جمال : طب اثبتلك ازاى .
نور : تبعد عنى.متقربش ، متقولش بحبك دى تانى .
______
فى بهو الفندق...
سليم : هما اتاخرو كدة ليه .
ايمان : مش عارفه تفتكر اتخانقو.
سليم: مظنش .
ايمان : بس شوفت اللى اسمها رنا دى لابسه ايه وبتتكلم ازاى ، مش شبهنا ابدا ،ازاى جمال يعمل كدة.
سليم باستغراب : انتى تعرفيه من زمان !!
ايمان بشك : اسال فريدة تقولك .
سليم : بسالك انتى .
ايمان : مش المفروض تسال المفروض تكون عارف .
سليم: عارف ايه.
ايمان : عارف جمال يبقى مين وانا ابقى مين وفريدة تبقى مين .
سليم باستدراك للموقف: عارف أنه ابن حسين الصريطى وان جدة ماجد صاحب جد فريدة هاشم وأنهم اصدقاء من زمان ومتربين سوا ، وعارف انك صاحبه فريدة من زمان بردو ، بس معرفش انك انتى وجمال تعرفو بعض .
ايمان بحيرة : اه نعرف بعض ، كلنا كنا شله ف النادى وزمان بيوتنا كانت جنب بعض بس كبرنا واتفرقنا .
سليم : وزمان بقا جمال كان شبهكو .
ايمان : تربيته مختلفه uncle حسين كان دايما مسافر اينعم هو كان play boy بس احنا كنا صغيرين اوى عشان نفهم وعشان كدة والدة كان عل طول مسفره برة عشان الجرايد متتكلمش عنه أما بقا طنط نجوى ف كانت ست ارسطوقراطيه اوى كان نادر لما تقعد معانا مع انها عايشه تقريبا ف النادى اول واحد. بتيجى واخر واحدة تمشى جمال تقريبا معاشش معاهم جدة هو اللى رباه .
سليم: وكان شديد عليه بقا زى جد فريدة.
ايمان: لا لا خالص بالعكس ،كانت كل طلباته مجابه عوضه عن غيابهم جدا جمال كمان كان طفل مؤدب جدا وبيسمع الكلام وف حاله معرفش اتغير كدة ليه فجأة اكنه اتبدل بعد ما uncle حسين رجع واستقر ف مصر كل حاجه اتغيرت ،تأثير باباه كان واضح عليه بعد عننا وبقا كل يوم مع بنت شكل وسهرات وخروجات وسفريات الجرايد مكنتش بتتكلم غير عنه لحد ما uncle ماجد أتدخل ونزله معاه الشركه من كام سنه كل دا اتغير ومعدش حد يعرف عنه حاجه خالص وبعدها فريدة رجعت مصر وحصلت الحادثه ومفيش مدة بسيطه جدا واتخطبو .
سليم : واضح أنه متغيرش ولا حاجه كل الحكايه أنه لم نفسه وبقا يعمل اللى عاوزة ف الضلمه عشان سمعه العيله مش اكتر .
ايمان : عندك حق اللى فيه طبع مبيغيروش ، بس انا تخيلت أنه رجع لأصله زى ما كان واحنا صغيرين.
سليم : مكنتش حقيقته دى ،من شابه أباه فماظلم .
من بعيد جت نور وجمال وراها وباين عليهم الضيق الشديد...
نور : يلا .
سليم : اتاخرتو كدة ليه .
نور بصت على جمال بنظرة احتقار : ابدا كان فيه شويه ذباله محتاجه تنضيف ف الاوضه .
سليم : اووووو فى منتصف الجبهه ..
جمال بعصبيه : بقولك ايه يا بتاع انت اقسم بالله لو ما تجنبتتى لوريك اسود ايام حياتك ،يلا امسك بيد خطيبتك واتكلو على الله .
سليم : براحه على نفسك ياوحش ، انا مبتهددش . يلا يامونى لاحسن الجو هنا بقا دمه تقيل .
سبق سليم وإيمان وهما ماشين سوا بيتكلمو ويدردشو أما جمال ونور ف كانو ف دنيا تانيه ، من ناحيه جمال...
جمال ف باله : هو اى الهبل اللى قولته دا هو انا هخيب ولا ايه انا عمال ابررلها واحلفلها كدة ليه ،انا محتاجلها ،اه صح انا محتاجلها .. لالا مش محتاجلها انا محتاج فلوسها بس .... طب ولما انت عاوز فلوسها بس عمال تبررلها ليه ما قالتلك هديهالك ... مينفعش هى اللى ترفضنى بردو ...اه اكيد دا السبب ...مهو لو مش دا السبب يبقى روحت ف داهيه ياجمال ..وجيت تصطادها اصطادتك هى ....وبقت اخرتك عل ايد العيله دى ....
من ناحيه نور ...
نور ف بالها: بس ذودتها اوى انا ف العياط .. احسن بردو عشان يصدقنى ...بس ابن اللذينه عارف يفرق بينى وبين فريدة ...انا لازم الايمها معاه شويه لحسن يكشفنى ... هو معقول يكون اتعلق بنور فعلا .... لالا اى الهبل دا هو ميعرفش أن فى حد اسمه نور ف الدنيا اساسا ....مصيبه ليكون عارف وبيلعب بيكى يانور ...فوقى كدة لنفسك لو غفلتى ثانيه موتك هيبقى على ايديه من غير رحمه ولا ذره شفقه حتى ....
سليم : شكلك معيطه ..
نور : عادى يعنى مصر كلها عارفه أن فريدة المصرى عيوطه .
سليم : يارب يكون دا السبب ..
نور اخدت سليم ومدو بخطواتهم لبعيد : عارف الفرق بينا .
سليم بعدم فهم : يعنى ايه .
نور بحذر : عارف يفرقنى عن فريدة .
سليم برعب : اتكشفتى!!!
نور : مظنش ، بس لو كملت كدة هتكشف مساله وقت ،لازم اغير الخطه .
سليم : هتعملى ايه
نور : هبطل عند وقوة وتحدى وغيرة ،كل دول مش صفات فريدة اساسا ، فريدة هادئه ومنكسرة وعيوطه وحزينه ، والأهم سهل يضحك عليها بكلمتين .
سليم : خلى بالك متلعبيش بالنار .
نور : احنا ف وسط النار ياسولى فات الاوان خلاص ...
......
ايمان : اتغيرت اوى .
جمال : كلنا اتغيرنا ، عندك فريدة اهى ، بقا هى دى فريدة اللى كانت بتخاف من ضلها ، كبرت وبقت تسمعنى كلام اهو .
ايمان : ايه كنت عاوزها ضعيفه طول الوقت ، كنت عاوز تفضل تكسرها وتهينها وتبهدل فيها ،زعلان اوى انها قالتلك لا ، غضبك دا كله عشان رفضتك ،لعلمك بقا لو فريدة كانت سلمتلك نفسها كنت هترميها بسهوله .
جمال : احنا لسه بنتكلم عن فريدة ولا الكلام عنك انتى .
ايمان بتوتر : حكايتنا خلصت من زمان ،من قبل ما تبدء اصلا .
جمال : بس ممكن فريدة تعرفها فاجأه بالغلط ، كلمه تيجى كدة تيجى كدة انتى فاهمه بقا .
ايمان : انت بقيت واطى للدرجادى ...
جمال: لا صدقينى اوطى مما تتخيلى ، فريدة لازم تحبنى ،ف لمى بقا خطيبك دا عنها وابعدو عننا .
ايمان : والا ؟!
جمال: والا هقولها أننا كنا بنحب بعض ومرتبطين زمان ، وانى سيبتك وخطبتها هى وانك غيرانه عشان اخترتها هى ،وحاولتى معايا عشان ارجعلك ..ها ايه رايك .
ايمان بصدمه : ومين قالك أن فريدة متعرفش !
جمال : لو كانت عرفت كانت عمرها ما هتتجوزنى .
ايمان : عندك حق ، وانت بقا عايزها تحبك ليه .
جمال : انا مزاجى كدة .
ايمان : مينفعش واحدة حلوة تعدى من ايديك .
جمال : الله ينور عليكى ، شطارتك بقا أننا مننزلش القاهرة غير وهى مراتى بجد .
ايمان : بس كدة عيونى ...
وبصوت عالي ندهت فريدة ..
نور وقفت وقربت منها : اى اللى حصل .
ايمان : اللى حصل أن البيه جوزك بيهددنى يا اخليكى تقربى منه وتقعى ف غرامه ، يا هيقولك أننا كنا مرتبطين زمان ،لا ومش كدة وبس دا عاوز يقولك انى عرضت عليه نرتبط وانتى معاه ..تخيلى القذارة ..
نور بذهول : تصدق يا جمال ، انت اغبى بنى ادم انا شوفته ف حياتى .