رواية ونس
- كنت عاوز اتقدملك يا ايام لو معندكيش مانع و شايفه إني مناسب
كانت مسدج جاتلي على الواتساب من ابن خالتي حسيت ان الزمن توقف
عند اللحظه دي ،أنا و يونس طول عمرنا صحاب و اخوات و دايما مع بعض
بس مجاش في بالي ان يبقى شايفني زوجته مش بس صحاب و اخوات ...
. مكنتش عارفه ارد بأيه فسكت شوية و بعدين رديت
= بس انت مش بتحبني اصلا و بتحب بنت تانيه
- بس أنتِ بتحبيني
= ايوه بس دا حب صحاب و اخوات
- تمام
قال كدا و سكت معرفش هو انا قولت حاجه غلط و لا هببت اي مش عارفه
فات وقت طويل بعد الحوار دا و يونس اتغير تماما معايا مبقاش بيجي عندنا و لا بقى بيضحك و يهزر معايا زي الاول و بقى يتجاهلني و يتجاهل كلامي و دا مضايقني... مبحبش حد يتجاهلني لأي سبب كان ،و دايما بميل للناس اللي بتحترم رأيي و مشاعري و مبتعملش ضغط عليا ...
- خمار دا و لا طرحه دا قصير جدا يا استاذة
اتعصبت و رديت
= على فكرة دا شيء ميخصش نهائيا و مش من حقك تدخل و تقولي اعمل اي و معملش اي انت فاهم
- في واحده عاقله تعلي صوتها على ابن خالتها
= ايوه انا لأنك زودتها اووي و عايز تنهي كل حاجه ما بينا ، أحترم صداقتنا حتى
- تمام يا ايام
قال كدا و كعادته مشي و سابني تايهه، و مش عارفه اعمل اي و لا فاهمه أنا غلطت في من حقي أقول لأ و من حقي ارفض الشيء اللي انا شايفه انه مش مناسبني من حقي أقول لأ!
فات وقت طويل و برضو يونس ما زال قافل مني بشوفه في الجامعه لأنه في سنه رابعه و انا في سنه تانيه و هو حتى مش بيفكر يجي يسلم عليا لغى اننا ولاد خالات و اننا صحاب و كل حاجه
مبيهونش عليا العِشرة و لا اني انهي علاقتي مع اي حد بسهولة بحس كأن جزء مني سابني و مشي مش مجرد شخص و خلاص..
كنت طالعه من الجامعه و وقفني احمد زميلنا في الكليه و كان عايز مني محاضرات لأن مفيش حد كاتب المحاضراا غيري و دي حاجه اتعلمتها من يونس
- معلش يا ايام كنت عايز اصور منك المحاضرات
= تمام يا احمد تقدر تاخد الكشكول تصور و تجيبهم
اخد مني الكشكول و وقف يصور و في الوقت دا كان يونس خارج و شافنا واقفين فاتعصب و جه ناحياتنا و اتكلم بصوت عالي
- أنتِ واقفه معاه بتههبي اي
= في اي يا يونس احمد بيصور المحاضرات
- و الله؟!
= انت كدا زودتها اووي يا يونس حقيقي و انا مبقتش قادرة استحمل اسلوبك معايا نهائيا
قولت كدا و خدت الكشكول من احمد و مشيت روحت البيت
كنت متعصبه جدا لدرجة ان عيطت... انا بتعصب بعيط بحس ان برتاح
طول عمري مبحبش حد يعلي صوته عليا او يتسفزني بأي شكل من الاشكال ...
- جاي هنا تعمل اي
= و أنتِ مالك انا جاي عند خالتي اصلا
- ماما مش هنا ...
جه صوت ماما من المطبخ...... مين يا ايام
ضحك بشماته و دخل لجوا و هو بيقول
- دا انا يونس يا خالتو
= عايز اي يا فقري
- ريحة المحشي بتاعك جايب اول الشارع
= بطل كدب و هات من الاخر
- خلي ايام تحن عليا و تسامحني
= عملت يا منيل
- مش لازم تعرفي
هدوء شديد في المكان....
قبل ما احس بألم شديد جدا في جنبي و بدأت اصوت بأعلى صوتي
من شدة الألم اللي كنت حاسه بيه... لحد ما ماما و يونس خدوني و ودوني المستشفى......