Ads by Google X

القائمة الرئيسية

الصفحات

رواية قضية طلاق في المجتمع المصري) الفصل الرابع4 بقلم تسنيم حسن




رواية قضية طلاق في المجتمع المصري)  الفصل الرابع4
 بقلم تسنيم حسن




إزاى كنت هعمل كدا ف نفسى؟ وازاى كنت شايفة الموت حل لمشاكلى؟ هل انا كان عندى استعداد اقابل ربنا؟ كنت هموت نفسي عشان مش قادرة ارضي البشر؟؟ طب ورضا ربنا فين من دا كله؟؟ رميت السكينه من ايدى وجريت اغسل وشي يمكن افوق .... اتوضيت ورحت اصلي واستغفر ربنا واشكيله همى ، هو قادر على كل شيء وهيساعدنى ويصبرنى ويقوينى 






كان لازم أفكر .... منمتش يوميها بحاول اوصل لحل 
فتحت الموبايل وقعدت ابحث اكتر عن الموضوع لحد ما وصلت لمعلومه مهمه جدا  
"مكاتب المساعده القانونية بمحكمة الأسرة" 
ايه بقا مكتب المساعده القانونية دا 
دا مكتب بيقدم خدمات قانونية وبيساعد في استكمال الاجراءات القضائية دون الحاجة الى أي رسوم  تدفعيها ود ا مكتب ليه فروع ف أغلب المحاكم ف مصر 
يعنى بمعني اصح معاكي حد يساعدك قانونيا ببلاش 
بدأت ادور على اقرب مكتب مساعده قانونيه لحد ما وصلت ان المحكمه اللى هنا فيها مكتب مساعده قانونيه 
نفكر بقا هننزل ازاى من البيت ؟ 
حل الصباح وانا لسه صاحية بشجع نفسي اخد خطوة زى دى ... خرجت عملت مج نسكافيه عشان افوق لاقيت ماما ف وشي 
= صباح الخير يا ماما 




- صباح الخير ياختى .. جهزى شنطتك يلا عشان جوزك زمانه جاي 
= ماما ارجوكى يا ماما مش عايزة ارجعله 
- انا قولت كلمه ومش هرجع فيها ادخلى جهزي شنطنك 
= طب ممكن بس انزل اشتري شوية حاجات للبيت قبل ما يجى؟ 
- نص ساعه وتكوني هنا انتي فاهمه 
= حاضر 
تيليفونى رن وكان أحمد حاولت اتصرف المرادى بذكاء 
- ألو ... أزيك يا حبيبتى 
= أحمد ! حبك برص يا شيخ عايز منى ايه
- انا هعتبر نفسى مسمعتش حاجة .. جهزى شنطتك يا مدام عشان خلاص انا راجع من اسكندرية ساعة وأكون عندك 






أنت صدقت الكدبه وعيشت فيها  انا ازاي كنت مخدوعة فيك كدا اناني ومتملك ومعندكش انسانية رايح تطلبنى ف بيت الطاعة ورافع عليا قضية وعايزنى ارجع معاك البيت لا ومش بس كدا كمان مفهم ابويا انى مطهقاك ف عشتك يا حيوان ... دا انا خارجه من عندك وانت مطلقني ازاى تفكر تعمل فيا كدا 
طلقتك اه بس رديتك تاني ولا ايه؟
= وانا مش هرجع معاك غير لما اتاكد انك اتنازلت عن المحضر 
- وانا موافق ربع ساعه وهبعتلك صوره من المحضر انه اتقفل ... متعطلنيش بقا عشان سايق ... سلام يا روحى 
قفل معايا وانا كنت متعصبة اوي من اسلوبه بس مفيش وقت للتوتر والعصبية  ... لازم الحق البس عشان انزل 
يدوب لبست ولاقيت صوره من المحضر مبعوتالي عالواتساب مختومه وبتأكد انه اتنازل عن المحضر 
نزلت بسرعه وانا كلى حماس ومعايا دليل دلوقت واقدر ارفع بيه قضية خلع ...
"في مكان آخر" 






الو ... اي يا روحى فينك 
انا موجوده اهو بس اللي يسأل 
غصب عني يا قلبى، ماهو لو تعرفى ظروفى هتعذرينى 
طب ايه مش هشوفك النهارده وحشتني 
انتى كمان وحشتينى يا روحى احلى سهره هتحصل النهارده بليل
ماشي يا بيبى هستناك 
رجع الحاج محمد بيته كالعاده عمال يزعق ف مراته من غير سبب منطقى واقعى لكن طبعا بالنسباله هو عنده سبب " انا بتعب فالشغل عشان اجبلهم الفلوس، وهى قاعده هنا مبتعملش حاجة ... هي بتحس بحاجه ولا بتتعب ف حاجة " 
= بنتك فين 







& زمانها جاية بتجيب طلبات لبيتها وجاية 
= قال يعنى بتطبخ اوى ... ماهى ملقتش ست بيت تتعلم منها ازاى تعامل جوزها قبل ما تتجوز 
- انا داخلة المطبخ اشوف الغدا مش قادرة ارد عليك .
"فى المحكمه"
= يعنى ايه 
- يعنى لحد دلوقت انا مقدرش اساعدك انتي جاية تضيعى وقتك ومش هتستفيدى حاجة 
= طب وايه الحل 
- الحل انك .......



                  الفصل الخامس من هنا


تعليقات