رواية احببتك رغم اختلافك
الفصل الثامن عشر18الاخير
بقلم هدير بدر
كريم بدا يقرا لقي الكلام كله عنه وان رنين كانت بتحبه من زمان بس
خايفه من تعبها وان دا ياثر علي علاقتهم فضل يقرأ ويعيط انه ظلمها وفي نفس الوقت فرح ان هي بتحبه
شاف اخر ورقه لقاها كاتبه انها هاتخليه يكرها علشان لو العمليه مانجحتشي
وفضل يقرأ لحد ما الدكتور طلع
كريم قام بسرعه: طمني يادكتور
الدكتور بعمليه : بخير سيدي العمليه نجحت ولكن سوف نضعها تحت الملاحظه اليوم
كريم : هل يمكنني أن أدخل اليها
الدكتور : للاسف ليس الآن غدا
كريم : شكرا دكتور
وقعد يبص عليها من الشباك واد ايه هي مرهقه فعلا
وفاجاه تليفونه رن
كريم بتعب : ايوا يامروان
مروان : ايه طمني
كريم : الحمدلله العمليه نجحت بس بكرا اقدر ادخلها
مروان بفرح: الحمدلله الحمدلله مبروك ياصاحبي انت محتاج حاجه علي عيني اسيبك في الوقت دا بس الشغل ماينفعشي احنا الاتنين نسيبه
كريم بحب : عيب عليك كفايه سؤالك عليا
مروان فضل يهزر معاه علشان يخرجه من اللي هو فيه
وقفل معاه
وبعدين بص في الارض بحزن
هدوء حسيت بكدا وقامت وطبطبت عليه وبعدين مروان اترمي في حضنها وفضل يعيط
هدوء اتصدمت علشان معروف علي مروان انه قوي
مروان بعياط : مش بحب اشوف صاحبي كدا وماقفشي معاه
هدوء بحزن : اهدي هي رنين عامله ايه
مروان : بقيت بخير العمليه نجحت
هدوء بمزاح : ياشيخ وقالبها نكد والنكد دا بتاعنا.
مروان ضحك
هدوء فضلت سرحانه فيه .
مروان بحب : هاتفضلي اجمل حاجه دخلت حياتي بجد
هدوء اتكسفت ووشها احمر
مروان: يالا نفطر علشان الشغل كله عليا وعندي ضغط جامد
هدوء فركت في ايدها وبعدين قالت اسمه بتوتر
مروان بصلها بحب واطمئنان علشان تقدر تتكلم ومسك ايدها : قولى عايزه ايه من غير خوف
هدوء: عايزه عايزه انزل معاك الشركه اساعدك بس
مروان : وكليتك
هدوء بتسرع: صدقني صاحبتي هاتجبلى المحاضرات بس خليني اساعدك
مروان محبش يزعلها : ومالو ياستي يالا نفطر ونجهز
هدوء قفزت بفرحه وراحت حضنته تلقائي
هدوء بعدت بحرج: ا اسفه
مروان بضحكه : اسفه علي اي انا زي جوزك برضو
هدوء جريت علي الحمام تتوضي وتجهز وكمان مروان جهز
مروان بصوت عالي نسبيا : انا جهزت هاسبقك تحت علشان نفطر ماشي ماتتاخريش
هدوء بفرحه : ماشي طياره هاتلاقيني وراك
بعد خمس دقايق
مروان سمع صوت خطواتها وهي نازله من علي السلم بص عليها وتنح
هدوء كانت لابسه جيبه منفوشه اسود وعليها بلوزه رقيقه كاشمير وخمار اسود في كاشمير وكوتشي عالي نسبيا وكان وشها خالي من اي مستحضرات تجميل
كانت غايه في الجمال
مروان قام وقرب عليها : اللهم بارك ايه الجمال دا
هدوء اتكسفت ووشها احمر
مروان بضحكه: ماعرفشي بتتكسفي ليه يالا ياستي ناكل علشان هاتاخر علي الاجتماع
هدوء : يالا
وكلوا وبعدين ركبت جنبه ومروان كل شويه يبص عليها
وصلوا الشركه
ومروان مسك ايد هدوء ودخلوا
هدوء كانت مبهوره اوي بالمبني وكل العيون كانت عليهم
مروان دخلها معاه المكتب وفهمها تعمل ايه
وبعدين استاذنها يحضر الاجتماع
هدوء : عايزه احضر معاك اشوف بتعملوا ايه
مروان : تمام تعالي
دخلوا الاوضه وهدوء جنبه
فضل يشرح وهدوء كانت مبتسمه بلباقته في الشغل
خلص الاجتماع ومروان وهدوء دخلوا الاوضه
مروان : استفدتي
هدوء بابتسامه : اكيد
وخدت الاوراق وفضلت تساعد مروان هدوء كانت بدأت تتعب وهي مروان قعدين علي الكنبه يخلصواالشغل بعدين لقي حاجه علي كتفه بيبص لقاها نامت
إبتسم وكمل شغل بسرعه وبيبص في الأوراق اللي معاها لقاها مخلصاها وانبهر بذكائها
خلص الشغل بمساعدتها طبعا
وبعدين شالها ونزل الشركه كلها شافتهم وكان في الحاقد وفي اللي فرحان ليهم
دخلها العربيه وخلى دماغها علي رجله وبعدين نزل شالها ودخل البيت بهدوء وطلع حطها علي السرير
....
رنين كانت بدأت تفوق كريم جري لقاها بتفتح عينها
تلقائي حضنها
رنين بتعب حطيت ايدها علي دماغ كريم : انا انا فوقت بجد
وبعدين عينها دمعت
كريم بحب : شششششش اهدي انا معاكي والعمليه نجحت
رنين افتكرت انه هايسبها لما تخف فضلت تعيط بقوه
كريم اتخض عليها
كريم بلهفه : مالك حاجه تعباكي انادي للدكتور
رنين فضلت تعيط وتهز دماغها
كريم بحب : مالك بس فهميني
رنين مسحت دموعها :م مافيش
كريم: احكيلي فيةايه
رنين بانهيار : في انك هاتبعد عني خلاص وانا انا بحبك من زمان طبعا اللي هاقوله مش هاتصدقه علشان هاتفكر اني بعد ماخفيت هاقول كدا والله انا بحبك ياكريم وفضلت تعيط
كريم حضنها : ششش ياهبله وانا بحبك وعمري ما اسيبك مهما حصل .
رنين بصتله بصدمه : بعد كل اللي عملته فيك
كريم بحب : قرات الرسايل اللي كنتي بتكتبيها ليا زمان وفضل يضحك
رنين بصتله بكسوف : ايه بتهزر
كريم : لا مش بهزر
رنين فضلت تفرك في ايدها
كريم لسه هايتكلم الدكتور خبط علي الباب ودخل
وبدأ يفحصها وبص لكريم بفرحه : هي بخير الان
كريم بفرحه : هل ينفع ان أخذها المنزل
الدكتور : يومين بس وبعد ذلك يحق لك ان تأخذها فقط لتكون حالتها استقرت
كريم شكره
وبعدين بص لرنين
رنين باستفهام : مش فاهمه
كريم ضحك وقالها اللي الدكتور قاله
...
هدوء صحيت لاقيت نفسها في اوضتها
صحيت مفزوعه
مروان صحي بخضه علي خضتها
مروان : مالك في حاجه
هدوء : ل لا بس ازاى جيت هنا انا كنت معاك في الشركه
مروان بضحكه : حرام عليكي خضتيني لا ياستي انتي نمتي في الشركه
هدوء بزعل : انا انا اسفه والله مش عارفه اقولك ايه
مروان بابتسامه: انا اللي مش عارف اقولك اي ساعدتيني كتير من غيرك ماكنتيش هاقدر اخلص الشغل طلعتي عبقريه
هدوء بفرحه : بجد اللي عملته طلع صح
مروان بغرور : طبعا مش مراتي
هدوء : مغرور وضحكت
.....
عدي يومين وعلاقه كريم برنين بتقوي كل يوم عن يوم وكريم فضل يساعدها
جيه اليوم الي رنين هاتطلع فيه كريم جهزها وساعدها تلبس وخدها وركبوا طياره لمصر
مروان عرف بقدوم كريم وعزمه يجي علي بيته ويناموا عندهم
وكريم وافق بعد اصرار من مروان
كريم وصل البيت مروان حضنه وسلموا علي بعض بترحاب
وبعدين بص لرنين : حمدالله علي سلامتك يارنين
رنين : الله يسلمك
هدوء كانت نازله وجريت سلمت علي رنين وفضلت تطمن عليها
قعدوا ياكلوا في جو مرح
وبعدين هدوء خدت رنين يقعدوا سوا يتكلموا
وكريم فضل يتكلم مع مروان
مروان : مش هاقدر نصبر عليه اكتر من كدا عايزه يجي تحت رجلى
كريم : ماتقلقشي وانا نزلت بسرعه علشان كدا من بكرا نبدأ
مروان : لا لا انت لسه مارتاحتيش
كريم بشر : هارتاح لما نقضي عليه
مروان حضن كريم وبصله بامتنان
تاني يوم كريم صحي رنين فاقت علي صوت حركته
رنين بتفتح عينها بصعوبه وبتبص لكريم : رايح فين
كريم ماحبش يقلقها : مشوار سريع كدا ياروحي
رنين : ماشي ياحبيبي ربنا معاك ابقا طمني عليك
كريم : عنيا
.....
عند مروان المنبه فضل يضرب
مروان صحي هو وهدوء
هدوء: ايه دا هاتروح بدري الشغل
مروان بكذب : ايوا
هدوء : اشمعنا بس
مروان بحب : علشان ياحبيبتي عندنا شغل كتير
هدوء : تحب اجي معاك
مروان بابتسامه وحب : مش هاينفع علشان رنين هنا وكريم جاي معايا
هدوء : ماشي ياحبيبي ونامت تاني
كريم ومروان مشيوا
وكلموا حد في التليفون وراحو المخزن
مروان دخل : والا ووقعت وماحدش سمي عليك اخرتك الارض برضو ودعك وشه في الارض
محمود بصله بشر : هاموتها برضو
مروان بضحكه : مش لما تطلع من هنا عايش
محمود ضحك : هاتشوف علي لما تروح من هنا هاتلاقي مراتك ميته من هنا
مروان بخوف : انت اهبل بتقول اي
محمود : زي ماسمعت
مروان شده من شعره : انطق مين معا
محمود بضحكه : مراتي
مروان باستغراب : ومال مراتك بمراتي
كريم كان واقف مش فاهم حاجه
محمود ضحك بصوت عالي : مراتي هي الأساس اني اقتل مراتك هو انا ماقلتلكشي ان مراتي تبقا ام مراتك الغاليه هند هانام وهي من زمان عايزه تموتها علشان تاخد ورثها من ابوها بس حظها كل مره بتطلع عايشه بس المره دي مش هاتلحقها علشان امها ناويه تأكلها اكل فيه سم وهي وصلت حالا اكيد علشان انا بعتلها رساله
مروان قلبه دق جامد
كريم خاف علي رنين وهدوء
كريم بص لمروان : روح انت وانا هاتصرف معاه روح الحق مراتك
وخد البوليس معاك
محمود : مش هاتلحقوها وماتقلقشي بنت عمك معانا وفضل يضحك
مروان جري بالفعل رن علي البوليس وفضل يرن علي هدوء مالاقهاش بترد
فضل يضرب في العربيه : ردي ردي الله يخليكي وساق باقصي سرعه
.......
هدوء صحيت علي صوت هند ونزلت تجري
هدوء بفرحه : ماما وحضنتها جامد
هند بدموع تماسيح : حبيبتي انا اسفه علي اي حاجه حصلت سامحيني يابنتي بس كنت مضايقه
هدوء: مافيش حاجه ياماما انا بحبك اوي اخيرا سامحتيني
هند : شوفتي دليل اني سامحتك جبتلك الجاتوه اللي بتحبيه
هدوء كانت فرحانه اوي ولسه هاتاكل
مروان جري شد من ايدها ورماه ف الارض
هدوء: ف اي يامروان
مروان فتح التسجيل
هدوء سمعت وهي مش مصدقه والبوليس دخل
الظابط : امسكوها
هدوء مسكتها : ليه عملتي كدا ليييييه انا عملتلك ايه ردي عليا انا حبيتك اوي لييييييييييييه
هند بعصبيه : علشان انا مش امك انا ضره امك امك ماتت من زمان وعلشان حضرتك هاتاخدي نصيب اكبر من ميراث ابوكي حبيت اخلص منك بس القدر كل مره بيقف معاكي ماتقلقيش هارجعلك
هدوء انهارت وكله كان طلع
مروان : استني ياحضره الظابط والهانم دي معاهم وشاور علي مي
مي بصيت بصدمه وهما رايحين يخدوها : لا لا انا ما عملتيش حاجه انا اتفقت معاهم علشان بحبك يامروان صدقني بحبك
مروان ماهتميش بكلامها وشال هدوء وفضل يهديها
هدوء بانهيار : ليه بيحصل معايا كل دا انا عملت اييييييه لييه انا ليه
مروان بحب وحزن عليها : شششش اهدي انا معاكي
كريم كان ضرب محمود وسلمه للبوليس ورجع لبيت مروان
جري ينادي باسم مروان
مروان سمعه بس ماكنشي قادر يسيب هدوء في حالتها دي
رنين صحيت مفزوعه علي صوت كريم
رنين طلعت تجري : مالك ياحبيبي فيةايه
كريم : هدوء فين
رنين باستغراب : مش فاهمه فوق اكيد ليه
هدوء بصيت لمروان : كلم كريم
مروان نزل طمن كريم
وطلع لهدوء
........
كريم بص لرنين بحب : ادخلى البسي علشان في مفاجاه
رنين بصتله : مفاجاه ايه
كريم : هاتبقا مفاجاه يعني لو قلت يالا بقا
رنين دخلت لبست ومشيت معاه
ركبت جنبه فيةالعربيه
وكريم وقفها عند قسم
رنين نزلت جنبه وبدأت ترتعيش: ف في ايه
كريم :شششش اهدي تعالي بس ودخلوا
كريم سلم علي الظباط بترحاب وقعد ورنين كانت جنبه
كريم قال للظابط حاجه ورنين مش فاهمه
فاجاه طلع خلانها متبهدلين هما ومراتاتهم
رنين قامت وقفت واستخبت في ضهر كريم
كريم : مرات كريم ما بتخافشي ومسك ايدها يقويها مش دول اللي خدوا ورثك ورموكي وبعدين بصلهم بشر شوفتوا نهايه طمعكم ولا فلوس ولا ورث هاينقذوكم من السجن
محمود : ابوس ايدك يابيه خرجنا احنا حرمنا
كريم مسكه من لياقته : دلوقتي حرمنا لكن البت المسكينه اللي امها لسه ميته ترموها صح بدال ماتبقوا سندها اتفو علي القرايب اللي زيكم مبروك عليكم السجن وخد رنين ومشيوا
رنين فضلت تعيط وتحضن كريم : شكرا لانك خدت حقي
بعد مرور اسبوع
كريم ومروان قرروا يعملوا فرح بمناسبه انهم ماعملوش وعلشان يفرحوا مرتاتهم
وكل واحد كان ماسك بوكيه ورد وباصص للاوضه
كل واحده طلعت فيهم واكنها اميره
كريم جري علي رنين بحب وباس دماغها وايدها : مبروك عليا احلى جوهره وحضنها
عند مروان بص لهدوء بانبهار وماحسيش بنفسه غير وهو شايلها وفضل يلف بيها وباس دماغها
وكل واحد خد اميرته ونزل وفضلوا يرقصوا اسلو وكل واحد كان في عالمه
مروان بص لهدوء بحب : ربنا يباركلى فيكي واقدر اعوضك عن أي اذي واي كلمه قلتهالك وحشه ويارب اكون الزوج اللي بتتمنيه
وبعدين قعد علي ركبته وطلع خاتم سوليتير
وباعلى صوت تقبلى تتجوزيني وتبقا شريكتي ونصي التاني
هدوء بدموع وحب هزيت دماغها .
مروان ماكنشي مصدق نفسه وشالها ولف بيها وكله قام وقف يسقفلهم بحب
وبعدين لبسها الخاتم
كريم ورنين كانوا فرحانين ان اخيرا مروان حب هدوء
هدوء بابتسامه وكسوف : بحبك
مروان بصدمه : نعم قلتي ايه
هدوء بكسوف : بحبك
هنا.في كرنفال الروايات ستجد. كل. ما هوا جديد. حصري ورومانسى. وشيق. فقط ابحث من جوجل باسم الروايه علي مدوانةكرنفال الروايات وايضاء اشتركو على
قناتنا 👈 علي التليجرام من هنا
ليصلك اشعار بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹
تمت بحمد الله
قناتنا 👈 علي التليجرام من هنا
ليصلك اشعار بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹
تمت بحمد الله