CMP: AIE: رواية حنين الاحبه الفصل الثالث والاربعون43بقلم رحمه ايمن
أخر الاخبار

رواية حنين الاحبه الفصل الثالث والاربعون43بقلم رحمه ايمن


رواية حنين الاحبه 
الفصل الثالث والاربعون43
بقلم رحمه ايمن

"تنير الساعه" 
احمد:  اوووف،  مين الرخم الي جي دلوقتي. 
نهي بحذر قليلا :  دكتور احمد،  محتاجينك ضروري 
احمد بتنهد:  هي الي فاتت دي مكنتش اخر عمليه؟ 


نهى:  هو مريض الدكتور معتز،  روحت المكتب اقوله، قالي اجيلك وبقولك اخر مريض وبعتذر منك لانه جاله مكالمه ضروريه ولازم يخرج حالا من المستشفى 
احمد بوضع يده علي عينيه:  انا عيني مش قادر افتحها وتركيزي تحت الصفر ، ممكن تقوليلي اعمل ايه دلوقتي 
نهي ببتسامه ونظر للارض:  احم انا معاك في العمليه وهساعدك اكيد وطول ما انا موجوده متقلقش علي ضمنتي 
رحمه ببتسامه:  يعيني يا عيني! 
احمد بكتم ضحكته وصوت خافت : رحمه هدوء متقصدش حاجه! 
رحمه بتجاهله ونظر لها :  اممم وانتي مين بقي يا جميله "بوضع يدها علي كتفه والاتكاء عليه"  ومع الدكتور احمد من زمان في المستشفي؟ 
احمد بضحك:  ايدك بجد مش قادر! 
رحمه:  اخرسس! 
احمد:  ههه حاضر 
نهى بغرابه:  هو في حاجه؟  هو انتي مش اخت حضرته ايمان؟ 
رحمه:  لاء والله!  وكمان حكيلك علي ايمان! ده انته واخدين علي بعض جامد وبنسبه للعبد لله مجبش سيرتي خالص ولي اي
 لاء ازعل؟ 
احمد:  والله يا بنتي ما قلتلها حاجه،  متكلمي يا نهي؟
نهى بتوتر :  هو مقليش حاجه ال دكتور معتز الي قلي 
رحمه:  امم لاء انا مش اخت حضرته الصراحه،  انا مرات حضرته 
نهي بتقلب وجهها وصمت : ...... 
رحمه:  بس انا بأجره عادي وعليه شاحن هديه "بغمزه" لو احتجتي مني ول حاجه في المستقبل  
احمد بضحك وخبطها :  بطلي رخامه !  
رحمه: هههه
نهي:  طيب...  انا همشي دلوقتي  عن اذنكو 
"تخرج نهي بديق وتنظر رحمه لاحمد والشرر يتطاير من عينيها" 
احمد:  عجبك كده تحرجي البنت؟ 
رحمه:  اممم واي كمان؟ 
احمد:  هههه عسل اوي وانتي مديقه 
رحمه بضربه :  بارد انت اصلا!  لاء وشوف وشها قلب ازاي،  صدقني واقعه وحاسس كده والله اعلم انك مبسوط واخر رواق؟ 
احمد:  انا!  ده انا غلبااان 
رحمه:  اووي،  غلبان اووي 
احمد بالوقوف:  هههه صدقيني مش قادر اتناقش معاكي دلوقتي،  عدي اليوم 
رحمه:  ماشي يا احمد بيه بس اعمل حسابك الموضوع مش هيتقفل غير لما انكد عليك وطلع هرموناتي انا بقلك عشان تعمل حسابك اهو
احمد: ههه ماشي يا ست حوم،  اهم حاجه صحه هرموناتك برضه 
رحمه:  مد ايدك كده 
احمد:  عايزه اي ؟ 
رحمه:  مد ايدك بس 

"يقوم بمد يده فتقبضها له و تخبطها بقوه ومرح وتقول ببتسامه هادئه ومشجعه" 
رحمه:  انت قدها ههه هانت اخر واحده 
احمد بضحك وتقريب يده حول خصرها ومدايقتها :  انتي عسل كده ازاي ابت ها؟  قولي؟ 
رحمه بمرح والبعد قليلا:  شش!  ايدك ايدك! تؤ ولاه! 
احمد بغمزه:  هتوحشيني
رحمه:  غور من قدامي 
احمد: ههه سلام. 
~~~~~~~~~~~~~
امام المستشفي.
احمد بنزول ونظر لسياره بدهشه:  انتي لسه مروحتيش؟ 
رحمه بقفل الاب ببتسامه :  تؤ استنيتك. 
احمد:  تعرفي انك مجنونه "بتحريك يده علي جيبه"  المفتاح؟  اخدتيه امتي؟ 
رحمه ببتسامه ماكره :  ممكن اكون اشتغلت في مهنه السرقه حبتين،  شوف انا حراميه جامده اوي لعلمك 
احمد بضحك:  امم يبقي من حقي كمواطن اتسرق ارفع قضيه عليكي بقي واحبسك هنا "يشير الي قلبه" للابد 
"تنظر رحمه للارض بخجل لا تبينه ثم تقول بديق لعدم اعترافها به" 
رحمه:  ليك نفس تتموحن وانت في الحاله دي؟  اركب اركب 
احمد:  ههه عشانك مصره بس،  اتحركي 
رحمه:  اتحرك فين؟ 
احمد:  اتحركي عشان اسوق؟ 
رحمه:  هو انت فاكر اني مستنيه حضرتك ٣ ساعات و مروحتش وعرفه انك شايفني اربعه دلوقتي، عشان تقولي في الاخر اسوق 
احمد انت لو ركبت العربيه وانت كده احتمال نموت وانا عايزه اتجوز صراحه فدخل وانت ساكت لو سمحت 
احمد:  ههه ايوا يعني اي تسوقي وانا موجود،  عيب،  انا الراجل 
رحمه:  حلو اوي!  انت كده دخلت حتتي،  حقوق المرأه!  يسلام فرحت روح الانثي الي جوايه وهكرهك في عشتك دلوقتي. 
احمد:  لاء لاء وعلى ايه،  لو عايزه تسوقي بينا للمريخ يا روحي انا معاكي اتفضلي،  العربيه نورت. 
رحمه بممازحته:  ما كان من الاول،  لازم يعني نقل ادبنا 





احمد برفع حاجبه:  نعم؟
رحمه :  احم مبقلش يا روح قلبي،  العربيه منوره بصحابها 
احمد:  امم طيب البسي حزام الامان 
رحمه:  احمد دي شكليات عندنا،  احنا هنا بنستعمله منظره في المناسبات بس و لما يتقطع بنلعب بيه 
احمد:  للاسف بقي طبع وعاده رخمه نقول اي،  معلش استحملينا والبسي حزام الامان 
رحمه بمرح طفولي : طيب بقلك ايه؟ 
احمد بتنهد عالي وإرهاق :  افندم
رحمه:  متيجي اعمل نفسي عبيطه وكده ومعرفش اسحبه فتقولي عنك انتي يا اوخت،  وتركبهولي بقي ونبص لبعض بقي وشويه سسبنس واثاره عنببب. 
احمد:  رحمه!  مش قادر ارد عليكي عشان هتتشتمي والله ،  انا اي الي عملته في نفسي ده اصلا ،  كنت عازب قمر مفيش مني. 
رحمه:  خلاص يا عم يوووه،  مشينا اهو! "بإحباط" مدمر اللحظات السعيده اقسم بالله. 

ولاني بحب اركز وانا بسوق عشان بخاف اتكلم او ابص لحد واتشتت،  وغير كده نعوست جدا لانه صاحيه بدري كمان  فمتكلمتش معاه خالص،  وكنت بحسابه مبتكلمش عشان سكته فبصتله الطف الجو طلع نايم! 
اه والله رجع راسه لورا ورجع الكرسي و نام في العربيه وانا هموت مضحك دلوقتي. 
وانا الراجل،  وازاي تسوقي وانا موجود!  هييح. 

وقفت العربيه قريب من بيته وسندت علي الكرسي وتأملته. 
لاول مره اتجرأ وقرب منه والمسه،  احرك ايدي علي بشرته فترجف فقلبي يتخض فسيح. 
رموشه الكثيفه،  حوجبه المرصوصه،  شعره الناعم المرفوع وتناسق ملامحه، حلو اوي عن قرب،  حلو اوي ما شاء الله !  
منكرش من جوايه اني مش عايزه الليله دي تخلص ابدا،  اقعد كده اشوفه ومعملش اي حاجه تانيه في الدنيا،  هو الواحد هياخد كام فرصه يتامل فيها شخص بجمال ده وخصوصا لما يكون مش اي شخص. 
ترن ترن ترن 
رحمه: "نسيت اعمله صامت " 
"يستيقظ احمد ببطئ،  وينظر حوله ويقول وهو شبه مستيقظ" 
احمد:  هو انا نايم من امتي؟ 
رحمه:  ساعه كده
احمد :  ساعه! "ينظر لساعته بخضه"  انتي مبتهزريش فعلا!  ومصحتنيش لي؟ 
رحمه:  هو انت عايزني اضيع فرصه زي دي عادي، يبقي بتحلم يا عسل  
احمد بضحك وغمزه: قصدك ايه هاه؟ 
رحمه:  ههه اوعي تفهمني صح 
"يرن الهاتف مجددا" 
رحمه:  طنط زهره،  رد عليها عشان متقلقش 
احمد:  هكنسل وهي هتفهم،  تعالي يلا 
رحمه:  اجى فين؟ 
احمد:  هو انتي فاكره انك هتمشي دلوقتي لوحدك ول ايه،  تعالي نامي مع ايمان فوق وخلاص 
رحمه بتوتر:  لاء لاء!  هروح وخلاص،  ايمان لسه هتصحي عشاني وهزعجها  وكمان هشوف مامتك الصبح علي الفطار ومش حلوه يعني اقلها اننا رجعين سوي 
احمد:  اي يا بنتي ده كلو،  كبرتي الموضوع 
رحمه:  صدقني اروح احسن،  خليها يوم تاني 
احمد:  تمام انا نمت وفايق شويه هوصلك وارجع تاني 
رحمه بمد مفتاحها:  ابقي روح المستشفي مواصلات وجيبلي العربيه من قدام المستشفى 
احمد بأخذه : خلاص اتفقنا انزلي نعمل سوتش 
رحمه:  تمام 
~~~~~~~
اليوم التالي. 
رحمه:  انا اسفه يا ريمو حصل حاجات كتير والله ومعرفتش اكلمك
ريماس:  لاء بجد زعلانه منك انا كنت مستنيه مكلمتك وفي الاخر معبرتنيش حتي بمسج 
رحمه:  والله اسفه،  انا اصلا دخله عليكي،  نسلم علي باشا مصر ونفطر معاكو رخامه كده 
ريماس بمرح:  بجد والله!،  بابا نزل بدري و حمزه كمان خرج وليلي نايمه ومفيش حد خالص 
رحمه:  طيب اي رئيك نتقابل نفطر بره ول ايه 
ريماس:  لا تعالي هنطلع الجنينه وهناكل هناك وهنتسلي وغير كده مكان مريح نتكلم فيه 
رحمه:  طيب قولي لطنط سونه تبدا في الاكل عشان هخطف منك الموضوع وهجري علطول عشان عندي شغل 
ريماس:  شغل اي بعد شركه صقر القمر،  فينه صح مش ظاهر 
رحمه:  لما اجيلك هقلك 
ريماس:  تمام وانا هجهز المكان علي وصولك متتاخريش 
رحمه:  حاضر. 
~~~~~~~~~
" يستيقظ احمد ببتسامه لنظر لصورتها كالعاده ثم يذهب للمطبخ قبل الاغتسال لشرب للماء "
احمد بعناقها من الخلف بمرح:  صباح الفل سلطانتي 
زهره بخضه:  منك لله يا بن الجزمه!  خضتني 
احمد بضحك:  ههه عمرك ما هتتغيري،  علطول بتشتمي نفسك كده
زهره:  صاحي رايق يعني علي واحد رجع متاخر اوي كده 
احمد:  كنت في شغل ومطحون عمليات اقسم بالله "صفي النيه"  وكمان احنا رجعنا مصر يبقي اكيد مبسوط 
ايمان بدخول علي الصوت لاخد الماء ايضا:  اول مره اشوف حد فرحان انه نزل من امريكا ورجع مصر،  جديده دي 
زهره بمدايقته:  اصل بعيد عنك روحه هنا،  يقدر حد يعيش من غير روح برضه 
ايمان:  ههه اضرب يا زهوره! 
احمد:  هاهاها خفه اوي انتي وهي،  فين الحج كان وقف معايا قصادكوا دلوقتي 
زهره:  اعمل حسابك هينزل قريب،  نبقي نعزم رحمه ونقعد كده قاعده عائليه حلوه 
احمد:  اتفقنا 
ايمان:  يسس وانا عليا الشوي،  واحمد بعمل سلطه وطحينه روعه 
احمد:  اشطا عليا دي متقلقيش 
ايمان بالخروج:  دقيقه هروح اشوف معايا كام نوع صوص لسه. 
زهره بصوت خافت:  احمد،  عايزك في موضوع يخص ايمان وعايزك انت تكلم ابوك فيه. 
احمد: تمام هفوق كده واخد دوش ونبقي نتكلم في اوضتك 
زهره:  خلاص ماشي. 
~~~~~~~~~«
جميله بمرح : I miss you my dear "وحشتني جدا عزيزي" 
هندسه: l miss you too Mam "وانتي كمان وحشتيني يا ماما" 
where is Dad "اين ابي" 
جميله: "He's outside now, watering the plants, I'll tell him to turn green" هو في الخارج الان،  يسقي الزرع،  ساخبره بالخضور" 
هندسه:  okay, tell him quickly حسنا اخبريه بسرعه 
جميله:   ? Is there something serious هل هناك امر خطير 
هندسه:  No, it is not dangerous, but it is an issue that interests me. I want to open it with you لاء ليس خطيرا لكنه موضوع يهمني اريد فتحه معكم 
جميله:  Well then we'll wait for it حسنا اذا سننتظره. 
~~~~~~~~~~~~
في منزل ريماس. 
ريماس:  واخيرا يختي شوفنا وشك زي الناس 
رحمه بضحك:  والله الدنيا ملغبطه معايا شويه الايام دي حقك عليا،  المهم سيبك مني صحيه بدري لي كده،  انا قلت مستحيل تردي 
ريماس:  بعمل بحث جديد،  ومطلوب مني ترجمته بصيني ومبنيمنيش يختي،  قاعده شبه البومه كده اما اخلصه 
رحمه:  امم بس؟ 
ريماس بضحك:  عايزه اي يا رحمه 
رحمه:  الحقيقه يا رحمه!  بذمتك ودينك مش عيب 
ريماس:  خلاص استسلمت انا اصلا كنت مستنياكي تفضي علي نار عشان احيلك لاني هتشل لو مقلتوش لحد  





رحمه:  طيب يسطا قولي معاكي 
"بعد فتره" 
رحمه:  ماازن!  وحيات امك مازن؟ 
ريماس:  اه مازن مستغربه كده لي؟ 
رحمه:  اصل الي بتقولي ده فيلم قديم فحت!  يعني من2016 كده
ريماس:  انتي بتتريقي عليا دلوقتي يا بت! 
رحمه بضحك:  لاء والله ما اقصد كملي وبعدين 
ريماس:  ول قبلين،  ببتعلي مسجات من وقتها ومبردش،  بس يا ستي. 
رحمه بغمزه:  مالك المرادي ،  مش ريماس الي انا عرفها لما حد يديقها يعني؟ سكته كده وفي سنس سعاده في الموضوع 
ريماس بحمرار :  انا!  محصلش تعرفي عني كده 
رحمه: م هو المصيبه اني معرفش،  بس الي اعرفه كمان انك مهزقه وبتحبي الباد بويز اوي،  واحد كده تقيل حتي لو معجب عشان انتي بتموتي في الخوازيق 
ريماس:  هذا هو صديقي المفضل،  احبك وانت فهمني يا قمر 
رحمه بشرب قليلا من الشاي: واي المطلوب مني بقي؟ 
ريماس:  سكته؟  اخره اي؟  عايزه الخلاصه عشان متهومش علي الفاضي،  انتي عرفني لما بتعلق بحب من كل قلبي،  وانا مش حمل تعب تاني،  كبرت انا علي الحوارات الصباينيه دي وخصوصا انه ابويا زهق مني وقلي لتتجوزي لطردك من البيت،  فعايزه اشوف اخره سكته اي،  عايز يتسلى وكام يوم ول جد.. 
رحمه:  والله اختيارتك كلها زي الزفت،  مازن يا ريماس،  ده تقريبا مخزوق نص الكوكب الغربي وجي علي الشرقي يبوظه،  خبيث كده متعرفيش مليت اهله ايه؟  مازن يا ريماس الكلب 
ريماس ببرائه:  باد بوي يسطى وخبيث l like it 
رحمه: ششش 
ريماس بالميل عليها  وقول بمرح: باد بوي يا حوووم 
"يضحكون" 
~~~~~~~~~~
"في الطريق.
" مكالمه هاتفيه"






 الايمان:  حبيبي الي وحشني 
رحمه: وانتي والله وحشاني،  امبارح معرفناش نتكلم عشان الرخم الي حرقلي دمي ده 
ايمان:  والله خالد عسل اوي،  بس انتي الي متعرفهوش وهو و هندسه واحمد صحاب اوي 
رحمه:  امم هندسه صح؟  من وقت ما حكتيلي الموضوع فون ومتكلمناش فيه ،  اي رئيك تيجي كده بليل نعمل عشاء سوي وكمان احم يجي هندسه واحمد ومازن ونقعد شله كده اي رئيك؟ 
ايمان:  والله فكره،  كنا بنعملها ديما بس من وقت ما جينا مصر والشغل واخد كل وقتنا،  اشطا هكلمهم واقلهم 
رحمه:  تمام وهقول لايه ويوسف كمان 
ايمان بمرح:  اشطااا هنخربها،  هنجيب جاهز ول هنعمل في البيت 
رحمه:  خليها شعبي،  عندي محل حلو اوي بيبع معجنات وفطاير هعدي عليه واجيب منه وهبعتلك النواقص عندي في البيت جيبي وانتي جايه وتعالي بدري انتي عشان نجهز سوي 
ايمان:  اشطا،  اتفقنا،  يلا سلام. 

قفت ونزلت من التاكسي قدام الشركه بحاول اخد زفير وشهيق علي قد مقدر واني اعصر علي نفسي زتونه علي راي دنيا سمير غانم ولو فتح كلام وتخانق اسكت خالص،  عادي يا حوم اي الموضوع البسيط ده يعني،  انتي قدها. 

رحمه:  صباح الفل يا جميل 
نور:  صباحك احلي يا قمر،  فطرتي 
رحمه:  اه الحمد لله،  كوبايه قهوه بقي علي مكتبي الجديد 
نور:  حاضر يا باشا اومر بس واحنا نفذ 
رحمه:  حلو اوي الاوت فيت بتاعك انهارده 
نور: روحي انتي اصلا،  ميرسييي 
ناجي:  احم احم،  واضح انه حضرتك انتي وهي فاضين تضحكه ومعندكوش شغل،  نور حضري قهوه لخالد بيه وانتي.. متدربه هنا؟ 
رحمه:  اه 
ناجي:  قسم مين؟ 
رحمه:  خالد بيه 
ناجي:  طيب قدامك نص ساعه علي الاجتماع،  وعندكو عملي كتير اوي انهارده،  اتفضلي علي مكتبك وانتي جهزي القهوه بسرعه 
نور:  حاضر يا فندم 
"بعد ذهابه تخرج نور ورحمه السنتهم بخفه ومرح ثم ينظرون لبعضهم ويضحكون"  

"علي الهاتف" 
احمد:  ول سلام ول كلام من الصبح،  وانا متعود علي صباح الفل يا باشا وبتاع،  ينفع مصحاش علي صوتك انهارده الصبح 
رحمه:  احمد انت بقيت ملزق علفكره 
احمد بضحك:  ينهار ابيض! شكرا علي ردك الي افحمني ده الصراحه 
رحمه:  ههه خلاص بهزر  ،  صباح الفل 
احمد:  بعد اي بقي؟  خلاص اتفصلت 
رحمه:  ولو قلتلك عزماك علي العشاء انهارده؟ 
احمد:  لاء كده خلاص اتبسطت 
رحمه: مرحتش المستشفى ول ايه 
احمد:  هو معتز يقدر يقولي تعالي بعد الي عمله فيا امبارح ده، هو عارف انه هيتشتم،  فبعت رساله كده محترمه مضمونها اني ارتاح انهارده عشان ارجع بكره كويس وvery fresh 
رحمه:  بثبتك يعني؟ 
احمد:  بظاابط 





رحمه:  يا رب واحد زي معتز ده في حياتي.
احمد:  بتقولي حاجه يا رحمه، مسمعتش 
رحمه:  طب بقلك يا احمد بنادو عليا،  انا الي بفتح باب الاجتماع هنا،  لازم امشي بقي، متنساش العشاء،  انجوووي. 
"تقفل بسرعه" 
رحمه:  كان عايز يعمل مشكله ويطلعني غلطان هاها بس ده بيعينه الكبيره الزرقه القمر دي 
احد اعضاء الاجتماع:  يلا الاجتماع هيبدا بسرعه 
رحمه:  انتو بتنادو عليا بجد ول اي،  دقيقه جايه. 
~~~~~~~~~~
احمد:  اعمل اي في شبر ونص دي،  اذا كانت وصللى لركبتي بالعافيه وبتعمل فيا كده،  اومال لو أطول شويه كان عملت فيا ايه؟ 
هندسه بضحك:  هههه اسكت دي اتخنقت مع خالد وروقت علي الشركه كلها امباح،  عايز منها اي بعد كده 
احمد:  اتخنقت مع خالد!  هههه انت بتهزر 
هندسه:  والله،  ومكنش يعرف انها رحمه وصوتهم نبرته عليت  وحصل حوار كبير 
احمد:  من اول يوم؟!  بدايه مبشره. 
هندسه: وانت بتلبس لي بدال قلتلها اجازه 
احمد:  عندي موضوع مع الرئيس،  احتمال اسافر قريب 
هندسه:  لسه خايف عليه؟ 
احمد:  انا مش خايف عليه،  انا خايف منه وغير كده طولت اوي المره دي في زيارتي لي. 
هندسه:  طول عمري بغير منه،  فعارف هو اي بنسبالك متقلقش
احمد بضحك:  وانت روح الشركه وخد بالك من المجنونه الصغيره بتاعتي هناك،  هي عاقله وواثقه في نفسها بس انا عارفها لما بتتعصب بتهب منها. 
هندسه بضحك:  متقلقش انا هكون هناك معظم الوقت 
احمد:  تمام هبقي اعدى عليك نتكلم في موضوعك انت وايمان وخالد ده علي رواق  
هندسه:  خلصانه. 
~~~~~~~~
"في الاجتماع"
خالد:  واظن كده كل واحد عرف دوره اي وهنشكل الفريق ازاي،  اهم حاجه عندنا التعاون وروح الفريق 
وان شاء الله الاجتماع الجي عايز تحضير من كل واحد ويقف قدامي هنا بخطه ضامن اكتر من نصها،  وانا ارفض الغلط والاخطاء،  من دلوقتي اعرفه عندي كده بدال لسه متدربين جدد 
اتفضلو الاجتماع انتهي. 

اول ما وقف كلام والاجتماع خلص جريه اه والله زي الفراخ كده ،  ولى بيشتم ولي بقول هيقدم استقالته وانه اي كميه الشغل دي 
وصراحه اه؟  هي اي كميه الشغل دي فعلا!  دا احنا لو اليوم في اكتر من ٢٤ ساعه مش هنخلص،  هو عبيط،  لاء حد يفهمني هل هو عبيط بجد. 

ولاني قلبي فرولايه ومحبش اعمل مشاكل مع حد،  بدات بالمعروف. 
رحمه:  اتفضل 
خالد:  اي دي؟ 
رحمه:  ونعمه النظر يا اخ عماد،  مش باين انها  شوكلاته ول ايه؟ 
خالد:  رشوه يعني 
رحمه: لاء بقلك اي،  متخلنيش اندم اني بدات معاك الصلح وحبيت اكون زوق وبقدم حاجه بسيطه،  الحق عليا اصلا....



 
خالد بأخذها:  خلاص خلاص،  شكرا 
رحمه:  اما انت راجل غريب يجدع ،  سلام 
"خرجت بغضب وديق ونظر لها ببتسامه وثقه" 

رحمه ببرائه:  ممكن اخرج؟ 
ناجي: الدوام بيخلص الساعه ٥
رحمه:  طيب انا خرجت امبارح وكان عادي
ناجي:  ما الي كان واقف هنا امبارح خد جزائه ول انه خالد بيه اتعطف معاه كان مرفود دلوقتي 
رحمه:  طيب الاجتماع خلص،  هقعد عمل ايه،  سيبني اخرج؟ 
ناجي:  معنكيش شغل؟ 
رحمه:  لاء عندي بس هعمله في البيت 
ناجي:  اتفضلي يا هانم علي مكتبك لما الساعه تيجي ٥ هنوافق علي طلب حضرتك بالخروج. 
رحمه:  طيب.... 
ناجي:  اتفضلي يا هانم علي مكتبك 
رحمه بديق :  طيب طيب خلاص. 

"يتحرك احمد كالمعتاد وهو يظبط ردائه ويظبط ساعته ويستعيد هيأته القويه،  يدخل لمكان يخصه،  يملكه،  ويسيطر عليه،  ينزل الاسنسير بيه ويضع بصمته علي باب يفتح له ولبعض الاصابع النادرين فقط،  ف هو له مكانه هنا تفتح له اي باب،  يدخل ليقف وقفته العسكريه ويتجمد مكانه احتراما وهيبه تشبهه،  يلقي التحيه فياتي الرد المعتاد بالجلوس امامه،  انه ابنه الغالي علي قلبه والقطعه الذهبيه التي عثر عليها منذ زمن ولم تخيب ظنه" 

رضوان:  عامل اي يبني 
احمد:  الحمد لله،  اخبار مازن اي،  لسه بشاغب 
رضوان:  مصيره يتعلم،  محدش دخل هنا غير وهو ناضج،  سيبها للوقت ولتجربه وللخبره كمان 
احمد:  معاك حق،  وانا اكتر واحد شاهد علي ده 
رضوان:  جيتك من غير طلب مني وراها موضوع،  ممكن اعرفه
احمد:  هما موضوعين مش واحد؟ 
رضوان:  الاول 
احمد:  احتمال كبير اوي اسافر قريب؟ محتاج مساعدتك كالعاده
رضوان:  متقلقش،  ديما بعمل حسابي لما تسافر ليه بذات وتقعد معاه، معرفش ازاي واحد بيحب يعذب نفسه بايده كده زيك
"يبتسم احمد بخفه علي تعبيره ويصمت قليلا بعدها " 
رضوان:  والتاني 
احمد بنظر له بثقه وتحدث بهدوء : ممكن اعرف رحمه كانت بتعمل

 اي عندك في البرج القديم؟ 



تعليقات



حجم الخط
+
16
-
تباعد السطور
+
2
-