رواية عريس الهنا
عند فاطمه
عم سليمان : فاطمه ووهدان يا حلاوه يا ولاد
فاطمه وهي بتلطم على وشها : نهاررر اسوددد عمي سليمان
عم سليمان بحده ضربها بالقلم
عم سليمان بحده : انجري يا فاجره يا تربيه مره
فاطمه : احب على يدك يا عم سليمان متقولشي ل اختي
عم سليمان : مين دا انا هقول للبلد كلها بقا بنت السكرتجي صايعه و ماشيه تدور على حل شعرها
وهدان طلع يجري
عم سليمان : خذ يا ابن المركوب و حياتك ل معرف ابوك و انتي صبرك عليا اما جرزتك انتي و اختك سحر دي اللي رفضت ابني اللي متحلمشي بيه عروسه في بلادهم مبقاش انا عم سليمان انجري قدامي يا فاجره
فاطمه بانهيار : ارجوك اختي لا و النبي ابعد عنها
قاطعه عم سليمان بحده : انجري يا بت
عند احمد
طلع من البيت وهو متنرفز و طالع ماشي
أحمد : الو يا فتحي
فتحي : ايه يا ابن عمي
أحمد : تعالا خدني من هنا
فتحي : تب والورث
أحمد : انا مش عايز حاجه انا عايز امشي من هنا
فتحي : خلاص انا جاي لك
وقفل معاه
أحمد : اوووف الناس دي عايشين ازاي و ازاي عايشين في المهزله دي
قاطعته نوره : ابيه احمد
احمد : انتي مين
نوره : انا نوره اخت سحر البيت نينه انت نسيت
أحمد : اااه اااه سحر
نوره : انت رايح فين
أحمد : انا همشي من هنا
نوره بندفاع : تمشي تمشي ليه سحر زعلتك والله طيبه علشان خاطري متمشيش انت مش عارف حاجه و الله
أحمد : تب اهدي ممكن تهدي و تفهميني في ايه
نوره : انا هحكي لك الحكايه من اولها ل اخيرها
أحمد : وانا سامعك
نوره : انا اسمي نوره عندي ١٨ سنه واختي اسمها فاطمه عندها ١٥ سنه طلعت على الدنيا لقيت ابويا لموخذه في الكلمه سكري و بتاع نسوان يجوز دي النهارده و يطلقها بكرا اتجوز الخاله فوزيه
َاحمد : مين الخاله فوزيه
نوره : ام سحر
أحمد : اااه اااه كملي
نوره : و طلقها بعد ما خلفت سحر و ابتسام على طول بس خاله فوزيه رفضت تطلع من البيت و هو مقدرش يعمل لها حاجه لان الأرض أرضها و ليها عمام يااامه و بعد بفتره اتجوز امي الله يرحمها و جابوني انا و فاطمه و بابا بعدها قام طلق ماما و رماناا في الشارع امي مستحملتشي ماتت بحسرتها و سحر اختي هي اللي ربتنا خدتنا أطفال في عمر ٥ و ٣ سنين هي اللي بقت تشتغل و تاكلنا الخاله فوزيه معجبهاش الحال قاطعت سحر و لحد النهارده متخاصمين قسمت البيت بتاعها ورماتنا في اوضه فاضيه ولا فيه حتى خيشه سحر اللي اشتغلت و تعبت سابت تعليمها و بقت تشتغل في كل حاجه ومع اي حد علشان توفر لنا الأكل طلع روحها معانا و شقيت علشان تقدر تخلي بابا يعترف بينا و نطلع شهاده ميلاد علشان تدخلنا مدارس دا حتي عمري ما انسى اليوم ده ابدا
وقفت كلام و تعالت صوت شهاقاتها
أحمد بلهفه : ايه اللي حصل في اليوم دا ردي اتكلمي
نوره بدموع : سحر كانت عند بابا علشان تتحايل عليه يعمل لنا شهادة ميلاد و يوافق يمضي على إجراءات المدرسه رجعت من عنده و كانت بتموت
أحمد بحده : ايه عملها ايه ردي
نوره بانهيار : فتح لها دماغها و ضاربها رصاصه في كتفها كانت جايه بتنزف و كانت بتموت مننا حتى الخاله فوزيه باعتها و ولا فرق معاها تشوف اللي بيحصل لها ذا سكتت و كل اللي قالته تستاهل علشان هي ماشيه وراكم
أحمد : تب و عملتوا ايه
نوره : طلعنا جري على الجيران طلعوا لها الرصاصه بسكينه فيها نار ولفوا لها طرحه على دماغها
أحمد : هو ابوكم دا مجنون ايه اللي يخليه يعمل حاجه زي كدا ازاي يأذي بنته
نوره : هو مكنشي قاصد ياذيها دا اللي سحر حكتهولنا انها بعد ما راحت و كانت بتكلمه فجأه ناس هجمت عليهم و بداءت تضرب نار و يضربوا على بعض نار سحر طلعت تجري و واحد منهم ضرب على سحر رصاصه فجت في كتفها و قالت لي ان وقتها بابا قام جري عليها و حاول يخرجها من المكان دا بس على ما جت تطلع حد ضربها على دماغها
أحمد : و طبعا كانت بتكذب عليكم علشان ماشوهش صوره ابوكي و الحقيقه ان هو اللي ضرب عليها نار و طبعا وهو سكران لانه كان مفكرها حد جاي يقتله
نوره : بالظبط كدا الا انت عرفت الكلام دا منين
أحمد : مش مهم كملي
نوره : بعدها بفتره سحر بقت الحمد لله كويسه ورجعت للبهدله تاني و في يوم وهي راجعه من الأرض اتفاجانا انها جايه ومعاها نينه ستو ام بابا اتاري بابا طردها من
البيت بعد ما كتبها الأرض بتاعتها و البيت ورماها في الشارع و سحر جبتها الخاله فوزيه تسكت لا طبعا رمتنا في الشارع بيها عشنا اكتر من سنتين في الأرض اللي قدامك دي سحر عملت لينا عشه و كانت بتحرسنا طول الليل رغم أنها تعبانه و شقيانه في الأرض لا كانت تسهر و تحرسنا و تجيب لنا الاكل و الشرب لغايه ما الخاله فوزيه و بعد ما اتكلم معاها ناس كتير وافقت تدخلنا البيت انت عارف ان في واحد اسمه خالد دا كان عايز يتجوز سحر من اكتر من ١٠ سنين و سحر رافضه
أحمد : ليه
نوره : لانها خايفه علينا و مش عايزه تسيبنا ولو هي اتجوزت احنا هنروح فين سحر تبقى مامتنا اللي ربتنا و خافت علينا ورعتنا سحر هي كل حياتنا و أملنا في الدنيا دي ومهما نعمل عمرنا ما نرد لها جزء بسيط من اللي عملته معانا ارجوك متمشيش سحر محتاجاك سحر طيبه و الله و تستاهل كل خير و انت شكلك طيب و أمير و أبن أمره ارجوك متبعدتش عنها على الاقل الفتره دي لان
أحمد : لان ايه كملي
نوره بدموع : لان..........
أحمد : مستحيل
وطلع يجري و نوره وراه