رواية غرام الاسد كامله جميع الفصول بقلم شروق محمد

رواية الصقر الجريح

 الفصل الثالث والعشرون23

بقلم نوره عبد الرحمن

الدكتوره مفيش حاجه تقلق نقص تغذيه وقلة نوم وكمان شويه توتر وقلق .. سبب في نزول ضغطها شويه متقلقش ياصقر بيه دي حاجه بسيطه..

صقر بقلق هي شكلها لسه تعبانه في حاجه ننقلها للمستشفى ..

فتون لا انا كويسه والله مفيش داعي للمشفى ..لتنظر الى الطبيبه برجاء قوليله يادكتوره..

الدكتور بابتسامه لا مفيش داعي انت بس خود بالك من اكلها وخليها ترتاح متتعبش اليومين دلول..وتبعد عن التوتر والزعل وان شاء الله هتبقى كويسه .

صقر شكرا يادكتوره  تعبناكي معانا..

الدكتور العفو ده واجبي..بعد اذنكم

صقر عليا وصلي الدكتوره 

عليا حاضر ياابيه ..

صقر جلس بجانبها بقيتي احسن..

فتون ايوا الحمد لله لتردف بضيق.... انت لسه زعلان مني ..

صقر خلاص يافتون محصلش حاجه .. 

فتون بس ياسي صقر انت شكلك لسه زعلان ..

صقر مسح شعرها بحنو لا ياستي مش زعلان..

فتون بجد ياسي صقر.

صقر ايوا ياعيون صقر..يلاا تعالي عشان تنامي..

فتون اسرعت وحشرت نفسها بين احضانه ..بسعاده..

فتون سي صقر..

صقر هممممممم

فتون انا ..انا..مش عايزاك تزعل مني مره تانيه..ابدا ابدا..

صقر اخرج راسها من احضانه لينظر اليها ..وانا مش عايز ازعل منك يافتون بس انتي ..

فتون بمقاطعه خلاص مش هزعلك تاني لتخرج من احضانه وتتربع على السرير امامه تجي نتفق اتفاق. 

صقر بابتسامه اتفاق ايه ده..

فتون بص  احنا حتى لو اتخنقنا مينفعش نتخاصم اكتر من ساعه .ساعه وحده بس.

صقر بضحك ايه الاتفاق ده..

فتون بضيق ايه مش عاجبك..عاوز تعمل زي المره اللي فاتت سبتني اكل فروحي و مبقيتش تكلمني ابدا..لا انا مش حمل كده..

صقر وهو يعتدل بجلسته طب ما ليه نتخانق من الاساس ..

فتون بضيق انا بقول لو اتخنقنا... لتقول بحزن مش عايزاك تزعل مني وتبعد عني ..انا كنت بموت فبعدك ياسي صقر...

صقر احتضن وجنتيها ومسح دموعها بحنو حقك عليا  ..

فتون  بحزن متعملش كده تاني زعقلي خانقني اتعصب عليا بس متعاقبنيش بسكوتك .. 

صقر جذبها اليه ليحتضنها بحنو ربنا مايجبش زعل  ..

فتون اوعدني ياسي صقر انك.متبعدش عني ابدا .

صقر اوعدك وهو يشدد باحتضانها ليهدر يلاا نامي عشان ترتاحي..

مر الوقت سريعا استعادة فتون عافيتها وعادت علاقتها بصقر جيده الا انها مازالت تشعر به بعيدا عنها.

ودع صقر وفتون عليا وعمر بعد اقامه حفلة صغيره تقتصر على الاقارب.والاصدقاء.

فتون سي صقر يا سي صقر

صقر….

فتون وضعت يدها على كتفه لتجذب انتباهه مالك ياخويا سرحان ومتضايق..

صقر مفيش بس عليا هتوحشني قوي.

فتون انت زعلانه انها سافرت ..

صقر اكدب لو قولت مش زعلان..عليا اختي الوحيده وماليش بالدنيا غيرها ..بعدها عني صعب قوي... لو مكنتش شايفها مبسوطه مكنت وافقت..عالسفريه دي..

فتوت ادعليها تكون مبسوطه انت مشفتهاش قد ايه كانت سعيده والفرحه هتنط من عنيها..

صقر مهو ده اللي خلاني اتقبل بعدها عني..

فتون محاولة تغيير الحديث. النهارده عملت كيكه انما ايه هتاكل صوابعك وراها..هروح اجيبلك منها..

نظر اليه بحب وهو يراها تغادر بابتسامتها المشرقه وهيا تحاول اسعاده بشتى الطرق..

___________

بهاء الحفله كانت جميله جدا..

فرح اه فعلا كانت جميله.

بهاء اوقف السيارة وانت كنتي زي القمر النهارده..

فرح بحده افندم..

بهاء بقولك النهارده كنتي جميله..

فرح متشكره تقدر تمشي والله انزل واخد عربيه توصلني البيت..

بهاء شغل السيارة ايه تاخدي عربيه انا قولت لمدام فتون وصقر اني هوصلك يعني هوصلك…

فرح…

بهاء انتي على طول كده.

فرح قصدك ايه..

بهاء لا ولا حاجه.

وبعد.فتره فرح استنى هنا…

بهاء اوقف السياره ليه..

فرح الوقت اتاخر ومينفعش يشوفنا حد مع بعض..

بهاء بضيق بس..

فرح وهي تنزل من السياره متشكره تعبتك معايا..

بهاء بضيق من برودها معه فهو دائما يحاول التقرب منها دون جدوى العفو ..غادرت فرح وعندما وصلت امام منزلها لتصدم برؤية بعامر..

فرح بحده انت ايه اللي جابك هنا مش قولتلك تبعد عني مش عايزه اشوفك..

عامر بتعملي ايه ببيت صقر وحضرتي فرح اخته كمان..

فرح بحده وانت مال اهلك ..لتصعد الدرجات تريد الذهاب لشقتها لكنه جذبها من يدها هادرا مش هتبطلي عندك ده .

نفضت يدها بقوه هادره ابعد عني ياعامر لا اقسم بالله اندمك..

عامر بسخريه هتعملي ايه يعني..

فرح باستفزاز زي مخدت الملفات واديتها لصقر ..هقوله مين اللي حاول يقتله ..لتردف بتهديد سيبك مني يا عامر وشلني من نفوخك..

عامر بالسرعه دي نسيتي اللي مابينا ..

فرح بسخريه مفيش حاجه مابينا ..اساسا..

عامر ليه ..

فرح انت لك عين تسال كمان اوعي تجي قدامي مره تانيه ياعامر عشان مش طايقه ابص فخلقتك وهمت بالمغادره.

لكنه جذبها من حجابها ليهدر بغضب انتي شايفه روحك على ايه هااا فاكره نفسك ايه..

فرح بالم سيبني.يا ...لم تكمل كلامه لترى بهاء ممسكا بيد عامر.ويبعده عنها 

بهاء بغضب دفعه بقوه هادرا انت ازاي.تمد ايدك عليها..

عامر وانت مالك

بهاء بغضي انا اقولك مالي ليلكمه بقوة ليرد له الاخر اللكمه.

عامر بسخريه ايه ده حبيب القلب الجديد.. راسمه عليه وهو كمان..

فرح بدموع اخرس قطع لسانك انا اشرف منك ومن اللي خلفوك..

بهاء دفعه بعيدا ليقول بحده غور ياعامر مش عاوز اوسخ ايدي فيك..اللي حايشني عنك احترامي لصقر..

عامر نظر الى فرح انا همشي بس والله هتندمي يافرح..وغادر المكان ليعم الصمت للحظات نظرت فرح الى بهاء الذي ينهج وينظر اليها بغضب لاول مره تشعر بالخوف منه.

فرح بارتباك استاذ بهاء انا…

قاطعها بهاء خودي ده تلفونك نسيتيه بالسياره ..واطلعي شقتكم..

فرح بس يا..

هدر بها بغضب وعيناه كتله من الجمر اطلعي ..

صعدت فرح بسرعه وهي تبكي لاول مره تشعر بالخوف منه وترى كم ملامحه جاده وغاضبه وارعبها مظهره..اما الاخر فور رؤيتها تدخل شقتها غادر المكان بسرعه وهو يشعر بالاختناق .اخرج هاتفه..

بهاء انتي فين..

روبي في نفس المكان تعال دي القعده نقصاك..

بهاء وهو يفتح ازرار القميص بضيق لا انزلي استنيني براا انا جيالك..

روبي حاضر متت

اغلق الهاتف دون ان تكمل كلماتها..وهو يشعر بغصه بصدره..

____________

فتون هااا ايه رايك..

صقر تسلم ايدك..حلو جدا.بس كفايه عليا كده.

فتون لا ياسي صقر انت مكلتش الا حته صغيره مينفعش كده..

صقر منتي عارفه اني مابكلش بالليل وكمان كيك انا اصلا كلت عشانك ..

فتون طب عشان خاطري كل الحته دي بس والله مش هديك غيره..

صقر ماشي ياستي هاكلها ..بس نقسمها مابينا ..

فتون بس انا عملتها ليك..

صقر كلي منها عشان اتهني بيها اكلت منها واكمل صقر اكلها ليقول بضحك.دنتي لخبطتيلي النظام كله..

فتون ده كيك حتى مياثرش بحاجة..ياخويا

صقر بسخريه على قولتك مش هتاثر الحته دي..

فتون تحب اعملك قهوة..

صقر لا كفايه عليا كده.تعلي اقعدي هنا..جلست بجانبه..اخرج صقر هاتف جديد ده ليكي.

فتون بسعاده . بجد ياسي صقر  ده ليا ..

صقر ايوا يا فتون  ليكي..عشان ابقى اطمن عليكي ..

فتون انا اول مره حد يجيبلي حاجه..

صقر ومش هتكون الاخيره واي حاجه انتي عايزاها بس قوليلي عليها..

فتون بسعاده ربنا يخليك ياخويا..

صقر انا سيفت نمرتي عندك.تقدري تكلميني باي وقت..

كانت ممسكه الهاتفه سعيده به

صقر فتون..

فتون هااا..

صقر عمك اتصل وقالي عاوز يشوفك وهيجي بكرا..

فتون بسعادة بجد .

صقر بابتسامه على سعادتها ايوه بجد..

فتون انا مبسوطه قوي ياسي صقر واخيرا عمي افتكرني وجاي يسال عني..لتردف بضيق ..انا كنت حاسه اني لوحدي وماليش حد..

صقر بزعل متقوليش كدة يا فتون وانا روحت فين.. عايزاني ازعل منك..

فتون لا ياخويا مش عايزاك تزعل بس انت حاجه واهلي حاجه تانيه..البنت لما تحس ان اهلها بيسألوا عليها بتحس ان ليها ظهر تستند عليه ..زي اختك عليا كده ..هيا عارفه ان وراها اخوها .فظهرها دايما..وانا عايزه احس بكده عايزه احس ان ليا اهل ياسي صقر ..مش عايزة افضل كده على طول راميه بحملي عليك..

صقر بضيق انت حمل يافتون انت اجمل حاجه حصلتلى بالدنيا دي انت تعرفي العوض اللي يجي من عند ربنا .اهو انتي العوض ده اللي ربنا بعتهولي..عوض عن كل حاجه خسرتها بحياتي..

وبعدين ياستي بغض النظر عن موضوع اهلك ده ..انا عايزك تعرفي اني بظهرك دايما وانا سندك بالدنيا دي..وبأذن الله يافتون هحاول اسعدك على قد ماربي يقدرني و هعوضك عن كل الناس..

فتون بسعادة ربنا يخليك ليا يا سي صقر وميحرمنيش منك..

صقر ويخليكي ليا يا فتون..

_________

روبي مالك يا بوبي زعلان ومكشر كده ليه.

بهاء وهو يدخن ……

روبي حد مزعلك..

بهاء ….

روبي بدلال طب تحب ارقصلك..

بهاء…...

روبي ادارت وجهه إليها مالك سرحان بايه..

بهاء بضيق مفيش تقدر تروحي انتي..

روبي هو انا لحقت اجي عشان اروح..

بهاء يوووووه متصدعنيش عايزة تفضلي افضلي وانتي ساكته..

روبي مالك متعصب  ومش طايق روحك..

بهاء محاولا التحدث بهدوء روحي يا روبي معلش النهارده مصدع وماليش مزاج..لحاجة

روبي ماشي  ..سلام لو عوزت حاجه اتصل بيا..غادرت واغلقت الباب خلفها وتركت بهاء غارق بافكاره ..

___________

اتى الصباح على ابطالنا منهم من ينام وترتسم ابتسامة سعيدة على وجهه..ومنهم من كان قلقا ومنهم من عانى ولم يستطيع النوم

صقر اهلا يا استاذ عطيه اتفضل..

عطيه متشكر يابني .. هيا فتون فين..

صقر نهض من مكانه خود راحتك البيت بيتك ..انا هطلع اشوفها..اتأخرت ليه

كان عطيه يتفحص القصر بطمع ليهمس بنفسه يخربيتك ..يابنت سعد الدنيا ضحكتلك .

دخلت فتون بسعاده لتحتضن عمها ازيك ياعمي عامل ايه..وخالتي والبنات عاملين ايه. 

عطيه كويسين يابنتي انت ازيك ..عامله ايه مع جوزك..

فتون الحمد لله ياعمي..

عطيه هو صقر بيه فين..

فتون جاتله مكالمه وهيخلصه ويحصلني..

عطيه ..وضع أمامها اوراق ليهدر يابنتي انا جايلك النهارده عشان عايزين نخلص من قصة الورث دي..بس المحامي قالي ان لازم امضتك عشان نعرف نتصرف ويحصروا الورث. 

فتون ببراءة ماشي ياعمي عايزني امضي فين..

عطيه هنا..((عطيه ارد اخذ توقيعها قبل ان يأتي صقر ويكشف مخططه..))

صقر انتي بتعملي ايه..

فتون عمي عاوز امضتي ياسي صقر.

صقر بحده وهو ياخذ الاوراق منها وانتي تمضي على اي ورقه تيجي قدامك..

فتون بحرج من عمها ..سسي صقر انت بتقول ايه ..ده عمب

صقر نظر الى عطيه متجاهلا فتون ليهدر ايه ده..

عطيه بتوتر ده عشان عشان..

صقر بحده عشان ايه ..عشان تنهب بنت اخوك .متنطق..

فتون بدموع سي صقر مش كده ده عمي ..

نفض يده منها بغضب اطلعي اوضتك يافتون انتي متعرفيش الاشكال دي كويس..

فتون ببكاء مينفعش تعمل كده.

صقر بغضب وتحذير قولتلك اطلعي اوضتك..اسرعت الى الاعلى تبكي بحرقه..

عم فتون ايه هتتحكم فيها وانا حاضر 

صقر اسكت ياراجل ياناقص والله لو مكنتش محترم شيبتك اقسم بالله لاخليهم يخرجوك محمل..اطلع براا مش عايز اشوفك هنا تاني.

عطيه انا هخرج دلوقتي بس راجع من تاني

صقر فستين داهيه..وصعد الى غرفته ليجد فتون تبكي..

صقر تنهد بتعيطي ليه دلوقتي..

فتون …

تنهد بضيق ليمسح شعرها بحنان فتون ..

دفعت يده بقوه عايز ايه من فتون هااا عايزايه..عملت كده ليه ..

انا ماليش غير عمي ليه ياسي صقر ليه..

صقر فتون اسمعيني ده واحد نصاب عايز ين..

فتون مالكش دعوه …

صقر بحده انت ازاي تعلي صوتك فيا كده..

فتون بغضب ودموع ودون وعي انت ازاي تعامل عمي كده ازاي  طردته .انت اناني مش عايز حد من عيلتي حوليا عشان تفضل كاسر عيني العمر كله عشان تفضل تتحكم بحياتي زي منتا عاوز وانا فداهيه ..مشاعري واحتياجاتي..انت عملت كل ده عشان ترضي غرورك وتتأكد اني هفضل بحاجتك العمر كله وماليش حد اتسند عليه

صقر بغضب بس بس كفايه مش عايز اسمع منك كلمه كمان كفايه..ليضرب الطاولة بقدمه وغادر بغضب..بعد فتره سمعت فتون طرقات على الباب لتجد بهاء ..

فتون اهلا يااستاذ بهاء. سي صقر مش هنا..

بهاء بارتباك عارف ..مدام فتون صقر عمل حدثه وهو بالعنايه دلوقتي وانا جاي عشان اخدك هناك

فتون …..

             الفصل الرابع والعشرون من هنا

لقراة باقي الفصول اضغط هنا

تعديل المقال