CMP: AIE: رواية حنين الاحبه الفصل الاربعون40بقلم رحمه ايمن
أخر الاخبار

رواية حنين الاحبه الفصل الاربعون40بقلم رحمه ايمن


رواية حنين الاحبه
 الفصل الاربعون40
بقلم رحمه ايمن


في سياره. 
رحمه: نورت القاهره كلها يا بابا،  مكنتش تقول من بدري طيب انك جي وكنت جيت استنيتك لما توصل والله زعلت منك 
ياسين:  بدال ربنا ميسرها خلاص يا بنتي،  مكنتش عايز اتعبك 
رحمه:  تعبك راحه يا حج متقلش كده ليا كام ياسين انا ها 
ياسين:  ههه ماشي يا بكاشه انا جي في مصلحه وهمشي علطول 
رحمه:  تحب تيجي عندي ول نقعد في مكان،  ول اقلك تعالي عندي من زمان مجتليش وقعدت معايا وكمان هكلم احمد يجي و نتغدا سوي اي رئيك؟ 
ياسين:  ماشي يا بنتي فكره حلوه 
رحمه بحماس:  اشطا استني ما اكلمه 
~~~~~~~~
احمد بنكزه في ظهره من الخلف بمرح وجلوس بضحك:  برووو 
هندسه بالوقوف ووضع يده علي بعضها احتراما: ال Boss
احمد: الBoss!  هندسه انت مبتقليش كده غير لما يكون في مصيبه،  حصل حاجه؟ 
هندسه بتوتر:  لاء محلصش بس في موضوع عايزك فيه 
احمد:  طيب اقعد نتكلم واقف زي الصنم كده ليه؟ 
هندسه بجلوس بهدوء:  حاضر 
"ينظر احمد له بغرابه ثم يرن هاتفه" 
احمد بمرح:  استني يا هندسه رحمه بترن، الو يا حبيبي
رحمه:  احمد بابا جيه القاهره وقلتله اننا هنتغدي سوي 
فعمل حسابك اننا هناكل في البيت عندي وانا  واعوز بالله من كلمه انا الي هطبخ يعني تحذر ومتاكلش حاجه عشان هتنبهر 





احمد بضحك:  اوباا بقي،  واخيرا هندوق عدلك وانا الي فكرتك مبتعرفيش تطبحي وهتخربي بيتي اكل جاهز 
رحمه:  انا! طب علفكره بقي العبد لله ده اجمد واحد يطبخ بس مبحبش يتكلم عن نفسه كتير هاه 
احمد:  هنشوف يا شيف براك النفخه الكدابه دي هنشوف
رحمه :  نفخه كدابه! ماشي ماشي حسابك بعدين معايا يا رخم ههه يلا في انتظارك
احمد: ماشي يا قلبي سلام. 
" ينزل احمد هاتفه في ابتسامه بارزه ومريحه فيبتسم هندسه كعادته وياخذ قليلا من قهوته ثم يتحدث بتلقائه "
هندسه:  شايف في تقدم 
احمد:  ياااه!  كبير يا راجل كنا فين وبقينا فين،  رغم انها تعباني لسه بس في تقدم،  ربنا يهديها ليا ست حوم،  المهم كنت عايز تقولي اي؟ 
"يعيد هندسه ذاكرته ويرجع لهالته الاولي من التوتر والقلق" 
هندسه:  كنت... هو...
احمد: علفكره انت بتتوتر لما بتقولي حاجه في حالتين 
الحله الاولي لو عامل مصيبه ومخبي عليا و الحاله التانيه لو عامل مصيبه ومخبي عليا برضه؟ ارغي بسرعه وبطل فقعه مراره 
هندسه: يا عم اهدا طيب،  كنت عايز اقلك موضوع كده... امم هو لو انت معترض مش هقول حاجه حقك علفكره...  اووه بس انا هزعل جدا لو حصل ده..  خد وقتك في تفكير تمام 
احمد بعصبيه:  اخد وقتي اي يا بن...  هو انا فاهم حاجه! في اي ياض!  مازن شرب حشيش تاني؟  انطق! 
هندسه بسرعه فائقه:  بصراحه يا احمد انا بحب ايمان واعترفتلها امبارح ب ده وعايز موافقتك عشان ادخل الباب من بيته قولت اي؟ 
احمد:  والله بجد!  يااه يا هندسه واخيرا بقي عندك دم واقتنعت انك واقع وعقلت،  انا فخور بيك والله





هندسه:  اي ده! 
احمد:  لو تعرف استحملت قرفك ازاي،  انا لو مكانها يسطى كنت حدفتك بطوب في راسك وربنا،  البت ايمان اختي دي خلقها واسع وعندها ضمير والله 
المهم احكيلي اعترفتلها ازاي؟ 
هندسه:  اومال بدله وحركات والBoss ومتوتر وانت اصلا دماغك مش معاك،  طريقتك قلبت لرحمه وشكلها عادتك وده خطر علفكره انا بقلك اهو 
احمد:  هه هندسه قول بسرعه بدل ما ازعلك،  انجز يا بابا 
هندسه: حاضر يا عم هنزفت،  اسمع 
~~~~~~~
"تقف رحمه في المطبخ امام الفرن ويجلس امامها ياسين وهو يتاملها ببتسامه طفيفه"
رحمه:  ٥ دقايق بظبط والمكرونه تستوي يا باشا 
ياسين:  اووه الروايح ظاهره من دلوقتي،  مش محتاجه تكلمي يا ست البنات 
رحمه بضحك ولف زراعها حول رقبته :  ديما بتديني طاقه اجابيه كده،  انا مليش غيرك يا اجمل حج في الدنيا دي كلها،  ربنا يخليك ليا يا رب
ياسين بضحك وتقبيل راسها: ويخليكي يا روحي. 
في البلكونه. 
رحمه:  اتفضل الشاي 
ياسين:  شكرا يا بنتي 
رحمه:  كنت عايز تقولي ايه بقي؟ 
ياسين:  خدي ده 
رحمه:  اي ده؟ 
ياسين:  ده مبلغ كده بسيط عشان تكملي بيه حاجتك 
رحمه: بس ده مش مبلغ بسيط يا بابا دول ٢٠٠ الف! مكتوب عليه كده،  انت بتهزر 
ياسين: بعت الارض الي ورانا، كنت مأجل الموضوع ده لما تتجوزي واخوكي مروان يخلص عشان اعمله شقته واساعده لما يدخل الجيش واخلص من الامانه الي فوق كتافي دي بقي.
بصي يا رحمه اي حاجه نقصاكي،  فرش، لبس وحاجات ليها علاقه بالمطبخ انا مفهمش حاجه يا بنتي في الحاجات دي بس اكيد ايه صحبتك بتفهم فيهم وهتساعدك
خديها وروحه اشترى احلي حاجه لبنتي الغاليه 
رحمه بوضعه امامه :  لاء يا بابا ينهار ابيض! مش واخده حاجه!  صدقني معايا فلوس وكتير كمان،  لو احتجت حاجه هاخدها منك بس انا... يعني بعمل حاجه وباخد مقابلها مبلغ كبير جدا  فصدقني مش عايزه حاجه 
ياسين بوضعها في يدها:  ششش اسمعي كلامي،  انتي مش اقل من اخواتك في حاجه ثم انه ده نصيبك وحقك 
وصدقيني جايلك بنص هدومي وانا بقلك شوفي اي الي نقصك 
لو عندك ام زي الناس كانت وقفت جنبك وعرفت الي ناقصك وخلتني مشلش هم حاجه بس نقول اي بقي في امك 
رحمه ببتسامه:  يكفي عندي وجودك ووقوفك جنبي يا حج 
انت بدنيا وما فيها "بعناقه"  ربنا يديمك ليا دايما وعمرك ما خلتني اعتمد علي حد ول احس بنقص،  انا مش عرفه اقلك اي بجد 
ياسين:  متقليش حاجه انا مقصر معاكي كتير والله 
في جيتي ليكي وفي الجوازه دي في العموم،  مش من اصولنا اننا منجيش ونجيب مواسم ونعمل الازم كله 
بس المسافات كبيره ويدوب بجيلك بالعافيه يا بنتي والله 
رحمه:  كفايه جيتك يا حج والله، ده انا احسن من ١٠٠ موسم ومن ١٠٠ هديه ممكن تجبها ليا. 
ياسين:  مش ناويه تيجي بقي شويه؟  

اول ما قال كده عرفت انه ميعرفش حاجه عن اخر مره اتكلمنا فيها انا وماما والي تقال يومها والمقارنه الي حصلت 
لاخسر احمد للابد ومتجوزوش 
لمرجعش البيت ول انا بنتها ول تعرفني 
اكتفيت بصمت وبتسامه خفيفه مش عرفه اوصفها لي 





لحد ما رن الجرس وانقذني منه ومن ردي علي سؤاله ليا. 
رحمه:  هتلقي احمد،  دقيقه هفتح واقلب الرز اكيد استوي 

اتحركت بعد ما هز راسه ببتسامه واخدت زفير كده وانا بقول الحمد لله وبعدها فتحت للباشا بتاعي. 
احمد:  لو سمحتي يا شطره نديلي رحمه من جوه بعد اذنك 
رحمه: ها ها خفه اوي 
احمد:  اي ده الصوت ده مش غريب عليا؟  رحمه! مش معقول 
رحمه:  ههه ادخل يا ارزل عباد الله 
احمد: علفكره جيبلك علبه بيبسي ب٥٥ جنيه علي الله يطمر فيكي
رحمه بضحك: احمد اسمها بكته، منك لله 
احمد: ايوا هي البتاعه دي، عمال افتكرها لما راجل المحل قلي ومفتكرتش 
رحمه: يعني فاكر فكك ويسطى وانجزي ومش فاكر بكته، عوضنه علي الله
احمد: يا بنتي انا جنسيه امريكيا ، يعني إنترناشيونال انتي مفروض تشكريني اني فاكرك اساسا 
رحمه: نينيني 
احمد بغمزه :  المهم مالك،  مش مظبوطه كده،  في حاجه 
رحمه:  بعدين هقلك عديها 
احمد بتقبيل راسها: تمام هعديها بس بمزاجي،  بس اي الروايح دي،  لاء شوقتيني الصراحه،  اي الحلاوه دي 
رحمه:  هههه روح قلبي،  تعالي ما دوقك 
احمد:  دقيقه هشوف عمو ياسين واجي 
رحمه:  تمام عبال ما اجهز الاكل 
~~~~~~~~ 
"تمام السفره" 
احمد:  يسلام!  لاء شكلي اخترت صح ول ايه؟ 
ياسين بضحك:  مفيش زي اكل رحمه بنتي،  عليها نفس الست المصريه الاصيله بصحيح 
رحمه بإحمرار:  يا ربي عليكوا والله كسفوتني،  بالهنا والشفه 
احمد:  الحق يا حج ياسين بتقلك كسفوتني، معرفش خنتني وداني ول اي،  انا سمعت صح 
رحمه:  والله! 
احمد:  تسلم ايدك يا حبيبتي الاكل تحفه 
"يضحكون" 
بعد فتره 
ياسين:  استاذن انا بقي،  القطر علي وصول 
احمد:  لاء معملناش الواجب معاك،  تحب ننزل تحت نقعد علي القهوه او اي مكان تحبه،  في اماكن كتير هنا حلوه 
رحمه:  ايوا يا بابا خليك عندي الليله وقضي انهارده معايا ،  خد اجازه يوم عادي مش مهم
ياسين:  انا كده تمام اوي يا ولاد والله وصلت الامانه وارتحت كده وعندي مسؤليات كتير بكره،  يا بخت من زار وخفف يا بنتي 
ان شاء الله اعوضهالكو في القريب العاجل او رحمه بنتي تشرف وتيجي بيت ابوها تريح شويه ول ايه؟ 
"ينظر احمد لها فتحرك عينيها فيفهم ثم تبتسم وتقول ببتسامه هادئه" 
رحمه: ان شاء الله يا بابا قريب 
ياسين:  يلا،  في حفظ الله 
احمد:  لاء استني يا عمو هاجي اوصلك اكيد،  رحمه هبقي اعدي عليكي تاني هوصله وارجع 
رحمه:  تمام
ياسين:  مش عايز اتعبك يبني،  انا هروح لوحدي 
احمد:  ده كلام برضه يا عمو،  كفايه اننا معملناش الواجب معاك،  هسبقك علي تحت انا،  عن اذنكو 
رحمه:  دي هديه بسيطه لمريم يا بابا،  بمناسبه النونو الجديد 
وده كمان لعلي اوعي تنسي تدهوله وشويه الاكل دول لمروان 
انت عارف بيجي يصوت في البيت وبحب الاكل ده فعملت حسابه 
وال...  الحلويات دي لماما ابقي ادهلها 
ياسين:  لي تعب ده يا بنتي بس، كانك مهاجره ومش هترجعي تاني






رحمه:  ول تعب ول حاجه،  توصل بسلامه يا احلي حج في الدنيا 
ياسين بالخبط علي كتفها برقه : يلا في حفظ الله. 
~~~~~~~~
عند الغروب. 
يوسف بديق:  حضرتك بتعملي اي دلوقتي 
ايه:  بجهز شنطتي هروح اقعد مع رحمه شويه 
يوسف:  كل شويه تتحججي وتسيبي البيت صح؟  وترتحي العيال معاكي وتخليني ارجع علي البيت فاضي عشان حضرتك غضبانه علي حاجه تافهه مش كده 
ايه:  بس دي مش حاجه تافهه،  انت الي بدقق  علي كل حاجه وبتعمل مشاكل من اقل موضوع ودي مبقتش عيشه الصراحه هروحلها شويه اريح اعصابي 
يوسف:  فعلا والله انا الي بعمل مشاكل من اقل حاجه،  وانا برضه الي كل يوم بره البيت بعمل اي بشتري هدوم وبعمل شوبينج وارجع البيت وش الفجر القيكي بره مع العيال ول لقمه في البيت حلوه ول حتي بيت دافي او جو اسري كويس اعرف اتكلم معاكوا فيه 
وفي الاخر انا الي مهمل وعمري ما قعدت معاكوا ول كنت جنبكوا صح وبعمل مشاكل من اقل حاجه 
ايه:  وبدال انت بتيجي وش الفجر متلقناش حضرتك،  علي اساس قبلها بنشوفك،  بدل ما انفجر بين اربع حطان بخرج اشم هواء اي الغلط في كده غير انه بابي 
يوسف:  ايوا بابي!  قولي انه باباكي الي مقويكي عليا يا ايه بس والله ما هسكت علي الهبل الي بيحصل ده وبكره تشوفي 





ايه:  يوسف لو اتكلمت عن بابي كلمه هزعلك فاهم،  انت عارف من الاول انه كان ندمان علي جوازنا ده بعدها بسنه وقلي اطلقي 
وانا الغبيه مسمعتش كلامه 
يوسف:  والله!  وازاي متسمعيش كلام بابي ها، ده حتي عيب في حقك يا دلوعه بابي 
ايه:  يوسف احترم نفسك!
يوسف: بلا يوسف بلا زفت ، انتي مريضه سمعه 
ايه: وانت عديم النخوه وشعور سامع 
"بحمل الحقائب" يلا يا ولاد وبطله زفت عياط 
 يوسف:  ابقي سلميلي علي رضوي ها،  الي هترجع وتقولي غلطان اوعي تنسي 
ايه:  يوصل ان شاء الله ولوا قلتلي اخلعك وربنا ما هتردد ثانيه تمام ده وعد
يوسف:  يلا مع الف سلامه،  ما الف الف سلامه يا ماما. 
~~~~~~~~~
" امام الجو المغيم،  النجوم الخفيفه،  لسعه الهواء الخاطفه، يقفون سويا في الشرفه، هي امامه وهو خلفها يكتف جسدها الصغير بيديه الاثنين مع استسلام كبير منها داخله تسند علي صدره وتغمض عينيها في هدوء وسلام كانت تريده بين افكارها الحائره 
يصدمها قرب صوته الدافئ من اذنها ويهمس بكل فضول وحب "
احمد:  معرفش الي حصل صح؟ 
رحمه:  اعتقد لاء،  ميعرفش انها طردتني من البيت وتبرت مني عشان كبريائها هزمها وفهمها انه البنت الي بتاخد قرارها ومصيرها في الحياه بنت متمرده ومتربتش من وجهت نظرها 

فك احصاره ليا وبعدها حوطني جواه عشان اكون قصاده مباشرتا 
ابص لملامحه،  نظره عينه، واتوه فيه،  في حواجبه الي واخده شكل القوص من الديق والنرفذه وعيون فيها بركان يخضني ويحميني في نفس الوقت 
يخضني من سخطه علي كلام تقال ليا مش عجبه 
ويحميني حتي من نفسه. 

احمد:  سيبك من مامتك،  بكره تفهم غلطها وترجعلك وتتاسفلك كمان،  احيانا كتير ماما بتتعصب علينا واحنا بنرفذها جدا بس في الاخر كل حاجه بتهدا وبنتصالح والوضع بيهدأ 
مش برضه العائله ملهاش الا بعض 
او حاجه زي كده 
رحمه ببتسامه:  فعلا،  العائله ملهاش الا بعض 
بس دلوقتي انت عائلتي يا احمد،  خليك واقف جنبي عشان  خاطري 
احمد:  انتي مجنونه!  انا علطول جنبك اكيد،  انا مبحبش اشوفك مديقه كده،  متعودتش غير علي الشبح حجي ،  ركزي معايا كده 
رحمه بضرب زراعه بخفه وهي بداخله:  بطل رخامه شويه ياض 
احمد:  ههه ايوا كده ارجعي لطبيعتك 
رحمه:  احمد الساعه بتنور! 
احمد بالبعد عنها قليلا :  امم في حد رزل جي،  اصلها نقصى دلوقتي 
رحمه:  بس انا مكلمتش حد؟! 
ترن ترن ترن 
رحمه:  ايه! 
ايه:  رحمه انا عايز اطلق فهمه،  انا مقدرش اقعد معاه دقيقه واحده كمان مفهوم 
رحمه:  كالعاده يعني خناقه جديده "بضربها علي كتفه"  وده منظر،  العيال مرعوبه وانتي ول علي بالك 
" تنزل علي ركبتيها لتوازي طولهم " تعالي يا رورو في حضن خالتو وانتي يا تلا بتعيطي لي يا حبيبي تعالي في حضني 
ريان:  ماما اتخنقت مع بابا تاني يا خالته 
رحمه:  معلش يا خالته انا هأدبها ليك،  ادخل لعمو احمد جوه 






تلا بمرح:  عمووو احمد!  اوعي اوعي 
رحمه:  خدي يا بت هنا بغير انا!  تلاااا 
ريان:  وانا كمان هروح لعمو،  جيبي الشنط انتي يا خالته،  تلاا استني
رحمه:  حتي انت يا ريان!  
ايه بضحك:  رغم اني مديقه بس ضحكت الصراحه 
رحمه:  بت انتي جايبه عيالك وقطعته اللحظه الرومنسيه الي بينا وفي الاخر يتشقط مني من شبر الا ربع دي لاء مسمحلكيش 
ايه بغمزه:  كنت بتعملوا اي ها؟  قولي سرك في بير 
رحمه:  اتلهي في مصيبتك دي الاول يا مهزقه،  اصبري ما يمشي والله لقتلك علي حوارتك الي كترت دي مع يوسف 
ايه:  هو الي غلطان علفكره وانا زهقت تمام،  المهم عمله اكل اي  
رحمه:  صبرني يا رب. 
~~~~~~~ في المساء. 
ريماس بقلق:  لو قربته مني انا هوديكوا في ستين داهيه 
احد الرجال:  واي كمان يا مزه مسمعناش،  بس اي الحلاوه دي؟ 
ريماس بعصبيه:  ييي!  اي الالفاظ دي!  متحترم نفسك يا اخ انت 
فين تلفوني؟  انا هوريكو تكلمه معايا بطريقه دي ازاي 
"تاخد هاتفها لترن بوالدها فياخده احد الرجال منها فتصرخ بغضب به وترفع يدها في الهواء بعصبيه فيمسكها ويربط عليها بقوه في يده فيرجف قلبها وتترقرق الدموع في عينيها"  
ريماس بدموع وصوت مرتجف:  لو سمحت سبني، الي هنا حد يساعدني 
احد الرجال:  اخرسي يا بت انتي 
ريماس بمسح منخاره بطفوليه:  بنتوت، بابا قلي الي يشتمك ردي عليه 
احد الرجال:  هههه ده انتي عسوله بقي وبتسمعي كلام بابا 
اي رئيك بقي تسمعي كلامي انا كمان يا جميل 
ريماس:...... 
مازن:  واذا مسمعتش كلامك يمان هيحصل اي يعني؟ 
ريماس بفرحه:  مازن!  الحمد لله اني شوفتك هنا 
مازن:  متقلقيش انا موجود بس قبل اي حاجه "بنظر له بعصبيه"  شيل ايدك دي لقطعهالك انت فاهم 
"ينزل يده في قلق ويبتعد عنها قليلا ثم ينظر لها مازن ببتسامه لا تفهم مغزاها" 
مازن: وانتي يا قمر عامله ايه؟ 
ريماس بنظر له بصدمه:  انت عبيط صح!  لاء واضح انك عبيط
مازن:  لاء بقلك ايه انا ممكن اسيبك وامشي عادي وميمهنيش حاجه مش كفايه اني عملت بأصلي وجيت لما لقيتك في وضع صعب،  ول اقلك انا الي غلطان اصلا،  يلا سلام 
ريماس:  لاء لاء!  ابوس ايدك!  عشان خاطري يا مازن ساعدني هعملك اي حاجه لو سمحت
مازن:  امم اي حاجه اي حاجه 
ريماس:  اكيد بس ساعدني 
مازن ببرود:  قوليلي بحبك 
ريماس:  نعم! 
مازن:  قوليلي بحبك من زماان مسمعتهاش بإحساس كده 
احد الرجال:  جرى اي يا عم رميو انت وهي ،  انت مش شايفنا واقفين ول ايه ول عامل نفسك اعمي 
مازن:  دقيقه ورجعلك يا قمر،  هنمسي علي الشباب ونجيبك 
"مازن بإخراج سلاحه"  واذا عامل نفسي اعمي هتعمل اي يعني؟
رجل اخر:  الحق يمعلم معاه سلاح 
احد الرجال:  انشف ياض،  تلقي لعبه وبهوش بيه،  مش علينا الحركات دي 
مازن بضحك:  والله!  "بضرب طلقه في الارض"  ولو عملت كده 
" يجري الرجال بخضه ويضحك عليهم بتريقه ثم ينظر خلفه يجدها جالسه ودموع في عينيها ويدها علي اذنها فيقلق ويذهب لها "
مازن بجلوس امامها:  في اي؟  
ريماس:  عايزه اروح لبابا،  خدني لبابا دلوقتي حالا 
مازن:  حاضر والله هاخدك لي بس اهدي تمام 
"يمسك احدي يدها التي تضعها علي اذنها ويفركها لها بخفه فتفتح عينها وتنظر له فيبتسم ويقرب يده من وجهها ليمسح دموعها 
فترجع راسها للوراء اعتراضا وتنظر للارض بقلق وخجل" 
مازن بضحك:  خلاص يا ستي مش هلمسك والله،  بس ممكن تمسحي دموعك وتقومي عشان اوصلك 
ريماس: "تحرك راسها بالايجاب"
مازن:  يلا بينا. 
~~~~~~~~~~
رحمه:  لاء طبعا انتي الي غلطانه
ايه: انتي كمان! مش كفايه جوزك قلي كده وجاله تلفون ونزل ومفمتش قصده وفي الاخر تقوليلي كده كمان 
رحمه: اه يا ايه بقلك كده،  لاء كمان زوتيها جدا! 
ايه:  يعني بدل ما تقفي جنبي،  انتي اخت مين يا بت انطقي 
رحمه:  لاء يا ايه اي الاهمال ده وبعدين انتي عرفه انه يوسف بدايق لما تاخدي فلوس  وديما بتعندي برضه 
ايه:  يعني بابا يقولي خدي الفلوس دي واقله لاء ترضهالي 
رحمه:  علي ماما يا يويو ،  يا بت انتي دفتر مفتوح وربنا اذا كان ليا او ليوسف،  مش تعمليهم علينا يا ست 
ايه:  ايوا انا الي طلبتهم منه،  كان فيه شنطه براند ب٢٠٠٠ جنيه بس وعرض تحفه ومرضيش يجبهالي عشان برمي فلوسي علي الارض 
وده اسمه اصراف وبلا بلا بلا و ديقني
رحمه بوضع الروج:  وبعدين؟ 
ايه:  رحمه انتي هتخرجي وتسبيني في الوضع ده لوحدي بجد 
رحمه:  وضع اي معلش!  حضرتك من ساعه ما جيتي وطبق المكرونه في خلقتك وعماله تتخنقي مع دبان وشك وفي الاخر هيجي بكره يصلحك وخلصنا،  روتين متعودين عليه بيحصل كل اسبوعين عادي يعني وكمان "بنظر لساعه"  ينهار ابيض اتاخرت! 
ايه:  اخرجي يا رحمه بس خليكي فكراها تمام 
رحمه بمسك الصندل في يدها وتحدث لها ببرائه :  انتي موجوده وهشوفك كل يوم وارضيكي لكن هو مش هيكون موجود "بتقبيلها"  روحي نايمي العيال وهجيب حاجات وانا جايه ونتكلم في المشكله السبعتلاف دي لما ارجع تمام 
سلام يا روحي 
ايه:  غوري يختي 
"بقفل رحمه الباب "  يا عياللللل،  يلا وقت النوم،  هسخن شويه ورق عنب وفراخ واجي وراكه،  علي النوم يلاااا. 

"تذهب رحمه بجري ولهفه لسياره وترتدي حذائخا ،  تطير بسيارتها علي امل لحاقه،  تخرج منها في مكان اعتادت






 ذهابه لكثر زيارته 
تحرك عينيها بفستانها الاسود الذي يتطاير مع الهواء وساعتها التي تتلخلخ في عنق يدها لتقول لها ما زال هناك وقت،  




تسحب فستانها في يدها وتجري بقوه علي امل الوصول والوفاء بوعدها الذي هعهدته لنفسها قبل اي احد "  
- اتاخرتي  ؟ 
- "ببتسامه"  انا اسفه. 



تعليقات



حجم الخط
+
16
-
تباعد السطور
+
2
-