Ads by Google X

القائمة الرئيسية

الصفحات

رواية احببت مجنونة الجزءالخامس5الفصل الخامس5 بقلم نجمه براقه

 

رواية احببت مجنونة 
الجزءالخامس5الفصل الخامس5
بقلم نجمه براقه

مسك جت هي وريماس وفرجتها على الاوضتين اللي في الجنينة،  ولما رجعت سألتها ليه،  قالتلي انها هتقعد فيهم وتكون المربيه بتاعت أسر 

سيف _ انتي ازاي تقرري لوحدك،..  فورا تتصلي بيها وتقوليلها متجيش
مسك _ انا اتفقت معاها خلاص 
سيف _ الغي الاتفاق،  
مسك _ يرضيك اقولها كده وانا اللي قولتلها تيجي من الاول 
سيف _ قولت مش موافق يا مسك
مسك بمياعه _ عشااان خااطري يابيبي
سيف _ متحاوليش 
مسك _ حبيبييي 
سيف بإبتسامة _ يامصلحجيه طيب مش موافق 
مسك تقبله علي خده _ قلبي 
سيف_ جربي تاني كده يمكن اوافق 
مسك تقبله مره اخرى _ ههههه كده حلو 
سيف _ ماشي علشان خاطرك بس...  لكن لو شوفتها هنا هطردها
مسك _ انت مبتحبهاش ليه نفسي افهم
سيف _ مش برتحلها
مسك _ هي عملت معاك حاجه؟ 
سيف _ لأ 
مسك _ امال ليه كده 
سيف _ معرفش اهو مش برتحلها وخلاص 
مسك _ البنت غلبانه ياسيف،  دي ملهاش حد خالص 
سيف _ دي مشكلتها،  انا وافقت انها تقعد في الاوضتين بس متدخلش هنا 
مسك _ حاضر هنبه عليها 

#ريماس 

روحت تاني يوم وقعدت في الاوضتين ومسك راحت الشغل وسابتلي أسر وانا بقيت العبه لغيت ما نام  وبعدين فضلت اتصل بخالد عشان يقولي اعمل ايه بعد كده واخلي سيف يقربلي ازاي، وهو مردش عليه خالص،  ف سبت التليفون،  لما رجعلي دور التعب تاني وبقيت اسعل ودم ينزل من  حلقي،  ف روحت اجيب دوايه من الشنطة وملقتهوش،  ف طلعت وانا تعبانه وعلى اخري، قاصده الصيدلية وقبل ما اطلع من باب الجنينة سيف طلع من الڤيلا ونده عليه وانا قفت وانا بداري وشي عشان ميبانش عليه التعب  

سيف  _ رايحه فين 
ريماس _ رايحه الصيدلية اللي هنا 
سيف _ وسايب أسر لمين
ريماس _ هو نايم وانا مش هتأخر عليه
سيف _ لما اكلمك بصيلي هنا. 
ريماس تستدير _ افندم 
سيف بحده _ اخر مره تسيبيه لوحده 
ريماس _ حاضر  
سيف _ وريني الدوا اللي عايزة تجيبيه انا هجيبه
ريماس بلخبطه _ دي دي حاجه نسائيه 
سيف بخنقه _ طيب روحي هاتى أسر وبعدين روحى هاتيها 
ريماس _ انا مش هتأخر هما دقيقتين وارجعله
سيف بحده _ قولت هاتي أسر 
ريماس  _ حاضر  

مشيت خطوات  وبقيت اسعل بشده وانا واقفه مكاني

سيف _ مالك 
ريماس تمسح الدم بالمنديل وتداري وشها _ شرقت 
سيف _ ماشي،  يلا هاتي أسر 
ريماس بتعب _ حاضر،  

روحت هناك  وبقيت مش قادره اخد نفسي،.. ف شيلت أسر بسرعه ولما طلعت لقيت سيف مستني وادتهوله من غير ما ابصله وطلعت علي الصيدلية علي طول، 

#سيف

حسيت ان وراها حاجه مش عارفها، وكان باين عليها القلق وبتداري وشها  مني، ولما جابت أسر ادتهوني ومشيت على طول، ولما زاد شكي فيها خدت أسر ومشيت وراها لغيت ما وصلت صيدليه قريبه، وكنت شايفها سانده نفسها على الحيط وشكلها تعبانه وبتسعل بشده وبعد شويه الصيدلي ادالها علبة دوا وشربت منها  وبدأت ترتاح ، وبعد شويه لقيتها راجعه، ف مشيت قبل ما تشوفني ولما وصلت ورايا داخل الجنينة وقفتها 

سيف _ وقفي
ريماس _ افندم
سيف _ جبتي اللي كنتي عاوزاه 
ريماس _ ايوه 
سيف _ كنتي رايحه تجيبي أيه 
ريماس_ حاجه نسائيه 
سيف _ مش شايف معاكي حاجه 
ريماس _ لقيت الصيدلية قافله 
سيف بشك _ امال جبتيها ازاي 
ريماس بارتباك _ اسفه اتلخبطت بس
سيف _ اتلخبببطتي، لا سلامتك
ريماس _ هتجيب أسر 
سيف _ خدي 
ريماس تمسك أسر وتقصد تلمس أيده _ اسفه 
سيف _ عادى 
ريماس _ تحب اعملك حاجه تشربها او اجهزلك تاكول 
سيف _ انتي دورك هنا تاخدي بالك من أسر وبس
ريماس _ زي ما تحب 
سيف _ روحي يلا ومتغفليش عنه دقيقه واحده انتي فاهمه
ريماس_ حاضر 

معرفش كدبت ليه ، وايه اللي تاعبها علشان تخبي،.. مهما كان تعبها يعني مفيش مبرر يخليها تخبي 

#مريم 

صحيت الصبح وانا تعبانه، و لقيت جمبي ادويه و بولا فيها ميه وقماشه، وشكله كان في حد بيعملي كمدات، ولما قومت، لقيت ياسر طالع من الحمام وفتح الدولاب 

مريم_ مش هسيبهالك علي فكره

ياسر يتجاهل كلامها ويكمل اللي بيعمله
مريم _ بكلمك
ياسر ببرود _ طيب متزولنيش كتير لا احطك في الديب فريزر المره الجايه
مريم بغيظ _  خليك فاكر ان فاتورتك بتزيد وهحاسبك على كل حاجه
شهيره تخبط على الباب  وتفتح _ صباح الخير  يابني 
ياسر _ صباح الخير يا ماما  
شهيره بقرف _ يارب تكوني خفيتي لما سهرتي ابني  يعملك كمدات طول الليل وانتي نايمه
ياسر  _ ماماااا 
مريم _ مين ده  اللي  عملي كمدات
شهيره  _ ابني ايه محستيش بيه 
ياسر  بخنقه  _ عاوزة  حاجه يا ماما  
شهيره _ جيت اشوف  السنيوره خفت ولا  لسه 
مريم بخنقه _ خفيت 
شهيره _ طيب  روحي  يختي  جهزي الفطار ل ابني 
مريم _ جايه  وراكي 

بصتلي من فوق لتحت ومشيت وانا  رجعت  اكلم  ياسر  

مريم  بانفعال _ مين قالك اني  عاوزة  منك مساعدة،  انت ازاي  تعملي  كمدات  ....  ايه ده لحظه مين  حطني على السرير  امبارح 

ياسر يتجاهل كلامها ويوقف قدام المرايا يسرح شعره  وهي  تروح  وتشده من دراعه 

مريم  بغيظ _ بكلمك...  انت ازاي تشيلني،  مين  سمحلك 
ياسر يمسكها من فكها بقوة _ اخر مره تكلميني كده او ايدك تتمد عليه  
مريم تذق ايده بغيظ _ انا بسالك،  مين  سمحلك تلمسني، رد عليه 
ياسر _ انا سمحت لنفسي،  في  حاجه 
مريم _ في  اني عندي  اموت ولا ان واحد  زيك يساعدني،  
ياسر _ انا لو عليه هسيبك  تموتي بس مش قبل ما اعرف حكايتك  معايا ايه
مريم _ انت احقر انسان شوفته في  حياتي  ، ما ترمي عليه  يمين الطلاق وتخلي عندك  دم  
ياسر _ انا مش طايقك وقرفان منك،  بس  بعينك تمشي من هنا ولا تموتي حتى قبل ما اعرف حكايتك واعرف صاحبك اللي غلطتي معاه وجايه تلزقيها فيه يا مدام
مريم تضربه في كتفه بغيظ _  لا صدقتك،..  انت هتمثل عليه،    
ياسر _ محدش بيمثل غيرك،  انتي بنت رخيصة،  ولا نخليها مدام احسن
مريم بدموع _ رخيصة عشان روحت ورا واحد زيك وانا عرفاه صايع
ياسر _ اديكي قولتيها، روحتي ورايا وبقالك ايام بتلفي ورايا.. وعشان عارف اني مش بتاع جواز بلتيني فيكي  ،،  بس  بطريقة رخيصة اووي زيك 
مريم بدموع _ انا معملتش حاجه،  ولو كنت اعرف انك كده مكنتش بصتلك من الاساس  
ياسر باستحقار _ خلاص بقا انتي لسه هتعيطيلي،  انا فاهمك كويس،  مفيش  داعي لجو ده... يلا  تشاووو 
مريم ببكاء _ ربنا ينتقم منك 

ياسر يبعدها عن طريقه ببرود ويمشي وهو بيصفر

#ياسر 

 مشيت من عندها وروحت لبكينام في  بيتها وهي فتحتلي ودخلت  شكلها زعلانه 

ياسر يقفل الباب وراه _ ايه المقابله دي 
باكينام _ وعاوزني اقابلك ازاي يا عريس 
ياسر _ متقوليش زفت 
باكينام _ ليه العروسه طلعت وحشه
ياسر بخنقه _ باكينام انا جاي  اظبط مزاجي لو هتنكدي عليه انا همشي 
باكينام  _ غلطانه اني بغير عليك يعني
ياسر _ تغيري عليه لما يكون متجوز بجد مش واحده اجبرتني اني اتجوزها 
باكينام _ اللي يشوفك يقول زعلان 
ياسر بخنقه _ انا ماشي 
باكينام تمسك ايده _ لا لا خلاص سوري يابيبي 
ياسر بخنقه _ مش عاوزك تجيبيلي سيرتها نهائي اوكي
باكينام _ اوكي يا بيبي، بس انا ممكن اساعدك لو حابب 
ياسر _ تساعديني ازاي 
باكينام _ اتجوزني وخدني عندكم وانا اوريها ايام اسود من شعر رأسها
ياسر _ باكي انتي عارفه اني مش بتاع جواز خلينا حبايب احسن 
باكينام تمط شفتيها _ امال اتجوزت اللي اتبلت عليك ليه
ياسر بزهق _  انا ماشي 
باكينام _ اسفه اسفه،.. ياسر استنا  .. يااا ياسر 

مشيت وسبتها وروحت ل شاهر في بيتهم، لقيت عمي قاعد مع صاحبه وبيشرب شيشه والدخان مالي البيت، ف سبتهم ودخلت عند شاهر 

شاهر _ ياسر انت هنا 
ياسر _ ايه ياعم الغرزه اللي ابوك عاملها دي 
شاهر _ سيبك منه، وقولي جاي ليه دلوقتي 
ياسر _ اتخنقت من البيت، مش طايق اقعد فيه من وقت ما جت البت دى 
شاهر _ عملت معاها إيه 
ياسر _ عملتلها كمدات وعالجتها
شاهر _ عالجتها؟... انت اتجوزتها بجد ولا أيه
ياسر _  لا طبعا ولا عمرها هتكون مراتي، انا بس مش عاوزها تموت وترتاح دلوقتى
شاهر _ وناوي على أيه
ياسر _ ناوي اوصل للكلب اللي غلطت معاه واقتلهم هما الاتنين 
شاهر بارتباك _ وانت عرفت عنه حاجه 
ياسر _ مسيري اعرف 
شاهر بارتباك _ اه... كويس 
ياسر _ اسكت انا اللي هيجنني انها مصدقه نفسها، دي كانت هتقتلني امبارح
شاهر _ تقتلك 
ياسر _ ايوة،.. انا مش فاهم هي قصدها ايه بالحركه دي.. مش هي خططت لكل ده علشان اتجوزها، ازاي دلوقتي عاوزة تقتلني وكرهاني
 
شاهر _ تقتلك وكرهاك ايه،.. دي عايزة تخليك تصدق انك اغتصبتها علشان ترضا بيها.. انت بتصدق الحاجات دي بردو 
ياسر _ لا هي كانت هتقتلني بجد مش تمثيل، لكن مش فاهمها بردو 
شاهر _ بقولك بتمثل وشاطره في التمثيل كمان
ياسر _ تفتكر 
شاهر _ ومتأكد،.. انا لو منك اطلقها وارميها في الشارع 
ياسر _ مش قبل ما اعرف حكايتها معايا واعرف مين صاحبها 

#زين

كنت بشوف الكاميرات و شوفت بنت قدام البيت بتلف في الجنينه بتاعتي وبعدين وقفت قدام الباب الازاز،  ف سبت الاب توب وطلعت فتحت الباب فجأه

زين  _ هاي 
اسراء بانبهار _ انت زين قابيل؟ 
زين  _ اه،  في  حاجه 
اسراء _ انا اسراء من اشد معجبينك وبحبك اوي اوي 
زين _ ميرسي،  بس انتي بتعملي ايه هنا 
اسراء _ كنت جايه لصحبتي واتلخبطت في الڤلل بس  ده  من حسن حظي..  تسمحلي ادخل 
زين  _ سوري، انا كنت لسه ماشي 
اسراء _ اه 
نسمه من الخلف _ امسك حرامي، بتعملي اية هنا 
زين بإبتسامة _ هاي نسمه 
نسمه _ هاي... ايه جمعكم مع بعض 
اسراء _ كنت جيالك ف اتلخبطت في البيوت 
نسمه _ لا ياشيخه... زين متصدقش هي كان نفسها تشوفك... اعرفكم ده زين، ودي البنت اللي قولتلك انها بتهزقني عشان بحب اسمعك ههههه
اسراء بارتباك_ اخرسي 
زين  _ اوكي تشرفت بس ليه الكدب
اسراء بلخبطه  _ مكدبتش انا اتلخبطت في البيوت  بجد 
نسمه  _ زين بيهزر 
زين  _ نو، مش  بهزر،  انا مبحبش  الكدب وهي دلوقتي قالتلي انها من معجبيني وانتى قولتي العكس
اسراء  _ اسفه  ،  عن اذنكم 
نسمه  _ استنى،  انتي  زعلتي  

مشيت ونسمه  كانت  رايحه  وراها بس  انا  ندهت عليها 

زين _ نسمه استنى عاوزك
نسمه _ لا يازين مكنش  ينفع تحرجها كده  
زين _ انا  مبحبش  الكدب 
نسمه _ كدبه بيضا مفيش  داعي  للي  عملته ده 
زين _ سيبك  منها  تعالي  عاوز اقولك  حاجه مهمه 
نسمه  _  انت احرجت صحبتي يازين
زين _ نسممه بربك، متدلهاش اكبر من حجمها هي بنت  كدابه وتستاهل 
نسمه  بنرفزه  _ ما انا  كدبت عليك  وقولتلك اني  معرفكش، مزعلتش ليه  
زين  _ في  فرق بين كدبك وكدبها،  وعلى  فكره  انا. كنت  عارف  انك  معجبه بيه  من قبل  ما نتقابل 
نسمه _ عرفت ازاي   
زين  _ من الفلاشة  
نسمه _ الفلاشة  معاك 
زين  _ اه 
نسمه   _ انت لسه  مزعل اسراء  عشان  كدبت في  حاجه بسيطه  بس  انت كدبت كدبه اكبر منها وتطفلت علي  حاجه خاصه  بيه 
زين  _ انا شوفتها علشان  اعرف هي  بتاعت  مين   
نسمه  _ هات الفلاشة  يا زين  
زين  _  انتي  زعلتي 
نسمه  _ والمفروض اني  افرح  يعني  وانت بتكدب عليه،  مع  اني  جيت  وقولتلك اني  مرعوبه لا الفلاشة  توقع في  ايد حد  
زين  _ سوري يا نسمه،  مكنتش  اعرف  انك  ممكن  تزعلي  كده  
نسمه _ هات الفلاشة  خليني  امشي  
زين  _ سوري متزعليش 
نسمه _ بقولك  هات الفلاشة  خليني  امشي  
زين  _ اوكي،  تعالي جوه طيب
نسمه  _ مش  هدخل 
زين بتنهيده _ اوكي دقيقه  وراجعلك 

دخلت  اجبها وحفظت نسخه منها    على  الاب توب ورجعت ادهالها ولما مدت ايدها تاخدها منى مسكتها     

نسمه  _ ايه اللي  بتعمله  ده  
زين  _  ممكن نفضل صحاب 
نسمه تشد ايدها  منه  _ لما  انسا بقا، عن اذنك

#اسراء 

مشيت واستنيتها قريب من بيتهم وانا حاسه  بنار جوايا  بسبب احراجهم ليه،  ومضايقه منها  هي  بذات عشان  اتكلمت  قدامه مكنتش  قادره  تداري شويه،  وهو  قليل الذوق ومغرور،  خلاني  امشي  ونده عليها  هي  ،  دا غير  الفرحة  اللي  ظهرت على  وشه  لما  شافها،  طيب  اقطع دراعي لو ما كانت بتخون حسام  معاه،  بس  انا  مش  هسيبهم 

نسمه تيجي  وهي  شكلها  زعلان _ تعالي 
اسراء  _ والله  يعني  مكنتيش قادره  تسكوتي لازم  تحرجيني معاه
نسمه _ اسكوتي  دلوقتي  مش  عايزة  اسمع كلمه 
اسراء  _ هو  نفضلك انتي كمان  
نسمه  توريها الفلاشه _ كانت  معاه وبيكدب عليه 
اسراء  _ يابن ال وعامل  فيها  صحابي وبيقول بكره  الكدب 
نسمه _ خلاص  متجبيش سيرته تانى،  يلا بينا جوه 
اسراء  _ طيب  هاتي اخبيهالك معايا 
نسمه بخنقه  _ لا انا  هخبيها 

دخلنا اوضتها وبقيت  مركزه  معاها  اشوفها  هتخبيها فين  لغيت  ما حطيتها في  الدرج وبعد  شويه طلعت  من الاوضه  وانا روحت نحية الدرج عشان  اخدها وفجأه لقيت امها  دخلت عليه وكعادتها بتبصلي بصات غريبه 

ساميه _ تعالي  ياحبيبتي اقعدي  معانا  عند  التليفزيون  بدال ما انتي قاعدة  لوحدك 
اسراء _ حاضر  يا طنط دقيقة  وجايه  ورا حضرتك  
ساميه _ تمام  خدي راحتك  انا  قاعده  مستنياكي 
اسراء  _ خلاص  يلا بينا  
ساميه  _ مشفتكيش عملتي حاجه،،  كنتي  عايزة  الدقيقة  في  أيه 
اسراء  _ ولا. حآجه  اتفضلي
ساميه _ اتفضلي انتي الاول 

#مسك 

روحت  بعد يوم شغل طويل  ولقيت سيف في البيت 

مسك بارهاق _ ازيك 
سيف  _ تمام  ..  مالك فاصلة  كده 
مسك _ تعبت و  روحي طلعت وانا بقول اضحكي وازعلي وانبهري والاضاه هنا وكاميرا واحد تجهز  
سيف _ عقبال ما تتعبي معايا شويه
مسك _ بزمه شكلي ما يستدعي لشفقه، ودا وقته 
سيف  _ افتكر  انك وعدتيني تفضيلي شويه
مسك  _ وانا  عند  وعدي بس  اخلص  الشغل  اللي  ورايا 
سيف  _ تمام  اوي نستنا  يكون  خلصتي  
مسك  _ شكرا  حبيبي  ..  اروح  اجيب  أسر من عند ريماس  وارجعلك 
سيف _ قوليلي صحيح  ...  هي  عندها  ايه 
مسك  _ مش  فاهمه،  تقصد مين  
سيف _ ريماس 
مسك  _ مالها 
سيف  _ شكلها  تعبانه بس  بتداري  
مسك  _ وانت قابلتها 
سيف  _ ايوه، كانت  رايحه  الصيدلية ولما  سالتها رايحه  ليه  قالتلي  هجيب  حاجه نسائيه 
مسك  _ يمكن عندها  دلوقتى  عشان  كده  تعبانه  
سيف  _ لأ  انا  شفتها  عند  الصيدلية  هي  وبتكح بشده وتعبانه ومرتحتش غير  لما  خدت الدوا 
مسك  _ معرفش  بس  هي  كتير بتكح يعني  مش  اول  مره 
سيف  _ البنت  دي  فيها  حاجه مش  مريحاني،  فيها  ايه  الكحه عشان  تخبيها 

كلام سيف  شغلني ف روحت عندها اجيب أسر وأسالها على الكلام اللي قاله سيف،.. ولما وصلت لقيتها بتلعب  أسر وكويسه ومفهاش تعب

ريماس بإبتسامة _ حمدالله علي السلامه 
مسك _ الله  يسلمك  ...... قوليلي بقا مخبيه عني ايه   
ريماس بارتباك _ مش  فاهمه  مخبيه عنك ايه  يعني 
مسك _ انتي ايه  تاعبك 
ريماس  تاخد نفسها  _ مفيش حاجه حبيبتي انا  كويسه 
مسك _ امال كدبتي ليه علي  سيف وقولتي رايحه  تجيبي حاجه نسائيه  وروحتي تجيبي دوا 
ريماس _ وانتي  عرفتي  ازاي  اني  جبت دوا مش  حاجه نسائيه 
مسك _ هو  قالي 
ريماس بتنهيده  _ صح  بس  انا. جبت دوا مسكن علشان ال*****   واتكسفت اقوله كده 
مسك  _ كده  يعنى  
ريماس  _ اه حبيبتي  هو  كده 
مسك  _ ماشي  حبيبتي،  الف سلامه  عليكي،  
ريماس  بإبتسامة  _ الله  يسلمك  حبيبتي

#سيف 

رجعت مسك وقالتلي اللي  قالتهولها وانا مشيتها انها  تعبانه  علي  السبب ده  ولو انه مأقنعنيش وكنت  شاكك فيها  لغيت  ما جه تاني يوم  وانا  راجع  من الشغل  لقيتها  قاعده  في  الجنينة مع  أسر وماسكه مصحف وبتقراله،  وانا اللى  اعرفه ان في  الوقت  ده مش  بيمسكو مصاحف،  ف روحت  عندها   

سيف _ بتقري في  المصحف  عادي اهو  
ريماس  _ اه ما انا. مسلمه لو مكنتش  عارف  
سيف  _ وانتي عندك  اللى يمنعك. من لمس المصحف  لو مكنتيش فاكره 
ريماس  _ يعني ايه  
سيف _ يعني انتي كدبتي علي مسك
ريماس _ عيب اوي تدخل في الحاجات دي
سيف  _ انا  من اول  يوم  شوفتك فيه  وانا  مش  مطمنلك،  ما تقولي  ايه حكايتك 
ريماس  _ مكنتش  اعرف  انك. مركز  معايا،  دايما  بشوفك  بتتجاهلني 
سيف  _ اتجااهلك.....  التجاهل  دا لناس اللي  واخدين بالنا منهم  مش  اللي  مش  شيفينهم من الاساس 
ريماس  بإبتسامة  _ ما انا  واخده بالي  
سيف _ لحظه لحظه،.. فهميني ايه معني الابتسامة   دي 
ريماس  _ حضرتك    عاوز ايه دلوقتي 
سيف  _ اممم هنبتديها  كده  احنا 
ريماس  _ طيب  فهمني، حضرتك عاوز ايه وانا  هريحك 
سيف بحده  _ عاوز اقولك تعالي    دوغري عشان  متتعبيش معايا 
ريماس بإبتسامة _ متعوده على  التعب،  ومستعده اتعب تاني 

اسلوبها في  الكلام  قلقني منها  اكتر، ما انا  قلقان ،  ف مشيت  وسبتها عشان  مغلطش قبل  ما افهم  حكايتها أيه


تعليقات