Ads by Google X

القائمة الرئيسية

الصفحات

رواية عشقت متمردة الفصل الاول1بقلم ميرفت السيد


 رواية عشقت متمردة 
الفصل الاول1
بقلم ميرفت السيد


ماما انا رايحة اقدم على وظيفة لقيتها على اوليكس

ماما صرخت وندهت على بابا😱



الحق بنتك يازايد عاوز. تنزل تتبهدل وتشتغل

قعدت افطر وانا بضحك على كلامها

بابا جه وهو بيقولها بضيق :في ايه ياام كارما مالك عالصبح

قلتله :صباح الفل ياحجوج 😘

كل دة عشان عاوزة اروح انترفيو

ماما:هو احنا فقرا ولا وش بهدلة وانتي وحيدتنا هخاف على مين غيرك 🥺 انا عاوزة اجوزك وارتاح 😘

بابا قالها:اهدي بس ياحجة علينا 😂 واقعدي نفطر ونتناقش

قعدت وبدأنا نفطر كلنا وساكتين

بابا كسر الصمت:كارما عاوزة تشتغلي ليه 

انا:يابابا ايه المشكلة وانا كنت بادرس واتهرج بتقدير جيد جدا ليه

ووجهت كلامي لماما :الشغل مش عشان الفلوس بس انا عاوزة اثبت ذاتي ويبقى عندي خبرة بصورة عملية  وانتي عارفة بنتك.طموحة

ماما قالت يابنتي انا خايفة عليكي الناس وحشة

بابا قالها لا متخافيش على كارما 😁 خافي منها

ضحكنا وقلت دة لسة انترفيو وانا خبرتي اليتيمة من مكتبك ياحاج

ماما : ماكنتي عند ابوكي ومرتاحة

انا :سيبوني بدماغي

ياللا سلام ادعولي




نزلت ركبت عربيتي المتواضعة وروحت لشركة المجد للانشاءات

من اكبر الشركات  مفيش حد ماسمعش عنها ولا عن عيلة المجد  دول ٤ اخوات مصر كلها تعرفهم رجال اعمال  زي ابو هشيمة كدة 🤗

انا مش مصدقة انهم عاوزين مديرة مكتب 

وانا دراستي ادارة اعمال واشتغلت مع بابا في مكتبه  بتاع مقاولات   سنتين بس عاوزة اعتمد على نفسي بقى واشوف ناس جديدة زوهجت 😀

طريقي كان عالبحر ❤️ وشغلت فيروز وانطلقت


المهم وصلت ودخلت بالسي في الغلبان الامن شاورلي عالاسانسير وقالي الدور التالت 

ركبت الاسانسير لقيت واحد راكب جنبي لابس كاجوال ونضارة شمس وطويل ووسيم نوعا ما

بيقولي  : ياانسة شفايفك

وبيشاورلي على شفايفي 😳😳

قلتله انت سافل وضربته بالقلم كان الاسانسير وصل مسك خده بصدمة 

بصتله باحتقار  ومشيت 




دخلت المكتب بتاع السكرتارية لقيت بنات كتير كلهم لابسين من غير هدوم 😁

يانهار ملط 😂 انا مع الحرية  بس كدة مهلبية الي مافي واحدة لابسة تحت الركبة 😳😳😳

انا بس الي محجبة وسطهم 😂  وكلهم بيبصولي باستغراب 😒

قلت لنفسي جرا ايه يابت منك ليها انا لو فردت شعري بس هاقعدكم في بيوتكم 😁😁😁😁

مليت الابليكشن زيهم وقعدنا نستنى دورنا


لحد ماجه دوري  قبل ماادخل بنت من البنات قالتلي امسحي شفايفك 😳 بصيت بسرعة على كاميرا السيلفي لقيت سكر بودرة مكان مافطرت 😂 

يعني ضربت الغلبان وهو كان بيساعدني مسحت شفايفي بسرعة ودخلت لقيت ٢ رجالة  واحد قاعد عالمكتب اربعيني وقور وسيم خالط الشيب شعره الاسود زاده كاريزما ومبتسم بوقار  مكتوب على مكتبه  ماجد ابو المجد المدير العام 🥺 اتخضيت بس كنت ثابتة ظاهريا

وواحد قاعد قدامي اعتقد انه الاتش ار  طلب مني اقعد

وبدأ يسألني : اتفضلي عرفينا بنفسك




قلتله انا كارما ٢٤ سنة بكالوريوس ادارة اعمال بتقدير جيد جدا

قالي اشتغلتي فين غير مكتب زايد للمقاولات انا شايف مفيش غيره 😒

قلتله ايوة ماهو بالعقل انتو طالبين خبرة والخبرة لازم تيجي لما اشتغل وانا معاهم بقالي ٣ سنين  وانتو اول مكان اتقدمله من بعد مااتخرجت ودي خبرتي الوحيدة

قالي  سبتيهم ليه 




قلتله  دة مكتب بابا كنت باروح اتدلع مفيش شغل وانا عاوزة اشتغل بمكان اكبر يناسب شهادتي واكسب خبرة

كل دة والي عالمكتب بيسمع

فجأة قرر يتكلم شاور للي قاعد قدامي يسكت

وقالي : انتي عندك استعداد تتدربي معانا مع مديرة المكتب القديمة لمدة اسبوع بعدها هانشوف تقييمك ونقرر ايه رئيك ؟

قلتله بفرحة :انا اتقبلت 😳😀 

قالي :ايوة 🙂 عاجبني جو لن اعيش في جلباب ابي 😇 وابتسم برقة 


ضحكت وقلتله ان شاء الله هكون عند حسن ظنك 🤗

قال للشخص التاني قوم معاها ياعلاء قولها عالراتب والمواعيد وعرفها بفاتن 

عرفت كل حاجة وفاتن مديرة مكتبه والي مسئولة عن كل مايخصه  هاتمشي عشان حامل 

كانت لطيفة وودودة جدا 

وانا قاعدة ومندمجة عالكمبيوتر باعمل شغل طلبته مني لقيت صوت بيقولي 

اتفضلي روحي ملكيش شغل معانا 😳

لفيت لقيت........

                           الفصل الثاني من هنا

لقراءة باقي الفصول من هنا

تعليقات