وقفت عربية علي قدام بيت يارا علي اتعدل في كرسيه بص ليارا.
علي بحنو:عامله اي دلوقتي يا يارا.
يارا بسرحان: الحمدالله.
علي مسك أيدها وضغط عليها يارا بصتله وعينيها مليانه دموع.
علي:يارا يارا فوقي ومتخليش حاجه زي دي تأثر عليكي الحمدلله انها جت علي قد كده.
يارا دموعها نزلت:انا كنت خايفه اوي يا علي.
علي بدون مقدمات اخدها في حضنه ويارا انفجرت من العياط علي ماستحملش يشوف دموعها طبطب عليها وملس علي حجابها بحنيه وهدوء.
يارا بصتله:انا مش قادره اتخيل لو مكنتش جيت كان اي الي حصل كانو هيدبحوني يا علي.
علي:ششش مش عاوز اسمع الكلام ده وطول ما انا موجود محدش في الدنيا دي يقدر يقربلك ولا يمس شعره منك
والكلاب دي انا هعرف اتصرف معاهم كويس اهم حاجه حبيبتي ماتقلقش ولا تشيل هم حاجه والاهم من ده كله مش عايزك تعيطي ولا اشوف دموعك دي ابدا انتي فاهمه يا بت انتي.
يارا ابتسمت من بين دموعها:فاهمه.
علي ابتسم لها:يلا اطلعي البيت وخدي شاور هادي وغيري هدومك ومتحمليش هم حاجه.
يارا مسحت دموعها وظبطت طرحتها.
علي بمرح:ايوه كده هي دي يارا حبيبتي شوفتي انتي لما بتضحكي الدنيا بتنور ازاي طب لزمه لما انتي تعيطي الي زيي يعمل اي يموت بقي.
يارا بسرعه:بعد الشر عنك ماتقولش كده
علي ابتسم علي خوفها ليه الي ظهر في عينيها وفرح من جواه ويارا وشها احمر من الخجل بصتله بكسوف.
يارا:طب انا هنزل بقي سلام.
علي بابتسامة:سلام.
نزلت يارا وطلعت بيتها تحت أنظار عاشق كان خايف وقلقان علي حبيبته علي فجأة ضحك لأن من كتر ما هي تايها علي قالها بحبك منغير ما ياخد باله أو يمكن دي الحقيقه ايوه هي دي الحقيقه والحقيقه هي....
اني عشقتك يا يارا.
في مكتب ملك كانت قاعده علي مكتبها سرحانه وبتفكر بتفكر في كلام رعد ليها عن أحمد وعلي قد ما قلبها واجعها من الي
حصل ومن رفض رعد لاحمد الا أنها فكرت بعقلها شويه وحست أن كلام رعد صح وبقي عندها فضول تشوف احمد هيتمسك بيها ويعمل المستحيل علشان يتجوزها ولا مش هتفرق معاه.
بعيد عنها شويه كان قاعد كريم علي مكتبه كان حزين علي حال ملك وعيونها الي باين فيهم الحزن بس من جواه فرحان أن رعد رفض احمد وكده حسن أن احمد انزاح من طريقه وقرر أنه لازم يعترف بحبه لملك في اقرب وقت.
جنبه بشويه كانت نور قاعده وباصه لكريم بوجع ودموع متجمعه في عينيها وهي شايفاه باصص لصاحبتها بحب ظاهر في عنيه حسرة قلب كبيره نفسها متفكرش فيه نفسها تشيله من قلبها عاوزه ترتاح من وجع القلب ده هي بتحبه وهو مش حاسس بيها ولا شايفها دعت ربنا أنه يبقي من نصيبها نفسها ترتاح من الوجع ده ومش قادره.
_لا تندهش عزيزي القارئ فهذه هي قلوبنا واختيارتنا من نحبه لا يشعر بينا ولا يرانا ومن يحبنا لا نراه ولا نشعر به تتوقعوا يا ساده هل هذا قدر كل منا أن نقع في حب خطئ أو حب لأحد لا يشعر بنا ام هو اختيار القلب الذي يعشق من لا يهواه؟؟؟
ملك قامت ولملمت حاجتها لانها مش قادره تركز في أي حاجه وحاسه أنها مرهقه ومش قادره تشتغل.
ملك:طب يا جماعه انا هامشي لأن انا تعبانه جدا مش قادره اركز في حاجه.
نور:تمام يا ملك روحي انتي واحنا هانكمل الشغل ونروح.
ملك:تمام يلا باي.
مشيت ملك تحت أنظار كريم كان عاوز ياخدها ويخرجوا بس شاف تعبها وارهاقها ده فا أجلها نور اخدت بالها من نظراته دي ونار الغيره ابتدت تاكل فيها حتي لو هو مش مش
حاسس بيها بس هي بتحبه وغيرانه عليه قررت انها تحاول يمكن تزرع حبها في قلبه وتمحي ملك تماما قامت وقفت وراحت عنده.
نور:اففف انا زهقت اوي.
كريم:ومين سمعك انا كمان مخنوق وزهقان.
نور:طب بقولك اي انا جعانه تيجي نخرج نتغدي بره اهو بالمره نغير جو شويه بدل الملل ده.
كريم بتفكير:اشطا يلا انا كمان حاسس بملل ومش عاوز اروح يلا بينا.
نور بحماس:ثواني هجيب شنتطي.
نور اخدت شنتطها وجواها فرحه ماتتوصفش نزلو وبيركبوا العربيه.
نور:هتوديني فين بقا.
كريم:هوديكي مطعم كده علي زوقي يارب يعجبك.
نور:اكيد هيعجبني.
كريم معلقش من نظرة الحب الي بانت في عينيها واتحرك راحوا لمطعم يتغدو فيه.
في بيت السيوفي دخل رعد وهو حاطط جاكيت البادله بتاعته علي كتفه وهو بيغني وبيدندن وكان مبسوط جدا
دخل لقي عمر مسترخي علي الكنبه وحاطط سماعات الهيد فون علي ودانه وماسك الموبيل في أيده دخل رعد شد السماعات من علي ودنه عمر انتبهله واتعدل رعد قعد قدامه وبدأ يغني بصوت جميل وعذب.
رعد:وفين لياليك عمال بناديك مشتاق لعنيك واحشني لؤاك.... بالي مشغول بهواك علي طول والليل بيطول وانا مش ويااااك.
عمر بصله وضحك:يا سيدي يا سيدي ده واضح أن الغزاله رايقه علي الاخر.
رعد حط أيده ورا دماغه ورد بشرود.
رعد:هي رايقه بس دي رايقه بشكل.
عمر:الا قولي بقي اي سر الروقان ده.
رعد:قولي انته الاول فين ملك؟
ملك وهي داخله عليهم:ملك جت اهي.
رعد قام وقف وطلع علي طرابيزة السفره واتكلم بعلو صوته:كده الثلاثي اجتمع اكتب يا تاريخ واشهد يا زمان انا هاتجووووووز.
عمر وملك بصوا بعض بدهشه وفي نفس واحد:نععععععم.
رعد:هو اي الي نعم بقولكم انا هاتجوز.
عمر بشك:حياة صح؟
رعد:هي هي بعينها خطفتني من اول مره شوفتها فيها.
عمر طلع معاه علي الطرابيزه وحضنه.
عمر بفرحه:خش في حضن اخوك يا فواز مبروك يا رعد ألف مليون مبروك يا خويا مبروك يا دنجوان.
رعد بص لملك لقي عينيها بتدمع نزل من علي الطرابيزه وحاوطها بدراعه.
رعد بحنيه:ليه الدموع دي يا حبيبتي انتي مش مبسوطه؟
ملك:مش مبسوطه ازاي انا مبسوطه اوي دي دموع الفرحه يا حبيبي الا قولي هي البنت ام عيون زرقا الي كانت في الحفله؟
رعد ابتسم وخبطها بخفه علي دماغها.
رعد:ما انتي مركزه اهو.
ملك:اخدت بالي وشكلها بنت محترمه ومأدبه علي فكره.
عمر نط من علي الطرابيزه ومسك تليفونه:بقولكوا اي مش عاوزين نكد احنا عاوزين نحتفل وبس.
رعد:انا اخدت معاد مع ابوها وهنروح نزورهم بكره.
عمر شغل اغنية اخواتي وقعد يرقص وشد رعد رقص معاه وملك كمان اندمجت معاهم وكان جواهم فرحه كبيره أن اخوهم الكبير وابوهم هيتجوز.
عند كريم ونور كانوا قاعدين مع بعض علي كورنيش النيل وبيشربوا حمص الشام كريم يصلها واتكلم بروقان.
كريم:اي يا بنتي الروقان ده النيل وهواه حمص الشام واغاني ام كلثوم اي الجمال ده.
نور بفرحه:اي رأيك روقان صح انا لما بعوز اقعد لوحدي وافضي دماغي باجي هنا.
كريم براحه:مكان مريح للأعصاب بس مش يلا نروح بقي الوقت اتأخر.
نور بصت في الساعه لقتها 9.
نور:اه صح الوقت اتأخر ده انا ماما هتموتني.
كريم:طب يلا.
كريم وصل نور قدام بيتها.
كريم: حمدالله على السلامه.
نور:الله يسلمك شكرا اوي يا كريم انك وصلتني.
كريم:شكرا علي اي ده انا الي المفروض اشكرك انتي مش عارفه انا انبسط ازاي النهارده.
نور بفرحه:بجد.
كريم ضحك:بجد.
نور:طب يلا سلام بقي.
كريم:سلام.
في اليوم التالي كان بيت فريد الالفي علي قدم وساق كانت مني والدة حياة بتنضف البيت ومعناها اسيل وحياة طبعا حتي فريد باباهم خلوه يشتغل معاهم بعد ساعات لما خلصو ترويق البيت اسيل قعدت علي الارض بتعب وحياة جنبها وكمان فريد ومني.
اسيل:اه اه يا عضمك يا رضا طب انتي وجايين النهارده يخطبوكي انا مالي امسح واغسل واعمل كل ده ليه.
فريد بدعابه:ومين سمعك يا بنتي.
حياة لاسيل:امال اي عاوزاني انا وماما نعمل كل ده لوحدنا وانتي تقعدي زي الهانم بتعمليش حاجه.
اسيل:طب قومي يلا يا سندريلا علشان نلبس ونجهز.
حياة:اه يلا.
بعد فتره من التجهيزات واللبس حياة لبست دريس من اللون الزهري طويل
وعليه طرحه بيضاء كانت ايه في الجمال وكمان اسيل حطت لها لمسات ميك خفيفه رغم رفضها الشديد أما اسيل لبست جيب مشجره وعليها شميز
ابيض وطرحه سودا كانو هما الاتنين جمال جدا بعد فتره وقفت عربية رعد قدام بيت حياة.