Ads by Google X

القائمة الرئيسية

الصفحات

رواية السر الفصل التاسع عشر19بقلم دينا زهران

 


رواية السر

 الفصل التاسع عشر19

بقلم دينا زهران


جمال كان ف أقصى درجات الجنون والعصبيه وحاول يضرب فريدة لولا سليم اللى كتفه ،اما ايمان ف كانت مستخبيه ورا فريدة … 

جمال : انتى اتجننتى انتى عارفه انتى بتعملى ايه ،والله لدفعك التمن غالى يافريدة ،والله لاندمك . 

نور بثبات : ومين قالك انى مش ندمانه ، انا ندمانه جدا صدقنى ، ندمانه 




انى معرفتش جدو حقيقتك القذرة ورفضتك من اول يوم ، ندمانه انى بقيت على ذمه واحد زيك ، واحد حاول يعتدى على صاحبه عمرى ، ومكفهوش كل





 دا لا كمان بتهددها انك تزيف الحقيقة وتوقع بينا ، متخيل انى معرفش ، لا انا عارفه ، ومن يومها على فكرة ، ولعلمك انا كنت بحتقرك بشكل بشع ، بس دلوقتي وبعد اللى عملته دا ف دا دورك انت ف الندم .... 

جمال: اى الهبل دا مين قالك كدة ، انا معملتش حاجه دى كدابه ، دى بتوقع بينا ، دى كانت... 

نور : بتغريك ؟ عاوزه تصاحبك ؟! 

جمال بسرعه : الله ينور عليكى ، دى غيرانه منك ، مبتحبكيش كل دا تمثيل . 





نور : تعرف انى اقدر اسجنك دلوقتى بضمير مستريح .. 

جمال : انا جوزك يافريدة ، احنا بينا اتفاق ، يافريدة صدقينى. 

نور : صح انا معاك ، هى وحشه ، الوحشه دى بقا عرفت منين انك بتساومنى وأننا متجوزناش بجد !!! 

جمال : معرفش يمكن انتى اللى قولتلها. 

نور : انا كمان كدابه بقا !! مش بقولك انك اغبى بنى ادم انا شوفته ف حياتى ، اسمع انت لا ليك فلوس ولا بنا اتفاق ،وانا راجعه حالا القاهرة ، لما نشوف بقا رأى جدو ف كل دا ولا احكى لجدى انا ليه ...... الاحسن احكى لماجد بيه وأشوف رأيه ايه بقا ف اللى بيحصل دا 

هنا جمال تملكه الذعر والفزع : لا لا ، ابوس ايديك يافريدة تعالى نقعد ف اى مكان وانا هحكيلك على كل حاجة إنما جدو لا بالله عليكى ،والله ما هكدب تانى . 

سليم : اسمعيه ،مش هتخسرى حاجه. 

جمال: اه والله ،اسمعينى ، اخر فرصه . 

ذهبوا جميعا إلى سيارة نور .... 

نور : اتكلم ! 

جمال : ايمان مكنتش مقصودة ، انا مكنتش شايفها اكتر من اختى لحد ما دخلنا الجامعه ولاحظت إعجابها بيا ،وانها بتحاول تقربلى ف كل فرصه ، ولأنها شاطرة وعل طول بتطلع من الاوئل فكرت انى أمثل انى معجب بيها ، عشان تغششنى ف الامتحانات ، وبعدين ننفصل عادى بعد الجامعه ،من غير اذى لاى حد ، عقل عيال مراهقين ، لحد ما في يوم واحد صاحبى عزمنى على خروجه ،انا بصراحه كنت مخنوق ففوافقت ، روحت ،لاقيته واخدنى ل night clubs ، وهناك قابلت رنا لأول مرة ، منكرش انى ف البدايه شدنى جمالها ، وأسلوبها وجرائتها ، اتعرفت عليها ، وكلمه ف حدوته ما ارقام بعض ،بقينا نخرج لوحدنا ، مره ف التانيه اتصاحبنا على بعض وقربنا اوى ،عزمتنى عندها ف البيت ،لما روحت لقيتها لوحدها ومجهزه عشا رومانسى





 وكاسات قدام البار المليان بكل الانواع  وسجاير وكل انواع المخدرات كانت محضره كل حاجه ،ف البدايه صممت امشى بس هى عرفت تخلينى اقعد واشرب ويحصل بنا ... 

نور : مفهوم .. كمل . 

جمال: مكنتش اخر مرة ، بقا دا الطبيعي لحد ما عرفت عن ايمان ، يومها اتجننت ، رفضت تدينى اى جرعه وطردتنى ، اول مرة اتذل بالطريقة دى ، اليوم دا فقدت فيه اداميتى واى حق ليا ف انى اعيش ، بوست ايديها ورجليها





 ،اترجتها واتذللتلها ، كنت فاكرها غيرانه بس اكتشفت يومها أنها معندهاش اى مانع تشاركنى مع اى حد مدام هتقبض التمن ، استنفزتنى فلوس ملهاش عد ومش كدة وبس ، ساعتها قعدت وحطت رجل على رجل وقالت شروطها كلها ، وانا نفذت كل اللى قالته وبدءت الخطه وكلما ايمان وفضيت الفيلا ، وخدتها وروحنا ، وحطيتلها المخدر ف العصير ، لولا ماما جت يومها معرفش كان ايه ممكن يحصل ، يومها بعتتنى لجدى اللى خدنى على المصحه فورا ، بس رنا مستسلمتش ،كنت بالنسبالها بيضه بتبيض دهب ، مش هتتنازل عنها بسهوله ابدا . عرفت توصلى ف المصحه وادتنى المخدر تانى وتالت بقيت مدمن ليها وعلى ايديها ،دفعت فلوس كتير عشان يخرجونى ويكدبو على جدو ويقولو انتى اتعالجت ، وطلبت منى انزل الشركه عشان اعرف اسحبلها فلوس اكتر ، كنت عروسه ماريونيت بتحركها   ب ايديها زى ما تحب ، بس كل دا اختلف بعد ما تتحدد فرحنا من يومها واحنا قربنا من بعض، معرفش بيحصلى ايه معاكى ، برجع لروحى ، لكن مجرد ما بتبعدى ،سيطرتها بترجع عليا تانى ،وبرجع شيطان ، عشان كدة هى حست بالتهديد من ناحيتك وعشان كدة بدءت تهددنى أنها هتعرفك كل حاجه ، اول مرة اخاف اخسر حد، اول مرة احساس بالتهديد ، انا مبقتش خايف من السجن ولا منها ، انا بس خايف اخسرك ،خايف تضيعى منى . 

نور : طب وليه مصمم انك تضيعنى ؟! 

جمال: رنا .... كانت فكرتها .. اقنعتنى انك مش هتنفذى حاجه ولازم نكسر عينك ونمسك عليكى ذله واصورك  فيديو  عشان متقدريش ترفضى . 

نور : انت غبى صح ؟ انا مراتك؟ دا الطبيعى اصلا ؟ هخاف من ايه ؟! 

جمال بندم حقيقى : مكنش هيبقى معايا كانت هتغيره بالفوتوشوب. 

نور بصدمه : فوتوشوب!! انت بتكدب !! انت كنت هتدخل واحد غريب يتصور معايا فعلا !! انت واطى للدرجادى!! 

جمال : لا والله الاتفاق كان فوتوشوب بس ، مستحيل اوافق حد يلمسك ، صدقينى... 

نور : وبعدين! 

جمال : دى كل حاجه. 

نور : لا لا اتجوزتنى ليه ؟! وبصراحه! 

جمال :جدو جاله جلطه لما عرف انى مدمن ، الفترة دى كانت فترة صعبه اوى الشركه خلال الفترة دى كان قصاد المبالغ اللى




 كنت بسحبها لرنا ، بابا كان بيسحب ملايين ف سفرة على السهرات والبنات ، وقصادهم ماما كمان كانت بتسحب ملايين ف الشوبينج وتأمين نفسها




 لأن جدو يومها هددها بالطرد ، جدو فاق من المرض لقى ثروته اتسرقت من أهل بيته ، صدمته كانت كبيرة ، بس مكنتش الصدمه الوحيدة ، الشركه بدءت تخسر كتير اوى ،حاول كتير بس كنا مديونين لكل الناس ، لحد ما جه فيوم واقترح عليا اخطبك




 وقالى أنه الحل الوحيد وانى لو بحبه فعلا ، احاول اصلح اللى ضيعته باستهتارى ، وان جوازنا هينقذنى من السجن انا وابويا وجدى لأن امضتنا كانت عل كل


 الشيكات ، مكنش قدامى حل تانى ، وافقت ، واتخطبنا ... بس السؤال بقا .. انتى وافقتى ليه وانتى عارفه عنى كل دا ؟


                      الفصل العشرون من هنا

لقراة باقي الفصول اضغط هنا


تعليقات