CMP: AIE: رواية احببت مجنونة الجزءالخامس5 )الفصل الثالث والعشرون23بقلم نجمه براقه
أخر الاخبار

رواية احببت مجنونة الجزءالخامس5 )الفصل الثالث والعشرون23بقلم نجمه براقه

 

رواية احببت مجنونة الجزءالخامس5 
الفصل الثالث والعشرون23
بقلم نجمه براقه
ياسر 

رقصنا وشربنا كتير وكالعاده هي سِكرت ومبقتش عارفه بتقول ايه،..  ف خدتها الشقه بدال ما نرجع البيت وهي بالحاله دي،  ونومتها علي السرير وانا نمت علي الكنبه وبعدين قعدت وبقت تتكلم معايا  

مريم _ ههههه ياااااسر عرفت اللي حصل 
ياسر _ ايه 
مريم _ تعاله غنيلي هوي هوي وانا اقولك 
ياسر يقوم ويقعد جمبها وهي تنام على رجله  _ هووي هوووي 
مريم تنظر له _ العب في شعري علشان انام 
ياسر _ انتي قولتي هتقوليلي حاجه 
مريم _ طيب طيب العب في شعري وانا هقولك 
ياسر _ اهو،  قولي 
مريم _ ههههه عارف كريم 
ياسر _ مالو سي زفت
مريم _ مفيش زفت ومفيش كريم انا ضحكت عليك 
ياسر _ بجااااد،  طيب وكدبتي ليه 
مريم ببكاء طفولي _ عشان اشوفك هتغير ولا لا،، بس انت مغيرتش علياااا 
ياسر بإبتسامة عريضة_ يعني مفيش كريم 
مريم _ مفيش كريم  
ياسر _ طيب وانتي عاوزاني اغير ليه انا مش بحبك 
مريم _ بس انا بحبببك 

ياسر بعد صمت وتفكير _ انتي لازم تنسى الحب ده انا عمري ما هحبك 
مريم تقوم وتستند علي ايدها وتبصله وهي علي مقربه منه _ هو انا وحشه 
ياسر ينظر لوجهها بتدقيق _ لا بالعكس أنتي جميله اوي 
مريم _ طيب لما انا جميله مش بتحبني ليه 
ياسر _ علشان مينفعش 
مريم _ مفيش حاجه اسمها مينفعش انا بحبك ولازم انت كمان تحبني  
ياسر _ ليه لازم 
مريم _ علشان انا بحبك 
ياسر يحط ايده علي رأسها_   تعالي هقولك هوي هوي عشان تنامي
مريم تذق ايده _ متقوليش هوي،  قولي بتحبني 
ياسر _ انتي مش عارفه بتقولي ايه،  يلا نامى ولما تفوقي نتكلم  
مريم تلمس وجهه وتتحدث بصوت خافت _ انت لو محبتنيش وكملت معايا انا ممكن اموت 
ياسر بتنهيده _ مش هتموتي 
مريم _  انت روحي لو بعدت عني اموت 
ياسر  _ نامى يا مريم 
مريم _ انت مش عاوز تحبني علشان اللي حصل مع شاهر 
ياسر بخنقه _  انا هنام فى الصاله 
مريم تمسك في قميصه _ لا خليك جمبي 
ياسر  _ طيب بس تنامي 
مريم _ طيب 

بدل ما تنام على رجلي سندت رأسها على صدري ومسكت في قميصي بأحكام ونامت وفي ثواني كانت نعست تماماً،.. ف نومتها على مخدتها وكنت هقوم بس ايدها لسه متمسكه بقميصي،    بقيت ابصلها شويه وانا مش عارفه اخرتها ايه،.. طلعت مش مستنيه حد زي ما فهمتني وكمان حباني،  وانا مش هقدر اعتبرها مراتي بعد اللي عرفته 

مريم 

صحيت الصبح لقيت نفسي نايمه في الشقة وهو نايم جمبي،  قومت وبقيت ابصله شويه... وبعدين  فكرت انتقم منه ازاي علي القلم اللي ادهوني..  و جاتني الفكره، وهي اني  عضيته في دراعه كنت هطلع حتت لحمه بين اسناني وهو قام يصرخ وانا عملت نفسي بتكلم انا ونايمه ومش حاسه بنفسي

ياسر بفزع _ ااااه ايه في ايه 
مريم بتصنع _ بس بقا، انت ميييين 
ياسر _ انت بتستعبطي يا مريم 
مريم تقوم بفزع مصتنع _ ايه ده في ايه   
ياسر بغيظ _ عضتيني
مريم تقوم وتبص حوليها بصدمه مصتنعه _ لااااا،  انت نمت جمبي طول الليل  ...  لا لا ياربي ارحمني يارب...  انت عملت فيه ايه 
ياسر بغيظ _ انا عارف انك بتمثلي اتعدلي احسنلك 
مريم _ وليك عين تتكلم  ...  انت ايه اللي منومك جمبي يا بارد يا تلم 
ياسر يمسكها من رقبتها وينومها _ اطلع روحك دلوقتي 






مريم _ ههههه خلاص بهزر معاك والله  
ياسر _ بتهزري وتعضيني،  تحبني اخنقك دلوقتي واقولك بهزر 
مريم _ ماهو انت اللي بدأت مش انت اللي ضربتني امبارح 
ياسر _ طيييب استعدي للي جاي 
مريم تكح _ كفايه هموت 
ياسر _ متستهبليش انا مضغطتش عليكي لسه 
مريم _ وانت ناوي تضغط 
ياسر يجز على سنانه ويبصلها بعيون حاده _ ايوووه 
مريم  _  طيب خلصني لا تخنقني لا توسع 
ياسر _ انتي مستعجله ليه مش لما تنطقي الشهاده الاول دا انتي ايامك سوده معايا 
مريم بحزن مصتنع _ لا ارجوك ابعد عني.. كوكي هيزعل لو موتني 
ياسر _ كوكك؟ 
مريم _ اه كوكي 
ياسر يسيبها _ لا اذا كوكك هيزعل بلاش 
مريم تعتدل _  انت متعرفش بيحبني ازاي يالهوووووي وانابعشق حبه ليه وخصوصآ لما يبصلي في عينيا ياااامه، بدوخ
ياسر _ ازاي بتدوخي.. هو ساحر 
مريم_ ساااحر وسحرني يا ياسر ياخويا 
ياسر يداري ضحكته _ فرحتلك اوي، ابقي كلميه وقوليلوه يشهل علشان نفرح بيكم 
مريم _ اكلمه؟
ياسر _ اه كلميه 
مريم _ واشمعنا دلوقتي رضيت مش لسه ضاربني امبارح علشان مستنياه 
ياسر _  ما انا فكرت وقولت حرام اكون بحب روان وبكلمها واحرم الحق ده عليكي
مريم _ امممم اه 
ياسر _ ممكن طلب
مريم _ ايه
ياسر _ روان مش مصدقه ان جوازنا علي الورق،.. انا هجيبها النهارده في الفيلا وتقوليلها ان مفيش بينا حاجه 
مريم _ اه..... طيب
ياسر بإبتسامة _ شكرا مريومه، وانتي لو حابه اكلم كريم واقوله انك ليه هو انا مستعد 
مريم تداري بدموعها _ ماشي... قايمه اخد دوش 
ياسر بإبتسامة _ ماشي بس شهلي علشان ادخل بعدك


مسك 

روحت تاني العنوان بتاع الست والمره دي لقيتها،  

تغريد _ انتي مين 
مسك _ انا مسك صاحبة ريماس الله يرحمها 
تغريد _ انتي مسك بجد  
مسك _ انتي  تعرفيني 
تغريد _ طبعا اعرفك،  تعالى اتفضلي  

دخلنا جوه وقعدنا 

مسك _ ريماس حكتلك عني 
تغريد _ قبل ما تموت بيوم واحد حكتلي عنك كلام كتير 
مسك _ قالتلك ايه 
تغريد _ قولي مقالتش ايه...  انا عارف انك جايه عشان رسالتها 
مسك _ ايوه ياريت تقوليلي هي ايه 
تغريد _ هي وصتني اديها لسيف نفسه بس افتكر انك لازم تعرفيها انتي كمان 
مسك _ طيب هي فين  
تغريد تمسك التليفون _ ريماس قبل موتها بيوم كانت عندي وهي منهاره من العياط،  وبعد ما حكتلي كل حكايتها طلبت منى اصورها فيديو ولو ماتت قبل  ما سليم يرجع،  ادي الفيديو لسيف،  اتفضلي  شوفيه  علشان ابعتهولك 

خدت منها التليفون وشغلت الفيديو،  شوفت ريماس وهي بتتكلم وبتبكي،   والكلام اللي  قالته ان خالد استغل مرضها واحتياجها لفلوس العمليه وخلاها تشتغل عندي علشان تقربلي وتخلي سيف يحبها ويبعد عني، 







 وبعد ما قررت انها مش هتكلم،  خطف ابنها وعذبه علشان يجبرها تكمل،  وبتقول في  نهاية الفيديو وهي بتظهر دوا مخدر،  ان الدوا ده هتحط منه لسيف عشان هو مستحيل يقربلها هو وفايق لانه مش بيقبلها،  وفي النهاية بتطلب نسامحها ونخلي بالنا من سليم،.....  

وانا بسمع الفيديو متملكتش نفسي وبقيت أبكى علي اللي حصلها وعلى اللي حصل لسليم في السن ده  ،  واكتر منهم،  شكي في سيف واني مصدقتهوش....  وبعدين  طلبت من الست  تبعتلي الفيديو ده  وفعلا بعتتهولي،  ف روحت البيت،  ونقلته علي  الاب توب  وبعت نسخه ل زين  علشان اضمن ان خالد  لو نجح يحذف نسخه ميقدرش يحذف الباقي  ،  وبعدين بعتله هو  نفسه نسخه منه وبعد  وقت  اتصل 

خالد _ ايه اللي بعتاه ده 
مسك _ من غير كلام كتير،  تروح  دلوقتي  تتنازل لسيف وترجع سليم 
خالد _  خلينا نتفاهم 
مسك _ معاك  ساعه  وقتك بيبدا من الثانيه دي 
خالد _ وانا  اضمن منين ان الفيديو  ده  ميروحش للبوليس 
مسك _ انت الضامن...  طول ما انت بعيد  عننا عمره ما هيوصل للبوليس ولا الإنترنت 

 خالد _ ماشي،  موافق،  بس  لو الفيديو  ده  طلع اقسملك ما هسيب واحد في عيلتكم عايش يوم واحد بعدها 
مسك _ متهددش انتي  دلوقتي صباعك تحت ضرسي 
خالد _ ماشي  
مسك _ سلام يا فاشل 
خالد _ سلام  يا خطيبتي 

قفلت معاه وقومت انضف البيت قبل ما يرجع سيف 

خالد  

الملعونه طلعت عامله فيديو ك دليل عليه لو ماتت،  وانا طبعاً مقدرش ارفض طلب مسك والا ممكن اتحبس واتفضح وشغلي كله يوقف، ف قررت اروح اتنازل







 لسيف بس  قبل  ما اروح وقبل ما ابعت سليم ليهم قررت اربيه عن مضايقته ليه في الايام اللي قعدهم، 

روحت عنده لقيته بيلعب مع  ميرال ولما شافني بصلي وكانه بيقولي شوف مش انت منعتني بس انا بلعب معاها اهو غصب عنك  ... 

 قربت منه وشيلته من دراع واحد وخدته في المطبخ و ولعت البتوجاز على شوكه وسبتها تسخن

خالد_ انت عيل اه وعلشان انت عيل قليل الأدب لازم تتربا 
سليم يبص لنار بخوف _ مش هلعب معاها تاني بس مش تكويني 
خالد يشيل الشوكه _  انت خلاص ماشي، بس لازم تفتكرني طول عمرك 






سليم يشد في نفسه ويصرخ _ ونبي يابابا والله مش هلعب معاها تاني.. لا لا 

خالد يحط الشو*كه في دراعه اعلي الكوع وسليم يصرخ بعلو صوته، وشاديه تيجي جري ولما تلاقيه كده تحاول تبعده 

خالد بحده _ ارجعي مكانك 
شاديه بترجي _ ارجوك سيبه 
سليم يصرخ _  يا شااااديه 
شاديه ببكاء _ ارجوك ابوس رجلك كفايه 
خالد بعصبيه _ براااا 
سليم يصرخ ويستنجد الا ان تبرد الشوكه وتهداء حرارتها وخالد يتركه ليقع على الأرض ويبكي بألم 

خالد يجلس بجانبه وينظر له _ ضيقتني كتير، وبسبب امك مجبر اتنازل لعدوي 
سليم يبكي _ انا بكرهك 
خالد_ وانا بكرهك اكتر عارف ليه... علشان بتفكرني بيه، ولو مليش في القتل كنت بعتك ل امك دلوقتي
سليم ببكاء _ انا عاوز ماما 

خالد يشيله من دراع اللي فيه الحرق ويطلع بيه 
سليم بصراخ _ اااه ايدي بتوجعني 

خالد يرميه قدام الباب _ مهددددي... انت يا زفت 
مهدي يجي بسرعه _ امرك خالد باشا
خالد _ وديه بيت سيف 
مهدي _ حاضر يا باشا 

بعد ما مشي روحت القسم اتنازلت لسيف ورجعت علي طول

مسك 

كنت بنضف في البيت لغيت ما سمعت صوت عياط طفل قدام الباب، طلعت بسرعه اشوف في ايه لقيت سليم قاعد قدام الباب وبيبكي  
 

مسك بقلق _ حبيبي في ايه ومين جابك هنا 
سليم ببكاء _ ايدي وجعاني 
مسك _ انهي فيهم وريني كده 

شاورلي علي ايده ولما شوفتها لقيت اثر حر*ق بشوكه وباينه سنه سنه وحرق عميق كمان.. حسيت قلبي هيطلع من مكانه واتمنيت اروح اق*تل خالد بأيدي علي اللي عمله فيه 

مسك تحضنه وتبكي _ حبيبي حقك عليه 
سليم يطوق رقبتها ويبكي _ بابا حرقني بشوكه 
مسك ببكاء _ متقولش بابا هو مش بابا
سليم ببكاء _ بتوجعني اوي
مسك _ تعاله هنحطلها مرهم وتهدا..  معلش ياحبيبي حقك عليه

سيف 

خالد اتنازل وبعد  ما خلصت  الاجراءات رجعت  البيت  وانا  طول السكه بفكر هي  عملت  اية  علشان  يتنازل،  وليه راحتله بيته،  وليه مقالتليش انه دخل عندها الاوضه  ،  أسئلة  كتيره كانت في دماغي





  ومش  مستني  اوصل  علشان  تجاوبني،  ولما  وصلت    فتحتلي وكان معاها  سليم  بيبكي.....  اتفاجأت برجوعه هو كمان.... عملت  اية  تاني  علشان  سليم  يرجع  ..  كنت  لسه  هسأل وازعق بس  سليم جالي وهو  بيبكي  وبيقولي شوف ايدي بصيت على ايده لقيت حرق 

سيف بذهول،_ مين عمل فيك كده 
سليم ببكاء _ بابا خالد 
سيف يضم قبضته بقهر _ حسابه تقل 
مسك _ حمدالله  على  السلامه 
سيف يرمقها بنظرات حاده وياخذ سليم ويذهب بعيد عنها 

بقيت  اهدي في  سليم  لغيت  ما نام وبعدين  دخلته اوضته نومته وطلعت  

مسك _ سيف في ايه 
سيف بحزم _ سؤال  
مسك _ ايه  





سيف  _ روحتى  لخالد البيت 
مسك بتوتر _ ايوه بس  علشان  اخليه يتنازل 
سيف _ دخل اوضتك في  تركيا واداكي الباسبور  
مسك _ اه بس  انا  والله  ضربته وجريت،   
سيف بمقاطعه _ انا  مش  سألتك خالد  دخل اوضتك ولا  لأ  قولتي مدخلش 
مسك  بدموع  _ خوفت تزعل  والله  
سيف _ وخليته يتنازل ازاي 
مسك  _ بالفيديو  اللي  مسجلاه ريماس  
سيف  _ قابلتيه تاني  علشان  الفيديو  
مسك _ لا والله  أبداً  انا  بعتهوله في  رساله  حتي  شوف  

خدت منها  التليفون  وسمعت الفيديو بتاع ريماس وبعدين  ادتلها التليفون تاني  واتجهت للباب علشان  امشي  وهي وقفت قدامي  

مسك بدموع  _ انت رايح  فين  
سيف بصرامه _ ابعدي 
مسك تطوق وسطه بيديها _ سيف انا  اسفه  والله  انا  مقدرتش  استحمل  انك تبات في  السجن 
سيف يبعدها عنه _ اتحايلت عليكي  عشان  تصدقي  اني  مخونتكش واهي الحقيقه  بانت،  شوفي انتي  بقا هتطلعي نفسك  من المشكلة  دي ازاي 
مسك _ عشان  خاطري  يا سيف  ،  وحيات  ربنا ما قصدت اضايقك ولا  اكدب عليك  علشان خاطري سامحني  
سيف يبعدها  عن طريقه  ويمشي 

طلعت  من البيت  وروحت بيت  بابا  اطمنت عليهم ودخلت اوضتي هناك وقفلت علي  نفسي 

زين 

خلصت شغل وفتحت الفون لقيت رساله فيديو من مسك،  وبعد  ما سمعته اتصلت  بيها،  ولقيتها بتبكي 

زين  بقلق _ مالك 
مسك ببكاء _ سيف زعل مني وساب البيت 
زين  _ هو  طلع  من السجن  امتي 
مسك _ من شويه،
زين _ طيب انا جايلك 
مسك _ بسرعه 
زين _ اوكي،  مش هتأخر،  باي 

طلعت  بسرعه،  ومفاتنيش   اني  ابص لبلكونة نسمه، عشان اطمن قلبي بشوفتها،..  وكأنها عارفه  اني  واقف ف طلعت وشوفتها،.... وكانت واقفه من غير  اي تعابير،  بتبصلي وبس،  وقفت شويه ابصلها،  وبعد ثواني رفعت ايدها وكأنها بتكتب كلمه في  الهوا، 





 اشارتلها بأيدي بمعني ايه؟  لترد عليه  بأنها هتعيد تاني،  وبالفعل رجعت تكتب تاني وبردو مفهمتش،  اكتفيت بإبتسامه  واشرتلها بمعني باي ومشيت 

نسمه 

كنت قاعده في اوضتي ومليش نفس لحاجه،  وفجأه حآجه قالتلي ان زين بره،  طلعت  و وقفت شويه ابص عليه 




وافتكر الموافق اللي  حصلت بينا،  و وقفته معايا من  غير  ما يكون  عاوز مقابل،..  ف لقيت نفسي  بكتبله في  الهوا( بحبك يا زين)،  بس  هو  مفهماش،  وابتسملي وبعدين  مشي،  ف رجعت  مكاني  واتصلت بيه 

زين _ كنت خايف اتصل متروديش 
نسمه _ كنت  هرد 
زين _ حلو...  حبيبي  عامل  ايه دلوقتي 
نسمه  _ كويسه...  رايح فين 
زين _ رايحه  ل اختي 
نسمه  _ تصدق ولا مره قولتلي  حاجه عنك او عن عيلتك 
زين  _ لينا قعده  مع  بعض،  وهحكيلك كل  حآجه    
نسمه _ مستنيه 

زين  _ كنتى  بتكتبي  ايه
نسمه  _ مفهمتش؟ 
زين _ لأ  بس  حاسس انها  حاجه حلوة  
نسمه _ تفتكر تكون  ايه 
زين _ مش عارف  اتوقع 
نسمه _ لما  نتقابل هكتبهالك تاني لغيت  ما تفهمها 
زين  بإبتسامة  _ مستني 
نسمه  _ تمام،  متتاخرش انا  هفضل مستنياك في  البلكونة 
زين _ مش هتأخر 
نسمه _ مع السلامه 
زين _ لحظه 
نسمه  _ ايه 
زين _ i miss you 
نسمه  بإبتسامه  خفيفه  _ لما  اشوفك  هرد عليك 
زين  بإبتسامة _ اذا كده انا  هستناكي عندي في البيت
نسمه  _ تمام 

مراد 

سيف  دخل الاوضه  وقفل علي  نفسه  وكل ما اكلمه يقولي  سيبني دلوقتي  يا بابا

مراد من خلف  الباب  _ في  ايه بس يابني 
سيف  _ بابا لو مش  هتسبني انا  ممكن  اروح  اي اوتيل
مراد _ ماشي  حبيبي  براحتك،  

مسك بتيجي وتخبط عليه _ سيف افتح  عشان  خاطري  ...  لو بتحبني  افتح  ...    انا  عملت  كده  عشانك  واللهي...  سيف بالله  عليك  افتحلي،  انا  هموت  من غيرك 





زين  يجي _ في  ايه يا جماعة 
مسك  _ سيف  مش  راضى  يفتح
زين  يخبط _ سيف  افتح...  افتح  وانا  بس هدخل....  سيف  انت سامعني 

سيف  يفتح  الباب _ تعاله 
مسك  بدموع  _ سيف  
سيف  _ أدخل  يابني 
مسك  تمسك فيه _ علشان  خاطري  متسبنيش كده  
سيف يبعدها  عنه _ مفيش كلام  يتقال،  ادخل  يابني ( بيدخل  ويقفل الباب) 
مسك من الخارج  تبكي _ انت  عمرك  ما كنت  قاسي عليه،  معقول مش  حابب تسمعني مره  واحده





مراد _ تعالى واحكيلي ايه اللي حصل
مسك ببكاء _ خلية يسمعني الأول، انا عملت كده علشان بحبه مأذنبتش يعني
مراد _ طيب اهدي وفهميني في ايه

خدتها اوضتها وحكتلي اللي حصل

مراد _ انتي ازاي تروحيلوه بيته بعد اللي عملو معاكي في تركيا
مسك _ مكنش قدامي حل تانى علشان اخرج سيف من القسم 





مراد _ غلطانه وكان لازم تعرفي ان روحتك مش هتقدم ولا تأخر بالعكس ده كان ممكن يوصل للي عاوزة ومحدش كان هيمنعه 





مسك _ انا مكنتش عارفه اعمل ايه كل اللي جه في بالي اني ممكن  اقدر اقنعه يتنازل
مراد _ بردو غلطانه متبرريش لنفسك كتير 
مسك _ عارفه اني غلطت بس اعمل ايه علشان يسامحني 
مراد _ سيبيه لما يهدا وارجعي اتكلمي معاه 
مسك _ انت عارف ان سيف ممكن يهدي في حاجه زي دي
مراد _ غصب عنه هيهدا ويرجعلك هو ميقدرش يبعد عنك كتير 
مسك _ تفتكر
مراد _ افتكر، وبكره تشوفي
مسك _ يارب 

خالد 

مكنتش واثق ان سيف هيسكت ومش  هيبلغ،  ف خدت ميرال وسافرت 



لندن عشان لو اتصرف تصرف غلط معايا  اكون  حر واعرف اتعامل معاه 
تعليقات



حجم الخط
+
16
-
تباعد السطور
+
2
-