رواية عشقت متمردة
الفصل الثاني2
بقلم ميرفت السيد
بصيت ورايا
لقيته هو الي سكعته بالقلم غصب عني افتكرت الموقف وضحكت بس مسكت نفسي😁
لقيته مكشر وبيقولي اتفضلي حضرتك مينفعش تشتغلي هنا دي شركتي وانا رافض بعد الي عملتيه انك تشتغلي هنا
حسيت ان حد دلق عليا تلج قمت وسحبت شنطتي قالي :استني عندك
فضل يضحك وبيقول ينفع كدة تسلمي على خدي وانتي ايدك تقيلة وانا نيتي كانت خير و😂 ومعملش فيكي مقلب 😒
اتفتحت عياط قالي اهدي حقك عليا
والله كنت فاكرك انشف من كدة
وانا من حرقة دمي مش مبطلة عياط وباتشحتف 😭😭😭
قالي خلاص بقى هاطلبلك ليمون
قلتله وانا باعيط لا هات لاتيه وتشيز كيك 😭😭😭😭
فصل ضحك وقالي حاضر انتي في ايه ولا في ايه 😁😁
وطلب لاتيه وتشيز كيك وفضل يراضيني لحد ماهديت
وعرفني بنفسه انه من ال٤ اخوات وهو اصغر واحد مهندس ماجد 😀
وقالي انا كنت حاسس انك هاتتقبلي معرفش ليه بس عاوزك تجمدي ومتخافيش لما يحصل عندنا ضغط الي قبلك القنبلة الموقوتة دي ياما عكت واتلخبطت وانهارت في الاول وبعدها خلاص اتعودت
وخدي رقمي لو احتجتي حاجة كلميني 🤗
سجلت رقمه وبعد مامشي فضلت اكل التشيز كيك مع اللاتيه امممم😁😋
خلص اليوم روحت وانا نازلة وخارجة من الاسانسير الفون رن وانا باخرجه من الشنطة على باب الشركة الفون تايه في الشنطة اتوترت وفضلت ادور عليه وانا باشتم الشنطة الغبية
خبطني واحد وكنت هقع سندني قبل مااقع بثانية واحدة
اتعدلت وبصيت لقيته ماشي بدون مايبصلي حتي اداني ضهره ورايح يركب عربيته
قلت بصوت مسموع :غبي هي نقصاك
طلعت الفون لقيتها ماما بتطمن عليا وبتعاتبني اني مااتصلتش واتأخرت انا فعلا اشتغلت فورا واتلخمت ونسيت اقولهم بالبيت اعتذرت لها
قالتلي عقابا ليكي هاتشتري شوية حاجات
ضحكت معاها وانا باركب عربيتي وعمالة اتكلم وكل الحوار دة
والي قلتله ياغبي بيراقبني وانا مش مركزة ولا شيفاه
قفلت مع ماما ولسة هاتحرك لقيته كسر عليا بعربيته 😳 كان هايخبطني وبعدها طار بعربيته 😒 وهو بيبصلي بشماته وبيضحك بعد مادمي نشف
هو في ايه النهاردة 🥺
روحت البيت بعد مااشتريت لماما الي طلبته
وحكيتلها الي حصل وبابا جه وحكيتله وطمنتهم ان الشركة كبيرة ومحترمة واتغدينا وتاني يوم وصلت في ميعادي
وعدا الاسبوع الاول بدون اي احتكاك بالمدير حتى مكنتش باشوفه خالص غير مرتين والمهندس ماجد كنت باقابله احيانا
هو عنده مكتب طبعا بالشركة تقريبا مش بيدخله بس هو بيقولو عنه انه بيكره الرسميات وقعدة المكاتب وبيحب يشتغل بالمواقع بييجي يقابل اخوه كل كام يوم وكل مايشوفني يمسك خده ويقولي ياتشيزكيك 😁 ومر الاسبوع بدون احداث تذكر وانا مركزة في التدريب جدا بدأت اتعرف على الزملاء كل
يوم اكتر وانا عاملة حدود دة طبعي طول عمري وبما اني هامسك منصب مهم لازم اكون محبوبة من الجميع ولكن مهابة ودة اتعلمتهومن بابا قبل دراستي
بس فعلا المكان خلية نحل ومفيش مكان لأي تقاعس 🙂
طبعا دة ميعاد التقييم 🥺 وياترى هكمل ولا لبعد مامديرة المكتب بلغتني بيني وبينها انها هاتوافق عليا ❤️
المدير طلبها وبعد ساعة من اجتماعهم طلبني
دخلت لقيته بيقولي اتقضلي اقعدي بابتسامته الرقيقة
وبيقولي ان فاتن مبسوطة مني شكرتها وهو قالها اتفضلي انتي
بعد مامشيت قام اتحرك لحد الميني فريجدير 😀 وطلع لنفسه عصير فريش وجابلي واحدة
وقعد قدامي وقالي
ياكارما انتي مقبولة معانا 😀
تقييمك ممتاز استيعابك للشغل ممتاز علاقتك بزملائك على
مدار الاسبوع عجبتني انك عاملة حدود وبنفس الوقت متعاونة وعندك روح الفريق 🤗
من الاسبوع القادم
هاتشتغلي لوحدك فاتن هاتيجي تتابعك بس واخر الاسبوع هاتمشي خالص
عاوزك تفهمي ان في
كلام نتفق عليه و لازم تعرفيه وتوافقي عليه قبل ماتقرري تكملي معانا
بدأت اقلق 😳
وفعلا كان عندي حق 🥺
الي سمعته يقلق ويخوف 🥺