CMP: AIE: رواية حنين الاحبه الفصل العشرون20بقلم رحمه ايمن
أخر الاخبار

رواية حنين الاحبه الفصل العشرون20بقلم رحمه ايمن


رواية حنين الاحبه
 الفصل العشرون20
بقلم رحمه ايمن

ياسين: عملنا اي دي سيبها علي جنب شويه، دلوقتي هنتكلم في موضوع صقر يا بنتي 
رحمه:  صقر؟  ماله؟ 
ياسين:  اولا ابني صقر انتي عرفاني قد اي بعزه وغالي عليا حتي اسمه جميل وغريب،  صقر المالكي. 
رحمه:  "المشكله يا حج انه اسمه محمد عادي والله،  ولو قلتله  احتمال يقطع علاقته بيا شخصيا فكتمي يا حوم دلوقتي،  اكتمي." 
ياسين:  المهم انه صقر طلبك مني اكتر من مره يا بنتي ولما كنت بقولوا انه ياخد باله منك،  علي اساس انك بتحبي هو وهيقدر يحنن قلبك عليه وتوفقي لانه شب محترم 
وبحس من كل حاجه بعملها انه بحبك بجد وانك غاليه بنسبه لي وده كان مفرحني جدا. 
لكن طبعا ياخد باله منك بصفته رئيسك في الشغل وانك معاه معظم الوقت الصبح، وكل التعامل بينكو بحكام شرعيه ول اي؟ 
رحمه بتوتر: طبعا يا حج،  عمري ما قلت لفظ خارج لي ابدا،  ودايما كلمنا جدي ومبنتجمعش غير مع زميلنا وفي مكان الشغل 
وبروح علطول،  زي ما كنا متفقين من اول ما نزلت رجلي هنا وقولتلي كل النصايح والاومر دي وانا بعمل بيهم، بتغميض عينيها بديق "سمحني يا رب!  انا اسفه!" 
ياسين بفرحه ولمس رائسها :  بارك الله فيك يا بنتي،  انا مطمن عليكي،  وعارف انك ديما هترفعي راسي. 
المهم ابني صقر توضحي ليه كل حاجه،  تنهي معاه الموضوع بزوق وكلام بحدود،  عارف انكو قريبين من بعض ويجي ياخدك ويقعد معاكي وشوفت صور ليكي عنده وانتي عندك صور ليه،  وده كلام مينفعش بنسبه ليكي يا بنتي 
رحمه:  بس..  بس يا بابا هو صديق ليا واخويا الكبير،  انت عارف اني مقدرش اني انهي كلامي معاه بطريقه دي او اعمل حدود بينا واحنا بقلنا ٣ سنين مع بعض،  حتي هتكون وحشه ليا،  انت عارف اني بحب اصرحك وانا بقولك انه صعب جدا 
ياسين ببتسامه هادئه:  فاهم يا بنتي،  وعشان كده متبعديش عنه علطول،  ول تلغي كل حاجه بينك وبينه كده 
بتدريج،  اممم هوضحلك عارفه السجاير،  لما حد يحب يبطلها في يوم بيبدأ يقلل بتدريج،  من علبتين لعلبه ومن علبه لنص علبه ومن ١٠ ل٥ وهكذا،  فانتي قللي واحده واحده،  والله المستعان. 
رحمه:  حاضر يا بابا بوعدك هحاول. 
ياسين ببتسامه ناكره :  وعشان احمد كمان ميزعلش بعد من قرائنا الفاتحه خلاص 
رحمه بخضه: بجد!  ههه 
ياسين:  اه يا بنتي،  كلو راضي ومبسوط الحمد لله واقلك سر 
رحمه بمرح:  امم قولي سر 
ياسين:  حماتك عسوله،  هتحبيها اوي 
رحمه بتغير ملامح وجهها: ....... 
ياسين:  عائلتهم جميله الله ما بارك،  اول ما تروحي معايا بعد الخطوبه ان شاء الله هتحبيهم جدا 
رحمه بديق لم تبينه:  ان شاء الله. 
ياسين:  وانتي معاكي رقم احمد اكيد 
رحمه بقلق:  احم اه معايا،  امسحه
ياسين:  ههه منا عارف متخفيش كده،  كلميه يا ستي برحتك لكن طبعا بأي.... 
رحمه:  حدود 
ياسين:  يلا نستأذن بقي،  عايزه حاجه 
رحمه:  تسلم يا حج. 
ياسين:  هاتي حضن عشان هتوحشيني يا وردتي 
رحمه بضحك وجري له:  انت عارف اني بحبك صح
ياسين:  ههه عارف يا بنتي عارف،  ربنا يخليكي ليا ويهدي امك يا رب،  عشان انتي الحاجه الوحيده الحلوه الي طلعت بيها منها 
رحمه:  ههه،  اه صح عملت اي؟  عندي فضول اوي اعرف؟
ياسين:  تعالي هقلك واحنا ماشين اهو نتسلي 
رحمه: اشطا يلا. 
~~~~~~~~~~~
في الاتوبيس. 
منال:  شايف امه عامله ازاي،  انا افتكرت انها اخته اول ما شوفتها،  عمله زي اختك مفهاش لحم 
مروان:  بس اخته سكر صراحه 
منال:  اتلهي يا مروان،  اكبر منك،  احترم نفسك،  ومش مجحبه كمان تحسهم جاين من كوكب تاني ول شبهنا ول زينا 
انا معرفش ابوك استعجل وقراء فاتحه لي ما يمكن يكونوا عيله 
مش كويسه وشغاله في المخدرات مثلا 
مروان بضحك:  بطلي تسمعي مسلسلات،  لحست مخك يا منول 
منال:  اتلم يا قليل الادب،  انا هوريك لما نروح،  وبعدين متفكر شويه جايبين الفلوس دي كلها منين لو مش كده 
ول انت اي رئيك يا علي...  علي 
علي بسند راسه علي الكرسي ورد بهدوء:  نعم
منال:  نعم الله عليك يا حبيبي،  وانت ساكت لي يا روح امك من ساعت ما روحنا،  ول اتكلمت ول كلمه،  ول اعترضت علي كلمه ابوك قلها،  انت من ساعه ما رحمه مشيت اخر مره وانت مش مظبوط،  انت كويس ول نفوخ ضرب ول اي؟ 
علي: سبيها تعمل الي هي عايزه يا ماما،  الولد كويس وبتحبه 
طلعيها من دماغك وريحي نفسك 
مروان:  اصلي عليك،  اول مره تقول كلمه حلوه في رحمه او تقف جنبها من يوم ما تولدت 
منال: علي انت بتقول اي؟ انت عارف احنا بنتكلم علي مين؟ 
بنتكلم علي اختك الي ناقر ونقير معاها ٢٤ ساعه؟! 
علي:  ممكن هدوء عشان مصدع وفي دماغي الف حاجه دلوقتي
"يلف علي راسه الي الشبك،  وينظر مروان ببتسامه الي هاتفه وتندهش منال وتنظر لعلي بستغراب وصدمه". 

في المنزل. 
مريم:  حمد لله علي السلامه اي الاخبار 
منال:  كان يوم اسود يختي 
مريم:  لي؟  حصل حاجه وحشه 
" تنظر مريم لمروان بقلق،  فيشاور لها بغمزه وإبتسامه وان كل شيئ بخير فتبتسم ثم تغير ملامح وجهها مجددا "
منال: محصلش حاجه وحشه،  لكن هيحصل،  انا داخله اوضتي محدش يزعجني فهمين 
"تتحرك منال،  ويتحرك علي لاعلي وتتحرك خلفه مريم" 
مريم:  حمد لله علي السلامه 
علي:  شكرا 
مريم:  احضلك العشاء 
علي:  لاء كلنا هناك 
مريم:  ممكن اسال كلته اي؟،  اكيد قدمه وجبات مختلفه عن الي بنعملها ديما بشوف السُفر دي في التلفزون وانا بتفرج و... 
علي:  مريم انتي هتفتحي مواضيع معايا ول اي؟ 
مريم بخوف:  مقصتش والله انا... 
علي:  ممكن تخرجي عشان تعبان وعايز اريح شويه،  بعد اذنك
مريم ببحه صوت حزينه :  حاضر،  هخرج،  انا اسفه. 
~~~~~~~
صقر:  سندس،  متخلنيش اندم اني حكتلك حاجه زي دي عشان انتي المسؤله عن المراجعه وتشكيل الغلاف والعرض. 
ومحملك كل حاجه ليها علاقه بينا،  عشان بثق فيكي لانك جارتي وشخص عزيز عليا،  افرض كان حد عدي وسمعك وانتي بتكلمي اي الي هيحصل. 
سندس:  ميسمع!  انا معدش فارق معايا،  انا جضيت يا محمد،  من تعاملك معايا،  من اسلوبك الي تغير من يوم ما عرفتها 
كنت بتحكيلي كل حاجه،  كنت بتعزني وبتهتم بيا وكل ده تغير ما ساعه ما هي دخلت حياتك. 
صقر:  انا لسه بعزك يا سندس وانتي عرفه اني عمري ما حبيتك غير كاختي وجارتي من زمان،  ودلوقتي انتي لسه المكانه نفسها ومش هتتغير صدقيني وعايزك تفهمي اني مبحبش غيرها ومش هقدر اعمل كده فيكي،  افهمي ده 
سندس:  لسه بتحبها بعد ما رجع حد بتحبه وهيتجوزو كمان،  لسه بتحبها بعد ما تخلت عنك وجرحت مشاعرك 
صقر:  انتي بترقبيها يا سندس 
سندس:  اه برقبها،  وبرقبك انت كمان،  واعرف يا محمد انك هتندم،  هتندم علي وجع قلبي ده فاهم.
"تتحرك فيرفع صقر صوته بقوه" 
صقر:  سندس لسه مخلصناش كلام،  سندس 
ترن ترن ترن ترن 
صقر بمحاوله ان يهدء:  احم الو يا ماما منال عايزه اي؟ 
منال:  جاك مو في راسك،  اسمي طنط منال يله 
صقر بضحك:  ماشي يا منوله،  عايزه اي دلوقتي 
منال:  الطف بيا يا رب،  عملت اي في موضوع رحمه ده،  مش انت قلت وافقي وانا هفرقهم،  اديني وفقت وتقرى فاتحتها انهارده،  هتعمل اي حضرتك دلوقتي 
صقر:  هو انته جيته عشان كده؟ 
منال:  اومال عشان نشوف كحل عنيك انت وهي يعني 
صقر: و... عمو ياسين وافق وقراء الفاتحه عادي وبسرعه كده ،  انتي متاكده 
منال:  اومال انا بتكلم فيه اي من الصبح يبني،  بقلك الوضع هيكون رسمي قريب وحضرتك نايم في العسل 
صقر:  متقلقيش انا شغال في الموضوع وبعمل بينهم مشاكل والمشكله بتصالحو علطول،  بس انا عرفت بلاوي عن ابوه وشركته،  وهفضحو قريب هتشوفي،  انتي بس امشي في اجرائات الخطوبه وكده وعمليها حلو عشان محدش يشك فيكي وانا هتصرف 
منال:  انا معرفش ماشيه وراك لي،  بس يا رب تخلص ونفشكل الجوازه دي بسرعه لانه في حاجات كتير بقيت بتحصل غريبه 
صقر:  اكيد يا منوله متقلقش
منال:  غور من وشي يلا انت كمان،  يلا مع السلامه 

"مكالمه الي طاووسي،  الرقم اللذي طلبته غير متاح" 
صقر بتنزيل الهاتف: "رحمممه،  هتعملي اي تاني توجعي قلبي بيه،  بتمني كل حاجه تعدي علي خير." 
~~~~~~~~~~~

قفلت تلفوني،  لبست بجامتي،  ونعكشت شعري زي المجانين بظبط وخدت السرير بالعرض،  اعمل اي،  انتحر وانا عايزه اجوز الود الي خلاني اعنس ده منه لله 
ول اعمل اي في ام تأنيب الضمير وجلد الذات ده 

flash back 
صقر:  coffe mix  ول عصير مانجا 
رحمه:  شويه كوكو نط كده علي سكينه حاميه شويتين الهي تنستر 
صقر:  إلهي يتنط عليكي يا بعيده،  بت! 
رحمه:  صقر مش عارفه اكتب!  مش عرفه اجيب الحدث الي بعده وعندي ملل وهطرشق من جنابي كدهو 
صقر بحك راسه:  هو يعني اي اطرشق؟ 
رحمه:  يعني منك لله،  وطلع بره لطرشقك انت كمان نصين دلوقتي
صقر:  عنيفه اوي،  اقفلي ده وتعالي ورايه 
رحمه:  لاء مش عايزه هنسي والشغف هيطير 
صقر:  شغف مين يما انتي مش عندك دم اصلا عشان يكون في شغف،  قومي يا وليه 
رحمه:  تصدق اقنتعتني،  وراك. 
"امام المكتبه" 
رحمه:  ايوا واقفين كده لي،  هنبيع لبن 
صقر بتشمير قميصه:  تؤ هنجري 
رحمه:  هئ..  يا خويا 
صقر:  هنجرري،  يلا سخني 
رحمه:  يبني انت ميتلك خال اهبل وجي تطلعه عليا ول اي 
صقر:  يلا ١ ٢ ٣ ، اجرييي بسرعه 
رحمه بضحك:  صقر انت بتكلم بجد،  خد ياض. 

خدنها جري وضحك زي الصروخ، كنت هموت مضحك،  وبعدها وقفنا قدام الكرنيش واحنا بننهج زي الي هربانين من بوليس وعاملين عمله،  يخربيت دماغك. 
رحمه ببتسامه وتنهيج:  تعرف انك مجنون 
صقر:  تعرفي انك تافهه وبتمشي في اي حاجه عادي 
رحمه بضحك:  مين المدير الكبير العاقل الي احنا فهمينه ده،  حطمت احلامي الورديه 
صقر:  وحيات خالتك بتكلمي بجد،  انتي بتحلمي زي البنات وكده يعني. 
رحمه: محصلش لاء، انا بقلك الحقيقه لنولع ول حاجه 
صقر:  بحب تفائلك في الحياه ده والله 
رحمه:  وانا كمان بحبه والله، ربنا يكتر من امثالي 
صقر: ربنا يخدك 
رحمه: الله! اي ده في اي  
صقر:  اي الي كان واقف معاكي يا بت انطقي 
رحمه:  بص يا سيدي عملت مشهد الصيد وبعدين مراته دخلت وقفشتهم و.... 
back 

ديما كان منقذي الاول،  في الرويات،  النفسيه،  حتي الاحلام وتشجيع،  هعمل اي،  هقوله اي 
عايزه اعيط يماااا،  عايزه اعيط. 

وبعدها فتحت تلفوني لما حسيت اني غلطت اوي ورنيت ب بابا تاني. 
ياسين:  الو يا حبيبتي عماله اي 
رحمه:.... 
ياسين:  الو،  سمعني يا بنتي
رحمه:  احم بابا 
ياسين:  نعم يا بابا 
رحمه بدموع:  انا اسفه،  اسفه عشان خزلتك في حاجات كتير توي،  وكدبت كتير اوي وعملت حاجات كتير اوي غلط،  بابا انا تايهه ومش عارف اعمل اي،  واكبر ذنب دلوقتي اني مسمعتش كلامك واني نسيت نفسي وخزلتك 
ياسين:  احكيلي الي حصل 
رحمه:..... 
ياسين:  امم سكتي يعني،  طيب متحكليش،  لكن يا بنتي اعملي الصح،  انتي غلطتي وعرفه كده،  ابدائي بقي صلحي كل الي عملتي ده وبدائي صفحه جديده مع نفسك ومع ربنا 
انا واثق فيكي،  واعرفي انك طول ما انتي زعلانه وحسه بذنب يبقي انتي في الطريق الصح وبتمنالك الهدايه،  وانا مش زعلان منك علي اي حاجه اعرفها او معرفهاش،  لكن بتمني انك تشوفي نفسك فين بظبط وتغيري وتحسني منها يا بنتي مفهوم 
رحمه:  حاضر،  بوعدك بده 
ياسين:  انا لازم اقفل عشان الشغل ،  في حفظ الله يا بنتي. 

في المساء 
"تذهب مريم لطرق الباب بعد تأخره في النوم فتجده يتحدث في الهاتف" 
علي:  قلتلك هتصرف وجمعهم المبلغ كبير شويه ومش هعرف اجمعكو بسهوله دي 
-......... 
علي:  لو عايز تيجي تاخدني او تقتلني اعمل الي انت عايزه،  ول قلك انا الي هجيلك برجلي وقتها مش مهم انت تيجي. 
"تضع مريم يدها علي فمها وتدمع بخوف وقلق" 
-..... 
علي:  اوعي تقرب من عائلتي او مراتي انا بحذرك عشان منسفكش من علي وش الدنيا وبقلك اني هلمهم واجي ارميهم في وشك قريب وبطل ترن عليا واضح 
-..... 
علي:  طيب لما اجمعهم هرن عليك 
-..... 
علي:  في ستين داهيه. 

"تستمع له مريم وتبتعد من الباب بسرعه وخضه،  وتدخل المطبخ  " 

اليوم التالي... 
"ازاله وضع الطيران" 

"احمد:  رحمه مبترديش لي ورنيت اكتر من مره،  طمنيني انتي كويسه،  كنت عايز افرحك،  لما تفتحي رني عليا ضروري" 

"ايه:  يا وسخه بطلي ام الحركه دي،  عايزه اقلك علي خناقه جديده وانكد عليكي ومش عرفه اوصلك،  وأقفلي تلفونك حلو يا رحمه اقفلي" 

"صقر:  محتاجك رني عليا" 

احسن حاجه عندي،  انه عمري ما جالي رساله ابدا لما افتح التلفون 
"حذف جميع الرسائل"  احم هنشرب قهوه عند مين انهارده بقي؟ 

في الكافيه. 
ترن ترن ترن 
احمد:  الو 
رحمه:  صباح الفل علي عيونك يا جميل 
احمد:  ههه صباح النور،  بس متفكريش انه هيعدي بساهل كده،  كنتي فين امبارح 
رحمه:  كنت مكتئبه بعيد عنك يعني 
احمد:  ولي يا ست البنات بقي 
رحمه:  هتعرف بعدين،  احتمال ده يفرحك اصلا عشان انت سوسه وانا عرفاك. 
احمد:  سوسه وعرفاني،  بتكلمي بالالغاز لي،  في حاجه حصلت ول اي؟ 
رحمه:  صدقني هقلك انهارده بليل. 
احمد:  ماشي يا ستي،  هنتقابل امتي انهارده 
رحمه:  هو...  مش هنتقابل انهارده الحقيقه 
احمد:  لي بقي ان شاء الله؟ 
رحمه:  الحج ياسين قال كده اعترض بقي؟ 
احمد:  احم،  انا اساسا مشغول ومش فاضي اقبلك متحاوليش تقنعيني اقابلك لاني مش موافق. 
رحمه:  يسلام 
احمد:  ههه،  ممكن اعرف السبب 
رحمه:  فيك تقول عادات عند الحج ياسين لا تتغير،  فانت كده قديها تلفونات ودباديب علي الماشي كده عبال ما نتخطب ان شاء الله 
احمد:  هنبقي نشوف حوار الدباديب ده بعدين،  المهم ابقي طمنيني. 
رحمه:  احبك وانت متفهم يسطا 
احمد:  لو مضحناش عشان حوم هنضحي عشان مين 
رحمه:  اخويا الشق الي مني 
احمد بضحك:  منك لله علي الرومنسيه الي طافحه علي خلقتك. 

ابغي اعترف بحاجه هلحين،  اني حبيته اكتر بعد المكالمه دي كمان،  بحبه تقبله للامور وانه قد اي سلس في التعامل وكلام 
ولاه خد بوسه يله. 

وبعدها نزلت من الكافيه ورنيت عليه وانا قلبي بيرجف قبل ايدي. 
رحمه بتوتر:  صقر 
صقر:  عايزنا نتقابل فين؟ 
رحمه:  ههه يخي حرام عليك بجد 
صقر ببتسامه بارده:  ها،  هنتقابل فين؟ 
ترن ترن ترن 
رحمه:  دقيقه واحده يا صقر معايا مكلمه مهمه،  دقيقه 
صقر:  تمام. 

تعليقات



حجم الخط
+
16
-
تباعد السطور
+
2
-