رواية لم تكن البدايه سعيده
الفصل الواحد والثلاثون 31
بقلم رودي عبد الحميد
الشخص : أستاذ رامي فيه عريس إتقدم للأنسة تقي وأهلها وافقو عليه
رامي بعصبية وصوت عالي : بتقول إيييه!
الشخص : دا اللي حصل وتقريباً هي كمان وافقت
رامي قفل في وشه وركب العربية ومشي بيها بسرعة
" في الڤيلا "
عيسي قال لِزينة : إدخلي إنتي غيري هدومك و أنا هدخل لماما
أخدت منو زين ودخلت الأوضة
عيسي دخل لِـنيهال وقال : عاملة إيه يَـحبيبتي دلوقتي ؟
نيهال بإبتسامة : بخير يَـحبيبي والله
سُهير بإبتسامة : متقلقش أختي أنا مش سايباها لحظة ولا هسيبها
نيهال بحب أخوي : ربنا يخليكي ليا وما يحرمني منك
عيسي إبتسم وكان هيطلع من الأوضة قالت نيهال : عيسي زينة فين ؟
عيسي بهدوء : زينة بتغير هدومها وهتجيلك
طلع من الأوضة ودخل أوضته لقي زينة طالعه من الحمام وهي مغيرة هدومها
قعد عيسي علي طرف السرير وقال : ماما عايزه تشوفك وقوللها إنك كنتي عندي في الشركة أوي أي حاجة
زينة بهدوء : هقولها كنت مع صحبتي وعديت عليك
عيسي وهو بيبص علي زين : ولما يصحي زين خليها تشوفو وقوللها إنو هيعيش معانا هنا علشان أهلو مش موجودين
هزت راسها وقربت من زين وبا"سته من خده ، زين صحي وقال : زينة
زينة بإبتسامة : حبيب زينة قوم بما إنك صحيت تعالي معايا أعرفك علي أفراد عيلتك الجديدة
قام وقف علي السرير وقال : هيبقا ليا بابا وماما ؟
زينة بإبتسامة : أه يا حبيبي هيبقا ليك
شاورت علي عيسي وقالت : دا عيسي جوزي
زين بإبتسامة : أونكل عيسي
عيسي قرب منو وقال : مش إنت نفسك في بابا وماما ؟
زين هز راسه ، عيسي با"س خده وقال : يبقا أنا هنا بابا عيسي إيه رأيك ؟
نط زين بِسعادة وحضـ"ـن عيسي وقال : هقولك يا بابا دايماً
عيسي بادلو الحضـ"ـن وقال : أحلي بابا سمعتها
زينة بصت لِعيسي بإبتسامة حب وقالت فِـبالها : لو ربنا أراد وفضلنا سوا هملالك الڤيلا دي كلها عيال كلهم شبهك
شال عيسي زين وقال : يلا يَـبطل نروح لِـباقي أفراد العيلة نعرفك عليهم بما إنك بقيت مننا
بص لِـزينة وقال : رامي ممكن يكون هنا متطلعيش من الأوضة كدة
بصِت علي لبسها وقالت : الفستان واسع!
عيسي بوقاحة : صد"رك باين
رفعت الفستان وقالت بخجل : إنت قليل الأدب
عيسي برفعة حاجب : الفستان يتغير
زينة بغيظ : إستناني أغيرو
نزل زين علي الأرض وقعد علي السرير وقال : يَـمسهل
" في بيت مازن "
ريهام بملل : أوفف بقا أنا زهقت
مازن با"سها بو"سة رقيقة وقال : فيه حد يزهق و حبيبو قاعد معاه ؟
ريهام حطت راسها علي كتفه وقالت : يَـحبيبي مش القصد بس بجد مليت من قاعدة البيت يَـدوبك بنروح لِـخالتو ونرجع لكن أنا عاوزة أنزل أنا و إنت ونخرج ونروح كل مكان
مازن بتفكير : أممممم كل مكان ..خلاص ماشي موافق نخرج وليه لأ المهم أميرتي متكونش زعلانة
ميل وبا"سها وقال : بحبك
حضـ"ـنتو وقالت : بالله بحبك أكتر
" في بيت تقي "
الشاب : إحنا نقوم نجيب الشبكة دلوقتي ممكن ؟
تقي : لأ كدة بسرعة أوي بصراحة
الأب : مش شايف إنك كدة مستعجل يا منصور ؟
منصور بإبتسامة : والله يَـعمي أنا بحبها فعلاً وعايزها فَـعايز أنجز الموضوع دا بسرعة
أم منصور : منصور بيتكلم صح يا حاج
تقي هزت راسها بيأس وقامت وقفت وقالت : إعملو اللي تعملوه ووقت ما تقررو أنا في أوضتي
كانت هتدخل قام أبوها قال : هننزل نجيب الشبكة يا تقي
تقي غمضت عينيها ودموعها نزلت وقالت وهي مديالو ضهرها : اللي إنت شايفو يَـبابا
" في ڤيلا عيسي "
دخل عيسي وزينة وزين أوضة نيهال
نيهال بقلق : فونك مقف..
سكتت لما شافت زين ماسك في فستان زينة من ورا ومستخبي
قالت بإستغراب : مين دا
عيسي شاله وقال : دا زين باباه ومامتُه ما"تو في حا"دثة عربية وهو يَـحبيبتي هيعيش معانا هنا وهيقولي دايماً بابا عيسي مش صح كدة يَـزين ؟
زين بإبتسامة : صح يَـبابا
با"سه عيسي من خده وقال : قلب بابا
نيهال بإستغراب : أيوا يعني وقعتو عليه منين ؟
زينة بإبتسامة : كان جاري في المكان اللي كنت ساكنة فيه أنا و بابا الله يرحمو
نيهال إبتسمت وقالت : تعالي يَـحبيبي
نزلو عيسي وزين قرب بهدوء من نيهال وقال : نعم
نيهال بإبتسامة : أنا أبقا أم بابا عيسي
زين ببراءه : يعني إنتي تيتة ؟
مسكت إيده وقربتو منها وقالت : أه يَـحبيبي تيتة
شاورت علي سُهير وقالت : ودي أختي بس تقولها يَـتيتة سُهير
زين هز راسه وقال : حاضر يَـتيتة
زينة بإبتسامة : يلا يَـحبيبي تعالي أوريك أوضتك
قرب زين من زينة ومسك إيديها وطلع معاها وعيسي طلع وراهم ونقولو أوضة سوا
عيسي واقف ورا زينة وحاطت إيده فِـجيبه ، زينة قالت : عيسي هو محتاج هدوم..
عيسي بهدوء : عارف و عملت حساب حاجة زي كدة و هننزل نجبلو هدوم بكرة أنا و إنتي
زينة هزت راسها وبصت لِـزين وقالت : يلا يَـحبيبي نام وبكرة ننزل نشتري هدوم كتير ليك
زين مسك إيديها وقال : أنا بخاف أنام في الضلمة ممكن متطفيش النور ؟
نزلت لِـمستواه وقالت : من عيوني تصبح علي خير
با"سها بو"سة سريعة من خدها وقال : و إنتي من أهل الخير
طلعت زينة مع عيسي وقفلو الباب
" صباح تاني يوم في المول "
زينة واقفة مع زين وبتقولو : التيشيرت دا حلو عليك يا زين مش عايزو ليه ؟
زين بتذمر : مش بحب الألوان الفاتحة يا زينة
زينة بضحكة خفيفة علي منظرو : خلاص يَـقلب زينة هنشوف غيرو
عيسي نزل لِـمستوي زين وقال بهمس : بقولك إيه ما تسيبك منها وأنقيلك أنا الهدوم بما إننا رجالة زي بعض ؟
زين حط صوباعة علي راسه بتفكير وبعدها قال بإبتسامة واسعه : موافق
عيسي قام وقف ومسك إيديه وقال : معلش بقا إحنا كَـرجاله زي بعض هنقيلو أنا الهدوم
زينة بتريقة : هنقيلو أنا الهدوم نينينينيني نقيلو يَـخويا
عيسي بدأ ينقي كام تيشيرت وبيعجبو زين جداً وزينة بصالهم بإبتسامة وبتقول بهمس : حلم ونفسي يتحقق يَـعيسي
جابو تيشيرتات لِـزين وطلعو من المحل
عيسي ميل علي ودن زينة وقال : محتاجة هدوم ؟
زينة هزت راسها بِــ " لأ " ، قال عيسي : بقالك فترة كبيرة مجبتيش هدوم
زينة بهدوء : مش عاوزه
مسك عيسي إيديها و إتجه لِـمحل هدوم حريمي وقال : و أنا عاوز أجبلك
دخل بيها المحل ونقي كام فُستان واسعين ومحترمين وشكلهم رقيق وجابلها هيلزات كتير
زينة بإرهاق وهي في العربية : يختااايي كل دا ليه بس
عيسي بإبتسامة : علشان محرمكيش من حاجة
كمل بنبرة صوت هامسه ولكن عاشقة : علشان بحبك ومش عاوز أخسرك
كانت بتهوي علي وشها بإيديها ولما سمعتو بيقول كدة وقفت إيديها في الهوا وبصتلو بِصدمة لاقت فِـعيونو نظرة حزن وحب
قالت بتوتر : ي..يلا ن..نروح
إتنهد وشغل العربية ومشي
" بعد مرور إسبوع "
رامي بهدوء : هناخد و ندي في الكلام ولا أقوم ألبس وشك في أي حاجة ؟
الشخص بخو"ف : هنتكلم هنتكلم
رامي رجع ضهرُه بأريحيه وقال : عظيم يبقا نتكلم بص بقا اللي هيحصل كالآتي .....