عند سحر
طلعت جري و احمد وراها دخلوا و شافوا الصدمه
سحر بصدمه : لاااا نينه
راحت تشيل الحطب اللي وقع على نينتها
أحمد : الله هو ايه اللي حصل
سحر وهي بتشيل في الحطب : انت لسه بتسأل شيل معايا الحطب دا
احمد : حاضر حاضر
نينه سحر : ااااه هموت
سحر بلهفه : انتي كويسه
نينه سحر : اااه عطشانه
سحر وهي حضناها : حاضر حاضر اتحرك يا
قاطعها احمد : اسمي احمد
سحر : هو احنا هنتعرف روح هات الاوله من الاوضه التانيه بسرعه
أحمد : ايه
سحر : اللهم طولك يا روح خليك مع نينه وانا هروح
وطلعت
نينه سحر بتبص ل أحمد جامد
أحمد : ههههه هاي نينه
نينه سحر : يا عيني عليكي يا بنت ابني خسيتي اوي
أحمد : انا احمد يا نينه
نينه سحر : احمد مين ابن سيده القرعه ولا ابن سميحه الدبشه
أحمد : هههههه لا خالص انا ابن مدام ديما
قاطعته نينه سحر : اااه ابن ريما الوسخه
أحمد بحده : لااااا بقا انتي زودتيها
نينه سحر بتعيط : عاااااا سحررررر
أحمد بارتباك وهو بيتلفت حواليه : هوس خلااص و النبي انا اسف علشان خاطري
قاطعته سحر بحده : في ايه
نينه سحر من بين عياطها : بيشخط فيا
سحر بعصبيه ل أحمد : انت ازاي تشخط في نينه
أحمد : بتقولي على امي ديما الوسخه
سحر بحده : وهي هتعرف اسمها منين تلاقيها قصدها على ريما جارتنا
أحمد : دي بتشتمها
سحر : لا في واحده جارتنا بنتها اسمها ريما كانت كل ما تغسل هدوم لازم يوقع في الطين فكانت تكسل و تسيبه و تجي تلبسه يكون بالطينه اللي عليها ف طلعوا عليها اسم ريما الوسخه فهمت
أحمد : دي حكايه زباله
سحر وهي بتشيل نينتها على ظهرها : تعالي يا نينه هوديكي الاوضه التانيه
قاطعها احمد : تب اهدي اشيلها معاكي
سحر بحده : مش لما تشيل نفسك الاول
ومشيت
أحمد : ما انا شايل نفسي اهوا هي تقصد ايه يا سهررر
عند فاطمه و نوره
نوره : يالا خشي يا فاطمه مدرسه الإعدادي بتاعتك و انا هروح الثانوي بتاعتي
فاطمه : ماشي بس خذي بالك من نفسك
نوره : ماشي يا فطوم متطلعيش من المدرسه الا لما اجي لك انتي فاهمه
فاطمه : حاضر حاضر يالا سلام
و ما أن مشيت نوره الا ان طلعت فاطمه من المدرسه
وراحت ناحيه الأراضي
فاطمه : بسبس
وهدان : فاطمه
فاطمه : انا جيت اهوا زي ما اتفقنا
وهدان : انا بحبك يا فاطمه
فاطمه : وانا كمان يا وهدان
وهدان : احنا لازم نتجوز
فاطمه بكسوف : سحر اختي الكبيره هي الوصيه عليا روح و أطلب ايدي منها
وهدان : تب تعالي معايا نتمشى في الأرض
فاطمه : لاااه يا وهدان لحسن حد يشوفنا و يقول ل اختي
وهدان : تعالي بس يعني هي اول مره
و مشيوا
عند سحر
سحر بحب : ارتاحي يا نينه وانا هظبط الاوضه
أحمد : الا هو انتو معندكوش مايه
سحر : ليه
أحمد : ايه اللي ليه عطشان
سحر : طيب
َوراحت ادت له الاوله
أحمد باستغراب : ايه دي
سحر : أوله ايه مسمعتش عنها متعرفهاش يا ابن الاكابر
أحمد : مفيش ازايز
سحر : ايه ازايز دي اشرب و انت ساكت
أحمد : خلااص خلااص هشرب
شرب بوق و تف على الأرض
أحمد :كح كح
سحر بحده : ايه القرف دا الله يقرفك
أحمد : اووف كح كح المايه دي انتي جيباها منين
سحر : من عند جارتنا
أحمد : و جارتكم جايبها منين
سحر : اللهم طولك يا روح من الطرنبه اللي على أول البلد
أحمد : اوووف بلا قرف دي طعمها يقرف
سحر بحده :عيش عيشه اهلك يا ابن الأصول والا الباب قدامك اهوا و الف من يدلك
أحمد : خلااص
سحر : يالاا
أحمد : يالاا ايه
سحر : هنعرش الاوضه بالحطب من اول و جديد
أحمد : على جثتي
و في خمس دقايق كان أحمد واقف فوق على حافه العمود
سحر : واقف كويس ولا تنزل
أحمد بخوف : هوقع انا مش عارف انا طلعت ازي اصلا انا هوقع
سحر : خلاص انزل واطلع انا
قاطعها احمد بخوف : اسكوووتييييي خاااالص و سبيني في اللي انا فيه
سحر : صوت زي الستات بقا ناقص لك طرحه و جالبيه و اندب زي الستات انزل يا احمد انزل يا خويا
قاطعها احمد بوقعه عليها
أحمد : عاااااا
سحر : لاااااااا
سحر بوجع : ااااه قوم يا جحش اله ربنا ياخدك بحث جاه النبي
أحمد بوجع : ااااه جسمي اتكسر
سحر وهي بتزقه من عليها : كتك القرف انت جحش ياض مش تاخذ بالك جاي توقع عليا يا بغل
أحمد بحده : انا بغل
سحر : ايوا بغل
أحمد بغضب : لااااه انتي زودتيها اوي انا ماشي
سحر : بالسلامه
أحمد بغضب طلع برا البيت
عند فاطمه و وهدان
فاطمه : ابعد يا وهدان
وهدان : انا بحبك يا فاطمه
قاطعها صوت : الله الله وهدان و فاطمه
فاطمه : نهاررر اسود عمي سليمان