CMP: AIE: رواية احببت مجنونة الجزءالرابع4الفصل الثالث عشر13بقلم نجمه براقه
أخر الاخبار

رواية احببت مجنونة الجزءالرابع4الفصل الثالث عشر13بقلم نجمه براقه

رواية احببت مجنونة الجزءالرابع4الفصل الثالث عشر13بقلم نجمه براقه


تاني يوم 

عاصم 

سلفستر كلمني وقالي ان مسك بتقابل باولو وجابلي صور ليهم مع بعض بس مكنش  يعرف ايه السبب و مسمعش بيقولو ايه..  خليته  يدور اكتر في الموضوع دا واذا هتقابله تاني ولا لا.. 
ماهو انا مش مستعد اسيبه بسهوله كده بعد ما عليته ومبقاش في حد قده في العالم ده..  مش بنت مراد اللي هتوقف كل حآجه في لحظه وتضيع تعبي 

مسك 

جه اليوم الي كنت مستنياه ..  حاولت اخرج من الفندق من غير ما حد يشوفني مقدرتش علشان سيف كان طول الوقت موجود وبيبعتلي والاقيه في وشي ساعات..  اخر ما زهقت دخلت اوضتي وقولتلو هنام 

مياده _ مالك يابنتي خيلتيني
مسك_ لازم اخرج 
ميادة _ طيب ما تخرجي ايه مانعك
مسك_ سييف 
ميادة _ سيف قالك متخرجيش
مسك_ لا بس مش عاوزاه يعرف انا رايحه فين 
مياده _ هو انتي رايحه فين 
مسك بإبتسامة _ رايحه اعرف سفيان فين..  هقابله اخيرا
مياده بفرحه _ بجد يامسك الف مبروك 
مسك بإبتسامة _ لما اقابله بقا..  تفتكري شكله عامل ايه وهيقابلني ازاي 
ميادة _ معرفش بس المهم انك هتشوفيه.  اجري يلا علشان تطمنيني
مسك_ بقولك  سيف هيشوفني
ميادة _ ايه حكايتك مع  سيف  طول النهار  مع  بعض  ودلوقتي خايفه تطلعي علشانه
مسك_ مفيش  حكايه ولا  حآجه 
مياده _ اهيييي مفيش حكايه ولا حآجه  والله ما مرتحالك
مسك_ ميادة حبيبتي  نامى ياقلبي  انتي  بتخرفي 
مياده _ انتي  عارفه  يامسك اني تقريبا مكنتش اشوف ضحكتك قبل ما نيجي هنا..  ولا الهدوم دي من امتي بدأنا نلبس زي البنات وعشان مين 
مسك _ انتي فاضيه صح.  وفيها ايه لما  اغير  ولا  اضحك  هو  لازم  يكون  علشان  حد 
مياده _ ايوة 
مسك بإبتسامة _ طيب بطلي رغي وبعد ما الاقي سفيان هقعد واحكيلك كل حآجه 
مياده _ يارب  تلاقيه يارب 
مسك _ قولي يارب اعرف اطلع من هنا الاول 
ميادة _ قولي انك رايحه تشتري  حآجه 
مسك _ هيروح  معايا 
مياده _ تحبي اعطله 
مسك _ هتعملي  اية 
مياده _ معرفش  بس  هشوف...  اقولك  روحي  وملكيش دعوه  
مسك _ طيب  اقولك  استني  انا  هروح  اشوفه  الاول  
ميادة _ هتشوفيه  ليه 
مسك _ معرفش  اهو  عاوزة  اشوفه و خلاص 
مياده _ ماااشي ياعم  حقك  
مسك_ هخصملك عشر ايام 
مياده _ خلاص  سحبتها اهو  مش  هتكلم تانى 

  .. معرفش  ليه  كان  نفسي  اشوفه مره تانيه قبل ما امشي وبدات ادور عليه و عرفت  انه في اوضته..  نسيت نفسي  ورحتله هناك  وخبطت عليه  

سيف _ مششش معقول انتي  وصلتي اوضتي
مسك _ وموصلش ليه  هي بعيد  اوي كده.  ثم اني  دورت عليك  ملقتكش برا
سيف بإبتسامة _ ليه  خير 
مسك بلخبطه _ أبداً  اصلك. من الصبح  في  وشي ف اختفيت فجاه 
سيف _ بتلفي كتير  ليه ما  تقولي  اني  وحشتك 
مسك  بإبتسامة _ بصراحه  اه 
سيف يمسك  ايدها ويشدها  لحضنه ويقفل الباب 
مسك _ سيف  كدة  عيب 
سيف  بهمس _ اسكوتي شويه 

خدني في  حضنه  وانا  محاولتش امنعه بالعكس  تمسكت بيه وحسيت  نفسي  هبكي ومعرفش ايه  السبب  وهو  حس بكده كمان 

سيف _ مالك يامسك 
مسك بدموع _ معرفش 
سيف يبعدها عنه ويبصلها باهتمام _ ايه  اللي  حصل 
مسك تحضنه تانى  وتبكي  _  قلبي  مقبوض معرفش ليه
سيف بحنيه _ طول  ما انا  معاكي  مش  عاوزك  تخافي  ولا  تقلقي من  حآجه 
مسك _ ودا الي مطمني 
سيف بإبتسامة _ بس  انا  مبسوط 
مسك _ مبسوط  علشان  انا  زعلانه 
سيف _  مبسوط  علشان  اللي  بيحصل  دلوقتي 
مسك  تبعد عنه وتديلو بالقلم  وتمشي  
سيف  يحط  ايدو  علي  وشه _ يخرب عقلك 

مشيت  وسيبته وروحت  علي  طول  عشان  اقابل باولو اللي  انا  معرفش  هقابله فين  
لكن  مشيت  في  الشوارع  زي المره  الفاتت  لمسافه كبير..  
الوقت  اتاخر وهو  مجاش ف قولت  شكله  مش  جاي وكنت  لسه  همشي  الا ولقيته في  وشي 
باولو _ فقدتي الامل  اني  هاجي  وكنتي ماشيه  ؟ 
مسك بقلق_ ايوه..  هتقولي علي. مكان  اخويا بقا؟ 
باولو _ هقولك  ..  احب اشكرك علي  صدقك معايا  الاول  
مسك بقلق_ العفو  قول لو سمحت  
باولو _ الحكاية  بدأت  من 24 سنه من يوم  ولادتك انتي  ...  
مسك _ ايوه  ما انا  عارفه  قول المهم بس 
باولو  _ هقولك  ...  قبلها  بتلات ايام  حمزة  هرب من السجن  لما  كان  محبوس واللي حبسه ابوكي  الحقيقه  لكن معرفتش  السبب هو  حبسه  ليه 
مسك  باهتمام _ ايوه  
باولو _ ف جهز ورق باسماء  تانيه  ليه  ولاخوكي من قبل  ما يخطفو. بفتره بمساعده ابوه  وبعدين  في  يوم  السفر  .. خدو وفهمو انه بينقذو من ناس عاوزين  يقتلوه ولانه طفل صدق وراح  معاه  ...  
ولما  كبر  اخوكي  شويه.  وبدا يسأل باهتمام  علي  اهله..  حمزه  فهمو انهم ماتو كلهم في  حادثة  بما  فيهم  انتي  
مسك _ وبعدين 
باولو _ وبعدين  كبر  اكتر وفي سن العشرين  دخلو في  عالم المراهنات وبعدها عالم  المافيا  لغيت  ما أصبح  من اهم رجال  المافيا  في  اخر  خمس  سنين 
مسك  تبتدي ايدها  ترتجف وبتتمنا ميقولش اسمه 
باولو _ اكمل  ولا  عرفتي  
مسك برجفه _ كمل 
باولو  _ سيف  عاصم  قابيل هو  اخوكي 
مسك  بلخبطه _ اكيد  مصادرك غلط  مستحيل  طبعا  ..  خلاص  انا  هدور عليه  بنفسي  
باولو _ عملت  حسابي  ..  خدي دول 
مسك  بتاخد منه الصور  وايدها بترتجف _ مالهم دول 
باولو _ دول  صور سيف من سن سبع  سنين  لغيت  سنه ده
مسك تقلب في  الصور وتبتدي دموعها تنزل _ بردو في  حآجه  غلط 
باولو _ انا نفذت وعدي  كده  ...  سلام  

سابني  ومشي  وانا  حسيت  الدنيا  بتلف بيه ومش  عارفه  اخد نفسي  ..  طيب  ازاي  سيف يكون  هو  نفسه  سفيان..  اروح  اقوله انت اخويا  ازاي  ولا  ابصله في  وشه ازاي.  ..  بقيت  اكدب نفسي  لغيت  ما افتكرت  كلام  زين  عن اللي  حصل  مع سيف  ف اتصلت  بيه  بسرعه  

زين _ ايوه  يامسك 
مسك  برجفه وارتباك _ زين  هو  اسم  سيف الحقيقي  ..  سيف ولا  ليه  اسم تاني 
زين _ ليه  اسم  تاني  هو  قالي  عليه  قبل كده 
مسك _ اسمه ايه 
زين _ مش فاكر  الحقيقة 
مسك _ سفيان  
زين _ اه اسمه  كده    ..  بس  انتي  عرفتي  ازاي  
مسك بدموع _ أبداً  اصلي شوفته كاتبه علي  ورقه قبل  كده  ...  خلاص  اسيبك ومجبلهوش سيرة  

قفلت  معاه  وبقيت امشي  في  الشوارع لغيت  ما الليل  دخل. وتليفوني مبطلشش رن مره من مياده  ومره من عبقرينو  ومراات من سيف..  سيف  اللي  كنت  في  حضنه  من شويه..  اتمنيت اكون بحلم او اخويا  الحقيقي  يكون  مات بس  ميطلعش هو  سيف

سيف 

مشيت  من نص اليوم  مظهرتش تانى  غير  فى  اخر  الليل  وانا  كنت  مستنيها بره الفندق بعدين  لقيتها  جايه  ولما  شافتني محاولتش تكلمني  اصلا  

سيف_ مسك 
مسك _ ايه 
سيف _ كنتي  فين  وليه  مش  بتردي علي  اتصالاتي 
مسك _ كنت  في  شغل  عن اذنك  داخله  انام  تعبانه 
سيف يمسك ايديها _ مالك  النهارده  مش  طبيعيّة  
مسك تشد ايديها  منه وبانفعال _ قولتلك  متلمسنيش تاني 
سيف  باستغراب _ ماشي  مش  هلمسك بس  فهميني مالك  انا من الصبح  قلقان عليكي 
مسك _ انا  مش  صغيره  علشان  تقلق عليه..  وسع عاوزة  انام ونتكلم الصبح 

مشيت  وسابتني وهي متعصبه وشكلها تعبان..  حيرتني معاها  ومعرفتش سبب التغيير  المفاجئ  ده 

ميادة 

فضلت صاحيه لغيت  ما تيجي  مسك واطمن عليها  واعرف عملت  ايه  في  موضوع  اخوها 

وبعدين  لقيتها  داخله  عليه  و وشها  شاحب وعنيها لونهم احمر 
مياده _ مسك مالك 
مسك _ مفيش  
ميادة _ مفيش  ازاى  يابنتي..  تعالي  قوليلي  مالك 
مسك  بانفعال _ قولتلك  مفيش  نامى  بقا
ميادة  باستغراب _حاضر 
مسك _ اعملي  حسابك  بكره  هنسافر مصر  وبلغي الفريق كله  بكده 
مياده _ بس  لسه  باقي شويه في  التصوير 
مسك _ هنكمل في  مصر 
مياده _ طيب....  حبيبتي  قوليلي  مالك  بس 
مسك بزهق _ مفيش  يا ميادة  

كانت  واقفه  ومدياني ضهرها، قربت منها  وحطيت ايدي  على  كتفها..  وهي كانها ما صدقت حد يكون جنبها  واترمت في  حضني وفضلت تبكي 

ميادة _ حبيبتي  لدرجة  دي مالك بس
مسك  ببكاء _هموت  يا ميادة  
مياده _ بعد  الشر  عليكي  متقوليش. كده  ..  اهدي  وفهميني 
مسك ببكاء _ سيف  هو  نفسه  سفيان  شوفتي  دونآ عن أمريكا  كلها احبه  ويحبني وفي  الاخر  يطلع  اخويا..  اقوله  ازاي  دلوقتي  ولا  هنبص لبعض  ازاي  
ميادة بخيبه _ اهدي ليها  حل 
مسك  بدموع_ ملهاش حل دي بذات  ملهاش  حل يا ميادة 
ميادة _ هو  حصل بينكم حآجه  غير  انكم حبيتو بعض 
مسك  _ لأ  بس الحب  مش  هين..  انتي  عارفه  يعني  ايه  تحبي  اخوكي  دي كارثه 
مياده _ هتنسو اللي  حصل بمجرّد  ما ترجعو مصر  
مسك بدموع _ مش  ببساطة  كده  ..  انا  مش  هقوله وهعتبر اني  ملقتهوش 
مياده _ انتي  بتقولي  ايه  طيب  وابوكي اللي. مستنيه  بقالو سنين  هيهون عليكي  تشوفيه بيتعذب 
مسك  بدموع _ هيتعذب اكتر  لو عرف  اللى  حصل 
مياده _ ومين هيقوله 
مسك _ اكيد  هيحس..  انا  مش  هقول  لسفيان  ولا  هيرجع معايا  
ميادة _ حرام  عليكي  يامسك 
مسك _ خلاص  يا مياده  مبقاش ينفع  .  مش  هقدر  ابص في  وشه طول  حياتي 
ميادة _ انتي  بكره  تجوزي وتروحي مكان  تاني  يعني  مش  هتعيشي معاه  عمرك  كله 
مسك  ببكاء _ اسكوتي  يا مياده  انتي  مش  فاهمه  حآجه  ...  يلا نامى  علشان  هنمشي بكره  

علي 

عدا يومين  وانا  مش  عارف  اوصل  لجميله ولا  عارف  اخبار  عنها. وكل  ما اقول  ل ايمي تروح  وطمني عليها  تقولي  كنت  عندهم قريب  يقولو  عليه  ايه 

روحت  النادي  علشان  اسأل  عليها  مريم بطريقه غير مباشره

على _ صباح  الخير 
مريم  بإبتسامة _ صباح  الورد...  وحشتني 
على  بإبتسامه باهته_ وأنتي  كمان 
مريم _ جاي علشاني صح؟ 
علي _ ايوة  اخبارك  ايه 
مريم _ بقيت  كويسه  لما  شوفتك 
على  بزهق_ دايما 
مريم _ مالك  ياعلي  
على _ انا  كويس..  هي ولدتك وعمي انور عاملين  ايه 
مريم _ تمام 
علي _ ورحيم  عامل  ايه 
مريم _ تمام 
علي _ واختك ازيها مجبتش معاكى  ليه 
مريم _ كويسه  ومجتش عشان  مش  بتحب  تخرج

فقدت الامل اني اعرف حآجه عنها..فضلت افكر في حل  ف جت فكرة في دماغي.. مكنتش واثق انها هتنجح لكن قولت مش هخسر حآجه. اترميت علي الأرض وبقيت اصرخ علي أساس موجوع ومريم جت جمبي 

مريم بقلق_مالك ياعلي 
على بألم_ بطني بتتقطع 
مريم_ هتصلك بدكتور  حالا 
علي_ اااه لا اتصلي بمروان من تليفوني خليه يجي يوصلني البيت
مريم_ حاضر حاضر
وبتتصل بمروان وهو بيجيني ويساعدني لغيت العربيه ونمشي ومريم بتكون واقفه هناك وقلقانه عليه.. بصراحه صعبت عليه  انها صدقتني  وخافت عليه.. بس سامحيني يامريم  انا بحب جميله مش انتي

مروان باستغراب_ الله انت مش كنت بتموت دلوقتي،، حالا خفيت ومسكت التليفون
على_  اه تمام شويه مغص وراحو لحالهم
مروان _ لا الف سلامة عليك

جميله 

مريم جت من النادي ورمت شنطتها علي السرير جمبي وركزت في التليفون وبعدين كانت بتتصل بحد وهي قلقانه 

مريم بقلق_ اووف بقا مبيردش ليه 
جميله بالكتابه _ في ايه
مريم _ برن علي  « علي» ومبيردش عليه 
جميله _ يمكن مشغول 
مريم بقلق _ لا هو كان تعبان اوي النهارده 
جميله _ ايه تاعبه 
مريم_ معرفش  مره واحده فضل يصرخ من الالم.. انا خايفه يكون زاد عليه التعب
جميله _ طيب اطلعي كلميه في اوضتك انا مصدعه 
مريم بنرفزه _ ماهو انتي معندكيش دم تحسي بيه.. بقولك تعبان وانتي تقولي مصدعه 
جميله _ وانا اعمله ايه ما يتعب 
مريم بغيظ_ اوضتك سيبهالك 

لما قالتلي انه تعبان  قلقت اوي  وكنت خايفه يبان عليه ف طلعتها من عندي. وبقيت الف في الاوضه وانا بفكر ابعتله وخايفه يفهم سؤالي عنه باني موافقه ان يكون بينا حاجه.. جمدت قلبي  وقدرت امنع نفسي من اني اكلمه واكتفيت باني اعرف اخباره من مريم

تاني يوم

مسك

طلعت الصبح بدري انا وعبقرينو روحنا حجزنا وكنت اتمنا مقابلش سيف لغيت ما امشي لكن واحنا وراجعين قابلته
سيف_ جاين منين الصبح بدري كده
عبقرينو_ كنا 

قرصت عبقرينو عشان ميكملش 
مسك_ كنا بنجهز لشغل النهارده
سيف_ طيب كنت عاوز اتكلم معاكي شويه 
مسك_ دلوقتى مش هقدر  خليها بعدين
سيف_ ماشي بعد ما تخلصي لازم نتكلم
مسك _ ماشى تقدر تستناني في حوض السمك اللي كنا فيه قبل كده
سيف بإبتسامة_ طيب لحظه عن اذنك ياعبقرينو.. وبيمسك ايدي  ويشدني  بعيد عن عبقرينو
مسك _ قولتلك قبل كده متلمسنيش انت مبتفهمش
سيف_ انتي مالك من امبارح
مسك _ انا كويسه مالي. اذنك عشان هتاخر
سيف _ بطلي  تصرفاتك دي  فين البنت اللي كانت في حضني امبارح
مسك بارتباك_ انا كده هتاخر  عن اذنك
سيف يوقف قدامها _ مش عاوزة توقفي معايا دقيقة ايه موحشتكش
مسك ببكاء_ ابعد ياسيف دا مش وقته
سيف  _ براحتك  هسيبك. بس  لما  نتقابل  هتقوليلي مالك 
مسك _ ان شاءلله 
سيف _ بحبك 
مسك  _  ماشي  شكرا  ابعد  بقا  وبزقه  وامشي ومقدرتش امنع نفسي.من العياط..روحت علي اوضتي وجهزت شنطتي بسرعه وبعدين اتصلت ب بابا

مراد_.حبيبتي
مسك_ وحشتني يابابا 
مراد_ وانتي اكتر ايه مش هتيجي بقا 
مسك_ بجهز الشنط اهو
مراد بفرحه _ بجد.. ترجعي بالسلامه ياحبيبتي 
مسك _ وحشتوني انت وماما مش مستنيه ارجع عشان اشوفكم 
مراد بتردد_ لقيتيه
مسك_ مين 
مراد بدموع_ سفيان 
مسك بارتباك_ انا مدورتش اصلا 
مراد _ دورتي، انا كنت  عارف انك رايحه  مخصوص والشغل مجرد  حجه 
مسك  بدموع _ لا خالص  انت  قولتلي  مدورش عليه  وانا  سمعت  كلامك  
مراد بدموع _ قولي انك ملقتهوش انا  اصلا  اتعودت اعيش من غيره  متخافيش  مش  هزعل 
مسك  ببكاء  _ سامحني  يا بابا مقدرتش  الاقيه.   
مراد  بدموع _ سفرك كان  اخر  امل بنسبالي..  بس  مش  مشكلة  المهم انك  هترجعي بسلامه 
مسك  ببكاء _ انا  اسفه  ياحبيبي  حقك  عليه  والله  مقدرتش ارجعهولك 
مراد  ببكاء _ بتبكي  ليه  وانتي  ذنبك ايه اكيد مفيش نصيب اني اشوفه تاني
مسك ببكاء _ هكلمك  تاني..  وبتقفل  معاه  
مسك ببكاء  _ سامحني  والله  مش  هينفع  يرجع  ..  كان  نفسي  افرحك وانا  جيباه معايا  واشوف فرحتك بشوفته 

جهزت الشنط  ومشينا وبعد  ما خرجنا من الفندق شوفنا زين 

زين _ رايحين فين 
مسك _ مسافرين 
زين _ فجاه  كده 
مسك _ خلاص  بقا خلصنا الشغل  مش  فاضل  غير  حاجه بسيطه هنكملها هناك 
زين _ كان  لازم  تقوليلي  قبلها  انا  معرفتش اودعكم 
مسك  بإبتسامة _ هنكلمك ونطمن عليك 
زين  بحزن _ هتوحشوني
ميادة _ خلي  بالك  من نفسك 
زين  بدموع _ علشان  خاطري  خليكم كمان  يومين  
مياده _ ابقا تعاله  أنت 
عبقرينو  يبصلها  بغيظ ويكتمها في  نفسه 
زين _ طبعا  هاجي 
مسك  بإبتسامة _ تنور 
زين _ خلاص  تعالو هوصلكم 
مسك _ ملوش لازمه  احنا  كتير  وعربيتك مش  هتكفينا 
زين _ اللي  تشوفيه.  ابقو طمنوني لما  توصلو 
مسك _ حاضر  نشوف وشك بخير 
زين _ باي مسك..  باي ميادة  
عبقرينو  بقرف_ وبنسبه لرجاله مفيش  باي 
زين  بإبتسامه _ لا فيه  ..  هتوحشني وبيحضنه 
عبقرينو _ وانت  

 روحنا للمطار وانا  طول  الطريق  بفكر في كلام  بابا و كسرة نفسه  لما  قولتله ملقتهوش

سيف 

_ روحت  المكان  اللي  قالتلي  عليه  واستنيتها وانا  جايبلها خاتم علشان  اطلب ايدها قبل  ما نمشي 

فضلت  مستنيها كتير  ولما  اتاخرت اتصلت  بيها  بس  تليفونها كان مقفول  ف اتصلت  ب زين عشان  يشوفها موجوده  في  الاوتيل ولا  خرجت 

سيف _ ايوه  يازين 
زين _ ازيك  ياسيف.  امال  فين  مش  شايفك  النهارده 
سيف _ في  مشوار..  قولي  هي مسك خلصت  تصوير ولا  لسه  شغالين 
زين بحزن _ دول سافرو خلاص  لسه  رايحين  للمطار دلوقتي  
سيف  بخزلان _ مين  اللي  سافر 
زين _ مسك وبقيت  الفريق 
سيف _ طيب  طيب  سلام  دلوقتي  

قفلت  وجيت امشي  علشان  الحقها واعرف  عملت كده  ليه  ف لقيت  بابا في  وشي  
عاصم _ تؤ تؤ سافرت وسابتك 
سيف  _ جاي  ليه 
عاصم _ جاى  عشان  مصلحتك وعلشان افهمك  اللى  مش  فاهمه  
سيف بغضب _ عاوز تقول  ايه انا  مش  فاضي 
عاصم _ عاوز اقولك  ان مسك اتفقت مع  باولو عليك  علشان  ياخد الصفقه  
سيف _ انت كداب مستحيل  مسك تعمل  كده  
عاصم _ انا  كداب  ..  والصور دي كدابه..    
سيف بقهر _ الصور دي متفبركه 
عاصم _ طيب  خليني معاك للاخر..  شوف  دول.  مش  دول نفسهم الجماعه  بتوع صفقة السلاح ودا باولو 
سيف يبص شويه لصور ويحس انها  قدرت  تضحك عليه  علشان  يسيب الصفقه وبغضب _ يعني  كانت  بتخدعني
عاصم _  كانت  بتخدعك وللاسف نجحت وانت سبت كل  حآجه  علشانها واهي سافرت..  مش  كنتو متفقين تسافرو مع  بعض  سابتك ليه  
سيف بقهر _ وسع 
عاصم  _ رايح  فين  
سيف بغضب_ هلحقها قبل  ما تسافر واعرف هي  عملت  معايا  كده  ليه  
عاصم _ من طمعها يا حبيبي انت بس اللي طيب...  علي  العموم  اهدا  انا بعت حد   هيجبها تحت  رجليك 
سيف  بقهر _ بسرعه  طيب  وخليه يوديها الكوخ اياه 
عاصم _ حااضر ساعه  وهتكون عندك  ..  بس  ناوي  تعمل  معاها  ايه 
سيف  بغضب _ هقتلها 
عاصم _ بس 
سيف  _  بعد  ما اعذبها الاول  ..  شهر  كامل  وهي  عارفه  تمثل  انها  لطيفه وملهاش في  الحرام  عرفت  تخدعني  وانا زي الاهبل صدقتها 

مسك 

فكرت كتير  قبل  ما اوصل  وفي  الاخر  مقدرتش  اكون انانيه واشوف  دموع  بابا علي  ابنه..  انا  مش  عايشه  في  الدنيا  لوحدي  لازم  افكر  في  غيري  ..  قررت اني  هرجع وهقول لسيف علي  كل حآجه  وهرجعه معايا  باي  شكل 
سبت الشنط واكتفيت بشنطة صغيرة  فيها  اثبات الشخصية  عشان  اثبتله بدليل  اني  اخته

مسك_ عبقرينو ارجعو انتو انا  ورايا  حآجه  مهمه  لازم  اعملها الاول 
عبقرينو _ حاجة ايه احنا  مش  هنمشي  من غيرك 
مسك _ اسمع الكلام  ياعبقرينو.. روحو وخلي بالك  من مياده  يكون  رجعت 
مياده _ شكلك  ناويه تجيبي  اخوكي  صح 
مسك _ اه..  يلا بقا  
عبقرينو _ استني 
مياده _ سبها 
عبقرينو _ هنرجع من غيرها  ازاي  يعني 
مياده _ هي  مش  صغيرة 

سبتهم وطلعت  من المطار  وبقيت  اجري  لغيت ما خبطت في  راجل  


ضخم ولسه  هعتذر  لقيته رش في  وشي  حاجه ومحستش بنفسي  بعدها.  

تعليقات



حجم الخط
+
16
-
تباعد السطور
+
2
-