رواية احببت مجنونة الجزءالرابع4
الفصل الثامن عشر18
بقلم نجمه براقه
على
كنت مستني ايمي ترجع من عندها عشان اعرف قالتلها ايه ولما جت طلعنا الجنينة واتكلمنا
على باهتمام _ قالتلك ايه
ايمي بأسف_ قالتلي اترجاك تبعد عنها
علي بخيبه _ مقولتلهاش تكلمني ليه
ايمي _ البنت تعبانه ياعلي نفسيتها مدمره وهي حاسه بذنب تجاه اختها
على _ وحاسه الاحساس دا ليه هي عملت اية اصلا
ايمي _ لانها بتحبك
علي بفرحه _ هي قالتلك
ايمي _ لا انا فهمت لوحدي
على _ولازمتها ايه طالما مبتتكلمش
ايمي _ وانت عاوزها تتكلم وانت خاطب اختها، دي تبقا خطافت رجاله بجد
علي _ انا موافق بس هي تخطفني
ايمي _ انت عايش في عالم تاني ياعلي ومش حاسس بحاجه. غلطت غلط كبير لما خطبت مريم
على _ طيب واعمل ايه يا ايمي
ايمي _ معرفش
على _ طيب ايه رأيك افلسع مريم
ايمي _ وهتفلسعها ازاي
على _ معرفش
ايمي _ اممم ايه رأيك ترجع زي الأول واكيد هي اللي هتسيبك علشان كده
على _ ممكن ليه لأ ..
ايمي _ طيب اجري اعمل كده وروح زورهم ومتنساش تقلب لخمه وتتغابا شويه
علي_ دلوقتي؟
ايمي_ ايوة استغل وقت قبل ما تتفقو على معاد الفرح
على_ على رايك انا رايح اغير دلوقتي اهو
رجعت اوضتي ودورت علي لبسي القديم والنضاره وسرحت شعري زي الاول ونزلت وقابلت بابا وماما ومعاهم ايمي
جني _ بسم الله الرحمن الرحيم انت اتحولت تاني ليه
علي _ زهقت من الاستايل ده انا مرتاح كده
ياسين _ انت ياواد عندك ربع ضارب
علي _ في ايه يا جماعة وانا كده وحش يعني
جني_ لا بس التاني احلي كده تحسك. معاق زهنيآ
ايمي _ بتقطمو في الواد ليه ما تسيبيوه براحته
ياسين _ اه منك انتي
ايمي _ في ايه ياعمي ابنك دا ولا متبنيه الواد حلو في كل حلاته
سبت ايمي تتكلم وانا سكت
ايمي صحبتي من صغرنا وبتفهمني على طول وعلشان كده معنديش صحاب شباب غير مروان ومش بحكيلو كل حآجه ... وبكده نكون اول اتنين صحاب كسرنا قاعده ان لازم اي ولد وبنت يكونو قريبين لازم انهم يحبو بعض....
سبتها معاهم وروحت علي طول علي بيت عمي انور
مريم
كنت قاعده قدام التلفزيون انا وماما ورحيم وكل شويه ابص في التليفون اشوف في اتصال او رساله من علي وبردو مفيش
رحيم _ عينك! خافي على نظرك شويه
مريم بزهق _ خليك في حالك
صبا _ مالك يامريم
مريم _ مفيش
رحيم _ تلاقى العريس مكلمهاش
مريم بنرفزه _ انا مش نقصاك يا رحيم
وفجاه الجرس رن
رحيم _ الله يكون بعونه ادبس... ايووه جاي
رحيم بيفتح الباب
رحيم بذهول _ انت بتتحول يابني رجعت للمنظر ده تاني ليه
علي بخجل مفتعل _ كده احسن
رحيم بضحك _ حلو خلقت ربنا بردو. اتفضل ماما دا على
قومت بسرعه وبصيت عليه وانا فرحانه ولما شوفته تلاشت فرحتي.. ايه القرف ده هو عمل في نفسه كده ليه تاني
صبا بإبتسامة _ اهلا يابني اتفضل .. خير مالك
علي بارتباك _ اصل الشتا شديد السنه دي ف رجعت للهدوم دي بدفيني اكتر
مريم _ ايه اللي عمله في نفسك ده
علي بخجل _ عامل اية
مريم _ اية البس والنضاره دول وشعرك ليه عامله لقدام
على بخجل _ مرتحتش في الاستايل اللي قبل ده
رحيم _ زي الفل في كل حالاتك يا ابو نسب
مريم بقرف _ متنافقش يا رحيم فين الحلاوة.. انت ترجع زي الأول ايه المنظر ده
صبا _ مريم عيب كده
علي _ مكنتش مرتاح يا مريم
مريم _ اتعود المهم تغير العك ده
علي يعدل النضارة بتلعثم _ بعد ما يخلص الشتا
مريم بعصبيه _ وانا هستنا الشتا يخلص بالمنظر ده
رحيم بغيظ _ ما تتلمي يابت انتي هو محدش مالي عينك
مريم تبصله بغيظ وتدخل
صبا _ احنا اسفين يابني هي بس متوتره النهارده
على بخجل _ مش مشكله يا طنط انا مقدر
مش ممكن استمر معاه لو فضل كده انا اتجوز واحد بحملات ونضاره نظر... قررت اديلو فرصه يومين لو مرجعش هفسخ الخطوبه
جميله
سمعت صوت مريم وهي. متعصبه فتحت الباب وبصيت لقيت علي رجع لشكله الاولاني قفلت الباب بسرعه وسندت علي الباب
وفضلت اضحك عليه ... مجنون وعنده ربع ضارب .. بس بعد شويه فهمت هو عمل كده ليه.. بصراحه فرحت وبقا عندي امل ان ممكن يكون ليه . علشان مريم. مستحيل تكمل معاه بشكل ده هي اهم حآجه عندها منظرها قدام الناس وصحابها...
بعد شويه جه رحيم وهو بيضحك
رحيم بضحك _ تعالى شوفي علي عامل في نفسه ايه اختك كانت هتتشل النهارده
جميله بالكتابة _ عامل في نفسه ايه يعني
رحيم _ تعالى شوفيه
جميله _ لا مش هروح
رحيم _ علشان خاطري تعالى
جميله _ لا يا رحيم مش هطلع
رحيم _ فقريه هيفوتك. كتير
جميله _ مش. مهم
مرضتش اطلع عشان قولت لمريم مش هقابله تاني وكمان علشان اشوف هينجح ولا لأ. برغم اني.كنت هموت واشوفه.
مسك
عدت ايام وخالد بقا خطيبي بس مكناش لسة عملنا خطوبه رسمي وحددنا معادها بعد يومين.. وفي الفترة اللي عدت كل يوم سيف يطلع بقصه جديده ومشكله جديده عشان يطفشه.. مش قادر يقتنع اننا اخوات ومينفعش تصرفاته والغيره دي. لدرجة الكل خد باله انه دي مش غيرة اخوات. وانا بقيت مكسوفه من نفسي بسببه وبسبب اني فرحانه بغيرته دي. وبنسا انها غلط اصلا...
جه النهارده ودخل عندي من غير ما يخبط وانا كنت قاعده على المكتب بتاعي وكالعاده سرحان في اللي حصل
سيف _ طلع بيخونك قبل ما يتجوزك
مسك_ هه
سيف_ الاستاذ اللي انتي جيباه ماشي مع البنات وبيسهر معاهم كل ليله
مسك_ خالد ميعملش كده
سيف يطلع تليفونه و يوريها صوره مع واحده
مسك بضحك _ ههههههههههههههه هي دي
سيف بأستغراب_ بتضحكى ليه
مسك _ اصل دى اخته
سيف _ هو قال انه معندهوش اخوات متداريش عليه
مسك _ دي اخته في الرضاعه وبنت خالته
سيف بزهق _ اخته اه
مسك _ ممكن تبطل تدور وراه هو مبيغلطش في حاجه
سيف _ انا مدورتش الصور دول وصلوني النهارده
مسك_ ودا مين اللي بعتهملك
سيف _ وانا ايه عرفني
مسك بإبتسامة _ مش مهم انا اصلا واثقه فيه .. هتحضر الخطوبة بأيه بقا
سيف بغيظ _ مش هحضر
مسك _ هتسيب اختك لوحدها في يوم زي ده
سيف _ اختي فارضه علينا واحد انا مش عاوزة
مسك _ خالد شاب كويس يا سيف متقلقش من حآجه
سيف بتنهيده _ مش هتفهمي في الناس اكتر مني سيبيني انا اختارلك واحد كويس
مسك بإبتسامة باهته _ لا ياسيف مش عايزة غيره ومش هغير رايي من فضلك بلاش توقف في طريق سعادتي
سيف بنرفزه _ طريق سعادتك مره واحده امال لو مكناش انا وانتي عارفين سبب اصرارك عليه
مسك بلخبطه _ انا عاوزاه عشان بحبه من ايام الجامعه مفيش سبب تاني
سيف بتنهيده _ مفيش غير السبب اياه وانتي وعارفه كده كويس. بس ده. مش سبب يخليكي تربطي حياتك بواحد عشان عاوزة تهربي من حآجه
مسك بانفعال _ بتفتح الموضوع ده تانى ليه انت دلوقتي، اموتلك نفسي يعني انا ما صدقت نسيت وبعاملك عادي
سيف _ مش قصدي اقلب في اللي عدا بس بلاش تجوزي خالد مش هترتاحي معاه صدقيني
مسك بدموع _ انا ناضجه كفايه وعارفه ايه يريحني.. من فضلك مش عاوزاك تدخل . لو عملت حآجه تاني هيكون اخر الكلام بيني وبينك
سيف بزهق _ مش هبطل لغيت ما اثبتلك انه مش كويس ولا هينفعك
مسك تمسك ايده وبتنهيده وتوتر_ سيف احنا اخوات حاول تفهم كدة بسرعه دا علشانك وانت كمان دور علي عروسه
سيف بقهر _ انا فاهم اننا اخوات وعديت اللي حصل من اول ما عرفت بس انا مش ضعيف زيك علشان اربط حياتي بواحده علشان انسا حآجه
مسك بدموع _ وانا كمان نسيت وعاوزه اعيش حياتي مع الانسان الصح ممكن عشان خاطر اختك متوقفش في طريقي
سيف بحده _ موعدكش.. وبيمشي ويسيبها
طلع من الاوضه وانا قفلت على نفسي من جوه ورجعت للمكتب وبقيت أبكى . الحمل زاد عليه اوي ومش قادره اتحمل . احساسي نحيته هيموتني. وهو طول الوقت قدامي مش عندي فرصه انساه والحل الوحيد هو جوازي وهو واقف في طريقي ومش هيسكت غير لو بوظ الجوازة .. مش قادره يقتنع اننا طلعنا اخوات وبدال ما يفرحلي بيحاول يطفش خالد ... خالد اللي فاهم انه سيف بيحب اخته لدرجة الغيره العميا دي ومتفهم الامر ودايما يقولي مش هسيبك مهما يعمل
سيف
روحت اوضتي وانا مقهور بسبب الكلام اللي قالتهولي وبذات لما قالتلي وفكرتني اننا اخوات .. الحقيقه اني فعلاً بنسا الموضوع دة ومش قادر اتعايش معاه .. بقيت اتمنا اطلع مش ابن بابا وانه يكون لقيني في الفه انا وصغير او العكس تكون هي اللي لقيوها، المهم منكونش اخوات بجد
دخل عليه زين لقاني مضايق
زين _ مالك
سيف بخنقه _ مفيش. جاي ليه
زين _ شايفك طالع من عند مسك مش طايق نفسك ف جيت اشوفك
سيف _ مفيش حآجه
زين _ شديتو مع بعض تانى
سيف _ واشد معاها ليه هي حره
زين _ ولما هي حره بضايقها هي وخطيبها ليه
سيف بغيظ _ وانت مالك واحد واخته بتدخل ليه
زين _ خلاص انت هتتعصب عليه ليه
سيف _ امشي يازين عاوز انام
زين
سيف اتغير من وقت ما جينا مصر وتصرفاته بقت غريبه وزادت من ساعة ما خالد اتقدم لمسك. بيضايقه باي شكل وبيحرجها لو لقاها قاعده معاه .. انا عارف انهم كانو صحاب اوي في امريكا واتغير لما اتعرف عليها يمكن علشان كده هو بيغير عليها
طلعت من عنده وقعدت جمب رودينا قدام التلفزيون
رودينا _ مالو
زين _ مقالش
رودينا _ شكله شد هو ومسك تانى .
زين _ هما كده من اول يوم اتقابلو فيه في امريكا وبيشدو مع بعض بس اصتلحو معرفش رجعو تانى ليه
رودينا باهتمام _ هو ايه اللي حصل لما اتقابلو اول يوم
زين _ رفع عليها المسدس ههههه
رودينا باهتمام _ ليه
زين _ عشان كانت مشغوله في التصوير واحنا علينا صوتنا ف جت وأمرتنا نسكت وهو مبيحبش حد يأمره وكان هيصفيها ههههه. وبقا كل شويه يتخانق معاه لغيت ما بقو صحاب
رودينا باهتمام _وبعدين
زين _ وبعدين كان هيرجع معاها مصر لكن هي مشيت قبلها ولما عرفت انه اخوها رجعت علشان ترجعه معاها مصر واللي حصل بعد كده انتو عارفينه
قامت من جمبي وهي متعصبه
رودينا
مسك كدبت عليه وطلعت تعرف سيف قبل كده . قومت من عند زين وخبطت عليها لغيت ما فتحت
رودينا بحده _ بتكدبي عليه يا مسك
مسك بحيره _ كدبت عليكي في ايه
رودينا _ طلعتي بتعرفي سيف من زمان وانتي قولتي عرفتيه في اخر يوم بس . كدبتي ليه
مسك بارتباك _ مين قالك .. سيف ؟
رودينا بغضب_ يعني طلعتي بتكدبي ولو معرفتش بصدفه مكنتيش قولتي
مسك بدموع _ انتي عرفتي ايه
رودينا _ انتي كنتي تعرفي سيف وكنتو صحاب وبتكدبي وتقولي مكنتش اعرفه، طيب ليه وهو ازاي كان صاحبك وعمل معاكي اللي عملو
مسك ببكاء _ انا خوفت اقول بابا يزعل اني كان ليه صحاب ولاد
رودينا _ بتكدبي تاني .. ما ابوكي عارف ان ليكى صحاب شباب زي عبقرينو وزمايل الشغل وغير صحاب الجامعه وقفت علي سيف وهيزعل
مسك تبكي وتحس انها مضغوطه ف يغما عليها
رودينا بقلق _ مسك الحقني يا مرااد
بيجو كلهم ويشوفوها واقعه وسيف يشيلها علي سريرها
مراد بقلق _ ايه اللي حصلها
رودينا _ معرفش فجاه وقعت.
مراد _ فوقوها طيب
رودينا _ تجيب البرفان وتفوقها بيه
مسك بدوخه _ ماما
رودينا _ لو سمحتو اطلعو خليها تغير وبعدين نجيلكم
سيف بقلق _ نطمن عليها الاول
رودينا _ معلش ياسيف شويه وهجيبها معايا
مراد _ تعالو يا ولاد
بيمشو ويسبونا وانا قفلت الباب ورجعتلها وشربتها ميه وفاقت كويس وقعدت علي السرير
رودينا بهدوء _ فهميني ايه الحكاية ومن غير كدب انا امك. ومش هأذيكي
مسك تبكي وترتجف _ والله ما كنت اعرف انه اخويا يا ماما
رودينا بقلق_ طيب اهدي اهدي .. حصل حآجه بينكم؟
مسك ببكاء _ مش بظبط
رودينا _ امال ايه اتكلمي وقعتي قلبي في رجليه
مسك بترجي _ هقولك بس ابوس ايدك بابا ميعرفش حآجه ممكن يروح فيها
رودينا بذهول _ اتكلمي هموت منك
مسك ببكاء _ انا و.. انا وسيف
رودينا _ ايوه مالكم انتي وسيف
مسك ببكاء _ مكناش نعرف اننا
اخوات وقربنا من بعض لغيت ...
رودينا _ متقوليش انك حبتيه
مسك ببكاء _ وحبني
رودينا تبصلها وتسكت
مسك ببكاء _ ماما والله ما كنت اعرف انه اخويا
رودينا _ حصل حآجه اكتر من انكم حبيتو بعض
مسك _ لا
رودينا _ طيب ولما عرفتو بتتعاملو ازاي
مسك _ زي مانتو شايفين
رودينا بحيره _ اااه.. استغفر الله العظيم يارب
مسك بدموع _ مش هتقولي لبابا صح
رودينا _ ودي تتقال ازاي لا طبعا مش هجبله سيرة
مسك بدموع _ انا تعبانه يا ماما لو مكنتش اتكلمت كنت انتحرت
رودينا تحضنها _ بعد الشر عليكي .. . المهم دلوقتي انتي نسيتي اي مشاعر كانت ولا لسه طمنيني
مسك تضمها وتبكي _ مفيش مشاعر بس انا قرفانه من نفسي اوي
رودينا _ متقرفيش من نفسك. بكره تنسي
مسك تبعد عنها وتبصلها باستغراب_ ماما انا كنت خايفة اقولك بسبب ردت فعلك.. ايه الهدوء ده بقولك حبيت اخويا
رودينا _ اقتلك يعني ولا ايه خلاص اللي حصل حصل وانتي هتجوزي والموضوع هينتهي
مسك بحيره_ ببساطة كدة دا ولا كاني بقولك حبيت ابن الجيران
رودينا_ المفروض اني اعمل ايه يعنى خلاص مش بتقولي مفيش مشاعر دلوقتي
مسك بلخبطه_ ايوه مفيش
رودينا_ طيب خلاص انسي
مسك تبصلها باستغراب وتسكت
رودينا بلخبطه_ مالك
مسك_ مستغرباكي
رودينا بلخبطه_ سيبك مني وقوليلي هو بيفتح معاكى الموضوع تانى ولا نسي
مسك _ لا مبيتكلمش فيه
رودينا _ كويس . طيب نامى دلوقتي ولو حآجه حصلت قوليلي متخبيش
مسك _ اكيد
رودينا بحده _ اي حآجه حتي التفكير فهماني
مسك _ حاضر
دا اللي مكنتش عاملة حسابه انا مضايقتش من انهم حبو بعض انا اضايقت علشان احتمال نطر نقولهم علي الحقيقه اللي خبناها كل السنين دي وصدمة. مسك لو عرفت انها مش بنت مراد ولا لو عرفت انها جاي بطريقة غير شرعيه . والمصيبه الاكبر لو عرفت ان حمزة ابوها او هو عرف
سبتها وطلعت عندهم
سيف _ مالها يا رودينا
رودينا _ مكلتش من الصبح ف وقعت
مراد _البنت دي بتنسا نفسها في الشغل ومش بتفتكر تاكول حتي
رودينا_ الله يعينها
سيف_ مجتش ليه تقعد معانا شويه
رودينا _ بترتاح شويه متقلقش بقت كويسه
سبتهم ودخلت اوضتي وانا بفكر في الي قالته مسك وتصرفات سفيان اللي مكناش فهمينها دلوقتي فهمت ليه بيتعامل معاها ومع خالد كده. احترت اقول لمراد او لا. وبعدين قررت اسكوت لغيت ما نشوف جوازها هيتم ولا هتحصل حآجه جديده تخليني اطر اتكلم
سيف
استغربت ان بابا ومراته كل واحد في اوضه مش بيباتو مع بعض حتي انا فاكر لما كانو متجوزين جديد كنا انا وبابا بنام في اوضه وهي في اوضه تانيه.. جواز ايه ده اللي يخليهم ميباتوش مع بعض في نفس الاوضه
زين_ سيف
سيف_ ايه
زين_ هما ليه كل واحد راح في اوضه انا ملاحظ انهم كده من اول ما جينا
سيف_ وانت تركز ليه في الكلام ده
زين بضحك_ ههههه أبداً اصلي بسأل نفسي انت واختك جيتو ازاي
سيف _ بعيد عن انك مش.متربي بس انا ومسك كل واحد من ام مش ملاحظ اني بقولها رودينا مش ماما
زين_ بتهزر
سيف_ مبهزرش
زين_ ومامتك انت فين
سيف_ توفت انا وصغير
زين_ اااه اسف اول مره اعرف فكرت ان رودينا مامتك وطلعت عايشه مش زي ما فهمت
سيف_ واديك عرفت
زين_ انا من الاول بردو بقول ان مفكمش شبه من بعض انت ومسك
اتاريكم مش من نفسي الام
سيف_ صح مفيش اي شبه تشبهك انت ودا اللي مضايقني
زين_ ع فكره كتير قالي كده مش انت لوحدك
سيف_ قال يخلق
من الشبه اربعين بس من الظلم تشبهك انت ومتشبهش اخوها
زين _ ههههه نعمل عمليه ونغير الشكل عادي
سيف_ هاهاها. قوم خلينا ننام
كل واحد دخل اوضته وانا فضلت سهران بفكر في حاجات
كتيره بدأت تشغلني اولهم علاقة بابا ب رودينا
اللي مش مفهومه ولا مره شوفته بيناديها بغير اسمها وهي كمان. بيخلصو قعدتهم وكل واحد
يروح اوضته. وتاني سبب ليه حمزه خطفني انا وصغير.. ايه اللي حصل بينه وبين بابا علشان
يخطفني ويحاول ينتقم منه بأنه يخليني اعمل حآجه مع مسك... حاجات كتيره شاغله تفكيري
بس اللي مانعني استفسر عنها موضوع خالد وانشغالي باني اطفشه