CMP: AIE: رواية احببت مجنونة الجزءالرابع4الفصل الرابع والعشرون24بقلم نجمه براقه
أخر الاخبار

رواية احببت مجنونة الجزءالرابع4الفصل الرابع والعشرون24بقلم نجمه براقه


رواية احببت مجنونة الجزءالرابع4

الفصل الرابع والعشرون24
 بقلم نجمه براقه


علي 

فرحت جداً ان الخطوبه  مش  هتتعمل دلوقتي  وهيكون قدامي  فرصه  افكر  في  طريق افشكلها كلها،، اتصلت  بأيمي علشان اقولها الخبر  وتفرح معايا  وبالمره نلاقي حل مع  بعض 

علي _ انتي  فين  لازم  اقابلك ضروري 
ايمي _ ليه 
على _ خبر بمليون جنيه 
ايمي _ طيب  قولي 
على _ لما  اقابلك  
ايمي _ ماشي  احنا كده كده هنتقابل في  الخطوبه  
علي _ ماهو  مفيش  خطوبه 
ايمي _ ايه دااا بجد طيب  ازاي 
علي _ رحيم  مختفي  من امبارح  وهما أجلوها يكون  ظهر 
ايمي _ اختفا ازاي يالهوي ليكون مخطوف واللى  خطفته عصابه خطتشيره 
علي _ ربنا  يباركلهم مين ما كانو ويجعلوه في  ميزان  حسناتهم دول انقذوني
ايمي _ على  رأيك  ربنا  يباركلهم  ويزيد في  طولهم 





علي _ يارب  ..  هقابلك امتي  طيب  لازم  نتكلم 
ايمي _ صحبتي  تعبانه  جداً  ولازم  اطمن  عليها  وبعدين  اقابلك  في  النادي 
على _ طيب  متتاخريش عليه 
ايمي_ حاضر   

ايمي  

علي  كلمني  وكان مبسوط  باللي حصل  كان  نفسي  اتفشخر عليه  شويه بس  لو عرف  اني  انا  اللي  خاطفه رحيم  هيطين عيشتي 
قفلت معاه وانا  قدام  بيت جدو  اللي  فيه  رحيم.  وكان  معايا  اكل اشتريته علشانه.  وفتحت الباب  ويدوب قفلت ورايا  الا ولقيته في  وشي  وفجاه  شالني علي  كتفه ورماني علي  السرير  قومت اصرخ لكن  مسكني تانى  ورزعني على  السرير  وربطني مكانه 
. ايمي _ ونبي  يارحيم متعملش كده  انا  اختك  يرضيك 
رحيم وهو بيشد في الحبل بغيظ_ اخرررسي انتي  لو اختي  كنت  حدفتك من الشباك  
ايمي  ببكاء  طفولي_ وربنا  ما هخطفك تاني  بس  سيبني 
رحيم _ انتي  يومك. مش  فايت النهارده  بتخطفيني يا  شبر ونص 
ايمي  ببكاء _ مش  هخطفك تااااني بس  فوكني 
رحيم _ اشششش ولا  كلمه..  بقا  واحده  زيك تخطفني انا    نهارك اسود  
ايمي  بدوخه_ انا  بتعب  بجد  الله  يخليك  فوكني 
رحيم _ أبداً  لو مثلتي لصبح مش  عاتقك النهارده  
ايمي  بدوخه_ مش  قادره  اخد نفسي  فوكني 
رحيم _ تؤتؤ ان شاءلله  تموتي حتي  

ايمي  تغمض عينيها  وتفقد الوعي 
رحيم _ متستعبطيش مش  هصدقك..  انتي  فتحي احسنلك...  ايمي انتي  بتستهبلي ولا  مغمي عليكى  بجد  

بيضرب على  وشها  علشان  تفتح  وبعدين  بيعرف انها  فقدت  الوعي  بجد  مش  بتمثل.  يفك الحبل بسرعه  وهو  خايف  يكون  حصلها حآجه  او ماتت  وبعد  ما بيخلص فك الحبل  بيجيب  ميه ويرش قطرات علي  وشها  لغيت ما بتفوق 
رحيم  بقلق_ انتي  كويسه
ايمي  بتعب  _ ربنا ياخدك 
رحيم_ اغمي عليكي بجد
ايمي_ لا بستهبل البعيد معندهوش نظر وسع كده مش عارفه اخد نفسي. وبتقوم من جمبه
رحيم_ ماهو انتي اللي استفزتيني رايحه تخطفيني زي العيل الصغير 
ايمي_ اهو اللي عملتو نفع وأجله الخطوبة 
رحيم_ كده امشي طيب
ايمي_ بكره يابابا 
رحيم_ ليه بكره مش بتقولي اجلوها 
ايمي_ لسه في وقت يعني ممكن يعملوها لو رجعت 
رحيم_ اووف. طيب 
ايمي_ رحييييم اللي عملته ده مش هعدهولك. بتكتفني يا ****
رحيم_ متغلطيش انتي كنتى هتموتي دلوقتي لحسن اموتك بجد
ايمي_ انت بوق ياض. وسع اجبلك طفح تطفحه 
رحيم _ والله لو ما خايف اتحبس في برص زيك لا ارميكي من الشباك متزديش فيها اوي ها 
ايمي_ اممم  ماشي بس نخلص من الحفلة دي  ونتواجه

جبتله الاكل وقعد ياكول و شكله كان جعان اوي. بقيت ابصله وانا نفسي اضحك 

رحيم وهو بياكول_ بتضحكى ليه 
ايمي_ انا ضحكت امتى
رحيم_ اهو بتداري في نفسك.. ارغي 
ايمي _ ههههه اصل شكلك جوعت اوي 
رحيم_ مش حبساني من امبارح وادي الساعه واحده جت 
ايمي_ خلاص.كلها بكره وامشي 
رحيم_ وهقعد لوحدي لغيت بكره انا مش متعود ابات لوحدي
ايمي_ تعاله علي نفسك الليله دي 
رحيم بقرف_ طيب ابومعرفتك انتي وابن عمتك 
ايمي_ ههههه هسامحك المره دي... يلا كل بالهنا وانا همشي لو احتجت حآجه كلمني 
رحيم بتردد_ ماشيه ليه دلوقتي 
ايمي_ هتاخر  علي " علي"
رحيم_ انا مش عارف علي ده عينه علي مين بظبط 
ايمي_ يعني ايه 
رحيم_ يعني معاملاتك.معاه مش معاملة قرايب 
ايمي_ امال معاملة ايه 
رحيم_ اسألي نفسك 
ايمي بنرفزه_ عندك... على ابن عمتي وصحاب وبس، ولو بينا حآجه مكنتش حاولت اساعده يفشكل خطوبته عشان جميله 
رحيم بإبتسامة_ اه طيب 
ايمي _ انت انسان مستفز.. سيبهالك 
رحيم_ انتي زعلتي ليه انا بقولك اللي حسيته 
ايمي_ متبقاش تحس تاني 

مشيت وسيبته وانا مش طيقاه بجد انسان مستفز 

سيف 

كلمني  كردي وقالي ان مسك اتخطفت 

كردي _ الحق ياعمنا البنت اياها اتخطفت 
سيف _ بنت مين  
كردي_ اللي  راحت  المطار من شويه.  اختك يا باشا
سيف  بصدمه_ مين خطفها وامتا انطق
كردي _ راجل  طويل وبعضلات وشعره مدي علي الاحمر كده شبه المصارعين اللي  بيجو في  التلفزيون  
سيف بذهول _ مش  معقول..  سلفستر..  يعني  عاصم  رجع  مصر ولا  يكون  حد  تانى 
كردي _ مين الناس دي يا باشا  
سيف _ عرفت  راح بيها  فين 
كردي _ بعت الواد سرور يلحقهم بالموتسيكل وانا  قاعد  هنا  جمب الفيلا 
سيف _ طيب  اقفل دلوقتي  .  ملكمش لازمه  خالص 

قفلت  معاه واتصلت بسرور 

سرور_ ازيك اباشا
سيف_ عرفت راح  فين؟ 
سرور_ توهني ابن الهرمه بس انا  حفظت شكله  وهجيبه 
سيف  بغضب _ انتو تستاهلو الموت خطفوها قدامكم وانتو بتتفرجو 

قفلت  في  وشه وجيت امشي لقيت زين  وقفني 
زين _ مين  اللي  اتخطفت
سيف _ مش  وقته انت خليك  هنا  ماتخرجش 
زين _ مين  اللى  اتخطفت يا سيف  
سيف بزهق _ مسك  اتخطفت ارتحت  وسع خليني  امشي  
زين  بصدمه _     ومين خطفها 
سيف _ يوووه مش  وقته 
زين _ انا  جاي معاك  
سيف_ طيب  يلا 

عاصم  

خليت سلفستر يراقب بيت مراد ولو شاف زين او مسك  يجبهملي  ..  
يجبلي زين  علشان  عاوز ارجعه ومسك عشان  اكسر عين مراد وابنه بيها.. 
بس  لما  رجع جاب مسك و قالي  انه مشفش زين ولا سيف وعرف انهم مشيو من هناك  اديتله الامر  انه يتعدا على  مسك وبعدين  وقفته  كان  لازم  اطمن علي زين  وارجعه قبل  ما اعمل  حآجه  علشان  ميستغلهوش ضدي 

وبعدين  اتصلت  بمراد  وانا  ناوي  اكسر  قلبه علي  بنته واساومه عليها  

عاصم ببرود_ مراااد حبيبي 
مراد _ حمزة 
عاصم_ امال بيقول عجز  واتجنن ليه ما اديك لسه عاقل وبتعرف مين بيكلمك 
مراد_ بنتي فين يا حمزه 
عاصم _ طيب والله كده كتير  ازاي يقولو عليك كده وانت عرفت ان مسك معايا من غير ما اقولك 
مراد بتحذير_ بنتي فين يا حمزه 
عاصم_ معايا ههههه مش تقولي مبروك اصل النهارده دخلت سلفستر عليها 
مراد بغضب _ بنتي لو حصلها حآجه مش هيكفيني فيك عمرك كله 
عاصم_ متهددش.. ابني يرجعلي وبعدين نشوف هنعمل ايه في بنتك 
مراد_ ابنك مشي ومشفتهوش تانى 
عاصم_ ترجعهولي. خلي ابنك يلاقيه 
مراد_ سافرو هما الاتنين امريكا
سيف ياخد التليفون من مراد _ نعم
عاصم_ سيف حبيب بابا وحشتني. بقا كده متسالش عليه
سيف بحده_ فين مسك 
عاصم_ مع سلفستر في الاوضه هيعمل اللي مقدرتش تعمله 
سيف_  مبروكه عليه  هي اصلا متخصناش في حآجه
مراد بتحذير_ انا بحذرك 
سيف _ استنا 
عاصم_ ايه التهريج ده يعني عاوز تفهمني  انك.مش خايف عليها لا اخلي سلسفتر يتعدا عليه
سيف_ قولتلك  مبروكه عليك اصلك متعرفش انها مش بنتنا  عادي يعني 
عاصم_ سيف سيف  بلاش الشويه دول انا اللي.معلمهملك.. رجعلي زين  بدل ما انفذ تهديدي وانت عارف 
مراد يشد التليفون من سيف وسيف يتمسك بيه اكتر وبحده_ متفتكرش ان عاصم بيهدد وخلاص ده جاي وناويها. لامتي  هتفضل مانعني. مفيش حل غير انه يعرف ارجوك ارتاح وسبني اتصرف
عاصم_ روحت فين انا بكلمك. ابني فين 
سيف_ ابنك تحت ايدي دلوقتي والمسدس على راسه 
عاصم ببرود_ متأكد انك مش هتعملو حآجه. ابعتهولي بقا قبل ما اخلص علي الحلوه دي. بسرعه انا مش هقدر اسيطر علي سلفستر 
سيف_ يوووه لامتي هقولك انها.متخصناش ومش بنتنا اتهنا بيها.. 
عاصم بغضب _متثيرش غضبي ياسيف انت عارف اني هعملها ملوش لازمه اللي بتعملو ده مش هيفيدك 
سيف_  يوووه على الزن  ياحبيبي مسك دي بنتك انت ولا نسيت اللي عملته زمان في رودينا
عاصم بغضب_ انت  بتكدب علشان معملهاش حآجه 
سيف_ مش مصدقني اهي معاك اعملها تحليل  وانت هتعرف اني مش بكدب 
عاصم  بانفعال _ انت  كداب  وبردو هنفذ اللي  في  دماغي  
سيف _ ماشي  سلام  ياعصوم وبيقفل في  وشه 

عاصم  يرمي التليفون  علي  الحيط يكسره بانفعال  ..  اه ياكلب  والله  لا  اوريك،، بعيجزني،، بقا  دي تكون  بنتي  انا  ...  بيروح عندها  وهي  متكتفه ويمسكها من فكها بقوه _ انتي  بنت  مين  
مسك  تبكي  ومتردش
عاصم بغضب_ اخوكي بيلعب معايا علي عمرك بس وحيات ابوكي الغالي عليه لا اندمهم هما الاتنين واحسر قلبهم عليكي 
مسك بدموع_ سيف 
عاصم  بغضب _ ايوه  سيف يلا هاتهالي علي  العربيه  بسرعه
مسك ببكاء  وخوف_ هتودوني فين  
عاصم  بحده _ هنشوف انتي  بنت مين 
مسك  تبصله  بذهول _ وانت  هتعرف  ازاي  
عاصم  بغضب _   .  اخوكي  بيقول  انك  بنتي  وانا  متأكد  انه كداب بس  علشان  انتقم منكم بضمير مرتاح  هشوف  انتي  بنتي  بجد  ولا  بيشتغلوني 
مسك  بصدمه _ انت  ابويا.  لا لا  اكيد  بيكدب مستحيل  انا  اكون  بنتك   وانت  هتكون ابويا  ازاي  يعني  
عاصم  بحده _ اغتصبت امك زمان  زي ما هيحصل فيكى  بعد  ما نعملك التحاليل.  اتمنا يطلعو بيكدبو.  واتمنا ليه  ما انا  متأكد  انه بيكدب
 
خدتها وروحنا  المستشفى  وخدو العينات  مننا  احنا  إلاتنين  وعملنا التحاليل   وقالو انها  مش  هتطلع دلوقتي  .  جبتها تاني  ورميتها في  الاوضه  يكون  طلعت التحاليل  وانا ماسك نفسي  علشان  معملش فيها  حآجه  يكون  النتيجة  طلعت  برغم  اني  متأكد  من كدبهم

سيف  

روحت  البيت  ورودينا فتحتلي هي  ومنهاره من العياط 
رودينا ببكاء_ انت ماسفرتش 
سيف بعصبيه _ ازاي  تتخطف وانتو قاعدين  
رودينا  ببكاء _ حمزه  خطفها  ياسيف  ارجوك  رجعلي بنتي  قبل  ما يعمل  فيها  حآجه  
سيف _ وانتي  عرفتي  منين  انه حمزه 
رودينا  ببكاء _ بيكلم مراد  علي  التليفون دلوقتي  وبيهدده 

دخلت  علي  بابا  وسحبت منه  التليفون  وقطعت كلامه  معاه  وعلشان عارفه  مستحيل  يسيبها غير  لو في  سبب قوي ومفيش سبب اقوا من انه يعرف  انها  بنته..
قولتله  انها بنته  وهو حر يعمل فيها اللي  عاوزة ودا اثار غضبه اكتر وخلاه هيجنن، طبعا مصدقنيش بس  كلامي خلاه يقلق  ويخاف يعمل فيها حآجه قبل ما يتاكد من كلامي وبكده اكون اديت لنفسي فرصه كام يوم اوصله فيهم وساعتها مفيش حد هيحوشه من ايدي   

مراد  بغضب _ انت ازاى  تعمل  كده  
سيف  _ بابا كفاايه  انا  اللي  هتصرف معاه 
مراد _ انت مش  كنت  مشيت  راجع  ليه تانى  
سيف _ اصلي  باقي عليكم  والمفروض تحمد ربنا  اني  لسه  هنا  والا عمرك  ما هتشوفها تاني 
رودينا   بانفعال _ انت  ملكش  دعوه  ببنتي  تانى  أبداً  خليك بعيد  سيف  هيرجعها
مراد _ بنتك  ايه بقا  ما خلاص  عمرك  ما هتشوفيها تاني  

زين  _ لحظه  كده  وفهموني..  مسك  بنت مين  
مراد  بغضب _ ملكش  دعوه  .  الواد ده  مش  هيمشي من هنا  غير  لو مسك  رجعت  
سيف  بزهق _ مسك  هترجع  وزين هيعيش معايا 
زين  _ ياسيف  فهمني  مسك بنت مين  
سيف _ مش  وقته  يازين
زين _ لا وقته  ..  يعني  مسك  اختي  انا  مش  انت 
سيف _ تعاله  معايا  هنروح مشوار  مهم واقولك في  السكه  ..  متقلقيش  يا رودينا   هترجع  
مراد  بقهر _ مش  هترجع  انت طيب اوي 
سيف  بحده _ بقولك  هترجع  ..  بس  بشرط  هتقولها اني  مش  اخوها وهتجوزهاني 
رودينا  ببكاء _ هي  عرفت   وعلشان  كده  خرجت  من البيت  
سيف  _ يعني  هي  عارفه  دلوقتي  اننا مش  اخوات  
مراد  بغضب _ ودا اللي  همك.  انت السبب لولا عملتك المهببه مكنتش  هتعرف  
سيف  يقبله بفرحه _ بابا  خلاص  ارتاح دوري انا  جه
مراد_ محدش هيغرقنا غيرك
سيف_ هسمعك وهسيبك  تغلط فيه براحتك بس نرجع مسك يلا يابني 
  بيجي  يطلع  ويقابل خالد  في  وشه  
سيف _ انت ايه  جابك. هنا
خالد _ جاي  اشوف  خطيبتي اللي  هتبقا مراتي 
سيف  يضحك  بتريقه_ ههههه  لطيف اوي  الاخ  بيطلع المسدس  ويصوبه في  وشه  ..  انا  مش  قولتلك     مشوفش وشك معدي قريب من هنا  
خالد _ انت فاكر  نفسك  ايه.  انا  مش  بتعامل  معاك  .. كلامي  مع  عمي  مراد ومسك 
سيف  بغضب_ باباااا ارجع  الاقيك  مخلصنا من الاخ ده  والا انا  مش  مسؤول  عن اللي  هعمله فيه  .  يلا يا زين 

عبقرينو 

كنا  في  الشغل  انا  ومياده ومسك مكنتش  جت عشان  واخده اجازه علشان  بتجهز لفرحها.  وكالعاده بنشد مع  بعض  انا  ومياده  

ميادة  بخنقه _ عبقرينو  .  هو  انت اسم ابوك  ايه 
عبقرينو بزهف_ مال اسم بابا بالي بنقوله 
ميادة _ عاوزة  اعرف  اسمه نفس  اسم ابويا  ولا  لأ  اصلي مش  عارفه  انت بتدخل  فى  حياتى علي اي اساس 
عبقرينو _ قولتلك  قبل  كده  زمايل 
ميادة _ عندي  خمسين زميل غيرك  محدش واقفلي علي  الواحدة  غيرك  ياخي  ارحمني انا  زهقت منك 
عبقرينو  يبص حولية  بزهق _ اووف احنا  مش  هننفع كده  ف ياريت  تتعدلي علشان  انا  بضااايق 
ميادة _ ما تتفلق واخر مره تدخل  في  اللي ملكش  فيه  
عبقرينو  يمسكها  من معصم ايدها  ويضغط بقوة _ انا  مطول بالي  عليكى  متزنيش كتير 
ميادة  بألم _ سيب ايدي  يا معتز  
عبقرينو بحده_ لو رجعتي تهزري مع  الولد ده  تاني  هكسر رقبتك  ورقبته 
ميادة  بألم _ طيب  سيب 
عبقرينو  يذق ايدها  _ يارب  كلامي  ميتسمعش 
ميادة  بانفعال _ انت نسيت  نفسك..  حبيبي  فوق كده  انا  معرفكش ولا  تقربلي عشان  تعمل  معايا  كده  
عبقرينو  بغضب _ انا  قولت  اللي  عندي  ولو جدعه كسري كلامي  
ميادة بحده _ انا  استحملتك كتير وانت  جبان.  كلمه واحده  مش  قادر  تنطقها  ف متجيش تعمل  فيها  راجل  اوي وتتحكم فيه  .  لما  يكون  بينا  حآجه  ابقا  اسمعك 
عبقرينو  يبصلها  ويسكت 
ميادة _ متبوصليش ومن غير  حلفان يا عبقرينو  لو تعرضتلي تاني  هبلغ عنك  .  وبتيجي تمشي  ف يمسكها  من ايدها  ويرجعها تاني  
عبقرينو _ كلمة  ايه  اللي  انتي  مستنياني اقولها 
ميادة' سيب ايدي  طيب  
عبقرينو _ ميااده فوقي  انا  بعاملك كزميله اللي  في  دماغك  ده  مش  موجود  انا  هحب واحده  خفيفه  وبتهزر مع  اي حد  كده  ليه اضمن منين  اني  لو اتجوزتها متهزرش كده  بعدين 
ميادة بدموع _ بس  كده  ..  سيب ايدي  
عبقرينو  يسيب ايدها _ بتتعبي نفسك  وتعشميها علي  الفاضي  
ميادة _ عندك  حق  .  مش  هعشمها تانى 

بتاخد شنطتها وتمشي  وهي  بتبكي من غير  صوت  .  حسيت  اني  زودتها ف روحت  وراها ومسكت ايدها  
مياده  بغيظ_ ابعد عني  
عبقرينو _ انا  اسف  
مياده _ سيب ايدي  يا معتز  
عبقرينو _ بجد  انا  اسف  مقصدش ازعلك 
مياده  بدموع  وقهر_ متقصدش  دا انت مخلتش فرصه  تجرحني فيها  ومستغلتهاش.  ياخي  هو  انا  اترجيتك تحبني.  مين بيدخل  في  كل  كلمة  وضحكه بضحكها.  مين  اللي  رعبني  وكتفني عشان  هزرت مع  زين.  الحقيقه  انك جبان ومش  قادر  تتكلم  ف بطلع عقدك عليه 
عبقرينو  بندم_ كلامك  صح  انا  اسف  مش  عارف  قولت  كده  ازاي  
مياده  تشد ايدها منه  بغضب_ مش  قابلة  اعتذارك.  وهروح بيت  عمي  اتجوز  مالك  واخلص من شوفتك 
عبقرينو  يوقف قدامها_ لا مستحيل  
ميادة _ ملكش  دعوه  بيه 
عبقرينو  _ ميادة  كفايه  بقا انا  مبعرفش اتحايل كتير عشان  خاطري  عديها المره  دي 
مياده  بدموع _ بعديلك كتير   وسع بقا  وبتذقه وتمشي  وهو  يروح  وراها ويشدها  لحضنه _ ميادة  انا اسف .... 
ميادة _ ابعد  الناس تقول  ايه 
عبقرينو  _ مش  هبعد غير  لو قولتي  هتقعدي
مياده  تتشبث به _ مش  هقعد 
عبقرينو  يحس بمسكت ايدها  في  قميصه _ اااه واضح  انك  عاوزة  تمشي 
مياده  ببكاء _ يا جبله يا عديم الاحساس  اسكت  خليني  اركز 
عبقرينو  بضحك_ طيب  والناس 
مياده  بتنهيده _ مش  شايفه  حد  ..  
عبقرينو  بإبتسامه _ طيب  وسعي وبعدين  نشوف الموضوع  دة  
ميادة _ مش  عاوز تقولي  حآجه  الاول  
عبقرينو  بإبتسامه _ وربنا  بتكسف  اقولها مبتستعبطيش انتي  فاهمه 
ميادة  تبعد عنه  وتبصله بتركيز _ انا  مش  بتكسف..  عبقرينو  انا  

سيف بزعيق _ ودا وقته ولا  مكانه  
مياده  بفزع_ انت ايه  جابك 
سيف_ مسك اتخطفت وانت بتحبو في بعض
عبقرينو_ مسك اتخطفت.ازاي وليه
سيف_ تعاله عاوزك تشوف مكان الرقم ده فين بالتحديد 
عبقرينو_ الرقم ده يخص الخاطف 
سيف_ اه  يلا بسرعه 
عبقرينو ياخد الرقم ويجرو كلهم عند الاب توب بتاعه

مسك  

مش  قادره  استوعب ان حياتي  اتلخبطت في  لحظه  بشكل  ده  .  بابا مطلعش بابا  واحتمال يكون  حمزه  هو  ابويا  الحقيقي  .  وحبيت سيف وبعدين  طالع اخويا  وبعدين طلع  مش  اخويا  .  مبقتش  فاهمه  حآجه  ولا  حاسه  بحاجه  .  بقيت  قاعده  في  اوضه صغيره  يدوب داخلها النور من فتحه  صغيره  وانا  مربوطة  في  كرسي  ومش  حاسه  بنفسي  ولا حاسه  بأي مشاعر  .  مش  حاسه  غير  بأني تايهه ومش  عارفه  انا مين  ولا فين   ولا ايه مستنيني..  الراجل  الضخم  بيدخل  يمشي  ايده  عليه  ويجبلي اكل  وانا  لا عارفه  اكل ولا ادي اي ردة فعل  للي  بيعملو بقيت منطفيه تماما  لدرجة  انه بيمسكني من فكي بقوة  ويهزني عشان  ابصله حتي  لكن  مفيش  اي استجابه مني لغيت  ما بيدخل  عليه  حمزة  وفي  ايده  مرايه يبصلي شويه ويبصلها  شويه ويسأل الراجل  الضخم اذا اشبه ولا  لأ  واخرها يضربني بالقلم  
عاصم بغضب_ انتي  بنتي  انا  .  مستحيل  حتي  لو التحاليل  قالت  كده  انا. مش  هصدقها.  انا اخلف من واحده  خاينه زي رودينا..  انتي  لو طلعتي  بنتي  حقيقي  هقطعك. حتت حتت وابعتك ليها  متكيسه
مسك  بتوهان_ خليك راجل  واعملها دلوقتي  ميشرفنيش اني  اكون  بنت واحد  زيك.  ليخرسها بصفعه قويه تفقدها وعيها 
عاصم  بغضب _ وكمان  ميشرفكيش.  ماشي  هتشوفي ايام  اسود من شعر  راسك  معايا  حتي  لو كنتي  بنتي  بصحيح.  مانتي  تربية مراد.  متزلمنيش 

جميله

عدا اليوم وبقينا الساعه واحده الصبح ومفيش خبر عن رحيم وماما هتجنن عليه  وعماله تبكي وتقول نبلغ البوليس 

انور بقلق_ اهدي يا صبا هيرجع دلوقتي 
صبا ببكاء_ هيرجع امتي طيب بقينا الساعه واحده. بلغ البوليس يا انور خليهم يرجعولي ابني 
انور_ لو مظهرش لصبح هروح ابلغ 
جميله بالكتابة هي وتبكي _ ارجوك يا بابا بلغ  
انور_ يابنتي مش هينفع  استنو لصبح بس
مريم_ هو صغير يعني علشان يتوه  اكيد عند حد من صحابه 
انور_ كلمنا كل صحابه مش موجود عندهم 
مريم_ متقلقوش هيرجع بعد ما الخطوبه باظت طيب اقطع دراعي لو ما كان قاصدها هو كده دايما يكسر فرحتي 
انور بغضب_ مسمعش صوتك احسن والله احلف يمين مانتي مخطوبه ولا متجوزه
مريم تبص لجميله بكره_ سكت 

مريم مكنتش خايفه علي حآجه غير انها تخسر التحدي بيني وبينها  وتجوز علي حتي بعد ما عرفت انه مش عاوزها.. هي طول عمرها بتحب نفسها بس مكنتش اتخيل انها انانيه بشكل ده.. انامش زعلانه ولا داخله منافسه علشان «علي» انا مزعلني سوادها اللي ظهر فجأه..كنت مستعده اضحي بعين من عيوني علشانها بس طلعت متستاهلش حتي اننا اصبح عليها 

مريم بهمس_ متفرحيش  المهم اللي يضحك في الاخر ويارب يجبهولك ميت علشان اشوفك مكسوره عليه 
جميله بذهول_ مين 
مريم_ رحيم فكراني هدعي علي «علي» يعني 
 كلمتها كانت زي الخنجر اتغرز في قلبي  محستش بنفسي غير وانا بطلع غضبي منها بقلم ينزل علي وشها ومكنش كفايه بنسبالي

انور بغضب _ جميله 
مريم تبصلها بغيظ وتيجي تمسك فيها وانور يحط دراعه قدامها 
انور_ الله الله  هتضربو بعض قدامي 
مريم بغيظ_ مش شايفها هي اللي ضربتني 
جميله بالكتابة_ اسالها بتدعي بأيه  علي رحيم   وبتدخل جوه اوضتها هي وبتبكي

انور بحده_ قولتي ايه علي اخوكي 
مريم بانفعال_ جاي تحاسبني بدل ما تضربها قلمين علي اللي عملته ولا عشان هي خرسه مسموحلها تعمل اللي عاوزاه 




انور يضربها قلم تانى _ انتي بنت عاوزة الدبح مش قلم وبس غوري علي اوضتك مشوفش وشك 
مريم تحط ايدها علي خدها وبدموع_ بتضربني  علشانها.. طول عمرك بتحبها اكتر منى علشان خرسه  بس مكنتش 



اعرف انك ممكن تضربني  عشانها طيب يارب  تدهسني عربيه عشان تحبني زيها وبتدخل جوه وتبكي
صبا ببكاء_ احنا في ايه ولا ايه. ليه كده يا انور 
انور بقهر_ انا



 معرفش البنت دي طالعه كده لمين  ايه الحقد اللي جواها


  ده. معقول مش قلقانه علي اخوها وبتتمناله الشر 

تعليقات



حجم الخط
+
16
-
تباعد السطور
+
2
-