رواية احببت مجنونة الجزءالرابع4
الفصل الثاني والعشرون22
بقلم نجمه براقه
على
طلعت من عندهم وروحت النادي وانا مضايق ومحتار اعمل اية ولا أراضي جميله الي اجرحت بسببي.. مبقتش عارف
اعمل ايه ولا قادر اقول خلاص مش عاوزها علشان وقتها هيكون وصولي لجميله مستحيل...
اتصلت بأيمي وطلبت منها تجيني في النادي وبعد وقت قصير وصلت
ايمي _ مالك يابني قلقتني
على بخنقه_ قفلت يا ايمي
ايمي _ ايه اللي حصل
علي _ مريم ورطتني قدامهم وقالتلهم اننا هنتخطب بعد بكره بدال ما ترفضني
ايمي _ طيب ازاي مش انت بتقول انها كرهتك
علي _ انا فهمت كده امبارح بس النهارده فاجأتني وبقت تدلع عليه قدام جميله وختمتها بموضوع الخطوبه .. اعمل ايه قوليلي
ايمي _ وجميله عملت ايه
علي _ هتعمل ايه. حظرتني تاني
ايمي _ يادي الحظ الهباب انت دايس علي ديل قطه سوده في شارع مهجور مليان عفاريت
علي _ قوليلي اعمل ايه
ايمي _ معرفش
علي _ يعني ايه خلاص كده اتكتب عليه اتجوز المغروره دي
ايمي _ وايه يجبرك ما تسيبها
علي_ وجميله.. انا لو سبت مريم من نفسي عمري ما هوصل لجميله
ايمي _ صح
علي_ طيب قوليلي اعمل ايه بدال مانتي قاعده كده
ايمي_ وانا اعملك ايه هي كده عكت
علي _ اخطف جميله واتجوزها ايه رأيك
ايمي_ وحيات امك. علي متبقاش تفكر تانى
على_ طيب اعمل ايه مانتي شايفه وانا لقيت حل تانى ومعملتهوش
ايمي _ اسكت سيبني افكر
على_ فكري
ايمي بحيرة_ مش لاقيه ليها حل. بس اية رأيك تتكلم مع مريم يمكن يطلع عندها احساس وتنسحب
على_ هه احساس قال
ايمي_ انت كده.كده مش عاوزها ولا هتجوزها مهما حصل. جرب تكلمها وهي تبقا خربانه خربانه
علي_ انتى متعرفهاش دى ممكن تعملها مشكله كبيرة في البيت
ايمي_ امممم معاك رقم رحيم
على_ اه مالك بيه
ايمي_ ادهوني
علي_ ليه
ايمي_ هات وخلاص بترغي ليه
على_ ايمي لعبكم انتو ورحيم عييب انا مردتش اقول لامك عليه
ايمي _ هو اللي بدأ
على _ وانتي متتوصيش
ايمي _ وانا مالي حد قالكم تعزموه عندكم
على _ ربنا يجملها معاكي . انطقي قولي عاوزة الرقم ليه
ايمي _ حاسه انه هو اللي هيقدر يساعدنا
علي _ وانتي بتفكري تقوليلوه
ايمي _ نجس نبضه الاول وبعدين نشوف
علي _ اقعدي علي حيلك طيب انتي عاوزاها تروح في داهيه
ايمي _ هات بس وملكش دعوه ثق فيه
على _ اممم ربنا يستر اتملي طيب
ادتلها الرقم وانا مش. مطمن بس اهي محاولة مش هنخسر حآجه وانا واثق في ايمي انها مش هتعملي مشكله جديده
رحيم كنت قاعد جمب جميله بحاول افهم مالها وأيه مزعلها وفجاه رقم غريب رن عليه
رحيم _ مين
ايمي _ اخبارك ايه
رحيم يعرف صوتها _ انتي مين يابت ومتصله هنا ليه
ايمي بإبتسامة _ عاوزة حآجه لله
رحيم _ ابقي عدي علي بيتنا واديكي
ايمي _ هو انا ليه حاساك قليل الادب
رحيم بضحك_ اهو انتي .. انطقي قولي انتي مين قبل ابلغ البوليس
ايمي _ انا ايمي يا وجه البرص
رحيم _ ايمي مين فيهم فكريني انا بتوه
ايمي بقرف_ يخربيت خفة الدم حوش ياود العسل اللي بيخر منك
رحيم بضحك _ اجيبلك برطمانين
ايمي بقرف_ أكيد مامي نحله عشان تجيب العسل دا كله
رحيم _ هاهاها اكيد مامي بقرة عشان تجيب ايمي
جميله بالكتابة _ ايمي بتاعتنا
رحيم _ اه هي . هرجعلك تانى يكون فكيتي ولا افكك انا
طلعت من عندها وروحت اوضتي
رحيم بإبتسامة_ عرفتك قبل ما تقولي
ايمي _ عرفت ازاي انطق ياض
رحيم _ وهل تخفا الصراصير . صوتك باين
ايمي _ واد انت طايق نفسك ازاي.. انت مبتنتحرش ليه
رحيم _ عشان ارزيكي
ايمي _ اممم نهار لطافه. انا كنت. متصله اتأسف بسبب اللي قولته لما حدفتك في الميه في عز البرد
رحيم بضحك _ وانتي كده بتتأسفي ولا بتفكريني
ايمي _ بتأسف
رحيم بإبتسامة _ مش هقبل
ايمي _ عد الحيطان اللي حوليك. كده وقولي كام
رحيم _ اربعه
ايمي _ اخبط دماغك في واحده منهم
رحيم بضحك _ هاهاها لطيفه اوي حضرتك
ايمي _ انا اعتذرت عشان مقابلكش في الآخرة مش ناقصه عكننه
رحيم _ ههههه ممكن اقبل اعتذارك وارحمك. من شوفتي يوم القيامه بشرط واحد
ايمي _ هو اية
رحيم _ اعزمك على قهوه
ايمي _ اوك ممكن نتقابل في النادي بكره وتعزمني
رحيم _ وافقتي بسرعه كده.. تبقي عاوزة مني حآجه
ايمي_ لا أبداً بس احنا هنبقا نسايب ف ليه لأ هاقبل عزومتك عادي
تاني يوم
سيف
الليل كله وانا صاحي والشيطان بيقولي روح قولها بس خوفت عليها من الصدمه لو عرفت . انا متأكد انها لو عرفت هتتعب ومنضمش عواقب اللي ممكن يحصل.. خوفي عليها كان اكبر من رغبتي فانها تكون ليه... بس بردو مفقدتش الامل ان لما اتكلم مع بابا نلاقي حل
قومت الصبح وطلعت من اوضتي وانا نفسي اشوفها واصتبح بوشها وعيونها اللي دمرتني من وقت ما عرفتها وكأني دعيت وكل اهل الارض قالو امين .. خرجت من اوضتها واول ما شافتني دخلت تاني وقفلت الباب . خبطت عليها وبعد شويه فتحت
مسك_ صباح الخير
سيف _ صباح الخير . شوفتيني وهربتي ليه لتكوني بتحاولي تهربي علشان تقابلي خالد
مسك _ اه انا كنت رايحه اقابله
سيف _ وتقابليه في وقت زي ده ليه
مسك _ اوووف خطيبي وهنلف على المحلات فرحنا قرب ولا نسيت
سيف _ ودا سبب يخليكي تطلعي زي الحرامية كده
مسك_ خطيبي وعاوزه اشوفه من غيرك مره،، انت عامل زي ضلي
سيف _ انا بحمي اختي اظن مفهاش حآجه دي
مسك_ لا متخنقنيش انا جبت اخرى منك
سيف _ انتي بتناهدي ليه قولتلك لغيت ما تبقي مراته مش هتاخدو راحتكم وخلصنا
مسك بزهق _ خلاص مش خارجه حتى الشغل مش ريحاه
سيف _ احسن
مسك تيجى تقفل الباب بغيظ وهو يسنده بأيده _ عيب لما تقفلي الباب فى وش اخوكي الكبير
مسك _ غور يا سيف
سيف_ انا مش هزعل منك علشان انتي عيله ومش عارفه بتقولي ايه
مسك _ وبعدين طيب انت عاوز ايه دلوقتي
سيف _ عاوز افطر
مسك _ طيب وسع هروح اجهزلك
سيف _ اعملي بيض عيون وجبنه وجمبهم لنشون وشوية. مربه
مسك بزهق _ حاضر
سيف_ استني .. ومتنسيش البن
مسك _ طيب ممكن توسع بقا
سيف _ اه ومتنسيش عصير البرتقان عشان الفيتامين سي اللى جواه
مسك بقرف _ وايه كمان
سيف _ وايس كريم
مسك _ هو يوم مش معدي انا عارفه
سيف _ اهو عدي وبسرعة محدش فضيلك
مسك _ ع فكره انا بتعطف عليك متصدقش نفسك اوي كده وبتذقه وتمشي
راحت المطبخ وانا بقيت ابص عليها واضحك في سري وبعدين افتكرت اني قافل الباب علي بابا ورودينا. ف روحت خبطت عليهم وبابا قال ادخل
سيف بإبتسامة _ هااا
مراد _ سيف تعاله عاوزك .. وانتي روحي واقفلي علينا عاوز اتكلم معاه شويه
سيف _ نعم حبيبي
رودينا بتطلع وتقفل وهو بيمسك العكاز ويضربني بيه
مراد بغيظ _ يا صايع .. عملت ايه
سيف بضحك_ ايدي متعوره مش شايف ... بس معملتش حآجه متخافش
مراد_ اوعا يا سفيان
سيف_ قولتلك متخفش ثق فيه شويه
مراد _ طيب اوعا تكون حومت حوليها
سيف _ كله تحت السيطرة متقلقش
مراد _ جدع طمنتني
سيف _ طيب وبعدين يا بابا الوقت بعدي والفرح قرب
مراد _ وبعدين عاوز ايه يعني
سيف _ مش قادر استوعب انها هتجوز خالد
مراد _ هو ده اللي انا. كنت خايف منه. يابني مينفعش نوقف الفرح مسك لازم تجوز عشان تنساها
سيف _ وانساها ليه، انا عاوزها وهي كمان
مراد_ انت اهبل هي عارفه انك اخوها هتعوزك ازاى
سيف _ بتحبني يا بابا وهي زيي مقدرتش تنسا
مراد _ فوق لنفسك يا سفيان الموضوع مش. متوقف اننا نجمعكم وخلاص المشكله اتحلت... لو فتحنا موضوع جوازكم هتبقا كارثه وهي لازم تعرف امال هنقولها يلا اتجوزي اخوكي وهي هترحب
سيف_ نقولها الحقيقة وانا هساعدها تعدي الصدمه وهكون معاها
مراد بزهق _ انا مش مصدقك انت ازاي اناني كده
سيف _ اناني لو ده هيخليني اكون معاها . صدقني محدش هيقدر يحبها ولا يحميها قدي
مراد بحده _ الظاهر اني غلطت لما وثقت فيك
سيف _ عمري ما هخليك تندم بس انت. كمان. حس بيه
مراد_ ولا احس بيك ولا تحس بيه مسك مش هتعرف حآجه. خلص الكلام
سيف بخيبه _ يعني مفيش امل انك توافق
مراد_ لأ
سيف بانفعال _ ده عوضك ليه عن غيابي عنك. كل السنين دي. لدرجة دي انا. مفرقش معاك
مراد _ واختك تفرق معايا كمان. مش هضيعها علشان ارضيك
سيف بعصبيه_ متقولش اختي انا. معنديش اخوات
مراد بحده _ طيب وطي صوتك لا تسمعك
سيف يقوم من جمبه بانفعال وهو وخارج مسك بتشوفه ماشي وهو مش شايف قدامه ف بتجري وراه
مسك _ سيف استنا
سيف يوقف مكانه من غير ما يبصلها
مسك _ مالك. انتو زعلتو تانى ولا ايه
سيف بخنقه _ انتي مش. كنتي رايحه تقابلي خالد
مسك _ ايوه
سيف _ هتيجي اوصلك ولا هتستنيه
مسك _ مش هتفطر الاول
سيف_ لا. هتروحي ولا لأ
مسك_ طيب دقيقة اسأل بابا
سيف _ طيب يلا هجهز العربيه يكون رجعتي
مسك_ بس هتقولي مالكم من امبارح
سيف _ طيب
بتروح تسأل بابا وبعد شويه بتجيني وتكلمني بتردد
مسك _ ااا بص روح انت وانا هستنا خالد
سيف _ بابا قالك متروحيش معايا ؟
مسك_ لا خالص انا بس هستنا خالد اصلنا اتفقنا علي كده
سيف _ براحتك . بس روحي قولي لبابا اني مش وهعمل حآجه غير لما هو يقولي
مسك باستغراب _ مش فاهمه
سيف _ قوليلوه كده وهو هيفهم
مسك _ مااشي
سبتها ومشيت وانا مش عارف رايح فين
مسك
قولت لبابا اروح معاه مرضيش ف روحت قولتله اني هروح مع خالد عشان ميزعلش ورجعت ابلغ بابا رسالته
مراد _ راح فين
مسك _ مشي وبيقولك مش هيعمل حآجه قبل ما توافق. هو يقصد ايه
مراد _ بيفكر يسافر وانا مش موافق
مسك _ يسافر تاني ليه هو مش. مرتاح هنا
مراد _ لأ . تفتكري ليه يا مسك
مسك بارتباك _ معرفش
مراد _ انا قولت انك انتي اللي هتكوني عارفه
مسك _ وانا اعرف منين يعني يا بابا
مراد _ انا بسأل بس مالك قلقتي كده ليه
مسك _ مقلقتش
مراد _ طيب ركزي في تجهيزات فرحك وتجاهلي الواد ده علشان ميعكننش عليكي في ايام فرحك
مسك _ حاضر .. تطلب مني حآجه تانى
مراد _ لأ
مسك _ طيب خالد هيعدي عليه علشان نلف علي المحلات شويه
مراد _ روحي بس متتاخريش
مسك _ حاضر
طلعت من عنده وروحت لماما في المطبخ بعد ما قلقت من كلامه معقول تكون قالتله حآجه
مسك _ ماما
رودينا _ نعم يامسك
مسك' هو بابا عرف حآجه من اللي قولتهالك
رودينا _ ليه
مسك_ عرف ولا لأ يا ماما
رودينا _ لا معرفش
مسك _ اكيد يا ماما
رودينا _ بقولك ميعرفش
مسك _ امال كان بيكلمني بطريقة غريبه ليه
رودينا _ متقلقيش هو مش هيعرف حآجه
مسك بقلق _ ربنا يستر
رودينا _ ولو عرف ايه هيحصل
مسك _ تبقا مصيبة يا ماما
رودينا'_ متفخميش الموضوع . القصة مش مستهله
مسك تبصلها باستغراب وتسكت
رودينا _ هتفضلي تبصيلي كده كتير . يلا علشان تلحقي معادك
مسك _ يارب نص هدؤك في سماع المصايب. ايه السلام الداخلي ده
رودينا بضحك _ عاوزاني اقولك انه لو عرف هيقتلك يعني ولا اهون عليكي علشان متزعليش
مسك _ يعني لو عرف ممكن يقتلني بجد
رودينا _ طبعا دي مصيبة. يالهوي يامسك يامصيبتي
مسك ' هو لا كده لا كده . خلاص مش عاوزة اسمع حآجه تاني. انا هروح اصحي ميادة وزين علشان يروحو الشغل
ميادة بضحك _ روحي
ماما بقت غريبه لا الحقيقه هي طول عمرها غريبه عمري ما فهمتها ولا هفهمها.. بتتعامل مع اللي حصل مع سيف بهدوء وساعات الاقيها بتبص علينا احنا وبنتخانق بإبتسامة اللي هي ام فرحانه ببنتها علشان بتحب . الوليه دي حصلها حآجه
سبتها وروحت صحيت زين و ميادة وطلعنا سوا هما راحو الشغل وانا روحت اقابل خالد اللي مستنيني قدام البيت
مسك_ صباح الخير
خالد بإبتسامة _ صباح الورد وحشتيني
مسك _ ااا امال فين ريم
خالد _ مع سيف
مسك _ وايه وصلها لسيف
خالد _ انا . خليتها تبعده عننا شويه
مسك بغيظ_ علي فكره سيف مكنش هيجي. معانا اصلا . ايه اللي انت بتعملو انت وبنت خالتك ده
خالد باستغراب _ في ايه يامسك مالك متعصبه كده
مسك _ في انكم بتلفو وتدورو علي سيف
خالد _ لا بقا العيب مش فينا انتي اللي مش طبيعيه دا مش. منظر واحد عاوزة خطيبها
مسك _ يعنى طلعت انا الغلطانة دلوقتي
خالد _ اه غلطانه وتصرفاتك غريبه . مسك انتي مش عاوزاني
مسك بلخبطه _ تاني بتقولي مش عاوزاك
خالد _ واحده بتزعل لما اخوها يسيبنا شويه افهمها ازاي دي
مسك _ الموضوع مش كده انا مزعلني الف والدوران مش اني مش عاوزة اكون معاك لوحدنا
خالد _ ما تجيلي دوغري وتقولي ايه في دماغك. قولي كلام يناسبني انتي مش بتتعاملي مع طفل.. ايه يزعلك انها تخرج معاه عشان تفسحلنا السكه
مسك بنرفزه _ لا بقا انا بتكلم دوغري ودوغري اوي كمان انتو اللي فاكرين الناس بتلف وتدور زيكم
خالد _ زينا؟ ... مسك انتي عاوزة ايه دلوقتي
مسك بدموع _ عاوزة انزل
خالد _ طيب من غير عياط... خلينا نروح نشرب حآجه
مسك_ نزلني مش عاوزة اشرب حآجه
خالد _ متزعليش انا اسف
مسك بنرفزه _ لو اتهمتني اني بتهرب منك ولا مش عاوزاك تاني انا مش هكمل يا خالد
خالد _ ياااه لدرجة دي. هي وصلت لكده. لا دا انتي تجيلي بقا
بيشغل العربيه ويطلع وبنوصل المطعم بتاعه ويشدني من ايدي وياخدني المكتب
خالد بحده _ سامعك
مسك _ ومكنش ينفع تسمعني بره لازم في مكتبك يعني
خالد_ اه لازم. اتكلمي
مسك_ انت بتفتحلي تحقيق
خالد_ اعتبري زي ما تعتبري مش هتمشي من هنا غير لما افهم مالك
مسك _ طيب همشي و وريني هتمنعني ازاي.
بتروح للباب وهو بيمسكها من اكتفها ويضغط عليهم
مسك بدموع_ انت بتعمل ايه
خالد_ مش هتمشي قبل ما تقولي في ايه
مسك بدموع_ سيبني ياخالد
خالد بعصبيه_ مش هسيبك غير لما اعرف معوجه عليه ليه
مسك تشيل في ايده ومتقدرش _ لو مسبتنيش هصوت والم عليك الناس
خالد _ علي فكره انا مش خاطفك ولا قاصد اخوفك بس انا لازم افهم في ايه
مسك ببكاء_ سيب ايدي وجعتني
خالد يسيبها ويزفر بزهق_ سيبتك اهو. اتكلمي
مسك_ اتكلم اقول ايه
خالد_ طيب بلاش دي. هو سؤال واحد... عاوزاني ولا لأ
مسك بدموع_ ايه اللي انت بتقوله ده
خالد بحده_ اه ولا لأ
مسك _ اه
خالد_ طيب اتفضلي خلينا نشتري الفستان
بيقربو للباب وفجاه بيلاقو سيف في وشهم
خالد_ انت ايه اللي جابك هنا
سيف يبص على مسك يلاقيها بتبكي _ ايه اللي بيحصل هنا
خالد بعصبيه_ انت تعديت حدودك
سيف يمسكه من رقبته ويلزقه في الحيطة وبحده_ ايييه اللي بيحصل هنا
مسك تشد في ايده _ سيبو يا سيف ايه اللي بتعمله ده
سيف_ ابعدي
خالد يشد في ايده _ ابعد لا اندهلك الأمن
سيف_ وانت مش راجل تواجهني لوحدك. انطق لا افرغ المسدس في دماغك
مسك بانفعال_ سيبووو بقا انا قولتله يجيبنا هنا عشان ناخد راحتنا بعيد عنك
سيف يسيبه ويديلها بالقلم _ ومقولتيش ليه كنت فضتلك اوضه في البيت
.. خالد يطلب الامن
ومسك تحط ايدها على خدها وتبصله بذهول_ بتضربني
سيف_ واكسر دماغك. امشي قدامي. وانت لو شوفتك معدي قدام البيت هقتلك. وبيمسك ايدها ويجي يمشي يلاقي الامن داخلين
خالد_ امسكوه واطلبوله البوليس
سيف يصوب عليهم المسدس _ بتعرفي تعدي الجسس
مسك ببكاء_ خلينا نمشي.. خالد عشان خاطري قولهم يمشو خلاص
سيف_ انتي بتترجيه طيب ارقدك قبلهم انا دلوقتي
خالد يدي إشارة للامن عشان يمسكوه وقبل ما يلمسوه بيدي لواحد منهم بقفا المسدس على وشه ويصوب المسدس في وش التاني _ لو مستغني عن عمرك قرب
خالد _ خلاص سيبوه
سيف _ زي ما قولتلك لو لمحتك عند البيت هصفيك.. وبيشدها من ايدها ويمشي
في مكان اخر داخل العربيه
مسك بغيظ_ يااخي انت ايه رجعك انا كنت مرتاحه قبل ما اشوفك
سيف_ اللي حصل ده مش هعدهولك. رايحه معاه مكتبه عادي كده. مفيش رجاله تلمك ولا ايه
مسك_ قصدك بلطجيه.. عاجبك منظري وانت شاددني قدام الناس يفهمو ايه دلوقتي
سيف بزعيق_ ميهمنيش الناس... انتي تفهميني ازاي تروحي معاه مكتبه والباب يتقفل عليكم
مسك بعصبيه _ وانت مالك خالد خطيبي وبعد كام يوم هيبقا جوزي
سيف _ علي جستي لو اتجوزتيه بعد اللي حصل
مسك بزهق _انت ملكش دعوه. انا مش صغيره عشان تقولي اتجوزه ولا لأ
سيف _ محدش ليه دعوة غيري. مش هتجوزيه يامسك
مسك تبصله وتسكت
سيف _ مسك انا خايف عليكي خالد مش هينفعك افهمي
مسك بدموع _ انا زهقت. منك.. انت عارف ان سبب زعلي معاه النهارده كان انت... انت ليه مش عاوزني اتجوز وهو علي الاقل ابعد عنك وتقدر تنسا اللي حصل
سيف _ مش عاوزك تجوزي مالك بجواز هينقصك ايه من غيره
مسك _ مش هموت علي الجواز ومش هيفرق معايا في حآجه. انا هتجوز عشان انت ترتاح
سيف _ وانا مش تعبان في حآجه عشان تريحيني.. ولو مصره انك تريحيني متتجوزيش وتفضلي معايا
مسك ببكاء _ والله كده غلط وحرام.. انت مش طبيعي . الظاهر ان امريكا خلتك مش عارف ربنا..
سيف يلمس وشها برقه _ معرفش غير اني مش عاوزك تسبيني. و سميها زي ما تسميها
مسك تبصله بذهول وتعجز عن الرد
سيف _ خليكي معايا انا مش هقدر استحمل تجوزي واحد تاني
مسك تنزل من العربية وتجري وهو ينزل وراها ويجري وراها لغيت ما بيلحقها ويشدها من ايدها
مسك ببكاء _ سيف انت مش طبيعي سيبني خليني امشي
سيف _ متفهمنيش غلط انتي مش فاهمه حآجه
مسك تشد ايدها منه _ ارجع امريكا
سيف_ دا ردك على كلامي.. ارجع امريكا
مسك بعصبيه _ ايوة ارجع مش عاوزينك انت متنفعش تقعد معانا تاني ..
سيف _ علشان مش عاوزك تجوزي خالد هتستغني عني
مسك _ انت عارف انا اقصد ايه..
سيف _ عشان بحبك يعنى
مسك بقهر _ وبتقولها في وشي كمان .. انت مريض والله مريض .. سيف انا اختك
سيف _ انا لما قابلتك وحبيتك. مكنتش اعرف انك اختي ف مليش دعوة بقا
مسك بذهول _ يانهار اسود . افرض قولتلك ماشي و وافقت علي حبك ده هتعمل ايه
سيف يشدها ليه ويقبلها وهي تفقد الوعي لتقع بين يديه وهو يحملها ويرجعها العربيه ويسندها على الكرسي ويربطلها الحزام ويقعد جمبها ويبصلها بإبتسامة
سيف_ دي لما تفوّق مش بعيد تنتحر
ايمي
وصلت النادي واستنيت رحيم يجي
رحيم _ احم
ايمي _ اتاخرت لية حضرتك
رحيم_ جاي من الصبح بس كنت عاوز اشوف هتستنيني ولا لا
ايمي_ موووحن الكلام ده مش لينا اترزع
رحيم_ علي فكره انتي متستاهليش حد يعبرك.. ارغي قولي عاوزة ايه ومتقوليش بعتذر مش مصدقك
ايمي _ انا قولت ان رحيم نبيه محدش صدقني
رحيم_ انجزي
ايمي _ جميله بتحكيلي عنك انك كويس وجدع وكمان انتو صحاب
رحيم _ مبحبش المقدمات
ايمي بتردد _ انا مش عارفه اذا صح اثق فيك ولا لأ. بس ملقتش حد غيرك ألجأله
رحيم_ ايييمي اتكلمي انا بقلق
ايمي_ لا قولي الاول اثق فيك ولا لأ
رحيم_ اثقي فيه
ايمي_ توعدني انك لو مقدرتش تساعدني متعملش مشكله
رحيم _ انا هوقع منك اتكلمي قلقتيني.
ايمي_ اوعدني الاول
رحيم _ اوعدك
ايمي تحكيله الي حصل مع جميلة وعلي
رحيم بغضب_ انتي جيباني هنا عشان اخلي ابن عمتك يسيب مريم عشان جميله. هو فين دلوقتي لازم اشوفه
ايمي _ انت وعدتني يا رحيم
رحيم يزفر بغضب _ ومستنيه مني ايه دلوقتي
ايمي_ توقف الخطوبه دي. مريم مش عاوزاه معرفش هي عملت كده ليه اصلا
رحيم _ سيبك من مريم انا مش مضايقني غير ان جميله تعمل كده مع خطيب اختها
ايمي_ مكنش خاطيبها جميلة كانت صديقه لعلي وهو كان فاكرها مريم وهي حبت تساعده. بس اللي حصل بقا انهم حبو بعض
رحيم بغضب_انا المفروض اروح اضربه واضربها مش اشتغلهم مرسال العشاق
ايمي_ حقك.. بس جميله حالتها متسمحلكش تزعلها..هي فيها اللي مكفيها مش ناقصه تأنيب ضمير
رحيم_ ماشي جميله طيبه وملاك . بس ازاي اخليه يسيب مريم عشان جميله ما التانيه اختي بردو ومقدرش اظلمها
ايمي_ انا متاكده ان مريم عملت موضوع الخطوبة دا لسبب محدش يعرفه هى لسه امبارح كانت عاوزة تسيبه فجاه كده افتكرت انها عاوزاه. على قالي انها ورطته فى الموضوع
رحيم _ انتي لخبطتيني ، المفروض اني اعمل ايه يعني.. ما جميله اللي غلطانه مريم ملهاش ذنب يقرب منها وبعد ما يخطبها يكتشف انه عاوز اختها
ايمي_ اللي حصل بقا. المشكله مش في علي المشكله ان جميله بتحبه. وانت عارف فرصة.جميله ضعيفة عن مريم ومش.كل يوم هتلاقي حد يحبها
رحيم _ وانا اللي عمال اسألها مالك من امبارح ومبتقولش.. كنت حاسس ان فيها حآجه مش قادره تقولها
ايمي_ هتعمل ايه بعد ما عرفت
رحيم بحيرة_ معرفش انتي لخبطتيني وبوظتيلي دماغي
ايمي_ معاك لبكره تقولي هتعمل اية
رحيم_ هنعمل اية يعنى ما انا مقدرش اروح اقول لمريم سيبي خطيبك لجميله علشان جميلة طيبه
ايمي_ احنا لو شايفين دا الحل كنا كلمناها بس انت عارفها اكتر مننا
رحيم _ خلاص انا هقعد مع نفسي وافكر هعمل ايه
ايمي_ متشكره يا رحيم كنت متاكده اني مش هندم اني.كلمتك
رحيم_ ثبتيني بذوق
ايمي _ ههههه نبيه
رحيم وانا اقول البت اعجبت بيه وبتكلمني عشان تفتح معايا كلام اتاريكي جايه في مشكله
ايمي_ اناااا أعجب بيك انت
رحيم_ لا طبعا انتي ايش جابك ليه.
مسك
فتحت عيني لقيت نفسي في البيت داخل اوضتي. وبعدين افتكرت اللي حصل. محستش بنفسي غير وانا بصرخ وامسح
فمي وانا قرفانه من نفسي ومنه
ماما وسيف وزين دخلو عليه و وراهم بابا.
وماما تحضني وتحاول تهديني. وانا. مش قادره ابص عليه ولا قادره اقول على اللى حصل
رودينا بقلق _ حبيبتي اهدي احنا. جمبك
مراد _ يابني فهمنا ايه اللي حصل
سيف _ وسعي وبيمسكها من اكتفها _ مسك اهدي مفيش حآجه
مسك بصراخ _ ابعد عني
سيف _ كله هيكون تمام اهدددي
مسك بصراخ _ ابعدو عني يا بابا متخلهوش يلمسني
مراد يمسك سيف من ايده ويطلعه بره
سيف
صحيت تصرخ وحاولت اهديها مقدرتش وبابا شك في الموضوع ف طلعني برا الأوضة وروحنا في الصالون عشان متسمعش
مراد بغضب _ انت عملت ايه
سيف _ بوستها وقولتلها اني بحبها
مراد يرفع ايده ويضربه بالقلم بكل قوته وبغضب _ بوستهااا وقولتلها بحبك وهي عارفه انك اخوها
سيف يغمض عينه من اثر القلم _ ايوه
مراد باحتقار _ هي دي تربية حمزه اغتصب رودينا علشان مش عاوزاه وانت رايح تبوس واحده شيفاك اخوها. بقيت وسخ زيه.
سيف _ انا قولتلك نقولها انت اللي مش عاوز. وانا مش هسيبها لغيري حتي لو اتجوزتها وهي عارفه اني اخوها
مراد باحتقار _ واي ماذون هيجوزكم
سيف _ انا بطاقتي باسم سيف عاصم قابيل يعني قانونيآ انا مش اخوها
مراد باحتقار _ ياريتك ما رجعت .. ياريتك كنت موت هناك
سيف _ عاوزني اموت يا بابا
مراد بقهر _ احسن ما كنت
رجعتلي كده . امشي ياسيف متجيش هنا تانى انا ابني اتخطف زمان واستعوضت ربنا فيه
سيف بدموع_ بس انت كده بتظلمني لتاني مره. المره دي لو مشيت مش هرجع
مره بدموع_ امشي مش عاوزك ترجع
سيف _ زي ما تحب.. زيين
زين بيطلع من جوه_ نعم
سيف_ انا ماشي هتيجي معايا ولا هتقعد
زين_ ماشي فين
سيف_ راجع امريكا
زين_ ازاي ياسيف البوليس هيمسكك انت ناسي ان متبلغ عنك هناك
سيف _ انت هتيجي معايا ولا لا
زين _ هاجي
مراد
خذلني وكسر ثقتي فيه وخلاني اتمنا انه مكنش رجع . ازاي قادر
يكون اناني بشكل ده ...
سبته يمشي حتي لو هموت عليه مش عاوزة تاني خلاص . انا ابني مات زمان ومعنديش غير بنت واحده
وهي مسك.. كده خلصين ياحمزه انت خدت سفيان مني وانا خدت مسك
في المطار
عاصم
وصلت مصر بعد 24 سنه والمره دي رجعت ومعايا سلفستر اللي هيساعدني
ارجع ابني وانتقم من مراد وابنه وبنته والخاينه رودينا ..
هخليهم يتمنو الموت بسبب اللي هعملو فيهم..