
نور بلهفه: هو عامل ايه يا دكتور؟
الدكتور: الحمدلله دي خبطه خفيفه على راسه مش اكتر وكسر في دراعه
مالك بجمود: فاق ولا لسه؟
الدكتور: ايوه فاق بس المفروض نعمل محضر
مالك بص لنور اللي بصتله بخوف وبعدين بص للدكتور وقال: طب خلينا نشوفه وبعدها يحلها الحلال
الدكتور بهدوء: تمام ومشي
مالك كان هيدخل للشاب لكن آتاه هاتف ضروري من العمل وقال لنور: استني هنا هرد وآجي اومأت نور له بصمت
أثناء مكانت واقفه سمعته يريد الماء ولم يكن احد بجواره فدلفت له وجدته يأن من الألم ويريد ان يشرب
نور: اتفضل اشرب وشربته
الشاب: شكرا، مين حضرتك؟
نور بإحراج: احم انا اللي خبطت حضرتك بس والله مكانش قصدي
الشاب بإبتسامة: خلاص يا آنسه حصل خير انا اللي كنت ماشي مش واخد بالي
مالك بعدما جاء من الخارج: مش واخد بالك بردو ولا حاجه تانيه؟
الشاب بإستغراب: حاجه تانيه زي ايه حضرتك؟
مالك بغموض: ولا حاجه بس اظن انك بقيت كويس وعلاجك احنا هنتكفل بيه يبقى ملهاش لازمه نعمل بلاغ
الشاب بجمود: انا الحمدلله مستريح حضرتك ومفيش داعي انك تدفع قبل اظن حضرتك سمعت اللي قولته للآنسه انا مكونتش هبلغ
مالك: تمام اسمك ايه؟
الشاب: اسمي كمال عبدالله
مالك: تمام ابقى خد بالك بعد كده يا كمال وانا هدفع مصاريف المستشفى والعلاج
كمال: لا شكرا قاطعه مالك: قولت انا اللي هدفعها خلاص ووجه بظره لنور: يلا يا نور
نور بإرتياح: يلا يا بابا سلام عليكم
كمال بإبتسامة: وعليكم السلام ورحمة الله وبركاته
-----------الحمدلله حمدا كثيرا طيبا مباركا فيه----------
في فيلا الأحمدي:-
نور بتكلم رنا: وبس ياستي هو ده اللي حصل
رنا: يااه يا بنتِ اتحطيتي في موقف وحش اوي زمانك عيطتِ جامد
نور: اوي كان هيجيلي سكته قلبيه اصلا
رنا: بعد الشر عليكِ الحمدلله انها جت على قد كده
نور: الحمدلله يا حبيبتي
رنا: ارتاحي بقي واهدي يلا عاوزه حاجه؟
نور: عاوزه سلامتك يا قلبي سلام
نيره بخوف: انتِ كويسه ياحبيبتي؟
نور بإستغراب من هذه المعامله: اه الحمدلله في ايه؟
نيره: سمعت من بابا اللي حصل اهدي يا حبيبتي انا عارفه انك خوفتِ يارتتي كنت جمبك نظرت لها نور بصمت ولم تتكلم
نيره بفهم: انا عارفه انك مستغربه من معاملتي دي بس مهما كان احنا اخوات و دمنا واحد ممكن اكون زعلانه منك بس استحاله
اكرهك انا كنت مضغوطه ومتلخبطه مش اكتر عارفه انك كرهتيني بس قاطعتها نور: عمري ماكرهك انتِ اختي اكرهك ازاي؟
نيره: بجد؟
نور: طبعا يا حبيبتي وحضنتها بحب بينما نيره ابتسمت بخبث واحتضنتها هي الأخرى
-------لا حول ولا قوة الا بالله العلي العظيم--------
تاني يوم في كليه الهندسه:-
نور ورنا كانوا خلصوا وهم ماشيين طلعوا عليهم حراميه
نور بخوف: عاوزين مننا ايه؟
احد الأشخاص: هنكون عاوزين ايه يعني؟ يلا يا قمر منك ليها طلعوا اللي في جيوبكوا يلا
رنا: ابعدوا عننا احسنلكوا
الشخص: لا طبعا شكلكوا متريشين كل واحده تطلع اللي معاها احسنلها وإلا..
نور بشجاعه: وإلا هتعمل ايه يعني؟
الشخص طلع سكينه وقال:
هعمل كده ووجه السكينه على نور ورنا صوتت واللي معاه مسكوها ووو