رواية عدوي هو الحب
الفصل الرابع4
بقلم هاجر محمد
هاجر:طب حاول تقوم هات ايدك
هاجر مسكت ايد شادي وحطتها على كتفها و ساعدته يقوم
شادي:فى عربيه بره المفتاح اهو
هاجر حطت شادي فى العربية ورا وركبت اقدم عشان تسوق
شادي:امشي على طول يا هاجر
شادي فضل يوصفلها الطريق لحد ما وصلوا مكان مفيش فى اي حد غيرهم هاجر نزلت من العربيه ونزلت شادي ودخلوا المكان
هاجر:هنعمل اي دلوقتي فى رجلك دي
شادي:اطلعي على اول الشارع هتلقي بيت صغير فى واحد اسمو حسين عرفي اني انا فى المخزن وفى رصاصه فى رجلي وهو هيتصرف
هاجر:طيب
هاجر ركبت العربيه وعملت زي ما شادي قال وجابت الراجل ورجعت لشادي
حسين:شادي بيه متخفش هتكون كويس
حسين فتح الشنطه بتاعته وطلع مقص عشان يخرج الرصاصه
هاجر:انت هتعمل اي
حسين:هطلع الرصاصه يا انسه هعمل اي يعني
هاجر:ماهو كده هيتوجع حرام برضوا
شادي:كمل يا حسين ملكش دعوه بيها
حسين بدا يرش كحول مكان الجرح وشادي كان بيحاول يكتم صوته من الوجع اول ما حسين بدا يخرج الطلقه شادي كان بيتوجع
هاجر:شادي اهدا طب غمض عينك ومش هتحس بحاجة
هاجر مسكت ايد شادي وبدات تهدي لحد ما حسين طلع الرصاصه وعقم الجرح ولف عليه شاش
حسين وهو بيبص على جسم هاجر:الف سلامه عليك يا شادي بيه
شادي اخد باله من نظرات حسين :امشي يلا يا حسين
حسين:حاضر يا بيه مع السلامه
هاجر:انت كويس دلوقتي
شادي:اه كويس
هاجر:يا كداب كويس ازاي دي طلقه
شادي:خلاص متزعليش ده انا هموت من الوجع كده كويس
هاجر: ابوك ليه عمل كده
شادي:ممكن بلاش نتكلم فى الموضوع ونشوف هنتصرف ازاي
هاجر:انت بتجمع ليه احنا مش هنقعد مع بعض انا همشي دلوقتي أصلا
شادي:خلاص براحتك
هاجر خرجت بره المخزن ومشيت
(بعد نص ساعة)
شادي:جيتي ليه
هاجر:انا لو رجعت مش بعيد اتحبس اكتر من 15سنه فا نقعد سوا بقي ونفكر
شادي:يعني طلع عندي حق اهو
هاجر بعياط:كل ما أقول حياتي بدات تتحسن يحصل مصيبه واهو دلوقتي اقعده مع تاجر مخدرات
شادي:يخربيت لسانك لسه هقولك متعيطش
هاجر بعياط:ليه بيحصل فيا كده يارب اموت عشان زهقت
شادي:طيب اهدي كل حاجه هتكون كويسه
هاجر:انت ملكش دعوه بيا عشان انت السبب انت وابوك
شادي:خلاص هسكت حاضر
هاجر بعياط:انا عايزه امشي من هنا مش عارفه ورجلي وجعني وعطشانه كمان وانت السبب مش بترد عليا ليه انا بكلم نفسي يعني
شادي:مش انتي قولتي اسكت خلاص متزعليش قومي افتحي شنطه العربيه هتلقي اكل وفى مياه
هاجر::مش عايزه حاجه منك انت
شادي:خلاص براحتك
هاجر:هي رجلك لسه بتوجعك
شادي:اه
هاجر:هو انت مش معاك مسكن او حاجه
شادي:ممكن تلقي فى العربيه
هاجر خرجت وفتحت العربيه وبدات تدور ملقتش حاجه غير شريط مخدات
هاجر:ملقتش غير ده خد واحدة بقي
شادي:لا طبعا
هاجر:هتفضل توجعك كده على الاقل ده مش هيخليك تحس بحاجه
شادي:لا
هاجر:خلاص براحتك
(بعد كام ساعه )
هاجر بدات تحس انها عايزه تنام وكانت بتفتح عينها بالعافيه
شادي:روحي نامي فى العربيه بدل ما انتي بتنامي فى الارض كده
هاجر:لا لا انا صاحيه
شادي :انتي بتنامي على نفسك أصلا
هاجر كانت نامت
___________
(تاني يوم)
هاجر فتحت عينها وبدات تفتكر الى حصل بصت جنبها ملقتش شادي طلعت تشوفه لقت العربيه مش موجوده
هاجر:يا حيوان سبني ومشي انا كنت غلطانه اصلا من الاول
شادي:هتفضلي واقفه بتكلمي نفسك كده كتير
هاجر:انت كنت فين وفين العربيه
شادي:كنت بشوف المكان الى هنروح في كان لازم اعرف هو أمان ولا لا
هاجر:افتكرتك مشيت
شادي:ليه هو انا زيك ولا اي
هاجر:واحد حيوان اقسم بالله
شادي:كتر خيرك هتركبي ولا اي
هاجرء: ماشي
(فى الطريق)
هاجر: شكلي بقي معفن اوي صح
شادي:لا لسه
هاجر:طب كويس
شادي:المكان الى احنا رايحينه ده فى كل حاجه تقدري تغيري هدومك بقي
هاجر:ماشي
_____________
شادي:احنا وصلنا انزلي يلا
هاجر نزلت من العربية وراحت نحيت شادي
هاجر:هات ايدك بدل ما تقع
شادي:هعرف امشي لوحدي
هاجر:هات ايدك يا شادي بدل ما اتعصب انا مش ناقصه
هاجر مسكت ايد شادي وحطت ايدها على ظهرو عشان تعرف تسندو وطلعت بي العماره
شادي:شكرا يا هاجر
هاجر:العفو
شادي:البيت اهو عندك اعملي الى عايزا وفى هدوم فى الاوضه دي
هاجر:ماشي
هاجر دخلت الاوضه وقفلت الباب على نفسها وبدات نشوف الهدوم لحد ما اختارت تيشرت اسود وبنطلون اسود ودخلت تاخد شاور خلصت وخرجت وسمعت صوت شادي راحت نحيت الاوضه وخبطت
هاجر:شادي ممكن ادخل
شادي :اه
هاجر اول ما فتحت الباب لقت شادي وقع على الارض ورجله كلها بتجيب دم
هاجر:اي ده انت اتخبط ولا اي
شادي :رجلي مش قادر
هاجر:طيب أهدي
هاجر قومت شادي من على الارض وحطته على السرير وخرجت بره الاوضه عشان صندوق الاسعافات جابته ودخلت
هاجر:ممكن تهدا عشان طول ما انت كده رجلك هتفضل تنزف
شادي:هموت مش قادر
هاجر:طيب خد نفس وغمض عينك
هاجر شالت الشاش القديم وبدات تعقم الجرح تاني ولفت علي شاش
هاجر:خد المسكن ده ....... دلوقتي هتكون كويس اهدا بس
هاجر حطت ايدها على ايدو عشان تطبطب عليه لقت ايدو ساخنه
هاجر: شادي انت سخن ليه كده اهدا عشان طول ما جسمك سخن هتفضل تنزف
شادي:حاسس اني هموت من كتر الوجع
هاجر:هتكون كويس متخفش
هاجر افتكرت شريط المخدرات خرجت تشوفه فى هدومها وطلعت برشامه منه ودخلت لشادي
هاجر:لقت مسكن تاني اهو خدو يلا
(بعد نص ساعة)
هاجر :انت دلوقتي احسن
شادي:اه
هاجر:طيب اسيبك عشان تنام
شادي:طب ممكن تخليكي قريبه عشان لو تعبت يعني
هاجر:حاضر هقعد بره جنب الاوضه
هاجر خرجت ودخلت تتوضا عشان تصلي وبدات تصلي وفجاه سمعت صوت رزع على الباب خرجت من الصلاه وبصت من العين عشان تشوف مين لقت رامي ويحيي لسه هتروح لشادي لقته واقف وراها وشدها من ايدها وجريوا على باب المطبخ
هاجر:مش هنحلق يا شادي
شادي:يلا يا هاجر
نزلوا جري من باب العماره الى ورا و واقفوا تاكسي
شادي: يسطا عايزين نروح اسكندريه
السواق:ايوه بس فى مشوار زي كده هاخد 500جنيه
هاجر:ماشي
شادي ركب ورا هو وهاجر
هاجر:انا كان لازم اسلم نفسي
شادي: مش هرد عليكي
(بعد اربع ساعات)
شادي:ايوه يسطا على أي جنب بقي
شادي نزل من العربيه وبيحط ايدو فى جيبه عشان يطلع المحفظه لقها مش موجوده شادي كان لسه هيقول للسواق بس هاجر طلعت الفلوس
هاجر:اتفضل يسطا شكرا
شادي:كويس ان طلع معاكي فلوس عشان السواق كان هيعمل مننا شاورما
هاجر:هنروح فين دلوقتي
شادي:هنقعد فى اي فندق لحد ما اكلم صحبي وهو هيشوف مكان نقعد في انتي معاكي كام
هاجر:مش معايا غير 500جنيه
شادي:طب هنعمل اي كده مش هيكفي
هاجر:خليك هنا خمس دقائق وجايه
(بعد ربع ساعة)
هاجر:معلش اتاخرت عليك
شادي:كنتي فين كل ده
هاجر:خد الفلوس دي
شادي:سرقتي مين
هاجر:هو انا زيك ولا اي بعت السلسه بتاعتي دول هيكفوا ولا اي
شادي:اه هيكفوا وزياده كمان خلي دول معاكي عشان لو حصل حاجه
(فى الفندق)
موظف الاستقبال:حضرتك تقرب اي ليها
هاجر:يبقي جوزي
موظف:طيب فين البطاقه بتاعت حضرتك وبتاعته
هاجر :اتفضل بطاقتي اهي بس هو نسي بتاعته
موظف الاستقبال اول شاف بطاقة هاجر وعرف ان شغله ظابط قالها
الموظف:اتفضلي احسن اوضه عندنا اهي يافندم
هاجر طلعت هي وشادي الاوضه
شادي:انتي ليه قولتي اني جوزك
هاجر:لا نحجز لكل واحد اوضه والفلوس تخلص ومنعرفش نعمل حاجه صح
شادي: كويس انك بتعرفي تفكري
هاجر:ارتاح بقي عشان رجلك
هاجر دخلت الحمام وقفلت الباب واقعدت على الارض وكانت بتعياط كانت بتحاول تكتم صوت عياطها
شادي لاحظ انها اتاخرت اوى فى الحمام قام عشان يشوفها سمع صوت عياطها
شادي:هاجر انتي كويسه
هاجر:اه دقيقه واحده وخارجه
هاجر غسلت وشها وخرجت لقت شادي واقف على باب الحمام
شادي:متاكده انك كويسه
هاجر:اه انت هتكلم صحبك ده امته
شادي :هروح لي دلوقتي
هاجر:هتروح ازاي ورجلك
شادي:هركب تاكسي خليكي انتي هنا بس وبلاش تخرجي
هاجر:طيب
(بعد ساعتين)
شادي:اهم حاجة المكان يكون أمان يا عزيز
عزيز:متخفش والله احنا ننزل دلوقتي نجيب هاجر ونروح على المكان على طول
شادي:طب يلا
شادي وصل هو وعزيز كانوا لسه هينزلوا من العربيه شافوا عربيه الشرطه واقفه اقدم الفندق
شادي: هي العربيه دي واقفه ليه كده
عزيز:يمكن أمن عادي خلينا خمس دقائق يمكن تمشي
شادي لسه هيتكلم شاف هاجر وهي خارجه مع العسكر وفى ايدها الكلبشات