رواية احببت مجنونة الجزءالخامس5 )
الفصل الثامن والعشرون28
بقلم نجمه براقه
رجعت البيت متأخر علشان الاقي بابا في وشي ويفتح معايا الكلام بتاع كل مره اللي حفظته بالكلمه واقدر اعيده معاه
ياسر _ مساء الخير
فريد _ قول صباح الخير
ياسر _ بابا انا تعبان وعاوز انام ، تصبح على خير
فريد _ استنا
ياسر _ نعم
فريد _ هتفضل كده ل أمتي، محتاج تكبر قد ايه تاني علشان تكون مسؤول
ياسر بزهق _ يابابا، انا مش بشتغل معاك ومش بقصر؟ ليه بقا مركز في الحاجه الوحيدة اللي برتاح فيها
فريد _ هي فين الراحه في العيشة دي
ياسر _ اهو انا مرتاح، نصيبي كده، نعمل ايه
فريد _ طيب ولما انت بترتاح راجع مادد بوزك تلات اشبار قدامك ليه
ياسر _ مصدع شويه
فريد _ طيب ليه مبيتش عند مراتك، ينفع تسيبها لوحدها
ياسر _ مريم مش مراتي يا بابا، انت اجبرتني اتجوزها
فريد _ والبنت مالها يابني.، بتحبك ، وحلوه.، وبنت ناس
ياسر _ ومش بنت بنوت، نسيتها دي
فريد _ طيب وايه يعنى، واللى زيك هيتجوز بنت بنوت ازاي، مريم احسن من غيرها مليون مره على الاقل كان غصب عنها مش زي اللي بتعرفهم
ياسر بزهق _ بابا ! لو مش عايزني في البيت قولي وانا مش هرجع تاني
فريد _ انا بقولك كده علشان تقولي مرجعش ، انت ليه مش فاهم اني مليش غيرك وخايف عليك
ياسر _ متخافش انا مش صغير
فريد _ تاعب قلبي معاك امتي بقا هتريحني
ياسر بعبث _ لما ارتاح انا الأول ،، تصبح علي خير..
طلعت اوضتي ودخلت الحمام خدت الدوش، وخرجت تانى، فتحت الاب توب، عشان اشوفها بتعمل ايه بعد اللي قالته، ومرتاحه من غيري ولا لأ، ف لقيتها قاعده علي الارض وسانده دماغها علي الانتريه، بس مش باين اذا نايمه ولا صاحيه،....
جه تاني يوم والمفروض اني اروح للمأذون، بس من جوايا مش عاوز ،، ومش حابب اطلقها ، عاوزها تقعد معايا بأي شكل ، افترا بقا ، او تحكم ، زي ما يكون ، المهم اني مش عاوز اطلقها.....
بعد حيره وتفكير كتير مكنش قدامي إلا اني اروح ل روان هي اللي بتقدر تريحني، ولما روحتلها لقيتها لسه زعلانه
ياسر _ روان انسيلي اي زعل وتعالي معايا
روان _ اجي معاك فين
ياسر _ اي حته، عاوز اتكلم معاكي
روان _ طيب....
(خدتها وروحنا كافية)
روان _ قول!
(ياسر يحكيلها اللي حصل )
روان _ طيب وانت زعلان ليه مش هو ده اللي انت عايزة من الأول
ياسر _ انا قولتلها أسبوع ، والأسبوع لسة مخلصش
روان تمط شفتيها بقرف _ فرقت يومين يعنى ، انت عاوز ايه بظبط
ياسر _ مش عاوز اطلقها، اطلقها ليه ادوني سبب واحد اطلقها عشانه
روان بسخريه _ يمكن عشان متجوزها علي الورق بس ، بلاش دي ، طيب يمكن عشان كل شويه تقولها انك مش مجبر تصلح غلطت واحد تانى ، مش مقنعين دول؟، طيب يمكن عشان انت اللي من الاول بتقولها نطلق،، او يمكن عشان كل شويه مع واحده، اووو يمكن عشان مفهمها اننا مرتبطين... جايز والله ليه لا
ياسر _ ماشي انا معاكى بس احنا ممكن نعيش مع بعض صحاب ليه جواز وقرف مانتي عارفه
روان _ انت عبيط يا ياسر ولا شكلك كده
ياسر بزهق _ عبيط! قوليلي بقا اعمل ايه دلوقتي، انا قولتلها اني هجيب المأذون واجي
روان _ طيب ليه التعقيد ده ما تروح تقولها انك عاوزها
ياسر _ افرضي فكرت اني بحبها
روان _ يادي المصيبه يعني كل ده ولسه بتقول مش بتحبها
ياسر _ احبها ايه انتي كمان ما تبطلو تخلف البنات ده
روان _ احنا اللي متخلفين بردو
ياسر _ اه متخلفين وهبل
روان _ طيب فسرلي حالتك دي، واحد عامل زي اللي عليه بيضه من وقت ما بعد عنها، ومش عاوز يطلقها ، وزي ما قولتلي انك سيحت معاها وكنت هتدخل في الاعراض، دا اسمه ايه فهمني
ياسر _ بت انتي قومي من هنا انا غلطان انى كلمتك قووومي
روان تقوم _ ياسر فكر كويس، مضيعهاش من ايدك، انت مش كل يوم هتحب واحده،
ياسر _ اقعدي غايره فين
روان _ يابني انت لسه قايلي قومي
ياسر _ بتسمعي الكلام اوي يعني انتي ، اترررزعي انا مش طايق دبان وشي
روان _ قعدت اهو
ياسر _ انا خايف يا روان، مش قادر اتخيل نفسي متجوز واحده حد غيري لمسها، متخيله منظري قدام الناس وقدام نفسي هيكون عامل ازاي..
روان _ طيب خلينا بس ناخده حته حته
ياسر _ مريم انا بكلمك علي مريم مش كيكه
روان _ ههههه اولا اسمي روان مش مريم
ياسر بخنقه_ اه زفته ، اتلخبطت وبتحصل متبدأيش فزلكت البنات
روان _ ماشي، خلينا في ثانيآ
ياسر _ ارغي
روان _ انت بتحبها!
ياسر _ لا خالص مبحبهاش
روان _ بتحبها!
ياسر _ انتي هتتفزلكي، فيلم هندي احنا هنا، بقولك مبحبهاش يعني مبحبهاش
روان _ بتحبها واسمع الكلام بدال ما احدفك بالبتاعه دي في دماغك
ياسر _ هي ايه دي صحيح، طفايه ولا ديكور ايه القرف اللي حطينه على التربيزات ده
روان بنرفزه _ سيبك من الزفت وركز معايا، انا بكلمك في ايه وانت بتكلمني في ايه
ياسر _ متزعقيش ها... ارغي
روان تزفر بزهق _ حبيبي ياسر، بالعقل كده واحده متهمكش، ايه هيخليك زعلان انك هتطلقها، صدقني انت بتحبها وعارف كده كويس، بس انت خايف بسبب اللي حصل دي القصة
ياسر _ طيب ودي حآجه سهله في نظرك
روان _ مش سهله بس انت مش ملاك عشان تجوز واحده مفهاش غلطه
ياسر _ بس مش غلطه زي دي
روان _ وانت تعرف منين انك لو اتجوزت واحده مفهاش غلطه زي دي انها متطلعش وحشه او متجوزاك عشان فلوسك..
ياسر بتنهيده _ طيب اعمل ايه انا دلوقتي
روان _ تكمل معاها
ياسر _ طيب اقنعيني اني اتقبل العيب ده علشان والله ما قادر، شايفه عقبه في طريقي
روان _ افتكر ان البنت عندها اللي يعوضك عن الحته دي، وبعدين انت كنت عريس مليون مره مع جميع الاصناف مش هنقول بقا انك نفسك في بنت بنوت، بطل تعقيد بقا
ياسر بتنهيده _ رأيك كده
روان _ مفيش رأي تاني، لا فيه صح
ياسر باهتمام _ ايه
روان _ تتجوزني انا ههههه
ياسر _ جكي ستين نيله يابنتي انتي بشنب
روان _ ماشي يا واطي، وربنا لا احلقه وتجري ورايا وماهعبرك
ياسر _ ولسانك دا كمان لولاه كنت تغاضيت عن الشنب واتجوزتك
روان _ ههههه احنا فيها من بكره هكون كيوت
ياسر _ بقولك ايه بطلي وسوسه انا مش حابب اغلط معاكي علشان صداقتنا متبوظش ف اتلمي كده ابو شكلك
روان _ ههههه وربنا عسل يا واد، يابختك يابت يا مريم
ياسر _ طيب بطلي، وقوليلي اعمل ايه
روان _ يختاااااااااي الحقوووني انا بقول ايه من الصبح
ياسر _ ياااغبيه يا تربيت الشوارع انا اقصد اروح اقولها ايه
روان _ اااه، اقولك .. انت تقعد هنا كده وانا هتصرف
ياسر _ هتعملي ايه
روان _ هروحلها
ياسر _ ليه بقا
روان _ ما تسكت في سنينك السوده دي، قولتلك هروحلها
ياسر _ طيب روحي بس بلاش تفهميها اني هموت عليها، اكتفي بأنك تقوليلها ان مفيش بيني وبينك حآجه
روان _ مااشي، يلا
مشيت وانا فتحت الكاميرات من التليفون، لقيتها بتنضف البيت ولابسه قميص لفوق الركبه،.. يخربيتها ودا وقته البت روان تقلق اكتر من الرجاله،
#مريم
خلصت تنضيف و خدت دوش ورجعت قعدت قدام الشاشه، شغلت فيلم، وبعد دقيقة الباب خبط، فكرت انه ياسر، ف جريت علشان افتح، وانا مبسوطه وناويه الوي بوزي لما اقابله علشان ميفتكرش اني كنت هموت ويجي، لكن نفسي اتغمت لما عرفت انها روان مش ياسر
روان _ هاي مريم
مريم _ هاي ورحمة الله، افندم
روان _ مش هتقوليلي اتفضلي
مريم _ اتفضلي
............
مريم _ تشربي ايه
روان _ مش جايه اشرب، عاوزة اتكلم معاكي
مريم تقعد جمبها _ خير
روان _ اول حآجه لازم تعرفي ان مفيش بيني وبينك مشاكل شخصيه
مريم _ مش فاهمه ادخلي في الموضوع علي طول
روان _ اوكي... مريم انا وياسر صحاب ومفيش بينا اي حآجه
مريم تمط شفتيها _ امممم
روان _ ههههه عندك حق متصدقيش، بس اللي حصل ان ياسر كان جايبني مخصوص عشان يضايقك بس
مريم _ يضااايقني، ويضايقني ليه بقا اذا كان هو مش مهتم بوجودي يهمه في ايه اضايق او اغير عليه
روان _ انتي عارفه ياسر بيحكيلي عليكي من امتي
مريم _ من امتي
روان _ من قبل ما تروحيلوه في ال Nightclub، كان مستنيكي تجيلوه
مريم _ يعني هو كان يعرفني
روان _ طبعا ! من خلال مرقبتك ليه خد باله وبدء يدور وراكي وعرف عنك ادق التفاصيل
روان _ اااه عشان كده كان عارف اسمي لما كلمته... ماشي فلنفترض ان الكلام ده حصل،.. معناه ايه، ماهو اكيد كان هيتعامل معايا زي كل البنات اللي في حياته
روان _ طبعااا بلا شك، بس هو مش بيعمل علاقه مع واحده هي مش عايزة، وانتي اكيد مكنتيش هتديلو الفرصه ولا ايه
مريم _ يعني المفروض اني افرح دلوقتي ولا ايه،
روان _ اه تفرحي، لأن ياسر بيحبك
مريم _ انتي لسه بتقولي انه كان هيعتبرني زي الباقين بيحبني ازاي بقا
روان _ صح انا قولت، بس هو بعدين حبك، ومش عاوز يطلقك
مريم _ حبني؟ طيب وانتي مين قالك
روان _ هو! بس ولو عرف اني حكيتلك هيموتني
مريم بإبتسامة _ اممم طيب وبعدين
روان _ ولا قابلين هو مش هيجيب المأذون وانتي حاولي تتفهمي صعوبة الموضوع عليه وانه محتاج وقت علشان يتأقلم مع اللي حصل
مريم _ هو فين دلوقتي
روان _ سبته في الكافيه، معرفش لسه هناك ولا مشي
مريم بإبتسامة _ ماشي
روان _ ماشي حبيبتي، اسيبك انا دلوقتي ربما يطب علينا فجأه
مريم تحضنها _ متشكره اوي
روان _ حبيبتي العفو، يلا بقا اسيبك قبل ما يجي ياسوري ههههه
مريم _ ههههه ماشي بس بلاش ياسوري دي
روان _ ههههه بضايقك
مريم _ طيب ممكن سؤال
روان _ اتفضلي
مريم _ ليه محبتهوش انتي
روان بإبتسامة _ مش استايلي، وبعدين انا عندي بوي فريند
مريم _ بوي ايه
روان _ ههههه بوي فريند ايه مسمعتيش عنها قبل كده
مريم _ بسمع في التلفزيون بس
روان _ ان شاءلله متشوفهاش علي الحقيقه، يلا ياقلبي اسيبك
روان مشيت، وانا مبقتش قادره اسيطر علي ابتسامتي، حاسه نفسي هطير من الفرحة، وفي نفس الوقت مكسوفه مش عارفه هقابله ازاي، وبردو هموت واشوف شكله لما اوجهه باللي سمعته
#ياسر
الجزمه قالتلها كل حآجه من الألف الي ال ي... دلوقتي بقا منظري زباله قدامها طيب ونعمه ما انا طالع من عند امي
بعد يومين
#مسك
النهارده خطوبة زين وكنت بجهز أسر وسليم علشان نروح
سليم بفرحه _ حلوه البدله بتاعتي؟
مسك تُقبله بحب _ قممممر
سليم _ انا اختارتها
مسك _ ذوقك عسل زيك،
سليم _ هروح اوريها ل بابا
مسك _ ممكن تاخد أسر معاك طيب
سليم _ ايوه، يلا يا أسر
اتمنا اقدر اعوض سليم عن مامته، ويارب ميجيش يوم افرق بينهم هو وأسر، في الحب او اي حآجه يحتاجوها،. وعشان محسش انه ممكن يتظلم في يوم، قررت احطله مبلغ كبير بأسمه في البنك علشان لما يكبر يلاقيه لا ربما يحصل حآجه في المستقبل واعجز عن تأمين مستقبله، وبنسبه ل أسر، هو عنده اللى يعيشه ملك طول عمره
وبنسبه للمدارس ف انا قدمت ل سليم في حضانة لُغات والمدرسه هتكون كده بردو، لازم ميحسش باليتم أبداً، انا مش هنسا ان ريماس انقذت أسر من الغرق ودينها في رقبتي لغيت ما اقابلها
سيف _ ايه ياحبيبتي لسه مجهزتيش
مسك _ لا خلاص جهزت
سيف _ طيب يلا بينا يدوب نعدي علي بابا ورودينا
مسك _ يلا بينا
(روحنا عندهم علشان ناخدهم معانا، ب لقينا ماما تعبانه وبابا قاعد جمبها)
مسك _ في ايه يا حبيبتي سلامتك
رودينا بتعب _ انا بخير حبيبتي، شويه تعب بسيط وهيروحو
سيف _ انا هطلبلك الدكتور
مراد _ من الصبح اقولها مفيش فايده
مسك _ ليه يا حبيبتي
رودينا بإبتسامه متعبه _ انا بخف لما ببص ل ابوكي
سيف _ ههههه ايه ياشقي عملت ايه
مراد _ امشي ياض، خد مراتك وسيبونا مع بعض
مسك _ يعني ايه، مش هينفع طبعا زين هيزعل
مراد _ ملحوقه في الفرح،
سيف _ طيب ما نجيبلها الدكتور يديها علاج يمكن تخف وبعدين نروح
رودينا _ متشغلوش بالكم بيا وباركو لزين بنيابه عننا
مسك _ اكيد هيزعل اوي
مراد _ روحو بس وانبسطو ولو خفت هجيبها واجي
سيف _ سلامتك يا رودينا
رودينا تستند علي يد مراد وتقعد _ هات حضن ياض انت، ايوة بقيت شحط بس ميضرش
سيف _ شحط ايه، تعالى ( رودينا تحضنه )
رودينا بإبتسامه باهته _ كنت وعدت مامتك اني اربيك علي ايدي بس حقك عليه مقدرتش
سيف _ ليه بتقولي كده دلوقتى
مسك _ في ايه يا حبيبتي
رودينا _ افتكرت مامته،، يمكن انا مقدرتش بس مسك تقدر تخلي بالها منك طول العمر
سيف _ ودي احلي حآجه ممكن تقدمهالي، انا اللي بشكرك انك جبتيلي زوجه زي القمر كده
رودينا بإبتسامه باهته _ ربنا يخليكم لبعض
مسك تقعد جمبها _ ماما انتي حاسه بحاجه
رودينا تحضنها _ حاسه انى عاوزة اقعد مع ابوكي شويه وانتو مضيقينا
سيف _ ههههه يلا يا بنتي لا نضرب دلوقتى
مسك _ يعني انتي كويسه
رودينا _ كويسه اوي يلا بقا وريني عرض قفاكي وبوسيلي الأولاد
مسك بإبتسامة _ ماشي حبيبتي الف سلامه عليكي، بابا خلي بالك منها وهكلمك اطمن عليها
مراد _ لا متكلمنيش علشان مش هنرد عليكي، ادونا حريتنا بقا
سيف _ ههههه ايه يا "مارو" هو في اهداف في الوقت اللي بدل ضائع ولا ايه،، والله شكلك اهلاوي ههههههههههههههه
مسك _ ههههه بس بقا عيب
مراد _ استنى عاوز اقوله حآجه مهمه، ارفعني
سيف يمسك ايده وهو يضريه بالقلم
مراد _ اتلم شويه
سيف _ ههههه مقبوله ما انت اتشديت بقا ههههه
مراد يحضنه _ والله و*سخ بس بحبك
سيف _ وانا كمان يا حبيبي
مراد يفرد دراعه لمسك ويحتضنها _ ربنا يخليكم لبعض ، خلي بالك منها ، وانتي كمان
سيف _ مالكم النهارده في ايه ، طيب هي تعبانه وبتخرف وانت بقا ايه
مراد _ واد انت امشي من هنا وبطل قلت ادب
سيف _ ههههه ماشينا اهو، بس استنا لما تتأكد اننا مشينا خالص
مراد _ هضربك
مسك _ ههههه بطل بواخه ويلا ( تشده من يده)
سيف ينظر للخلف_ ههههه بقولك ايه متتحمقش اوي انا خايف عليك
( ورجعنا عند أسر وسليم، في العربيه وطلعنا)
مسك بقلق _ ماما مش مريحاني حاسه ان فيها حآجه
سيف _ هو السن ده كده لما بيتعبو بيتوهمو متقلقيش
مسك _ يارب يكون كده
سيف _ نكدوووو احنا رايحين خطوبه ابتسمي شويه
مسك بإبتسامه _ ماشي بس متتمداش في موضوع النكد ده
سيف _ هو انا حبيت النكد من قليل
مسك بإبتسامة _ طيب بص قدامك
سيف بهمس _ ابقي فكريني اقولك حآجه مهمه لما نرجع
مسك بإبتسامة _ حآجه ايه
سيف بخبث _ حآاااجه
مسك بإبتسامة _ ماشي هفكرك لو افتكرت
سليم _ هتقولها حآجه ايه يا بابا
مسك _ ههههه رد عليه
سيف _ ههههه حآجه كبار يا بابا
سليم _ انا اقولها حآجه كمان
سيف _ ولااااا هرميك من العربيه يلا
مسك _ ههههههههههههههه
سيف _ بتضحكي
مسك _ ههههههههههههههه مين قالك تتكلم قدامهم
سيف _ كنت فاكره طفل برئ مش هيركز
سليم _ تضحكو ليه
مسك _ ههههه مفيش حآجه ياحبيبي
(في القاعه)
#زين
كانت حفله كبيرة، حضروها ناس كتير ومهمين، صحابي ، وبعض الفنانين ، وصحاب دكتور سليمان ، وصحافه ، وكتير غيرهم ، بس انامكنتش مركز غير مع نسمه وبدور على اقل فرصه علشان امسكها لوحدنا، واخيرآ جاتلي، لما دخلت الحمام تظبط مكياجها وانا روحت وراها
زين _ بتتهربي مني
نسمه _ انت ايه اللي جابك هنا، اطلع برا
زين يضع يد علي الحائط ويقترب منها _ قولتلك يانسمه ، تعالي يانسمه ، عيب يانسمه ، وحشتيني يا نسمه، وانتي بتهربي منى
نسمه بإبتسامه _ ماهو انت قليل الادب
زين _ قليل الادب ليه انا عملت ايه يعني
نسمه _ عاوز تعمل
زين _ عاوز اعمل ايه
نسمه _ ههههه مش هقول
زين _ طيب قوليهالي سر
نسمه _ امممم لا
زين _ قووولي
نسمه _ ههههه لأ
زين_ اقول انا
نسمه بإبتسامه _ لأ
زين _ متاكده انه لأ
نسمه بإبتسامه _ اخلص يا زين خلينا نرجع الناس هيدورو علينا
زين _ بعد خمس دقايق
نسمه _ يييييي تاني
زين _ ماهو انتي لو كنتي سمعتي الكلام مكنش ده حصل
نسمه _ طيب اقولك سر وتخليني امشي
زين _ اوك موافق
نسمه تستدير وتجعله بجانب الحائط _ ممكن تغمض طيب علشان بتكسف
زين يمسك ايدها باحكام _ ممكن ياقلبي
نسمه _ طيب سيب ايدي
زين _ تؤ تؤ انا فاهمك كويس
نسمه _ مش بعرف اقول اسرار وانا مربطه
زين _ اتعلمي
نسمه _ ههههه طيب
نسمه تقرب منه وفجاه يتفتح الباب لتبعد عنه بسرعه
مسك _ بتعملو ايه
زين _ شت .. مش تخبطي
مسك _ متشتشتش افرض ابوها جه وعلقك
نسمه _ قولتله هو اللي اصر
مسك _ انا لقيتك انتي اللي بتتهجمي عليه علي فكره
زين _ ههههه قولتلها بلاش خليها لما نتجوز وهي مصممه تبوسني
نسمه _ والله كداب متصدقهوش دا هو اللي مسك ايدي
زين _ اكدبي اكدبي،
مسك _ ههههه طيب خلص الناس بيسألو عليكم
نسمه تبصله بقرف _ انا رايحه اهو
زين يمسك ايدها _ مسك جاين وراكي
نسمه_ انا هروح معاها وسع
زين _ يلا يا مسك
مسك _ اما اشوف اخرتها، دقيقتين وتيجي ماشي ( بتمشي وتقفل وراها)
نسمه _ بقولك ايه انا مش طيقاك ابعد عني
زين بإبتسامة _ ما انتي لو كنتي شهلتي مكنش ده حصل
نسمه _ بايخ اوي علي فكره
زين _ وانتي وحشتيني ومش عايزة تقابليني اعملك ايه
نسمه _ الفرح قرب خلينا لما نتجوز بالمرة
زين _ مش هشوفك لغيت ما نتجوز؟
نسمه _ هتشوفني بس من غير قلت أدب
زين _ هي فين قلت الادب، دا اسمه حب ، لاااف
نسمه _ نحب في بعض بعدين، ويلا بينا دلوقتي
زين _ ماااشي يلا بس هحاسبك بعدين
طلعنا عند المعازيم وقابلت سيف والاولاد
سيف يحضنه ويهمس في ودنه _ ابوها قالب عليك الحفله، انا معرفكش ها
زين _ ههههه دا هيخليني جثه يعلم فيها التشريح
مسك _ تستاهل
سيف _ مسك بتقول انك كنت بتبوسها
زين _ طيب ياريت هي فين البوسه، ما مراتك دخلت علينا
سيف _ طيب وانت بتستخبا ليه عشان الموضوع ده ما تعمل كده وسط الناس
مسك _ سيف عيب كده
سيف _ عيب في ايه بقا
مسك _ عاوزة يبوسها قدام الناس وتقولي عيب في ايه
زين _ وهي راضيه اصلا
مسك _ احسن
سيف بهمس _ وفيها ايه ياحبيبتي
مسك بهمس _ عييب يا بابا
سيف _ انتي اللي معقده
مسك _ طيب اسكوت بقا
سيف _ طيب بس متنسيش اللي قولتلك عليه
مسك _ فاكره بس بطل الناس بتبص علينا
سيف _ ما يلا نروح
مسك _ ههههه انت ايه حكايتك النهارده
سيف _ وحشاااني
مسك _ وانت كمان
سيف _ انا بقول يالا نروح
زين _ ما تهدا شويه ايه خلاص مش قادر تصبر الساعتين دول
سيف بهمس _ اهو سمع بسبب صوتك العالي
زين _ صوتك انت العالي مش هي
مسك _ ههههههههههههههه
سيف _ ماشي يا صايع ضحكتها عليه
#مريم
عدا يومين من وقت ما جاتلي روان وانا مستنياه ومجاش .. شكلها كده بتكدب عليه،
قعدت في الصاله أبكى وقت طويل لغيت ما نمت، وبعد وقت معرفش كبير ولا صغير، لقيت حد بيصحيني قومت مفزوعه وصرخت
ياسر يضع يديه على وجهها _ انا انا اهدي
مريم تتنفس بسرعه _ ف فكرتك حرامي
ياسر _ مفيش حراميه
مريم تقوم _ هجيب ميه
جريت على المطبخ وشربت، وبعدين وقفت مكاني وأنا جسمي كله بيرتجف وقلبي حساه وقع في رجليه، وكنت خايفه يجي ورايا... وخوفي اتحقق وجه ف سبته وروحت الأوضة بسرعه واتغطيت ونمت وبعدين سمعت صوت خطوات داخله الاوضه، وبعد دقيقة حسيته قعد جمبي وبعد ثواني شال الغطا من علي وشي
ياسر _ بتهربي ليه
مريم بارتباك شديد _ مش بهرب، انا عايزة انام
ياسر _ ممكن نقعد مع بعض شويه
مريم تعتدل _ في ايه
ياسر يقعد _ روان جاتلك هنا؟
مريم _ اه
ياسر _ قولتي ايه في الكلام اللي قالته
مريم _ وانت مكنتش تقدر تقول الكلام ده بنفسك
ياسر _ لأ
مريم _ طيب والمطلوب مني دلوقتي
ياسر _ مطلوب منك تصبري معايا يكون نسيت اللي حصل
مريم_ ولغيت ما تنسا هنعيش ازاي
ياسر _ زي ما تحبي، لو حابه نعيش مع بعض موافق ، لو حابه يكون في فتره نعرف بعض فيها بردو موافق
مريم _ مقولتش ليه لو مكنتيش عايزة تكلمي بردو موافق،
ياسر _ لا لا الكلام ده انسيه، ها اختاري، نعيش مع بعض ولا ناخد فتره تعارف
مريم _ امممم مفيش خيارات تاني يعني
ياسر _ لأ
مريم_ طيب هرد عليك لما تجاوبني علي كام سؤال
ياسر _ سامعك
مريم _ مستعد تبعد عن البنات اللي تعرفهم؟
ياسر _ قولتلك قبل كده اني من وقت ما اتجوزنا ومروحتش عند واحده تاني
مريم _ وال Nightclub تقدر تبطل تروحو
ياسر _ دي مسؤليتك لو قدرتي تشغليني عنه يبقا موافق
مريم _ تقبل نعيش هنا
ياسر _ لأ
مريم _ انا مش هعيش في الڤيلا
ياسر _ لا هنا ولا في الڤيلا هنشتري مكان جديد
مريم _ ليه
ياسر _ الشقه دي مش هينفع نبتدي فيها حياه جديده ومش عاوز اعيش في الڤيلا علشان ماما بتحبني
مريم _ حلو، اللي بعده ، ممكن تاخد فترة قد ايه علشان تنسا اللي حصل
ياسر _ بردو دي مسؤليتك
مريم _ تمام
ياسر _ خلصتي أسأله
مريم _ اخر سؤال
ياسر _ اللي هو
مريم _ ايه حكايه الصور المتقطعه
ياسر _ انتي متوقعه اني اقولك انهم صور بنت كنت بحبها وجرحتني طبعا
مريم _ معرفش
ياسر _ هقولك ، دي سهر اول بنت اعرفها وقت لما كنت مؤدب وابن ناس
مريم _ انت كنت مؤدب في يوم
ياسر يرفع ايده _ هتغلطي هزرعها علي وشك
مريم _ طيب كمل
ياسر _ طيب اسمعي انتي وساكته...... القصة ببساطة اني في اخر سنه في الجامعه تعرفت علي بنت حلوه وشيك وصديقة الطلبه، كان قلبها كبير اوي بتحب الكل مبتقولش لحد لأ، وكانت صريحه ومبتخبيش علاقتها المتعدده ، اتصاحبنا فتره وعرفتني علي شلة الفساد اللي دخلوني في سكت السهر والشرب وخلال الفتره اللي تصحابنا فيها خدنا شوية صور، وبعد فتره كل واحد راح ل حاله عادي جداً بدون خساير في الأرواح ولا المشاعر، ف قولت ايه! ما تيجي يا واد تقطع الصور كده علشان لما تحب توقع بنت جديدة تفهمها ان حبيبتك جرحتك ف تحن بسرعة وتيجي سكه.. دي كل القصة
مريم تضغط علي اسنانها _ وانا اللي قولت بيحس
ياسر _ هبقا اقولك بعدين علي قصة تثبتلك اني بحس
مريم _ قول دلوقتي
ياسر _ بعدين
مريم _ تمام
ياسر _ طيب قررتي ايه
مريم بعد صمت _ قررت اننا نعيش مع بعض فترة التعارف لغيت ما تنسا وتتقبلني
ياسر بإبتسامة _ اوك
مريم _ امممم طيب تتعشا
ياسر _ لأ
مريم _ طيب تحب اعملك شاي
ياسر _ لا انا عاوز حاجه تانيه
مريم _ ايه
ياسر _ ههههه تقوليلي هوي هوي
مريم بإبتسامة _ ماشي نام
ياسر ينام _ مسألتنيش اذا حبيتك ولا روان بتفتي
مريم بإبتسامه_ طيب حبتني ولا روان بتفتي
ياسر _ روان بتفتي ههههه
مريم _ رزل
ياسر ينظر لها وهو نائم _ حبيتك واول مره تحصل
مريم بخجل _ متشكره
ياسر _ ابقي تعالي خدي الفكه، بشحتك انا
مريم _ اقولك ايه يعنى
ياسر يقوم _ قولي وانا كمان
مريم _ طيب قومت ليه نام
ياسر _ تعالى نامي انتي انا مش لايق في الموضوع ده
مريم _ ههههه ماشي،
ياسر _ لحظه كده ( ينام علي المخده ويمد له يده)
مريم _ ايه
ياسر يشدها من ايدها وينومها علي صدره
مريم بإبتسامة _ دراعك هيوجعك
ياسر _ من ايه يا ضنايا، ابقي فكريني اخلي ماما تعملك مفتقه
مريم _ ههههه افتكر اني نبهت عليك وابقا خلي المفتقه تنفعك لما تحس دراعك مشلول
ياسر _ عاجبني خليكي في حالك
مريم _ ههههه ماشي
ياسر _ مريم هو انا لو تماديت شويه دا يعتبر تبع فترة التعارف ولا هكون بنقض العهد
مريم _ ههههه انا بقول كل واحد ينام في اوضه لوحده
ياسر يستدير ويضمها بيديه _ هو كلام بارد اننا نكون في فتره تعارف وانومك في حضني، بس بردو متنسيش انك مراتي
مريم بإبتسامه _ صح
ياسر يتنقل بعينيه في تفاصيل وجهها ثم....... ( اقولكم بلاش خلينا نكمل)
#مراد
زاد التعب على رودينا وكل ما احاول اقوم عشان اتصل بالدكتور او اجبلها دوا تمسك ايدي وتقولي لأ
مراد _ يا رودينا انتي تعبانه لازم دكتور
رودينا والدمعه عالقه علي طرف عينها _ مفيش دكاتره هتنفع
مراد بقلق _ ليه بتقولي كده ... رودينا في ايه
رودينا بصعوبه بالكلام _ انا اولا بالدقيقه اللي هتتصل بالدكتور فيها، خليك جمبي بس
مراد والدموع بدأت ان تنزل _ رودينا، في ايه ياحبيبتي، حاسه ب أية
رودينا تنظر ل الاشيء _ كلهم حوليه
مراد بدموع _ في ايه، انتي بتتكلمي عن مين
رودينا تنظر له _ حبيبنا كلهم
مراد _ حبيبنا مين يا رودينا متقلقنيش
رودينا بإبتسامه متعبه _ خالي هشام ومراته وبابا وماما و عمي مراد و جودي ومامتك، انت مش شايفهم؟
مراد يريحها علي صدره ويحتضنها بكل قوته ويبكي بعجز _ رودينا متقوليش الكلام ده انتي بتخوفيني،، مش عشان قولتلك بخاف وانتي بعيد تزيدي فيها
رودينا بدموع _ مكنتش حابه اسيبك لوحدك، بس دي اردة ربنا
مراد ببكاء والدموع تصب من عينيه بغزاره _ متقوليش كده انتي فاهمة، معودتيش تتكلمي كده تاني
رودينا تتثبش بالجاكت بتاعه وتنظر للملكوت وتلفظ انفاسها الاخيرة، لتفتح عينيها وتفلت يدها
مراد يضمها ويبكي بحرقه _ لا يا رودينا، عشان خاطري متسبنيش دلوقتي، استني هنمشي مع بعض، انتي قولتيلي مش هتسبيني ( يزيد بكائه ليريحها على المخده ويجلس على ركبتيه ويتحسس وجهها ويهزها ) رودينا قومي يا حبيبتي، قومي عشان خاطري ( ينزل من علي السرير ويتصل بسيف ليستنجد به ثم يعود مره اخرى ويجلس بجانبها
مراد ببكاء وترجي_ رودينا، قومي يا حبيبتي، سيف جاي وهنوديكي لدكتور، رودينا بوصيلي ابوس ايدك بوصيلي ( يمسك يدها ويقبلها) رودينااا قومي
#سيف
كنا لسة في الحفلة لما كلمني بابا وهو بيبكي وبيقولي رودينا ماتت، قومت من مكاني وبقيت أسأله ماتت ازاي ، زين ومسك انتبهولي، وجم ورايا في العربيه، ومسك طول الطريق تبكي لغيت ما وصلت وفتحنا الباب ودخلنا نجري على اوضتهم ولما وصلنا لقيناهم هما الاتنين نايمين وبابا حاطط رأسه علي صدر رودينا ومفتح عينيه، كنت عارف انهم ماتو، بس عقلي مش مصدقه، قربت منهم ومسكت ايد بابا ليقتها متلجه وبمجرد ما سبتها وقعت،.. مسكت ايد رودينا نفس القصة،
بقيت واقف مكاني مش قادر اتحرك حتي دموعي تجمدت، وشايف مسك بتصرخ وبتشد فيهم وتحلفهم يصحو وانا مش قادر اقربلها او ابعدها عنهم... في لحظه حسيت ضهري اتكسر، واتيتمت تاني ، انا جربت اليتم قبل كده بس المره دي انا فهمت معناه وانا شايفهم هم الاتنين ميتين قدامي،... دا انا كنت معاهم من وقت قليل ازاي يموتو فجأه كده ازاي،.... دلوقتي بس فهمت معني اللي قالوه، لو كنت فهمت وقتها مكنتش سبتهم
*******
بعد 26 سنه
#ميرال
طلعنا من المطار وركبنا العربية ، بقيت ابص لشوارع والناس، عالم غريب عليه اول مره اشوفه،.. البيوت هنا تختلف عن البيوت في لندن، والناس كمان مختلفه تماماً، حتي الهوا والشمس،...لكن الأكيد انهم مش احلي من الحياة فى لندن،.. هناك شكل المباني ارقا من هنا، والناس كمان، حتي عمال النظافة هناك اشيك في لبسهم ،،.. بابا كان دايما يوصفلي جمال مصر وحضارتها، وأصر اني اتكلم بلغتنا ولهجتنا حتي لو كنت عشت كل حياتي في بلد تانية، وفعلاو بقا يكلمني مصري وكل الشغالين ورجالته بيتكلمو مصري حتي المربيه بتاعتي كانت مصريه
بعد وصولنا بأسبوع ،... بابا عمل حفله وعرفني على ناس قده في السن، انا معرفش حد فيهم خالص ولا عمري سمعت عنهم، كان الوقت بيمشي ببطئ وانا قاعده معاهم، وكل ما اقول هدخل اوضتي يقولي اقعدي، وبعد وقت بتخلص الحفله، واخيرآ برجع اوضتي واقعد اتصفح الانترنت واراسل صحابي وفجاه بتوصلني رسالة علي مسنجر، من شخص اسمه اسير عينيها، فتحتها كانوع من الفضول اللي ايه يخلي اسير عينيها ده يبعتلي،.. وانا عمري ما كلمت حد بأسم مكتوب بالعربي من وقت ما دخلت على الانترنت
أسير عينيها _ نورتي بلدك
ميرال _ مين انت؟
أسير عينيها _ أنا أسير عينيكي
ميرال _ انت باين عليك مجنون
مردش على اخر رساله وسابني فى حيره... طيب مين ده ويعرفني منين، ده شكله من مصر وانا معرفش حد من هنا خالص