رواية حكايتي
الفصل الثالث3
بقلم صالح الديب
يلا بقي علشان نتغدي علشان هموت من الجوع
حاضر بس برضوا هعرف
بطلي لماضه ويلا
حاضر😏😔
واتغدينا وعدي اليوم
وانا زي منا وعندي فضول كبير اعرف في اي بس مكتش قدامي حاجه غير اني اذاكر واعد الايام والسنين واجيب امتياز علشان اعرف
وتمر الايام ويعدي شهر.... ونفس الاحلام ملازماني... وكل ما حاول اعرف من بابا الحكايه يتهرب مني
وجيت في يوم فطرت عادي ونزلت اروح الكليه وانا ماشيه بالعربيه
شوفت حاجه غريبه... شوفت ست شايله في ايديها شنط كتير وماشيه بالعافيه
مش داا الغريب الغريب اني حاسه اني شوفتا قبل كده وفي حاجه شدتني ليها معرفش ليه وكنت عايزه اقف اكلمها او اساعدها بس للاسف معرفتش اقف ولا اتكلم معاها حتي
لان الطريق كان صعب وعندي محاضره مهمه جداا
واضطريت امشي بس صورتها مش مفارقه خيالي
ومش عارفه اخرجها من دماغي
ولا قادره افتكر شوفتها فين ولا اي علاقتها بيا
ورجعت البيت حكيت لبابا عن اللي شوفته
وداا كان رده
يااحببتي عادي انتي كل يوم رايحه جايه ع الطريق داا وبما انك شوفتيها النهارده اكيد شوفتيها قبل كده
بس مكنتيش مركزه معاها
كلامه الصراحه مدخلش دماغي بس حاولت اقنع نفسي بيه
وابتديت اتاقلم ع موضوع الاحلام اللي ملازمني من صغري داا
واني استحمل لحد ما اتخرج
وتمر الايام والسنين
وخلاص جه يوم التخرج
تفتكروو عملت اي
تعالوو نشوف
انا نازله وراكبه عربيتي وكلي شوق وشغف اعرف النتيجه...
وفي نفس المكان شفت نفس الست
بس المرادي مكنتش لوحدها
كان معاها شاب وتقريبا تعبان مش سليم
وبرضواا معرفتش اقف ومهتمتش الصراحه لامرها
لان كان كل اللي شاغلني التقدير
وكملت في طريقي
وهناك اول ماا وصلت
لقيت حفله كبيره
في مسرح الجامعه
ومكتوب اسمي بالبنط العريض
علي مدخل المسرح 😍😍😍
الدكتوره ريم مصطفي سليمان
امتياز مع مرتبه الشرف
😍😍كنت هطير من الفرحه
ولقيت بابا حبيب قلبي جاي عليااا والشهاده في ايده وفرحته بيها
اكبر من فرحتي بكتير وكانه هو اللي نجح مش انا......
ولقيت صحابي بيتلموو حوالياا
وعملوو احلي حفل 🎉تخرج
واليوم عدا وكان من اجمل اياام حياتي
بس افتكرت ماما حببتي الله يرحمها كان نفسي تكون معايا فاليوم داا قوي كانت فرحتها بيا مش هتقل عن فرحت بابا
يلا الحمدلله ربنا يرحمها بس اكيد هي شيفاني دلوقتى وفرحانه بياا
وبقي دلوقتي مفيش حجه لبابا انه يخبي علياا
وقفشته.... تعالي ياسي بابا انت هتركب معايا العربيه وسيب الاسطي ابراهيم يروح بعربيتك
حببتي روحي انتي معلش هعمل مشوار صغير كده ونص ساعه بالظبط وهكون معاكي فالبيت
هعملك احلي حفله
وهعزم كل النااس
تاني يابابا هتتهرب مني تاني
لاء خلاص مفيش تهرب...... هقولك كل حاجه بس يلا اسبقيني ع البيت
وانسي كل حاجة دلوقتي وركزي فالحفله وكلمي صحابك
حاااضر متتاخرش علياا
مش هتاخر نص ساعه بالظبط واكون معاكي
يلا خلي بالك من نقسك وسوقي ع مهلك عارفك مجنونه
حااضر متخفش علياا😍😍☺️