CMP: AIE: رواية عودة الماضي الفصل السادس6بقلم هاجر العفيفي
أخر الاخبار

رواية عودة الماضي الفصل السادس6بقلم هاجر العفيفي

       

رواية عودة الماضي

 الفصل السادس6

بقلم هاجر العفيفي 


والد شروق بصدمه : كنتى حامل

شروق بدموع ووجع : ايوه كنت حامل عارف يابابا انا اكتشفت إن عمر كان بيحطلى حبوب منع الحمل شوفت الشريط تحت هدومه قبل ماعرف إن حامل بيومين بس قولت اكيد مهونتش عليه وعشان كده حصل حمل ومرضيتش أواجهه بس لما قالي إن مش عايز أطفال مني عرفت أن هو كان بيحط قصد انا تعبت اووى وحاسه أن الخذلان جاي من اقرب الناس ليا سيف ال مش عاجبك ده هو ال انقذنى من رمية الشارع بعد لما انت طردتني بعد أذنكم امشوا واعتبروا بنتكم ما"تت انا مش عايزه حد فى حياتى تانى

والدتها بدموع : لاء لاء انا مش هقدر اسيبك انا

قاطعتها شروق بصراخ : حتى انتي موقفتيش جمبي رغم انك امي مخدتنيش فى حضنك فى اكتر وقت كنت محتجاكي فيه ياخساره سبوووونى بقااااا فى حالى حرام عليكم

الدكتوره دخلت بسرعه وقالت : معلش ياجماعه اتفضلوا بره المريضه تعبانه اووى ومش هتتحمل كلام

أهلها بصولها بحزن وخرجوا والدكتوره أعطتها حقنه مهدئه ونامت


🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا


سيف كان فى القسم ومصدوم من ال حصل لأخته وان دي نهايتها زعل جدا برضوا دي أخته وكانت كل حياته

الظابط : استاذ سيف دلوقتي جارى البحث عن عمر حسان لأن طبعا كانت البصمات موجوده على السكي"نه واختك هتستلمها ويتم دفنها

سيف دموعه نزلت وقال بحزن : تمام بس انا عايزكم تحاسبوا عمر ده ويتعد"م حتى لو فى بطن أمه

الظابط : متقلقش رجالتنا بيدوروا عليه دلوقتي وهيجيبوه فى اسرع وقت

سيف افتكر شروق وشك إن ممكن عمر يروح عندها قام بسرعه وخرج يجرى وطبعا الظابط فضل ينادى عليه كتير مردش

بعد وقت وصل المستشفى ودخل بسرعه الأوضه عند شروق وبالفعل شاف عمر وهو بيحاول يكتم نفس شروق وهى متخدره

دخل هجم عليه وضر"بوا فى وشه وطبعا الضر"ب كان متبادل بس عمر وقع على الارض من التعب وحاول يهرب بس الممرضين والدكاتره دخلوا ومسكوه وبعد وقت الشرطه وصلت وتم القبض على عمر

شروق كانت ده كله نايمه أثر المهدئ سيف عيونه كانت عليها ودموعه نزلت بشده وقال : كنتى هتروحي منى انتى كمان


#هاجر_العفيفى


🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا


بعد اسبوعين


شروق بهدوء : عمر حصله ايه ؟؟

سيف بتنهيده : اتحكم عليه بالاعدا"م بتهمة ق"تل نور وكمان شروع فى قتل"ك وقواضى تانيه فى شغله

شروق دموعها نزلت

سيف بدهشه : طب بتعيطي ليه دلوقتي

شروق بدموع : صعبان عليا نور اووى

سيف بذهول : صعبانه عليكي ؟؟؟؟

شروق : ايوه انا معرفش هي كانت بتكر"هني ليه انا معملتش ليها اي حاجه ولا هى ولا عمر بس هى فعلا صعبانه عليا لأنها وصلت نفسها لمرحله سيئه جدا 

سيف بتنهيده : نور كانت بتكر"هك ياشروق فعلا لانها كانت فاكره انك اخدتى منها كارم زمان

شروق بعدم فهم : كارم مين ؟؟

اكمل سيف كلامه وقال : كارم ال كان بيكلمها ووعدها بالجواز وبعدها كلمها وقال إن هو هيجي يتقدم ليكي انتي عشان بيحبك طبعا من وقتها نور اعتقدت أنك انتي ال دورتي حواليه عشان تاخديه منها وانك كنتي غيرانه منها كارم وهو جاي بيتك عربيه خبطته وما"ت قبل مايوصل أهلك كانوا عارفين ان هو هيتقدملك طبعا نور اتفقت مع عمر أن يتجوزك وبعدها يتجوزها وكمان يمنعك من الخلفه وبعدها يطلقك عشان تقهرك بعد ماتتعلقى بيه طبعا عمر كان طبعه غدار وغدر بيكي وبيها هي كمان 

شروق بصدمه : انت عرفت ده كله امتي وأزاى متقوليش

سيف افتكر لما دخل البيت وشاف نور وهى بتمو"ت كان لسه فيها نفس


نور بتعب والم : س سامحني ياسيف وقول لشروق تسامحني انا ظلمتها كتير

سيف بدموع : أهدى ياحبيبتى هتكوني بخير والله 

نور بوجع : مفيش وقت انا ال كنت بسلط عمر يحط لنور حبوب منع الحمل وانا السبب فى كل دمار حياتها س س سامحوني

قالت اخر كلمه وصعدت الروح لخالقها


سيف بحزن : هو ده ال حصل لكن موضوع كارم وكده انا كنت عارفه من قبل ماسافر وموضوع عمر عرفته لما قابلتك تاني ياريت تسامحيها ياشروق هى دلوقتي بين ايدين ربنا وانتي قلبك طيب

شروق بدموع : مسمحاها ياسيف

سيف بابتسامه : وده العشم برضوا ها بقا ناويه تعملى ايه

شروق بتنهيده : هبدأ حياتي من جديد هنزل اشتغل بشهادتي وهعمل لنفسى مكان تاني انا تعبت اووى ولازم اعوض ال فات

سيف : وأهلك ؟؟؟

شروق بوجع : مسمحاهم بس مش هقدر أقرب منهم اووى الفتره دي بالذات لحد لما اتعافي نهائي بعدها هقدر اتعايش معاهم

سيف : وانا هكون جمبك فى كل خطوه 

شروق بامتنان : شكرا ليك ياسيف انك جمبي

سيف بابتسامه : ده واجبى

شروق : صحيح هو فين ابن نور

سيف بحزن : كان عند الجيران وانا اخدته عشان يفضل مع اياد ابنى ده مهما كان ابن اختى وانا مش هينفع ارميه 

شروق ابتسمت على حنيته وقالت : طول عمرك كده ياسيف جدع


تعليقات



حجم الخط
+
16
-
تباعد السطور
+
2
-