رواية السر
الفصل الثالث3
بقلم دينا زهران
نور وفريدة كانو بيبصو لبعض بتحدى كبير عل قد ما نور كانت مستغربه
من طلب فريدة بالرغم من أن شغلها علمها
متتفاجاش مهما حصل عل قد ما كانت شايفه لمعه الحقد ف عينها حاولت تكدب إحساسها دا بس مقدرتش مش دى اللى ينفع تعيش وسط
عيلتها مستحيل تطمن لها اكيد البنت دى وراها سر بصت لها بهدوء وقالت لها مش موافقه روحى موتى ف بيتك انا منسحبه من المهمه دى وسندت عل معتز وابتدت تتحرك لكن فريدة ندهت عليها وقالتها اى خايفه من اى ياسادة الرائد مش انتى بتقولى أن حياتى تافهه وانى عروسه بلاستيك خلينى مكانك وهتشوفى انى هبقى احسن منك فيه انت عندك كل حاجه مش عندى عيله بتحبك وخطيب ملهوف عليكى وشاورت عل معتز حتى مديرك ف الشغل خايف عليكى وشايل همك
ضحكت نور جدا وبصت لها بلؤم عاوزة تقرا دماغها وقالت لها اه قولى كدة لا ياستى معتز اخويا مش خطيبى بس انا معلوماتى انك مخطوبه بردو ولا انا فاهمه غلط
ارتبكت فريدة وبصت ف الأرض ودموعها نزلت تانى وقالتلها انا مجبرة عل كل حاجه في حياتي انا لا عاوزة الشغل ولا الفلوس ولا اتجوز جمال حتى جدى نفسى اهرب منه انا تعبت ليه انا ليه يجرالى كل دا انا مبقتش قادرة استحمل ووقعت ف الأرض من كتر العياط
بصتلها نور بشفقه كانت مصدقاها شغلها خلاها تميز بين التمثيل والحقيقة حست انها محتاجه دفا عيله بس بردو دا مش كفايه عشان تراهن باهلها لو طلعت بتكذب بس امجد بصلها بنظرة هى فهمتها طمنها أنه متاكد منها وأنها مفيش خطر منها نهائى سكتت شويه تفكر وبعدين اتكلمت بهدوء كالعادة وقالتلها تمام ياباربى بس متهوبيش من مكتبى ولا شغلى انت مكانك ف البيت وبس وانت يامعتز زى ضلها متفاريقهاش
نطت فريدة وحضنت نور بسرعه وقالتلها موافقة طبعا شكرا اوى والله ما هتندمى
وبدءت رحله الاتنين كل واحدة فيهم بتعلم التانيه زى تكون هى ،نور بتعلمها الوقفه الميرى تحسبا لو قابلت حد
من صحابها وعلمتها مسك السلاح اينعم فشلت فشل زريع بس بعد معاناه قبلت تمسكه من غير خوف وفريده بتعلمها الرقه والألوان وبتكلمها ف
شغلها وقالتلها أن ايمان صاحبتها وسكرتيرتها ف نفس الوقت هتساعدها طول الوقت وأنها تقدر تثق فيها هى ودادة زينب وحكتلها شويه عن
جدها ومشاكلها معاه .
كان امجد وهانى بيتكلمو سوا وان نور صعب تبقى نسخه من فريدة بسبب قوتها هيبقى سهل أنهم يشكو فيها وخصوصا أن فريدة كانت رقيقة وناعمة بزيادة لحد ما طلعو الاتنين ووقفو قدامهم كانو نسخه واحدة اتنين فريدة واقفين قدامهم عل عكس ما الكل كان متوقع نور اتعلمت بسرعه وحفظت كل حاجه عنها لدرجه انهم مقدروش يفرقوهم عن بعض لما وقفو قدامهم كانت بتتصرف برقه متناهيه الكل استغرب ومحدش صدق قد اى بقو شبه بعض كدة
بس لان معتز حافظ أخته كويس رفع مسدسه ف وشهم الاتنين وضرب نار لكن بمجرد ما اتحطو ف موقف صعب ظهرت شجاعه نور فورا اللى اتفادت الرصاصه وميلت فريدة وحمتها فورا من النار وايدها اتمتد وشدت مسدسها ناحيته بتلقائيه وبصتله بغضب وزعقت انت متخلف يابنى افرض اذيت حد فينا بس انتبهت عل ضحكهم كلهم نور اتصرفت بطبيعتها كالعادة ومفكرتش ثانيه قبل ما تدافع عن نفسها بس عل الرغم من كدة الكل كان منبهر بنجاحهم وأنهم بقو شبه بعض للدرجه دى وخرجت نور بعد ما ودعت أهلها ولبست لبس فريدة وهو متبهدل وروحت عل بيت فريدة أما فريدة الحقيقة ف لبست لبس نور ومشيت مع معتز وهانى عل بيتهم
بمجرد وصول نور البيت خدت نفس طويل هى قويه وقلبها ميت
مبيهماش مش اول مهمه تدخلها ولا أول خطر تتحط في بس اول مرة متروحش عل بيت اهلها واول مرة تلبس كعب وخصوصا أن رجلها
مصابه وتسيب شعرها كانت متوترة ومش عارفه تمشى كويس بس كانت حريصه تكون نسخه من فريدة وكأنها هى فعلا بعد ما اتخطفت
واضرب عليها نار و حاسبه خطواتها ومقررة أنها مش بس هتاخد مكان فريدة عشان المهمه
لا هى هتساعدها عشان تعيش حياتها صح بعد كدة ودخلت البيت اللى وصفتهولها فريدة
حته حته وكانت طالعه عل الاوضه لكن وقفها صوت هاشم من وراها وهو بيقولها
انتى مين ......