رواية شمس الصعيد
ادهم قعد علي الكرسي بتعب
آيه قعدت جنبه وحطت ايدها علي كتفه بدعم
آيه: الي انت عملته صح
ادهم رفع راسه
: انتي شايفه كدا
آيه ابتسمت برقه: علي الاقل مش هتندم بعدين... وتبقا عملت الي
عليك ولو معجبكش الموضوع هنمشي عادي
ادهم اترما في حضنها بتعب
: تعبت يا آيه تعبت اوي مش عارف اعمل اي... كان فين جدي دا الي عايزني
اسمحه عارف انه ملهوش ذنب.... يمكن الذنب ذنب الست الي جبتني وهي
عارفه اني هعيش من غير اب او ذنب الاب الي جابني وهو عارف نفسه جبان ومش هيقدر يعيشني عيشه مرتاحه
آيه بتحرك ايده في شعره
: جرب ادي عمي فرصه.... وشوف هيعمل اي عشانك.. هو بيحبك والله... وخالتي كل ذنبهت انها حبت بس
ادهم بتوهان: مش عارف
آيه باست راسه برقه
: ان شالله خير
... تاني يوم....
عبدالرحمن نزل بنشاط وباس راس امه الي كانت بتظبط السفره
: صباح الخير يا ماما
نسمه بحب: صباح الخير يا حبيب ماما
عبدالرحمن: امال فين ادهم
نسمه: لسه مصحيش ولا هو ولا مراته تقريباً
عبدالرحمن: تمام هروح اصحيه و جهزولنا الفطار وهتوه علي اوضت ايهاب هنفطر معاه
نسمه: حاضر يا حبيبي
عبدالرحمن: تسلميلي يا ست الكل
عند ادهم ساند بضهره علي السرير و سيجاره في ايده بيفكر... و آيه الي نايمه في حضنه بعمق..... الباب خبط.. ادهم اخد اخر نفس في السيجاره نفت دخانها في الهواء حط السيجاره جوه الطفايه وهو بيبعد آيه عن دراعه بهدوء علشان متصحاش
: ايوه جاي..... ادهم فتح الباب
عبدالرحمن ببتسامه: صباح الخير
ادهم حرك ايده علي رقبته: صباح النور
عبدالرحمن: معلش بقا لو كنت صحيتك بس يلا علشان نفطر معا ايهاب
ادهم: لا انا مكنتش نايم
عبدالرحمن: تمام هستناك في اوضه ايهاب
ادهم: ماشي... عبدالرحمن مشي وادهم قفل الباب ودخل يصحي آيه... قعد جنبها علي السرير بهدوء وبدا يزحلها شعرها
ادهم: آيه... بنوتي.. ايه فتحت عنيها و همستله بنوم
: صباح الخير
ادهم ميل با*سها وبعد و هو بيحرك ايده علي خدها
: صباح الفل عليكي
آيه بخجل: صاحي بدري يعنى
ادهم ضحك: لا مش بدري هنا ياحبيبتي ... يلا بقا قومي جهزيلي الحمام خلينا ننزل
آيه قامت:حاضر
..... بعد وقت....
حور حتط صنيه الاكل قدامهم
عبدالرحمن: روحي انتي يا حور افطري معاهم تحت واحنا هنساعد ايهاب
حور: خلاص ماشي خلصو و اندهو عليا اشيل الاكل... حور نزلت تفطر مع حماتها و شمس و آيه... طلعت نسمه وهي شايله صنيه عليها كوبايات لبن وحتط وحده قدام آيه و تبطبطت علي كتفها بحنيه
: اشربي يا حبيبتي انتي حامل و محتاجه تغزيه
آيه ابتسمتله: شكرا يا خالتي
نسمه حتط كوبايه قدام حور وكلمتها بحده مزيفه
: وانتي اشربي دي ايهاب موصيني عليكي
حور: لا والله كدا كتير يعنى قلت النهارده مش معايا وهفطر براحتي
نسمه: ولا عاش ولا كان الي يستغفل ابني وانا موجوده
حور بضحك: ماشي يا حماتي
نسمه قربت من شمس وحتط وحده قدامها
: انتي بقا محدش موصيني عليكي بس هي كوبايه زايده خساره
شمس بضحك: شكرا علي التقدير يا مرات عمي البنات ضحكو عليهم
حور: بس في كوبايتين لمين يا حماتي
نسمه بفخر: انا و ام ادهم
حور بذهول: اوعااا اي الضراير الجامده دي
نسمه: هو علشان ضراير ناكل بعض ما في ضراير زي الاخوات... وبعدين طلامه مشفتش منها حاجه وحشه اكر*ها ليه
آيه ابتسمت: وهي والله مش بتكر*هك وبتعزك وديمان كانت تحكيلي عليكي بكل خير بس هو الحب بقا...
نسمه: طاب سلام بقا عطلتونا عن ام ادهم
البنات ابتسمو و نسمه مشيت
نوسه كانت قاعده وحيده في الاوضه وباين عليها الحزن.. حست بأيد علي كتفها و كانت نسمه.... حتط الصنيه علي الطرابيزه
نوسه ابتسمت: في حاجه يا ام ايهاب
نسمه اتنهدت: انا عارفه انك مطلعتيش تفطري معانا علشاني... بصي يا حبيبتي مش كل الضراير زي ما الناس مفكره... والله انا شفت ضراير زي الاخوات... واهو الي حصل حصل بقا مش هستفيد بحاجه لو كرهتك ولا فضلنا ننحل في بعض وانا مشفتش منك حاجه وحشه.. وباين عليكي بت ناس.. وليه نفرق الاخوات عن بعض ونشيل ذنبهم خلينا نعيش زي الاخوات حسن
نوسه عنيها اتملت دموع ومكنتش عارفه ترد
نوسه: انا مش عارفه اقولك اي والله
نسمه: متقليش حاجه واشربي اللبن
هنا دخلو البنات
: يا لهوي يا ناس هو في كدا
نسمه ضحكت: تعالو يا قدرنا
البنات دخلو... نسمه لـ نوسه
: دي حور مرات ابني الكبير و دي شمس بنت المرحوم اخو جوزي ومرات ابني
نوسه: اللهم اما بارك قمرات... وطبعا انتي عارفه ايه بنت اختي و مرات ابني الوحيد
نسمه: البت دي بتفكرني بواحده بتطلع علي التلفزيون
آيه ضحكت: اوعي تقولي كدا قدام ادهم دا بيتجنن لما حد يقول كدا
نسمه ضحكت: بيغير عليكي يا جمر انتي
نوسه: و محكلكيش عن غيره ادهم ابني.. دا لبسها حجاب قدامي علشان بيغير عليها مني... آيه وشها احمر من الخجل
نسمه: باين عليه واعر ولادك دا
نوسه: هكدب.... اوي الصراحه
......
برا في الصاله بعد ما ادهم و عبدالرحمن ساعدو ايهاب ينزل يقعد تحت شويه و هما حطين اديهم علي الترابيزه في تحدي بيلعبو ريست وايهاب قاعد علي الكنبه بالتيشرت الي بنص كوم وهو الحكم بينهم
ايهاب: عبدالرحمن انا شايفك بتغش
عبدالرحمن: يعم والله ما بغش... وو ايده نزلت لتحت
ادهم: تالت مره
عبدالرحمن بعبوس طفولي: لا والله انتو كدا الي بتغشو
عباس جه عليهم
: بتعملو اي
ايهاب: ادهم غالب ايهاب يجي خمس مرات في الريست لحد دلوقتي
عبدالرحمن: متصدقهمش يا بابا دول غشاشين
ايهاب مسك الوساده الي جنبه بأيده الساليمه وضربه بيها
: مين الي بيغش ياد يا **
عباس حط ايده علي الترابيزه وبص لادهم بتحدي
: تعالالي
ايهاب: ااااو لا متستخفش بالحج يا ادهم دا جامد والله
ادهم نزل لمستواه بتحدي وحط ايده في ايد ابوه
وبعد حوالي عشر دقايق مكنش حد فيهم كسب ونظرات التحدي شغالة
عبدالرحمن: يلا يا بابا اوعااا تكسفني.. بابا بابا
ادهم بضيق: كفايه يا عبدالرحمن مش عارف اركز و....
وووهوبا كان عباس غلب ادهم
ايهاب بضحك: هنشرب ساقع علي حساب ادهم النهارده
ادهم ابتسم وهو بيطلع محفظته وطلع منها فلوس هو اول مره يعيش الاحساس دا كان بيلعبه مع اسر صحبه بس احساس مختلف لما تبقا ضد ابوك واخواتك بيشجعو
ادهم: خلي حد من العيال يجيب البيت كله حاجه ساقعه.. كمل وهو
بيحرك ايده علي رقبته بحرج... احم وجيب لآيه ايس كريم علشان هي ما بتحبش الساقع
عبدالرحمن: يا سيدي يا سيدي
ادهم لكزه بعيد: يعم اوعاا دا انت بارد
عبدالرحمن بتمثيل: ما براحه يا بيبي دا انا ضعيييف
ادهم بصله بقرف.. ايهاب ضحك
: انا عارفه انه غلس بي للاسف اخوانا و منقدرش نغير حاجه
عباس حط ايده علي كتف عبدالرحمن
: بس ياد عبدالرحمن دا اخر العنقود والدلع كله ليه
عبدالرحمن: حبيبي يا حج
... اخر اليوم ادهم فتح باب اوضته وهو مبتسم علي احداث اليوم واتبسط جدا بلمت اخواته دخل وحضن آيه من ضهرها الي كانت قاعده عل السرير و محستش بدخول
ادهم بهمس: وحشتيني
آيه: ادهم طلقني...