رواية عريس الهنا
الفصل السابع7
بقلم سحر سمير لطفي نصار
عند سحر
سحر بلهفه : في ايه
فاطمه بانهيار : انتي كويسه ايه اللي حصلك
سحر بخضه : ملكيش دعوه بيا في ايه بتعيطي ليه
فاطمه بانهيار : سامحيني يا سحر
سحر بخضه : اسامحك على ايه في ايه
فاطمه بانهيار : سامحيني و النبي
سحر بحده : ردي عليا اتكلمي في ايه
فاطمه بدموع : خالد أبن
عم سليمان و*قع من طوله و بيمو*ت و عايز يشوفك
سحر بصدمه : عايز يشوفني انا
فاطمه بارتباك : اا اااه اصل يا حبه عيني واحد معدي بالجر*ار داس*ه روحي له يا سحر ل حسن يمو*ت
سحر وهي بتعدل طرحتها : يا شيخه حر*ام عليكي دا اللي مخليكي بتعيطي دا حاجه تستاهل اصلا تب قومي يالا خلاص قومي و تعالي روحي ويايا
فاطمه بارتباك : اا انا لااا انا هخليني مع نينه اصل هي ماكلتشي من الصبح
سحر : يعني هروح لوحدي
فاطمه بارتباك : اا ااه و مالو اصل اهل البلد كلهم هنااك
سحر : ماشي يا ستي توكلنا على الله
و مشيت
فاطمه بانهيار : انا ايه اللي عملته دا لالا يااارب تب اعمل ايه انا لازم اتصرف
عند ابتسام
فوزيه : سمعيتي اللي انا سمعته يا بت
ابتسام : ااه يا ماما
فوزيه : يبقى لازم نتصرف بقااا فرصه وجت لحد عندنا نرميها يالا بسرعه اطلعي عند الخاله خضره اللي فاتحه كشكش على أول الشارع و اتصلي ب البيه بسرعه
ابتسام وهي بتجري : حاضر يا ماما حاضر
عند احمد
نوره : يا احمد بيه انا مش فاهمه حاجه و فرهدتوني معاكم انت رايح فين بس
أحمد بحده : انتي ايه اللي جابك ورايا انتي مالك بيا انا جاي علشان حاجه معينه انتي مالك
نوره : تب عايز ايه بس وانا هجيبلك اللي انت عاوزه
أحمد : لفي وارجعي ل سحر و ملكيش دعوه انتي سامعه
نوره : تب و اختي هتسيبها يا ابن الاكابر
قاطعها أحمد بحده و اندفاع : انتي غبيه هااه معندكيش عقل انا و اختك مفيش حاجه بينا اصلا انا مش عارف ايه اللي جابني هنا بس انا كان مالي و مالك لا انتوا من مستوايا ولا انا من مستواكم و مستحيل افكر اتجوز واحده فلاحه انا ياااع
نوره بحده ودموع : يااع اااه تب امشي يا بيه بس تنك فاكر البنت اللي انت هتسيبها دي مش هتلاقي ضفرها في مصر انت مفكر ايه اختي مش لعبه ولا هي رزيه بنرميها عليك ااه اختي ست الكل و ست البنات و بنت بميت راجل من عينتك شالتني و شالت
البيت بعد ما ابويا اتجوز سابت تعليمها يا ابن الاكابر علشان توكلنا انا و ستي و اختي دي حتى رفضت تتجوز رغم ان اللي قدها متجوز و مخلف دلوقتي ورغم ان اللي اتقدموا لها كتير و انت عارف و كله علشاني انا و اختي و ستي انت مفكر ايه امشي يا بيه و خد حاجتك انت فعلا متستاهلش ضفر اختي
و سابته و لسه بتمشي
قاطعها احمد بارتباك : اا استنى ما هو انا بردوا انسان و ليا طاقه انتي عارفه الوضع صعب عليا من بيت مكيف و مايه ل عشه معلش سامحيني بس حياه مختلفه ١٠٠ في ١٠٠ و اختك على دماغي من فوق و الله انا اسف على الكلام اللي قولته بس و الله ما قصدي انا مش عارف انا بس متعصب شويه
نوره بفرحه : ماشي يا بيه هنرجع ل اختي بقاا
أحمد وهو ماسك التليفون : الظاهر محدش فيهم معبرني يالا أمري لله
ولسه ماشي
قاطعهم فاطمه اللي جايه عليهم جري
نوره بلهفه : في ايه يا فاطمه
أحمد بلهفه : في ايه مالك
فاطمه بانهيار : ااا لحقوا سحرر اختي
و طلعت تجري وهما وراها
عند ابتسام
ابتسام :ازيك يا خاله خضره
خضره : اهلا ازيك يا ابتسام يا مرات ابني الغالي
ابتسام : مرات ابن مين
خضره : حموكشه ما انتي عارفه الواد بيحبك بقاا امتي نفرح بيكم
ابتسام : يهدك هو انا هتجوز الصايع الضايع دا
خضره بحده : فشر هو انتي تطولي
ابتسام : دا انا اتجوز سيد سيده الباشا ولاد الاكابر
خضره : ههههه بس هو اختار سحر مختركيش
ابتسام بحده : لا هيختارني اطلبي لي النمره بتاعه مصر دي بسرعه
خضره : حاضر يا مرات ابني اما نشوف اخرتها
ابتسام بعصبيه : تاني اممم يا وليه
خضره : هههه
عند سحر
سحر راحت عند دوار عم سليمان
سحر : يا عم سليمان يارب يا ساتر يا اللي هنا
قاطعها الباب مفتوح قدامها
سحر وهي بتخبط عليه : يا عم سليمان يا واد يا خالد يا عم سليمان
لسه بتدخل و بتنادي
قاطعها خالد اللي قفل الباب
خالد بفرحه : شرفتي بيتك يا عروسه
سحر : عروسه مين يا جحش ما انت عجل اهوا و مفكشي حاجه امال البت فاطمه قالت إن الجرار داهسك ليه
خالد وهو بيقرب : اتصدقي ان امي داعيا لي اي و الله
سحر وهي بتبعد : اتصدق انها داعيه عليك اي و الله
خالد وهو بيمسك ايديها : انا بحبك يا بت
سحر بحده : سيب ايدي يا جحش يا طور و افتح الباب لا الا و النبي ارقع بالصوت و افرج عليك امه لا إله إلا الله
خالد : انا عايزك يا بت في الحلال
سحر بعصبيه : و طالما عايزني في الحلال يا طور قافل الباب ليه افتحه احسن ما و المصحف افتح دماغك ااه
خالد و هو بيشدها ليه : انا بحبك يا بت
سحر بحده عضت ايده : يا جحش يا ابن الكلاب
خالد : عااااا
خالد بحده : ماشي يا سحر ماشي و النبي ل اندمك و بدل ما تتجوزيني برضاكي هتتجوزيني غصب عنك
سحر طلعت تجري على الاوضه : عاااااا الحقوني يا نااااس يا ولاد الكلب يا ابن الكلب يا واطي
خالد و بيجري وراها : و المصحف ما هسيبك
سحر دخلت الاوضه و قفلت وراها
خالد بحده وهو بيهبد على الباب : افتحي يا سحر
سحر بخوف و رعب : مش فاتحه الهي ربنا يهدك يا بعيد
خالد بحده وهو بيزق الباب : افتحي بقولك
سحر برعب : أعوذ بالله من ا الشيطان الرجيم بسم الله الرحمن الرحيم الله لا إله إلا هو الحي القيوم لا تأخذه سينه ولا نوم له ما في السماوات و ما في الارض من ذا الذي يشفع عنده إلا باذنه يعلم ما بين ايديهم و ما خلفهم ولا يحيطون بشئ من علمه الا بما شاء وسع كرسيه السماوات والأرض ولا يودوه حفظهما وهو العلي العظيم صدق الله العظيم
كانت بتقراء السوره اللي هي حفظاها و خالد برا بيهبد على الباب بكل قوه
واول ما خلصت الايه
سحر برعب : استرها معايا يارب انت عالم ب حالي و ب حال الجحش اللي برا ده يا رب ابعده عني و احميني منه
ليقاطعها اللي كسر الباب ودخل
سحر بصويت : عاااااا
خالد وهو بيقرب منها : هتبقي ليا يعني هتبقي ليا و مش هتقدرى تهربي مني انتي فاهمه
في مكان آخر
فتحي : الو الو
ابتسام : الو يا احمد بيه الحق البت سحر في بيت خالد ابن عم سليمان و انت عارف تعالا شوف خطيبتك ماشيه مع مين
فتحي : مين معايا
ابتسام : مش وقته يا احمد بيه الحق سحر سلاام
و قفلت
فتحي : الحق يا جدي نصيبه
جد احمد ( عم سعد) وهو نازل من علي السلم : في ايه يا واد
عند سحر
خالد وهو بيقرب منها : هتبقي ليا يعني هتبقي ليا و مش هتقدرى تهربي مني انتي فاهمه
سحر برعب : ت تب استهدي بالله انت مش مسلم يا خويا يرضيك توقع نفسك في معصيه كبيره زي دي اهدي بس كدا و اعقل و حياتك مش مش انت انت بتحبيني
خالد وهو بيقرب : انا بعشقك
سحر بخوف : ط طيب تب ابعد بس و النبي و كل حاجه هتنحل علشان خاطر النبي صلى على النبي
خالد : عليه الصلاه و السلام بس بردوا هتبقي ليا و بالذوق بالعافيه و رجلك فوق رقابتك
سحر بخوف : حاضر هنتجوز بس و النبي ابعد كدا بس
خالد بعد عنها
سحر بوجع وهي ماسكه دماغها : اااه دماغي وجعاني اوي اتصدق لسه متخيطه ٥ غرز حالا
خالد بلهفه : بجد انتي بتقولي بجد ايه اللي حصلك
سحر : هحكي لك بس مش تعزم عليا ولو ببق مايه حتي انت بخيل ولا ايه
خالد : لاا لاا
سحر : اوعي تكون بخيل
خالد : لا و الله حاضر هروح اجيب لك مايه و شربات كمان
سحر : ماشي يا خويا و انا هستناك
و لسه طالعه بتتسحب و تمشي
قاطعها خالد بحده : انتي رايحه فين
سحر بارتباك : اا ت تب مش عيب عليك ااه و الله ادخل البيت كدا و بدل ما اقعد في الصاله زي الخلق اقعد على السرير الناس تقول علينا ايه دلوقتي
خالد : ااه تب اطلعي اقعدي في الصاله و متروحيش في حته علشان هنشرب الشربات و هنجيب الماذون يكتب كتابنا
سحر : و مالو يا خويا و مالو
واول ما دخل خالد سحر جريت على الباب
سحر بخوف : بيتفتح ازاي دا يارب
عند احمد
فاطمه بانهيار : دا البيت
أحمد : دا
نوره : سحررر
أحمد جه يدخل لقى الباب مقفول
فاطمه بانهيار : مفيش وقت اكسره
أحمد : حاضر ابعدوا انتوا اممم
عند سحر
سحر بخوف : ياربي
قاطعها صوت خالد من جوا : انتي عارفه يا سحر انا بحبك اوي اوي من ٦ سنين تقريبا
سحر وهي بتشد في الباب : ميخصرش يا خويا ااه
لقت المسك و لسه بتفتح الباب
قاطعها...............