رواية فجر جديد الفصل الثاني عشر12بقلم ايمان
وصل رفعت لفيلا ادهم فوجده منتظره امام الباب فقد اتصل بيه وهو فى الطريق ليكون جاهزا حتى لا يضيع عليهم اليوم
رفعت: مالك ساكت كده ليه مش عوايدك
اصلى نمت متاخر وحاسس انى مش عارف افوق
تحب تشرب نسكافية يفوق حضرتك
ياااااريت اصل صحيت على اتصالك قومت لابس ونازل جرى
طيب الشنطة اللى ورى دى فيها اتنين ترمس الاحمر ده فيه نسكافيه والكوبايات جنبه
ياسيدى ياسيدى دى دادة سيدة شكلها مظبطاك ع الاخر
فضحك وقال : دادة سيدة مين دا انا صحيت لاقيت ندى بعته لى الحاجات دى مع عم محمد
تسلم ايديها النسكافية طعمه تحفة
هى ندى كده كل حاجة بتعملها تحفة
طب العلب دى ايه
علبه فيها كيك والتانية ساندوتشات
اموت انا فى الساندوتشات
ادهم الحاجات دى ياحبيبى لينا احنا الاتنين فهمنى
طب وهو انا قولت حاجة
اصلى عارفك ممكن تضربهم كلهم وتقول ما شوفتش حاجة
انا برضو وش كده
دا انت ياحبيبى كده وابو وام كده كمان
دايما ظلمنى ياىرفعت
والله بأمارة الممبار
اسكت فكرتنى دى نادرة اختك داقته من هنا ومعرفتش الحق منها حاجة
انفجر رفعت بالضحك وهو يقول احسن طب والله تستاهل ذنب ناس بتخلصه ناس
واندمج الاثنان فى الحديث والضحك الى ان وجدوا انفسهم قد وصلوا لمكان المشروع دون ان يشعرا
يلا بقه ياحبيبى تعالى اما افرجك المكان وتقولى رأيك ايه
ماشى لما نشوف ياسى ادهم
سلم ادهم على العمال واتجه بصهره ليريه الموقع بكل دقه
تصدق عندك حق يا أدهم المكان والمشروع حلو اوى
طب هااا قررت ايه بقه
عشان خطرك وعشان انت حبيبى قررت
هاااا
قررت
هاا ما تقول ياعم وتخلصنى
قررت اشاركك يا ادهومه
ياحبيبى يارفعت ربنا ما يحرمنى منك
ايه ده
مالك
انا حاسس انى جعان اوى كده
طبعا ماهو فات وقت كتير من ساعة ما بدءنا الرحلة دا غير الوقت اللى قضناه هنا لازم تجوع
طب حروح العربية اكل
طيب يلا بينا
جلس رفعت فى السيارة وتناول الشنطة ليخرج منها ترمس النسكافيه ليعوض به نفسه عن فنجان القهوة الصباحى واخرج العلب ليتناول بعض الساندوتشات والكيك ليتفاجأ بوجود عدد 2 ساندوتش وثلاث قطع من الكيك
هو انت كنت مسهينى فى السواقة واكلت الاكل كله
دا هما ساندوتشين وحتتين كيك وكوبايتين شاى وواحد نسكافية وبس
دى العلب دى انا شيفها بنفسى الصبح كانت مليانه على عينها
لالا يارورووو ياحبيبى اكيد كان بيتهيألك
بقولك ايه يا ادهم
نعم ياحبيبى
انسى خالص خالص حكاية المشروع دى حتى حكاية انك جوز اختى دى تنساها نهائى انا حقطع صلتى بيكم من انهارة
لالا بص اقطع صلتك بيا زى ما انت عاوز لكن المشروع لا الله يكرمك وبعدين حنخسر بعض عشان ساندوتشين ابعت اجبلك طن ساندوتشات ولا تزعل نفسك
لا انا مش عاوز اى ساندوتشات انا عاوز اللى كانت بعتاه ندى انا دلوقتى مش بعرف اكل غير من ايدها ومصدقت انها من نفسها كده بعتتلى الاكل ده تقوم ياطفس تشطب على الاكل كله
اعمل ايه هى اللى اكلها حلو قولها تعمل اكل وحش المرة الجاية
وهو فيه مرة جاية
طبعا مش خلاص بقينا شركا
لا يا حبيبى حاجى بعد كده لوحدى انا اخاف تاكلنى يلا قوم سوق انت بقه عشان انا تعبت من السواقة عقبال ما اشرب واحد شاى
ايه شاى لا يا حبيبى ما هو اصل الشاى خلص
كمان كمان طب يلا روحنى يا ادهم قبل ما اعمل حاجة اندم عليها
بس كده طيران
فى صباح اليوم التالى فى مكتب رفعت دخلت عليه ندى تحمل صينية القهوة وهى تقول
السلام عليكم يارفعت بيه
وعليكم السلام ورحمه الله وبركاته
حمد لله على السلامة يارب تكون اتوفقت فى شغلك ويكون الاكل اللى بعته لحضرتك عجبك انت وادهم بيه
قال لها من بين اسنانه : ما تجبليش سيرة ادهم ده نهاااااائى
ليه بس خير حصل ايه
البيه اكل كل الاكل شرب النسكافيه شفط الشاى ماكنش ناقص غير ياكلنى انا شخصيا
فضحكت ندى
طبعا ليكى حق تضحكى وانا اموت من الغيظ
بعد الشر على حضرتك بس معقول ماسبش حاجة خالص
لا كتر خيره ساب ساندوتشين وحتتين كيك وكوبايه نسكافية
قالت وهى تضحك معلش بقه
معلش ايه انا خلاص حرمت اسافر معاه تانى توبة
طيب اسيب حضرتك تشتغل واروح اشوف شغلى انا كمان
حتغدينى ايه انهاردة انا حموت من الجوع
هو ليه محسسنى ان بيتكم مفهوش اكل
ضحك رفعت عن اخره وقال : هو مش لازم تعوضينى عن اللى حصلى امبارح
ليه عاوز تفهمنى يعنى انك ما اكلتش من امبارح
تصدقينى لو قولتلك ان هو ده اللى حصل فعلا
مش معقول طب ليه
روحت هلكان من السفر رايح جاى يدوب وصلت البيت اترميت على السرير للصبح صحيت من النوم يادوب صليت و غيرت هدومى وجيت ع الشغل عدل
ايه ده يعنى ما فطرتش كمان
ابدا
طب ثوانى
غابت دقائق بسيطة وعادت تحمل صينية وضعتها على التربيزة وقالت له.
اتفضل
ايه ده لسه بدرى اوى ع الغدا
لا ما هو ده مش الغد دا الفطار اللى حضرتك مافطرتوش
بس انا ماطلبتش فطار
بس انا عملته واللى كان كان
يعنى فطار بالامر ده بقه ولا ايه
وهو انا اقدر اامر حضرتك برضو بس انت ما اكلتش يعتبر من امبارح وواضح على حضرتك الارهاق فقولت اجب حاجة بسيطة كده على ما يجى معاد الغدا
طب لما اشوف محضره ايه عجبنى حاكل
ما عجبنيش ذنبك على جنبك
ماشى موافقة اتفضل
قام رفعت من على المكتب وذهب ليرى الافطار المعد له ليجد بيض بالبسطرمة فول بالطحينة فلافل جبن رومى وجبنة بيضاء وزيتون وطبق من المخلل المشكل
ايه دا كله ايه دا كله لما ده فطار بسيط امال الكبيس شكله ايه بقه
فضحكت ندى وقالت وهى تغادر الف هنا وشفا
ليستوقفها هو استنى هنا
نعم فى حاجة
انتى جبتى الحاجات دى امتى وازاى معتقدش ان كانت هنا كل الحاجات دى لانك اساسا مكنتيش تعرفى انى جاى من غير فطار
امممممم بصراحة دا الفطار بتاعى اصلى انا مش بعرف افطر اول لما اصحى فبستنى لما اجى الشغل واقدم لحضرتك القهوة اكون فضيت فقعد افطر براحتى
طب وانتى دلوقتى حتفطرى ايه
لا ما انا عملت لنفسى ساندوتشات جوه وحدخل افطر حالا
طب وليه ما تقعدى تفطرى معايا هنا بدل ماكل واحد يفطر لوحده
فقالت بفزع: ايه لا ازاى ما ينفعش ومايصحش
بقولك حتقعودى تفطرى يلا اقعدى
فنظرت له وهى تشعر فى نفسها بالاحراج ولا تعرف كيف تتخلص من هذا الموقف
ثم قال بصوت عالى اقعدى مستنية ايه
فجلست وهى فى منتهى الارتباك من الموقف وقالت بسم الله وبدءت فى تناول الطعام ، وعندما شعر بمدى ارتباكها قرر ان يشغلها فى الحديث
الله الفول ده لذيذ بشكل
فقالت وهى تخرج صوتها رغما عنها : بالهنا والشفا
ولا الفلافل يسلأاااااام
ووحدة وحدة بدءت تتبادل معه الحديث وبدء الموقف المحرج يذول واكلا وتحدثا وضحكا الى ان رن جرس تليفون.المكتب فقام رفعت للرد عليه فأخبرته السكرتيرة بأن الاستاذ شادى امامها ويريد مقابلته
شادى خليه يدخل فورا
فقامت ندى على الفور تحمل صينية الافطار لتدخل البوفية وتبدء فى تجهيز شئ لتقدمه للضيف
ولم ينتظر رفعت دخول شادى ولكنه فتح باب المكتب ليخرج ويأتى به بنفسه فبمجرد ان فتح الباب وجد شادى قبالته فسحبه من يده الى حضنه وتعانق الاثنان عناقا حار ثم ادخله واجلسه
وحشنى يا مجرم
مجرم خلتنى من محامى لمجرم حرام عليك يا شيخ
فينك من اخر مرة كنت عندك ولا اتصال ولا زيارة ولا اى حاجة كده نستنى خلاص
لا ابدا ازاى انا برضو انساك بس كانت فى عندى قضية شغلانى ومكنتش فاضى نهائى
المهم الحمد لله انك افتكرتنى اخيرا
فى هذه الاثناء دخلت ندى تحمل كوبان من العصير وقدمتهم لهما
ندى من فضلك شوية كده واعمللنا شاى لحسن نفسى فى كوباية شاى مظبوط
حاضر
وهمت بالانصراف الا انه قال ندى اعملى حسابك شادى حيتغدى معايا ماشى
حاضر
قال شادى على الفور : لا غدا ايه انا ماشى على طول دى زيارة طيارى
لو فاتك الغدا بتاعنا حتندم وبعدين انا ما صدقت اشوفك ونقعد نتكلم سوا
لالا انت مش رفعت اللى اعرفه ابدا
ليه!!!!!!!!!!
رفعت ملتزم وقت الشغل للشغل وبس اى زيارات اوكلام بره الشغل يبقه فى اى مكان بره مكان العمل مش ده كلامك
ولسه برضو لحد دلوقت دا كلامى
طب امال مستاضفنى فى مكتبك وحتغدينى ونتكلم ازاى ده يمشى مع القواعد بتعتك
نلغى اى قواعد عشان خاطر عيونك انهارده
وانطلق الاثنان فى الحديث والضحك بصوت عالى حتى ان اصوات ضحكاتهم وصل لندى وهى تقوم باعداد الغداء ولا تدرى لماذا تشعر بالسعادة عندما تسمع صوت ضحكاته
شعر شادى اثناء حديثه مع رفعت بشىء غريب فى صديقه فهو لم يره منذ وفاة زوجته بهذا المرح والسعادة وللمرة الثانية يكاد يجزم بان صديقة يحب ولكن من هى يا تررررررررى
وفى موعد الغداء دخلت ندى ورصت الاطباق على المائدة ثم توجهت اليهم وقالت الغدا جاهز
جلس شادى ورفعت لتناول الغداء ثم قال شادى فاجأة الحمد لله
ايه انت اكلت كده
اكلت دا انا اكلت اكل من مده كبيرة ما اكلتش بالشكل ده
طبعا قعدتى معاك على الاكل فتحت نفسك
لا يا حبيبى دا انا عشان كنت جعان فعلا والاكل كمان كان حلو اوى . انت لسه بتجيب اكل دليفيرى
لأاااااا ما خلاص ربنا تاب عليا
اازاى
شوفت ان فى اخبار كتير فاتتك عشان مش بتسال عنى
ماشى ياسيدى قول بقه وخلصنى
مدام ندى هى اللى عمله الاكل ده
اللى قدمت لينا العصير
ايوة
ودى عرفتها منين وازاى انطق
حقولك . وجلس رفعت يقص على شادى كل الحكاية الخاصة بندى وكيف تعرف عليها واتى بها لتعمل معه وفى هذه الاثناء كان عقل شادى يعمل فى منتهى السرعة بسبب الطربقة التى كان ينطق بها رفعت اسم ندى بالاضافة لنظرة السعادة التى كانت تملاء عينية وهو يحكى عنها فأيقن شادى ان ندى هى السر فى كل ما يشعر به من تغيير فى صديقة وشعر اخيرا بالانتصار لانه حل اللغز
انتهت المقابلة ويوم العمل وعاد رفعت للمنزل وهو فى غاية السعادة حتى ان دادة سيدة لاحظت ذلك بمجرد دخوله عليها
ماشاء الله راجع انهاردة شكلك مبسوط ع الاخر
ايوة يا دادة كان يوم جميل جدا اصل شادى زارنى انهارده وقاعدنا نفتكر ايام زمان وضحكنا وانبساطنا اوى مع بعض
شادى بيه تصدق انه وحشنى اوى هو بطل يزورك هنا ليه
اصله كان مشغول الفترة اللى فاتت بس وعدنى انه حيزورنى هنا قريب
طيب يا بنى مش عاوزنى اعملك اى حاجة
لا شكرا انا محتاج اخد دش وانام
وفعلا صعد السلم سريعا ودخل نزع عنه ملابسه وتوجه لدورة المياة فورا ليستمتع
بالماء الدافىء ثم خرج توجه الى الفراش على الفور وتمدد عليه وهو مغمض العينين ليجد احداث اليوم كاملا امامه وبعد ان كان يظن ان سبب سعادته زيارة شادى واسترجاعهما لذكريات الدراسة وجد ان سبب سعادته شيئا اخر تماما
فشريط الاحداث مر سريعا ولكنه رجع وتوقف تماما امام حدث واحد فقط واستمر فى التركيز عليه. نعم الدقائق التى قضاها
فى الافطار معها وحديثهما اثناء الافطار وضحكاتهم المختلطة معا وبدون شك هذا هو سبب ما يشعر به من سعادة
مر اكثر من خمس سنوات ولم يشعر بها والاكثر من ذلك شعور غريب بأنه
ولاول مرة فى حياته يشعر بالسعادة من الاساس فهى سعادة من نوع خاص لم تمر عليه من قبل ولا حتى مع هيام
وانتفص فجأة اثر تذكره لهيام ونظر لصورتها بكل حب واجلال ثم توقف كل شىء وراح فى سبات عميق