رواية العروسة الهاربة وانتقام الشيطان
الفصل الحادي عشر11
بقلم سلمي محمود النجار
أسد: زواجنا حقيقي
يُسر بصدمه ضحكت بهستريا: لا انت مريض نفسي
أسد: زواجنا حقيقي
يُسر بدموع: انت بتكدب صح انت اتجننت
أسد: الورقة اللي حرقتيها بدري مزيفه، نسخة تاني يعني
راح عند خزنته فتحها وطلع منها اوراق وفلاشة فتحها على اللاب وشافت نفسها اليوم اللي جات فيه البيت وكانت نايمة مسك ايدها وخلاها بصمت على الأوراق وهو مضى وقال بإنتصار: واهو الحدث صوت وصورة يا بنت جبل.
وكان رافع ايده وماسك الاوراق وقال: مفيش مهرب بعد دلوقتي يا حفيدة الخديوي
يُسر بدموع: انت شيـ. ـطان، فعلا شيـ. ـطان.
أسد: وده لقبي تصدقي.
يُسر بدموع قربت منه وهي بتشاور عليه: أنا عملت إيه لده كُله افهم بس اني قولتلك ساعدني تنتـ. ـقم مني بالطريقة البشـ. ـعة وتتجوزني غصب عني استغليتني ليه ايه اللي بينك وبيني يخليك تنتـ. ـقم مني كده يا أسد العشماوي.
أسد كان باصصلها وبيشاور عليها: لحد الآن وانا ساكت لو اتكلمت هجـ. ـرحك يا حفيدة الخديوي
يُسر: اتكلم قول انا عملتلك ايه لـ ده كله.
أسد: روحي اسألي ابوكي جبل الخديوي وهو هيرد عليكِ ويقولك أنا مين.
يُسر بصراخ اكتر: انت مين يعني انت شيـ. ـطان، فاهم شيـ. ـطان.
أسد هو وبيمسك إيدها: فكرك إني فرحان بالجوازه ال**** دي لا تبقي غلطانه.
يُسر بغضب: بينك وبين اهلي ايه رد عليا رد.
أسد هو وبيزيحـ. ـها بقوة وقعت على السرير وقال هو وبيشاور ليها وبيجز
على اسنانه: بينا تار قديم واخدته بجوازي منك ولسه هنتقم من كل فرد في عائلتكُم يا بنت جبل وهدمركُم كلكم وعد مني أنا كَـ شيـ. ـطان هدمركُم.
طلع من الباب ورزعه بقوة وقفل من برا
يُسر جريت على الباب وصرخت: عملوا اييييييه هما ذنبهم ايييييه رد عليا.
كانت بتضرب على الباب وهو نزل وتجاهلها.
يُمنى كانت واقفه والكل واقف وقالتله بدموع هي وبصاله: البت اللي فوق بت اللي قتل ابوك يا أسد بت جبل الخديوي نفسه.
أسد هز راسه وقال: مش هسيب دمـ. ـه على الارض متلطخ
علي بغضب: وهي ذنبها إيه تنـ. ـتقم منها بزواجك.
أسد بزعيق رن في تلك القصر القاسي: ذنبها انها بنته.
نور بغضب: بابا مات من سنين وانت اديك كبرت ومعرفتش تجيب حقه ولا ماسك دليل على العيلة دي دلوقتي بس فارد جناحاتك عليها ليه، لأنها طلبت انك تساعدها وهي متعرفش
انت مين وكسرتها.
مرام: اللي بتعمله في بنات الناس ده هيتعمل في بنتك في يوم او عيالك هيترد ليك خليك فاكر.
مسحت دمعتها مرام وطلعت اوضتها
علي: يا خسارتك يا نقيب يا خسارتك
يُمنى بجبروت مسحت دموعها وقالت: كمل انتقـ. ـامك وأنا معاك.
نور بصتلها بصدمه وقالت: كنت متوقعه
وطلعت اوضتها بغضب هي وعلي أم حسن كانت واقفه تتفرج وبكيت لما سمعت صراخ يُسر.
أسد طلع من القصر بغضب وطلع عربيته وافتكر اول ليلة جات فيها يُسر.
Flash Back.
بعد ما نامت وهو نام في الفجر جاتله رسالة على تيلفونه من واحد صاحبه فيها المعلومات كلها عن افراد عائلتها قام من على الارض وفتحها كان بيقرا ومركز برق بعيونه لما عرف إن ابوها جبل الخديوي هو نفسه اللي قـ. ـتل ابوه وقع التيلفون من ايديه وكان باصص ليها وعروق ايديه كلها بانت وقال بغضب: كده نلعب بهدوء جيتي برجلك لغاية الشيـ. ـطان يا يُسر جبل الخديوي.
اخد اوراق عقد الزواج وقال: نكمله ونخليه زواج حقيقي
حط تيلفونه في رُكن ما وجاب خاتمه من دولابه وهي ونايمة مسك ايدها وكانت بتبصم وتمضي ومش دارية هي بتعمل ايه وهو ابتسم بمكر ومسح اصابعها بمنديل ونام ولمى صحي
ملقيهاش نزل وطلع عربيته بعد ما عاتبه علي راح عند المأذون وكمل العقد وكان معاه نسختين وابتسم ودخل عربيته وطلع على شُغله واصر انه ميبينش لحد من اهله ولا أيان شقيق روحه.
Back.
كان قاعد في العربية بيفكر فيها لغاية اذان الفجر طلع من العربية وطلع اوضته فتح الباب شافها وهي ونايمة على الارض فاقت لما سمعته دخل وبصتله
أسد دخل الاوضة ومدهاش وش.
يُسر: انا مش عايزه انام هنا
أسد بهدوء تام هو ومتجاهلها كان هيدخل الحمام مسكته من ايده وهو بص لإيدها وبص في عينيها المحمرة من كُتر البُكا: انا بكلمك
أسد زاح ايدها بعيد وقال: اظن ان انتِ مراتي دلوقتي و.....