رواية حنين الاحبه
الفصل السابع عشر17
بقلم رحمه ايمن
احمد: استعدي بكره هاجي اخدك الصبح
رحمه: الصبح؟
احمد: اه هاجي اخدك من قدام البيت
رحمه: بس انا لازم اروح الشركه
احمد: رحمه ممكن تعتذري ومتروحيش بكره، انا لسه جي
محتاج اقعد معاكي، اعملي ده عشان المكان الي هنروحوا علي الاقل، لانه مهم بنسبالي اوي ممكن.
رحمه: حاضر يا احمد هحاول
احمد: لسه في المكتبه؟
رحمه: اه لسه
احمد بديق: رحمه انتي....
رحمه: بوعدك همشي قريب، احنا بنشتغل بجد
احمد: تمام يا رحمه سلام
رحمه: احمد لو سمحت، بلاش كده
احمد: خدي بالك من نفسك ، سلام.
قفل ف نزلت التلفون وانا بنفخ وبتنفس بصعوبه
وقفه بين نارين.
كل حاجه بتتعقد وانا خايفه، خايفه اتحرك في اي اتجاه
محتاره، مرهقه.
يا رب عدي الايام دي علي خير مش اكتر.
في المكتبه.
صقر : عملت القهوه وبردت وسخنتها، في حاجه ول اي
رحمه: لاء ابدا مفيش، هنخلص اخر حاجه في البارت عشان اتاخرت.
صقر: رحمه
رحمه: نعم
صقر: قلك اي ديقك، محتاره لي؟
رحمه: مفيش حاجه يا صقر، خلينا ننجز بس
صقر: خلاص هنكمله وقت تاني، روحي ارتاحي دلوقتي وبكره هنشتغل اكتر شويه، وعايزك تفهمي حاجه مهمه اني بوعدك معنتش هضغط عليكي تاني ابدا صدقيني، ولو عايزه تغيري المواعيد انا مستعد
بس ممكن بلاش معامله وكلام متوتر بينا.
ابتسمت لي لانه ديما بطمني، ديما بعرف يريحني ويطلعني من حيرتي باقل كلام لي حتي لو مش فاهم اي حاجه، لازم يعمل الي عليه معايا حتي في الكلام.
رحمه: شكرا لتفهمك يا صقر
صقر: عايز رحمه بتاعتي قريب ، الي عمرها ما قالت لصقر شكرا فهمه
رحمه: ههه خلصانه
"تتحرك قليلا ثم تلتفت لي لتحدث"
رحمه: صقر انا...
صقر: خدي بكره اجازه يا رحمه، خدي رست "استراحه" ماشي، هنعمل اي فيكي يعني علينا الاستحمال
رحمه: في قلبي جامد وربنا
صقر: غوري من وشي
رحمه: باااي.
"ينظر لها صقر ببتسامه ويرجع راسه للخلف بتنهد وسرحان ويغمض عينيه ويضع الكتاب فوق وجهه بهدوء ونوم."
اليوم التالي.
صحيت بدري بحماس، هشوفه انهارده اول ما اقوم، ده احسن شعور الواحد يحسه بعد ما يصلي ويقول الاذكار بجد.
شعور نظرتك، عنيك، ابتسامتك، ول ضحكتك.
اااه هي ساعه واقفه لي ها؟.
text message
"انا تحت، جاهزه"
" ولو مش جاهزه نجهزلك يا جميل "
" ههه طب انزلي يختي يلا "
نزلت لقيته في وشي وبيضحك، لاء كده كتير، كتير اوي.
رحمه: صباح الفل
احمد: صباح النور لعيونك، جاهزه
رحمه: اكيد، هنروح فين.
احمد: هتركبي ورا برضه
رحمه: طبعا
احمد: عنيده
رحمه: رخم.
~~~~~~~~
رحمه: انت بتستهبل!
احمد بضحك: لي؟
رحمه: احمد اهلك اي الي نشوفهم ٨ الصبح! وكمان مجهزتش نفسي ول لبست حاجه رسميه، لاء طبعا
احمد: رسمي وفهمي اي يا ست، انزلي يا رحمه، انزلي يا حببتي
رحمه: احمد انت بتكلم بجد فعلا
احمد.: والله روحت جبت اكل شعبي وجيت، تعالي هنفطر سوي ونقضي اليوم معاهم ، عايزين يشوفوكي وايمان هتقتلني انهرده لو مشفتكيش، يلا هنقعد شويه ونخرج
رحمه ببتسامه: تعرف انك مجنون
احمد: حوووم يلا.
اتحركت وانا حرفيا مكسوفه، كان مكانهم عباره عن ڤيلا ضخمه بس راقيه حبتين للعين وللقلب، فيها قاعده خارجيه بره وفي جنينه كده صغيره مريحه للأعصاب، وفي عز كل التوتر ده حسيت اني مرتاحه
وده شعور صعب الحقيقه أحسه في اي بيت
كنت بتحرك وانا رجلي بترجف، هيتقبلوني، انا وصلت معاه مرحله جديه انه يعرفني علي اهله ويثق فيه اوي كده، انا وصلت لبيتك الي كنت بحلم بس اني المحك من ٣ او ٤ شهور
غريبه الحياه دي بجد، غريبه الظروف، وغريب الرجوع بعد البعد.
"يفتح احمد الباب ويدخل في يده بعض الاكياس وتقف رحمه خلفه"
احمد: ماما انا جيت وجبت الفطار، رحمه هنا معايا كمان
ايمان بالخروج بلهفه: رحمه! فين فين
احمد: تعالي يا مون استقباليها عبال ما ادخل الحاجات دي المطبخ
ايمان بتحرك لها: انتي رحمه؟
رحمه: اه انا
ايمان: لو تعرفي احمد بحبك ازاي ووحشتي ازاي و عمل فينا اي لمده خمس سنين دول بسببك هتنصدمي ، انتي مشهوره في بيتنا اكتر من السيسي رئيس مصر
احمد بتحذير: احم ايمان
ايمان بخوف : وانا ايمان اخته الصغننه، اشترفت بيكي يا روح قلبي وخلاص بقي عشان متاكلش.
رحمه: ههه
احمد: بتقولي حاجه يا عسل؟
ايمان: انا لاء ابدا يا حبيبي "بشد يدها ومسكها ودخول" بكلم مع حبيبه اخويا شويه انت مالك، وبعدين ملكش دعوه بيها دي تخصني طول اليوم.
احمد: فين امك يا بت؟
ايمان: في الدور التاني، رن عليها قلها انك جيت واحنا هنحضر السفره، تعالي ساعديني
رحمه: هو... اكيد لو معنكيش مانع يعني
ايمان: احمد دي بتقلك مانع؟
احمد: ههه
ايمان بضحك: ونعمه انك سكر مفيش مانع ول حاجه، تعالي
اتحركت وانا مستغربه من الاجواء ، مطبخ اي، فطار اي
مين دول!
بعدها مامته نزلت ببجامه سوده مترزه تشدك ليها بدون تركيز
واحده قمه في الجمال ما شاء الله، وانا بقول جايب الجمال ده منين، هو مش هيروح بعيد فعلا .
زهره: اهلا يا بنتي الجميله، واخيرا شوفناكي علي الطبيعه لو تعرفي احمد عمل فينا اي هناك بسببك
احمد: مالكو يا جماعه في اي؟ يا حول الله.
رحمه: ههه عذرا يا طنط والله انا مكنتش اعرف اني هاجي انهرده معملتش حسابي وجيت كده وانا محرجه اوي من نفسي بجد
زهره: لاء يا طنط كفايه وجودك وانك جيتي ونورتينا والله
رحمه: شكرا لحضرتك
تن تن تن
احمد وايمان: let's go
زهره: يلا قدامي علي المطبخ
دخله المطبخ واحمد جيه وقف جنبي، وقال ببتسامه:
احمد: احنا عيله هبله كده عملين منبه للاكل، ولازم تيجي ترصي السفره معانا، كلو بشتغل هنا حضرتك
رحمه ببتسامه : عنينا يا فندم
احمد: نزلي شنطتك وتعالي
كان في شباك احمد بياخد منه الاكل، وانا برص النواشف واي حاجه في الكياس برصها في طباق وايمان بتقطع اي حاجه محتاجه تقطيع وطنط بتناول لاحمد.
وكان عمل جماعي ختشير.
حضرنا السفره وانا حرفيا ميته ضحك، كانت اجوائهم ظريفه جدا
كله بيخبط في بعضه وبهزروا ومامتهم مرحه جدا
اخدت نفس عميق وحمدت ربنا علي التوتر الي اختفي من وقت ما شفت عالته القمر دي.
وبعدها كلنا وعرفت انه باباهم مسافر وبعد الاكل ايمان طلعتني فوق في اوضتها معاها.
ايمان: نورتي اوضتي، اي رئيك انا كنت مختاره الوانها واحنا هناك
رحمه: جميله اوي، والوانها متنسقه جدا
ايمان: احكيلي بقي يا ستي اتقبلته تاني ازاي، صدفه بقي ودموع ورميو وجوليت وكده، انا احبب القصص جدا
رحمه: لاء ده محن مش قصص
ايمان بضحك: ايوا كده انا احبك، كده نتكلم من غير كدب بقي ورسميات صباح الفل ، تعالي ما نعمل ice coffee وتحكيلي يلا.
ايمان صفوت، ملكه التصميم والالوان، اصغر من احمد بربع سنين، دخلت هندسه وتخصصت ديكور وكملت دراسه بره مع احمد
مرحه، غير محجبه، تحب الاغاني الصاخبه جدا، روشه
واحم بتحب هندسه اكتر ما بتتفس، شكرا.
احمد ده مشكله في الوصف وربنا.
في المساء.
رحمه: انا تخصصت ترجمه، ودلوقتي شغاله في شركه تحرير
زهره: يعني بترجمي كتب ورويات
رحمه بتوتر: حاجه زي كده، غير انه بكتب كمان
ايمان: بجد! تعرفي ماما بتحب الرويات برضه، كانت متابعه اتنين مشهورين وأكلين الجو جدا بره وجوه مصر
اسمهم اي... فكره يا ماما
زهره: طبعا دول احلي حاجه طلعت بيها من مصر طاووس الصقر
رحمه: "تكح بخضه "
ايمان بقلق : في اي؟ اجبلك مايه
رحمه: لاء لاء انا كويسه
احمد: مش يلا بقي ول اي؟ مقعتش معها نص ساعه علي بعض انهارده
ايمان: لاء بالله يا احمد سيبها شويه كمان قعدتها جميله اوي
احمد: ايمان انتي قعدتي معاها اكتر من ٣ او ٤ مرات الي شوفتها فيهم من يوم ما جيت من السفر، فكتمي
ايمان: بس انا لسه مخلتصش كلام معاها، مليش دعوه لاء.
زهره: ههه متسيبك من عيالي وتقعدي معايا انا
رحمه: ههه معنديش مانع ابدا مع حضرتك لصبح
احمد: الله!
"يضحكون"
زهره بغمزه: خلاص هنسبهالك، براءه انهارده
احمد ببتسامه: بحبك
زهره: ههه، وانتي ابقي تعالي كتير
رحمه: حاضر يا طنط اكيد، عن اذنك
زهره: رحمه
رحمه بقلق: نعم
زهره: حلوه ساعتك
رحمه: ههه شكرا.
"ينظر احمد لها ببتسامه فتغمز له بمرح"
في السياره
احمد: اي رئيك في اهلي؟
رحمه: حلوين اوي يا احمد بجد، ربنا يخليكو لبعض، حبيتهم اوي وفرحت جدا اني جيت وشفتهم
احمد: عبال ما نيجي نزرهم وانتي في بيتي يستا يا رب
ابتسمت وبصيت للارض كده وبعدها ركزت في عينه وهو مركز في السواقه، كان وسيم بنظرته ليا شويه وللطريق شويه
كان وسيم بضحكته الي مبينه غمازه لي احلي من حياتي
وقتها قلت بتلقائيه.
رحمه: احمد ممكن تلف لفه، عايزه اوريك مكان
احمد: اومرك يا جميل، فين؟
روحنا علي احسن مكان برتاح في نفسيا، كافيه دورين، الدور التاني مكشوف، اطلالته حلوه جدا، تحته عماره كامله وكانك طاير فوق، ناسه قليلين، هواء نقي ومريح
خد نفس كده وهو بيضحك فقدلي تركيزي كله، ولاه انت حلو لي
احمد بضحك: حاجه خرااافه! اي ده
رحمه: ههه ده مكان نادرا ما بقول لحد عليه، جبتك في انهارده لاسباب كتير
احمد: واي هما ؟
رحمه: عايزه اعرفك، انت مين، انا مش عايزه اعرف مميزاتك بس
انا عايزه اعرف عيوبك كمان واتقبلها، عايزه اشوفك من جوه
انت مين يا احمد.
احمد: انا واحد بحبك من كل قلبه، واحد فرحان اوي لدرجه انه يدخلك في حضنه بدون اي تردد دلوقتي
رحمه: لاء تعالي نروح بقي، كفايه كده خلاص
احمد: ههه انسي انا فاضي ليكي جدا ، براحتك اليوم يومك
وانا جاهز لاي استفسار.
رحمه: امم ينفع وعد كمان؟
احمد: وعد؟
رحمه: اننا نخرج الخروجه دي بس وبعد كده لما يكون في شيئ رسمي بينا نبقي نتقابل علطول وكمان بوجود حد
مثلا ايمان، هندسه، كده يعني
احمد: امم ولي بقي خوف
رحمه: تؤ اصول
احمد بتربيع يده: وبنسبه لصقر بتاعك ده، مبلقيش حد جنبه لي؟
ول هو عادي
رحمه: لاء هو عادي
احمد بديق: رحممه! هزعلك
رحمه: ههه تعالي يا احمد ربنا يهديك
احمد: انسانه برده صحيح.
اتكلمنا كتير اوي، كنت سرحانه في وفي كلامه، حكتله كتير اوي عن حياتي، ماما والمشاكل، الاماكن الي برحها، بعمل اي في المكتبه بظبط
ما عدا سري، سري لسه مقلتلوش عليه
حكالي عن صحابه، حكالي عن عيوبه وعصبيته وديقه ولونه المفضل
كأني بكتشف شخص جديد قدامي، شخص بحلو في عيني اكتر واكتر كل ما يحرك شفايفه بس.
شخص ابيع الدنيا كلها عشان رموشه الدباحه دي.
الوقوف عند المنزل.
احمد: خلاص هكلم بابا بعد يومين يكلم اهلك تاني ووالدك كمان ونشوف والدتك دي اخرتها اي معانا
رحمه: اعتقد انها مستحيل توافق بس هنعمل الي علينا تاني ماشي
احمد: ربنا يهدي الحج بس ويفضالي شويه عشان اعرف اكلمه
رحمه: هو بسافر كتير؟
احمد: بابا نادرا ما تلقي في البيت معانا، احنا عيله متفككه بطريقه لاء تتخيليها يعني نادرا كده اما نتجمع يوم ونقعد سوي
عشان كده اليوم ده بكون مميز
شكرا ليكي علي حضورك بجد
رحمه: العفو يا سيدي لينا كام حموده يعني
احمد: حموده! تصدقي قفلتيني، بت اطلعي بره
رحمه: بنتوت يخويا الله !
احمد بضحك: تصبحي علي خير يا حبيبي
رحمه: هه وانت من اهله، سلام
جيت اتحرك افتكرت اني مقلتلوش اني ممكن امشي بكره اسكندريه مع صقر، يا رب عدي الحوار ده علي خير بالله
رحمه: احم احمد
احمد: امم
رحمه: انزل دقيقه من العربيه كده، عايزه اقلك حاجه
احمد بنزول: اتفضلي يا ستي، في اي تاني عايزه تعرفي عني
رحمه: هو لاء مش ده قصدي
هو... احتمال اروح اسكندريه بكره
احمد: اسكندريه؟ لي ومع مين
رحمه: يخص الشغل وكده، هروح عشان الشغل وربنا وهرجع علطول
احمد بتغير ملامح وجهه: وريحه مع صقر صح؟
رحمه:.....
احمد : رحمه انطقي ريحه معاه
رحمه: اه، هنروح سوي
احمد: امم ومين تاني
رحمه: طاقم العمل، هنروح هنلقيهم هناك، متقلقش مش هنكون لوحدنا يعني وهكلمك علطول و...
احمد: رحمه روحي نامي اجري، تصبحي علي خير
رحمه: ممكن بلاش الطريقه دي احنا بنتكلم براحه
احمد: انتي عايزني اقلك اي، لو قلتلك لاء متروحيش مش هتروحي، هتسمعي كلامي؟ قولي؟
رحمه: بس ده شغل يا احمد ، شغلي ومقدرش اعمل كده
احمد: رحمه انتي عرفه اني مش رافض موضوع الشغل نفسه
بس انتي مش شايفه نفسك بتقولي اي هتروحو سوي لوحدكو لفريق العمل هناك ، عايزني اعمل اي اصقفلك مثلا دلوقتي
رحمه: يعني اعمل اي في رئيك كده؟
احمد: خلاص هجي معاكي، هفضي بكره واجي معاكي نروح سوي
رحمه: لاء طبعا مستحيل، ده مكان شغل مش هزار
وبعدين انت مش واثق فيا؟
احمد بديق: تاني هتقلي مش واثق فيا، رحمه بهدوء كده
لو عايزه تروحي معاه وروحتي فعلا... هتخسريني، قرري وشوفي وانا مستعد لاي قرار
رحمه: احمد متعملش كده، كنا مبسوطين بلاش نخرب اليوم ، وبلاش تعمل كده
احمد: شوفي نفسك يا استاذه رحمه وبعدها نتكلم، شوفي مين فينا الي غلطان وبعدها احكمي، اطلعي عشان الجو برد، همشي انا.
رجعنا لنقطه الصفر تاني.
لي مطالب مني اني اخسر حد فيهم، هو لي مش مقتنع اني مبحبوش
اني مهمه حصل هكون مخلصه لي واني عامله حدود كتيره بيني وبين صقر لكن واخد عليا شويتين وده بعامل الزمن والشغل الي بينا يوميا، مش ذنبي انه كان بعيد مش ذنبي انه مشي وسبني.
فيديو كول.
ايه: انتي من كل عقلك بتكلمي يا رحمه، انتي عرفه انه احمد معاه حق، حطي نفسك مكانه قلتلك، واحده زميلته في الشغل هيروحو اسكندريه او اي داهيه بعيد عنك وانتي مش موجوده مش هتتعصبي
رحمه غيره الرجاله بتقتل واحمد كده، ممكن يتجنن وتخسري فعلا
رحمه: متخليكي محضر خير يا زفته، هو انا بكلمك عشان تهديني ول ترعبيني اكتر
ومعاكي حق صح انتي واخده علي دماغك كتير من چو
ايه: اه يختي هو انا هقلك من غير ما تلسع، ربنا يهدي چو الكلب
رحمه بديق يليه مرح خفيف: ويهدي الوضع ده يا رب ده انا وحيده ومعندش ول قريب ول غريب ول حبيب، انا غلبانه ونحمه.
ايه: نتكلم جد شويه انتي عايزه اي؟ هتعملي اي معاهم؟
رحمه: ايه صقر معرفوش من يوم وليله ، صقر معايا بقاله ٣ سنين وقفني علي رجلي وغيرني و خلاني وحده تانيه خالص كتير اوي يحبها ويخاف منها في نفس الوقت
عمره ما غصب عليا في موضوع الارتباط، كنت اقله لاء يسكت وميفتحش الموضوع غير بعد سنه مثلا واحيانا عشان ميحرجنيش ببادر هو ويغير ويفك الوضع.
قلتله هتتعب، احمد رجع وانا بحبه وهأذيك
قلي رحمه مش عايزك تبعدي، انا لما اشوفك بتبعدي عني بتدريج هدايق
لما اشوفك ملك حد تاني غيري، لما اشوفك بتضحكي لحد تاني غيري لما اشوف حد تاني يقدر يفهمك
وقتها هكرهك وقتها هتعب لكن هكرهك صدقيني
لكن كره بصداقه، كره ميخسرنيش واحده زيك في حياتي
متنهيش كل حاجه، لو قلتلك اني تعبت استحميلني لو احتاجتك خليكي جنبي دقيقتين، رحمه مقدرش ابعد عنك متعمليش كده
انتي عرفه المشاكل الي بتحصل مع صقر وقد اي بحتاجني جنبه.
وفي نفس الوقت احمد الي تخلي عن كل حاجه عشاني
والي كنت مستنياه بفارغ الصبر
ايه مش عرفه اعمل اي بجد
وهروح اسكندريه ازاي واحمد بقولي كده وانا لازم اروح؟ اووف
ايه: رحمه اهدي اكيد في حل
المشكله انك مش عرفه تبعدي عن صقر فهمني، الشغل الي بينكو والكتاب الجديد الي هينزل والحمد لله خلصتي
رحمه انتي كاتبة مشهوره الكتاب الاخير ده لو اتأجل حرفيا ناس كتير اوي هتزعل، معرض الكتاب لي وقت محدد
ولازم تصورو انتي وصقر الغلاف الجديد
وصراحه السلسه دي دمار والكتاب خلص وأي تاخير كرسه
رحمه: يعني انتي بتهوني عليا كده مثلا ول اي
ايه: الشغل شغل يا رحمه
لازم تراعي المسؤليه وتحطي حد لكل ده ، ضروري
بقلك اي متقولي لاحمد وخلاص وخدي معاكي
رحمه: مستحيل يا بنتي! صقر مش معرف امه شخصيا
ومقدرش اعمل حاجه من غير اذنه ومن غير ما اقله
واحمد هيسيب عمليه كبيره ممكن ترفعه وترقي اكتر في المستشفي بكره عشان يجي معايا ومينفعش اضيع عليه الفرصه دي.
ايه: هيضحي عشانك يحيوانه وانتي بتفكري لسه والله خساره فيكي
رحمه: ايه امشي من وشي، داهيه تاخدك وانتي بومه كده
دي اخرت الي يسالك حاجه اصلا، غوري
ايه: سلام يختي، المهم ها عشان مقلقش خدي بالك من نفسك يحوم واي قرار هتعملي تعالي تخبي عندي اكتئبي وارجعي تاني فل وانتي عرفه چو متلقح في الشغل ول معبرني
رحمه: حاضر انا اصلا كنت هاجي من غير ما تقولي ده بيتي اصلا
ايه: اااه مش هرد ها مش هرد
رحمه: سلام يا حب وابقي سلميلي علي العيال
ايه: حب في راسك ههه نامي ها بلاش قهوه
رحمه: حاضر.
قفلت ورميت التلفون جنبي علي السرير
وطبعا لاني كأن غيبوبه ظبطت الشحن ونمت وقلت زي ما تيجي بقي معدتش فرقع
لكن القدر يخليني اصحي علي المنبه
صحيت علي الميعاد وصقر رن عليا ٤ مرات وفي ال٥ رديت
صقر: مبترديش لي؟
رحمه: كنت نايمه
صقر: ول مش عايزه تردي عشان متضعفيش وتروحي
رحمه: ولاه!
صقر: ههه اه علي ولاه دي، المهم هتعملي اي
رحمه: معرفش يا صقر
صقر: عايزك تعرفي يا قلب صقر انه دي اخر فرصه السنه دي
هتستني شهرين ول حاجه عبال ما ينزل الكتاب تاني وبرضه هنروح عشان الغلاف يعني هيه هيه، فبلاش عند ويلا ابقي رضي بعدين مش هياكلك يعني
رحمه: هههه شكلي هضعف فعلا عشان انا حلوفه ورديت علي واحد يقنع الجماد زيك كده
صقر: هجبلك كريب جامد
رحمه: صقر انا بلبس، اطلع يلا قابلني
صقر: ههه طفسه، هستناكي.
فتحت وبعت رساله لي كان قافل نت ، كان قافل ومتربس قلبه ومقسي عليا جامد المره دي.
رغم اننا ديما بنهزر انا وصقر علي اي مشوار مكسله فيه ويقنعني وانزل عادي لكن مكنتش مبسوطه انهارده
مكنتش مبسوطه وانا بعمل حاجه بديقه كده
طلع لي خاطر وطلع قلبي بحبه اوي وابغي اعيط دلوقتي.
ترن ترن ترن
صقر: الو مين معايا
احمد: هتروح معاك ول لاء؟
صقر: اه هتروح، لسه مكلمها هتلبس ونازله اهو
احمد: تمام
صقر: هو..
"يقوم بالقفل في وجهه"
صقر: مالو الكائن ده
رحمه بدخول وجلوس في المقعد الخلفي : يلا يستا
صقر: صباحو، هناكل اي
رحمه: اي حاجه
صقر: امم شكلك معكنن كده، لاء سبيلي نفسك بقي واحنا نرجعك حوم في دقيقه ونص بكربايه "يقوم بتشغل الاغاني" يلا بينا.
"يذهب لاحضار الاكل ويعطيها لها وهي ما زالت في توتر
ينظر لها بعين مراقبه ويصمت ويتجه بستمرار في الطريق المحدد"
رحمه: صقر وقف العربيه
صقر: في اي ؟
رحمه: صقر وقف العربيه بسرعه، مش هروح